2005 年 12 月 11 日 星期日 【陰】

唉，終於完成晒所有既handover野喇，而家一身都鬆晒．．．不過最尾果日都捱得好辛苦，一方面努力做paper之外，亦不時要應付d case喎，最尾咪攪到我最尾果日都要'開OT囉，哈~ 不過都OK既，因為果晚最尾都坐左YND車走，因為實在有太多野要拎走喇，都好"呢HAIR"下架．．．

唔~ 而家終於可以鬆一鬆先，好好咁去計劃一下自己既前景．．．

>>December 12, 2005 at 9:13:37 AM GMT+8

2005 年 11 月 27 日 星期日 【晴】

哈~ 而家近日成日忙於去做handover既野，好叉煩囉．．．唉！好多野要做，仲要做埋d唔關事既多餘野，好叉煩囉，人地都走啦，仲要人地做埋d無關痛癢既事喎，佢都有問題架．．．

不過當我豪比佢囉，都走囉，費時同人fight啦，係咪，好來好去做埋佢算喇．．．

今日本來約左個好姊妹同埋佢個男朋友仔食飯，點知佢男朋友仔突然放左飛機，攪到個姊妹好鬼死嬲呀．．．希望佢唔好嬲男友仔啦，人地都係做野o者，唔好怪佢啦，我都冇怪佢囉，係咪？不過都好既，可以有機會又行下街仔，不過今日冇收獲呀，唔多開心咁囉．．．

>>November 28, 2005 at 4:32:18 PM GMT+8

2005 年 11 月 23 日 星期三 【晴】

今日男友生日，係度祝佢生日快樂，心想事成，快d發達啦．．．哈！

今日最衰佢要返工啦，仲要係返下夜，所以冇辦法啦，我咪返早一節囉，之後就用最快既時間返屋企整蛋糕，之後就去左佢中心陪佢食晚飯，仲送埋舍蛋糕比佢添．．．好開心呀．．．其實如果唔係我聽朝要去面試我今晚一定陪佢耐d架．．．唉！希望佢唔會嬲我啦！

>>November 28, 2005 at 4:37:15 PM GMT+8

2005 年 11 月 20 日 星期日 【晴】

嘩，琴日同今日同男友仔去左露營呀，去左西貢個灣仔營地，都幾正丫，果度又有浴室同廁所，環境真係唔錯，我地去左西營果邊，個地方好大，成個足球場咁大呀，但係因為我地去果日係星期日，所以冇人呀，成個場我地玩晒囉，幾好玩架．．．不過果日既天氣真係麻麻，又凍又大風，初時好驚個營會扎唔穩，點知都幾好，成晚都好平安咁渡過，仲有d狗狗周圍走陪住我地添，可能仲有d牛牛一齊食住草草陪我地架．．．哈！一句講晒，好玩．．．

>>November 28, 2005 at 4:35:19 PM GMT+8

2005 年 11 月 14 日 星期一 【晴】

今日真係攪笑．．．我今日入完學校番去中心後，就走左去同我個隊長講，問佢係咪老細已經通知左佢我辭左職，佢話比我知佢係今日副主任話佢知先至知道．．．當時佢個樣好似有少少突然咁，而且仲有少少無奈．．．我跟住問佢我地幾時傾點樣handover既野．．．佢就問左我點解會辭職，我都好求其咁話佢知我想有多d發展空間，或者可能會轉行添．．．大家傾完之後，就有個同我好fd既同事同我講，話原來我返去之前我隊長問過佢點解我會走，而個同事就梗係好醒咁答佢唔清楚啦，叫佢自己去問我．．．唔，其實有人問過我有猜後悔過，我真係好理直氣壯咁答冇呀，因為我真係唔可以再忍受冇自尊，冇自己，冇認同既地方囉．．．其實如果果份工我係做得開心既，有野我之前要既野既，我做得幾辛苦，要我幾重頭黎過我都肯去做囉，但係就係因為我覺得呢份工係唔值囉．．．我而家反而覺輕鬆左好多，唔洗再去唔開心落去，可以有多d空間去計劃下自己既前景同要走既方向囉．．．

