2005 年 2 月 25 日 星期五 【晴】

唔，今日男友本來要幫佢家姐手搬屋既，點知因為約左天使社群既義工，所以佢冇去到，最後我放工又當然搵佢食飯飯啦，真係好，連續兩日見到佢，雖然人地話見得多會悶，正所謂小別勝新婚．．．其實我都同意架，見少d會掛多d架，不過真係掛得太厲害時真係好辛苦架，不過我都同佢有成個星期冇見啦，連續見兩日都唔過份o者．．．不過大家聽日都要返工，真係冇乜返工mood呀！但係我聽晚會約左d中七舊同學食飯，都好，可以又聚下舊！跟住我又約左男友見面喇，真係開心，因為聽日我放假，之後佢連續兩日同我通唔到電話喇，因為佢要入camp呀，所以要好好把握聽晚陪下佢先！

>>February 27, 2005 at 8:38:03 AM GMT+8

2005 年 2 月 24 日 星期四 【晴】

哈！今日好開心，因為原本上個星期同男友度黎度去度唔掂今個星期大家係有時間可以見面，點知男友佢突然得閒，咁樣今日佢放假，下午就黎左富泰陪我食飯，真係好開心架，因為好耐冇試過喇，跟住放工我就出左旺角搵佢行街，不過同埋朋友一齊，但係都好開心咁渡過，最後去左佢度囉！

>>February 27, 2005 at 8:33:06 AM GMT+8

2005 年 2 月 19 日 星期六 【晴】

今日同中心既同事去左唱卡拉ok團拜，順便fairwell兩個同事走．．．都幾開心咁渡過，不過琴日打麻雀果百五蚊就咁就洗左喇．．．．唉，總知係咁洗左，不如同男友一齊拎錢出黎食餐勁既好過喇．．．不過算啦，做同事呢d野，人地走都要做番d野既，係咪？而且去得唱k既，就預左洗咁多錢架啦，算啦，冇幾可．．．

>>February 27, 2005 at 8:30:52 AM GMT+8

2005 年 2 月 18 日 星期五 【晴】

hehe~ 今晚去左男友度，因為我地有班朋友去左男友屋企度拜年，咁我放工後就雞咁腳走去啦，因為好難得可以成班朋友一齊玩．．．去到男友屋企，佢地係度打緊麻雀，其實我都唔係咁叻打麻雀架，不過後來見悶悶地，就叫我男友比我落場代佢打，當時佢已經好叻，係冇低金係已經賺左百幾蚊，點知到我一落場，我就即刻食左鋪自摸八番，跟住落去梗係唔洗講啦，我完全係賺得最多新年財既人啦，總後結算我同佢total有成三百蚊，就咁兩個人分左d$喇，真係開心．．．而家數數下，夾埋利是錢同今次d$，應該有成千零蚊喇，真係開心死．．．

>>February 27, 2005 at 8:28:45 AM GMT+8

2005 年 2 月 17 日 星期四 【陰】

嘩，今日返到中心，先知道我個隊長佢琴晚腸抽筋，今日同聽日請病假，話佢感冒入左腸喎．．．嘩，好嚇人呀，真係好驚．．．大家都要小心身體喇，唔好比呢個”冷鋒”整病自己呀，我已經係其中一個受害者架喇，希望大家小心小心啦．．．好好保重，我自己都要呀．．．

>>February 19, 2005 at 2:38:03 AM GMT+8

2005 年 2 月 16 日 星期三 【晴】

唉，係咪衰呢，琴日食咩雪榚呢，攪到今日病病喇．．．

今朝睇完醫生之後返黎屋企就係咁訓，點知訓到半知半，比個神經電話嘈醒左我，果個咁既死人電話仲要係喂極都冇人聽果隻，而且仲係．．．”每隔兩秒我都想起你”（趙學宜果隻”每隔兩秒”）每兩秒就打一次黎，我數過喇，總共打左成三十幾次黎，我打番番去又冇人聽，好明顯係條友冇lock到個key，攪到係咁打黎．．．咁之後我咪即刻飛番自己個手提先，但係又唔係打比我喎，咁我咪打比媽咪問佢有冇朋友係呢個電話架囉（好在我屋企而家有來電顯示o者)，點知媽咪又話唔識呢個人，咁我又打比我個妹．．．就咁就出事喇．．．原來係我個妹既同學，佢仲要同我個妹一齊食緊飯，佢坐住左部電話，佢唔知自己冇lock個key．．．唉！天呀，我病緊架嘛，玩埋d咁既野．．．我之後叫左我個妹警告個同學仔以後記得要lock電話喇．．．真係好麻煩呀！激死．．．

>>February 19, 2005 at 2:35:59 AM GMT+8

2005 年 2 月 15 日 星期二 【陰】

唔，今日係機構既春茗．．．其實．．．我覺得真係好差勁囉，去果間什麼海洋皇宮度食，間野又殘又舊，d野又唔好食，仲衰過我今日lunch去茶餐廳食果d野呀，oh! no!　加上抽獎既禮物又少又cheap，真係同我之前間機構比差好遠，呢間機構真係好窮．．．唉，風光既時光不再囉．．．都係接受罷啦．．．

不過算啦，今日又唔洗錢，今年第一年入黎做，唔通唔去咩？點都要比比面既．．．亦因為d野咁難食，所以我地食完條魚就走人囉，後來去左hargadise度食雪榚，哈！我都知自己貪吃架喇，明知自己咳到死咁都要去食．．．不過實在太吸引人丫嘛，加上成班同事去喎，唔通又唔去咩？所以．．．都係抗拒唔到既．．．hehe(藉口)！

>>February 19, 2005 at 2:31:10 AM GMT+8

2005 年 2 月 13 日 星期日 【陰】

唔，今日係情人節，願祝天下有情人終成扣肉啦．．．
而我？今日本係自己一個人過既，因為男友要返工丫嘛．．都冇計啦，係咪？所以咪到我自己去花下心思．．．一朝早起身去買材料煲湯．．．哈，跟住下午就拎去男友中心度送比佢飲．．．哈，梗係甜到入心啦．．．

後來，我等男友放工就接埋佢一齊番入元朗，仲食埋餐情人節宵夜．．．雖然餐野唔多好食，而且食得有少少勞氣，不過最緊要係同佢一齊過丫嘛．．．

情人節快樂！

>>February 15, 2005 at 5:28:27 AM GMT+8

2005 年 2 月 3 日 星期四 【晴】

唔，琴日本來係我地正式既拍拖六周年紀念，不過因為我地兩個都要開工返夜呀，所以今日大家先再一齊出去行下，玩下，男友仲送左一隻我地以前一齊帶過既情侶手錶比我，叫我將以前果隻收好佢，帶隻新既．．．哈，真係好lum架．．．

>>February 14, 2005 at 10:36:09 AM GMT+8

2005 年 1 月 30 日 星期日 【晴】

哈，今日好開心．．．經過琴晚夜唔開心後，我要再次振作．．．今日同男友去左貝澳呀，因為我地要慶祝我地拍拖六周年嘛．．．玩得好開心，完全係回味番以前六年前未拍拖時既感覺．．．唔，希望可以繼續維持到啦．．．

>>February 14, 2005 at 10:36:52 AM GMT+8