2004 年 8 月 11 日 星期三 【晴】

唔，今日好唔開心．．．因為．．．我唔小心打爛左我新買兼且我至愛既高飛杯，仲有，個杯係last一個喇(果間舖頭)．．．佢，高飛真係死得好慘，爛左個杯柄，仲係要碎晒果隻．．．唉！好傷心呀！我當時真係喊左出黎．．．個杯好死貴架，我真係好心up呢！唉！雖然男友佢好好，佢話無理由全香港都冇卦，佢話點都會搵番佢出黎，買過隻比我．．．講真，雖然我知道都冇乜可能，不過聽到都好心甜既．．．唔，不過我都係想要番隻杯呀！！嗚～

>>August 12, 2004 at 3:18:04 PM GMT+8

2004 年 8 月 10 日 星期二 【晴】

煉金術

給我一團熊火 試煉我
證明我這麼狠狠愛過
期望不多 只要得到過 你身旁 那寶座
給我一場洪水 冷靜我
眼淚太多已匯聚成河
力竭聲嘶請你喜歡我
什麼事都做過 都不能感動你麼

*原來暫時共你沒緣份
來年先會變得更合襯
頑石哪天變黃金 我可以等
融和二人是哪樣成份
但願虔誠能顯得吸引
用五十年溶化你 成就 金禧一吻*

不夠激情仍可靠耐性
對付你的冷酷及無情
沉默假使都算種本領 我一定 最安靜
深信忠誠遲會獲勝
那份固執終於都會被尊敬
如煉金般等你先轉性
除非遺失人性 怎可能一直結冰

Repeat *

頭白了 還在等 情人預約在黃昏
原來暫時共你沒緣份
來年先會變得更合襯
期待再苦再難堪 我都會忍
談情十年未晚不怕等
渡日如年仍覺得興奮
若最後能溶化你 何用 心急手震

>>August 12, 2004 at 1:43:29 AM GMT+8

2004 年 8 月 9 日 星期一 【晴】

唔，今日係一個值得開心既日子．．．因為救世軍請左我．．．雖然過程真係好艱辛，不過最後都渡過左喇，成功左喇．．．所以真係好感謝神，神真係係我最艱難既時候，給予我好多既力量去繼續堅持，讓我真正去依靠神．．．真係好感恩，我會好好珍惜你給予我既一切！

不過，今日同男友少少誤會，本來應該開心既日子，變成大家都唔多開心既心情．．．不過，有一點我係知道既，就係男友佢永遠都好會好錫我，我知道佢係好錫我架，佢會好好咁為我慶祝外，亦會好好咁指點我日後既路向，為我日後既將來而擔心，亦同時為我既前途點燈．．．所以，我都同時好感謝佢，我知道我之前誤會左佢係我錯，我真係希望可以衷心同佢講句：對不起！

我會繼續努力，我唔會因為一句：隨緣！就會放棄一切，亦反之我會更努力去做更多野．．．因為緣份其實都係可以由人去做出黎，一對人係咪有緣，反之是乎大家之間是否有心去繼續呢份緣．．．所以我會好珍惜外，亦會繼續努力落去．．．

>>August 11, 2004 at 5:31:56 AM GMT+8

2004 年 8 月 6 日 星期五 【晴】

唔，今日好好天氣，琴晚去左男友家，因為佢有朋友一齊黎玩．．．今日我地成班就去左游水，好開心．．．後來，下午收到電話，係救世軍打黎，佢話想搵我之前個老細傾傾，了解下我以前既工作．．．嘩，當時我心諗：死啦，都唔知我以前個老細會講d乜野，如果佢係度唱我咪死？仲有，我去面試時其實都冇點提過自己既衰野，仲有少少老吹，我真係好驚千年道行一招喪呀！唉！真係令我好好好．．．．擔心！

不過好在，後來又收到另一間中心打黎叫我下星期二去面試，都好，仲有機會．．．唔，希望真係可以快d搵到工啦．．．

>>August 8, 2004 at 11:42:53 AM GMT+8

2004 年 8 月 5 日 星期四 【溫暖】

唔，今日去左和諧之家果度面試．．．嘩，傻架，佢都唔知點約人架，我睇佢真係十五分鐘一log十五分鐘一log咁．．．不斷不斷有人黎，一次過有成十幾二十人係個中心度，有兩班做written test，有一班係度白等，有一班就入左去gp int．．．傻架，簡直晒我時間，我足足等左好死耐，最後成五點幾先走人．．．唉！不過我都對呢份工唔多期望，一來自己唔尥興趣，二來自己都唔太滿意個情況，所以都唔會諗架喇．．．唔，希望救世軍或者明愛果邊有消息啦．．．明愛果邊今日打黎，話小學果個post既老細想見我，話會自己遲d約我喎，唔，希望早約早見，快d可以有工開就好喇．．．

