2005 年 10 月 19 日 星期三 【晴】

好慘呀，今日病左，但係因為要入學校做野，所以唔返工都唔得．．．後來入完學校之後真係頂唔順喇，都係要請病假去睇醫生呀．．．醫生話我病得好嚴重，因為我又發燒又條喘發作呀．．．所以醫生佢比左好多好勁既藥我，仲要我兩日後再去覆診．．．唉，人黑起上黎真係黑到暈架．．．

哈，我聽到我個好姊妹alice佢bid中左個broof做，真係好為佢高興呀，而且都好羨慕佢，因為佢既目標已經可以踏出第一步，可以嘗試創業．．．而我自己？唉，因為有太多既因素喇，我而家既所有目標都可能要放棄或者閣置．．．真係好唔開心呀．．．但係我知道，當一個人去到某個階段時，總係有d野係要去做，而要做到果樣野既時候，就唔多唔少都要放棄一d野去達成目標．．．冇計，我而家都係暫時維持原狀先囉，根本我冇得去選擇．．．真係好灰心架．．．

>>October 21, 2005 at 3:43:51 AM GMT+8

2005 年 10 月 18 日 星期二 【晴】

哈~ 真係好懶，放左一個星期大假，都冇寫過日記．．．真係對自己唔住．．．

今個星期一返工就好忙好多野要做，真係好唔習慣呀！如果仲可以繼續放假就好囉，唔洗成日返工要對住d賤人嘛！對得多賤人，自己心情都差好多．．．唉！

聽日我個上頭話要同我一齊見個案，唉，都唔知點算好，真係又驚又覺想死呀，好差麻煩囉．．．係極度討厭果隻．．．真係咁鬼死得閒既，自己冇野好做咩，煩到去我果度，痴孖筋架．．．而家我仲要病左好幾日都冇時間休息同睇醫生．．．我就黎死架喇．．．天呀！已經琴日同聽日都要返三節架喇，而家臨時又話星期六朝早要開會，所以我星期六又要返三節喇．．．我想死呀，點解抖都冇得抖下架．．．唉！

>>October 19, 2005 at 2:57:56 PM GMT+8

2005 年 9 月 29 日 星期四 【晴】

嘩～呢兩日好累呀，因為前日返完深宵，之後琴朝又比同事一早嘈醒左，因為琴日中心攪開放日呀，所以有野要跟進，攪到冇覺好訓，唉！好慘！跟住琴晚又去左男友度呀，夜晚睇左好好笑既周星馳果套回魂夜，真係笑到傻左．．．跟住又好夜先訓呀，今日又返上下喎，所以而家累到爆呀．．．所以都早d訓囉．．．好在跟住有三日假仔，可以抖抖囉．．．

>>September 30, 2005 at 2:12:12 PM GMT+8

2005 年 9 月 25 日 星期日 【颱風】

哈~ 今日同表姐係icq度講開佢就黎結婚既事時，同媽咪傾開計，突然媽咪就講起問我幾時結婚既問題．．．hehe~ 其實早兩日男友有問過我呢個問題，我當時講真真係有少少不知所措架．．．其實我又唔係唔想結婚，當然啦，可以同自己深愛既人永遠係一齊係一件好事，之但係我一來仲有好多野未有心理上既準備，二來我仲好想過多陣單身同埋同屋企人一齊生活既日子．．．所以．．．真係好矛盾下．．．唉，不過我都係走唔出架喇，始終要同男友去討論呢件事既．．．

>>September 26, 2005 at 3:01:14 PM GMT+8

2005 年 9 月 24 日 星期六 【驟雨】

唉，琴日好慘，琴朝早起身又嘔又肚瀉，最後到左夜晚已經唔得喇，由爹地同男友送左我入急症室．．．當時真係好驚呀，都唔知點好，個胃同腸又好痛喎，唉，又要打針針．．．好痛呀，而家都仲痛緊，好慘．．．坐唔到訓唔到呢．．．

今朝六點幾好唔舒服起左身，探個熱就發燒成102度，唉，好慘，好在後來再訓多陣，食左藥，退左燒囉，咁樣就返工囉，由妹妹陪我返呀，因為佢怕我有事．．．

今次我病一病又知道左屋企人係好錫我架．．．

>>September 25, 2005 at 2:03:02 PM GMT+8

2005 年 9 月 22 日 星期四 【驟雨】

哈，今日去左見工，咁o岩又同個好朋友仔一齊見同一份工，真係好特別呀，今次係第一次架咋．．．我地大家都希望是但一個可以成功呢份工呢．．．見完工之後我地一齊去左旺角行街食野，之後我就同男友一齊行街街，點知天氣太差喇，唯有返屋企啦．．．

係屋企我地一家人一齊玩cash flow遊戲呀，真係好好玩，我地又拎番d好耐冇拎出黎玩既遊戲，例如大破產咁囉．．．哈，好開心呢！

哈，聽日要返工喇，真係有少少唔慣呀．．．哈，而家三號風球，如果聽日八號唔洗返工就好囉．．．．

>>September 25, 2005 at 1:59:06 PM GMT+8

2005 年 9 月 20 日 星期二 【晴】

唉~ 今日終於完晒個陪審團角色喇．．．但係最後有少少心up呀，因為我地裁定左被告有罪，見到佢家人哭成淚人時，真係好唔開心．．．好在個法官佢既想法同我地既一樣，咁樣先至冇咁傷心．．．唉，終於完晒喇，真係有少少幻得幻失咁呀，而家hea左成個禮拜，真係唔慣要返工呢．．．哈！

今晚去左男友觀塘既家，我地特登試下夜少少去apm果邊行下，點知．．．o車，d舖頭十一點都關門喇，只係得好少有開，同埋個美食廣場囉．．．不過好在我地都食左一個好抵食好好味既pizza餐，都幾好既．．．聽日我會陪男友一個朝早，真係好開心呀．．．

>>September 25, 2005 at 1:59:14 PM GMT+8

2005 年 9 月 16 日 星期五 【晴】

今日終於要返一返工喇．．．去左兩日陪審，真係有少少唔習慣要返工，仲係要返三節呢．．．今日都唔多想做野，不過事實上又有好多野要做，哈！

聽日就係中秋節，但係天氣咁差，都唔可以有咩可以玩囉．．．

>>September 19, 2005 at 2:07:45 PM GMT+8

2005 年 9 月 14 日 星期三 【晴】

哈~ 從來都冇乜抽獎運既我，今日竟然發生左一件事係我身上，就係．．．我竟然去參加陪審團抽中左．．．男友上次都有去過，但係佢話好難抽中架，事實上都係，果度共有成八十人，共有兩個庭要抽人，每度要七個人，咁都抽中左我．．．哈！其實我都應該要買番張六合彩喇．．．

不過做陪審團都幾好玩架，都學左好多未試過既野架．．．唔，仲要做到下星期五呀．．．都幾好，可以承機唔洗返工．．．哈！

係喇，要多謝阿芬，佢仲記得我生日．．．哈，雖然係遲來的一句，但係我亦很開心呢．．．多謝你呀，阿芬．．．．

>>September 19, 2005 at 2:15:57 PM GMT+8

2005 年 9 月 12 日 星期一 【晴】

今日返到公司後唔舒服，嘔左兩次，所以後來都請左病假走左．．．後來睇左醫生，就係咁訓，訓到個人溫溫地咁．．．聽日又要繼續博殺喇．．唉

>>September 13, 2005 at 4:00:07 PM GMT+8