>>August 8, 2004 at 11:46:51 AM GMT+8

2004 年 8 月 3 日 星期二 【晴】

哈~ 今日好忙呀！朝早去左元朗古蹟遊，跟住十二點幾就走返屋企，準確性五點要去明愛度面試．．．仲有今晚八點去2nd in添，所以好忙忙．．

今日我都覺兩個面試都幾好．．．而家兩份工都比左希望我，因為兩份都會一星期內會通知結果．．．所以而家好驚呀．．．一個星期內既生死在於此，有就有，一係冇就冇架喇．．．唉！好緊張呀！！

希望神給予我成功既機會啦．．．

>>August 5, 2004 at 5:55:45 AM GMT+8

2004 年 8 月 2 日 星期一 【晴】

哈~ 今日終於開始左我今個星期充實既面試旅程．．．今日一早去左富泰既救世軍度in，過程我都覺唔錯，而且感覺自己都應該有機會可以2nd interview，點知，剛剛就打電話黎，叫我聽晚去2nd in喇．．．嘩，我當時真係莫名既興奮，因為真係好開心呀！有機會可以2nd in喎，我一定會好好把握．．．不過聽日將會好充實同忙碌，因為聽朝會去男友中心舉辦既元朗古蹟遊，跟住下午就返屋企，去預備五點去又係富泰既明愛容圃度in，in完之後都唔知時間如何，因為8點要去救世軍度2nd in．．．唔，真係好興奮，到而家為止我心情仍未能平伏呀！不過我要打醒十二分精神，因為聽日將會好忙，in完一度又一度，會晒好多精力，所以今晚要再準備一下喇．．．

其實真係好感恩，好感謝神呀，我知道神一直係我身邊看守住我既．．．希望神繼續看守住我啦，讓我可以成功救世軍份工啦．．．

>>August 3, 2004 at 12:07:53 PM GMT+8

2004 年 8 月 1 日 星期日 【晴】

哈~ 今朝早又收到個電話叫我去面試．．．唔，好似好飄忽咁，有時就成個幾星期冇得面試，一係就今個星期有三日都要去．．．不過我都好感恩，神給予我咁多既機會去面試．．．唔，我真係好希望可以成功，因為我唔可以再係咁落去．．．希望大家都支持我，為我祈禱啦．．．亦希望神可以繼續看守我啦．．．

>>August 2, 2004 at 10:16:17 AM GMT+8

2004 年 7 月 31 日 星期六 【晴】

今日返左教會崇拜，因為今日係聖餐嘛！唔，不過都要感謝神給予我有兩個面試既機會既，真係希望可以成功呀！！

返完教會之後，約左個好姊妹本來去high tea既，點知high完之後就走左去旺角行街．．．雖然冇買野（其實都冇$買野喇！）不過都好開心，因為可以同佢分享左好多．．．其實一個人屈左咁耐，真係有時候想同人傾下計，但係講真，唔係個個都可以咁樣分享架，因為未必每個人都好明白你．．．但係我呢個好姊妹，當然係同我好夾啦．．．我地兩個都就黎生日喇，我都希望佢會有一個好快樂，好驚喜既生日啦．．．

>>August 1, 2004 at 2:02:23 PM GMT+8

2004 年 7 月 30 日 星期五 【晴】

唔，今日係男友佢舉辦既新居入伙party既日子，我屋企人都有出席在當中．．．過程都絃愉快既，不過我家人卻有少少覺得尷尬，因為當中除左有兩家人係度外，仲有男友既同事同老細係度，所以角色上有少少怪怪地咁，而且我有些朋友卻問我家人：你地係咪兩家見親家呀？其實真係有少少尷尬架，因為根本唔係！！唉，講真，如果真係對親家，都唔係係呢個時候啦，傻架咩？

除左今日有party玩開心外，仲有一個好消息，就係收到電話叫我去面試．．．其實星期四果日已經收到一個電話叫我去面試，而且呢個機構係我星期一先至寄信去，星期四已經叫我下星期三去面試．．．唔通真係咁急要人手？哈，我都唔錯架，請我啦．．．！唔，今日又多一個電話，又可以多一個機會．．．真係希望可以快d有份工啦！不過都真係好感恩既，可以突然間有咁快既回應，可以有機會見，都好過冇啦．．．

>>August 1, 2004 at 1:58:59 PM GMT+8