>>November 18, 2005 at 6:41:56 AM GMT+8

2005 年 11 月 10 日 星期四 【晴】

唔~ 今日終於鼓起左勇氣，將封辭職信交左比老細喇．．．佢當時好驚訝呀，佢初時以為我交封職位申請信比佢添(因為之前同佢提過有興趣apply同事個post丫嘛)，但係我話佢知你辭職信時，佢眼都大埋咁望住我．．．

其實我而家個心情都幾矛盾下，一方面係覺輕鬆左既，二來覺得有少少幻得幻失咁，尤其係我唔捨得d client囉，我同佢地講我走果時，佢地都好唔開心呀，攪到我都好唔開心，但係又要鼓勵佢地反而要祝福我喎．．．我知對佢地黎講係一件好難既事黎既．．．．

點都好，而家要等上司同我傾點hand over d工作，大老細就想我再做多少少．．．其實我唔想囉，都走喇，仲攪乜鬼丫．．．睇下點先啦．．．

>>November 13, 2005 at 2:59:00 AM GMT+8

2005 年 11 月 7 日 星期一 【晴】

唉! 今日終於把心一橫去同老細講想轉post，點知．．．佢竟然話都要我依足程序去入信申請喎，真係吹都bear一聲呀，只不過係我唔洗要1st in咁囉．．．o車，咁我洗乜問佢丫，我自己唔識得申請份工咩，佢都傻架．．．

唉，而家覺得好煩呀，一方面好想轉工，另方面又有太多因素同limits喇，我唔可以輕易咁轉工．．．唉，好煩呀．．．．

>>November 8, 2005 at 12:08:17 PM GMT+8

2005 年 11 月 6 日 星期日 【晴】

唉~ 鬥爭過後又是要面對事實既時候喇．．．真係要好好咁計劃一下自己究竟點樣先至可以達到目標．．．其實．．．我自己都好擔心會達唔到，同埋最後都會再次係一個唔好既結果．．．天呀！好煩惱呀！！

>>November 8, 2005 at 12:06:11 PM GMT+8

2005 年 11 月 5 日 星期六 【晴】

他說….

「只要你開心便行了!」



他說….

「你想怎樣, 我都希望盡量可以迎合你…」



他開始說….

「你的想法好似有點兒不切實吧!」



他說….

「你現在突然轉了念頭, 你又想怎樣?」



他跟著說….

「你的想法一點都不堅定, 你其實想怎樣? 你是否需要好好的再想想?」



好了, 他再說….

「對不起…我覺得自己根本無法迎合你的要求, 我不知如何是好?」



最後他說….

「對不起…我認為你不適合我, 或許是我不適合你吧, 當是我的錯吧…不如大家就此算了, 好嗎?」


我說….
「只要能與你一起，我便會快樂！」



我說….

「我從來沒有特別的要求過什麼，只要是與你一起便行！」



我說….

「我希望我們的將來是……….」



我說….

「雖然我轉了念頭，但我的心仍然向著你! 我仍然期待我們的將來…」



我再說….

「你這個自私鬼.!! 我真的要想嗎? 只是我一個需要去想? 為什麼你永遠就是那麼的堅持己見? 你能放開懷抱地去想清楚嗎? 你又何曾有為我而設想? 你有體諒過我嗎?」



好了, 我再說…

「你說你無可能做到我的要求, 你認為我真的是一個那麼蠻不講理的人嗎? 那你又有否給予過空間讓大家再去想想或者去商討過呢? 你認為真的不可以有空間互相協調?」



最後, 我無奈地說….

「是, 或許是我的條件不乎合你….因為: 我冇金錢, 我家境出現困難, 我無法放棄自己的家庭; 我有很多的理想要去滿足, 但我卻不願意犧牲自己的理想; 我還想去轉變現狀, 但我卻做不到開懷地面對逆境….同時, 我覺得你亦有錯, 就是你從來沒有體諒過我, 你從來沒有給予空間大家好好的再去商討清楚, 你永遠只是堅持自己, 一意孤行…這是你選擇的!」



我心想: 「我放不低, 我什麼都不能放低! 是否就為了這些而令大家的共同目標破碎了嗎? 值得嗎? 令人高興嗎? 這是大家所願的嗎? 為何每次痛苦的都只是我一個? 你感到痛苦嗎? 你常說掛念我, 你其實是掛念我的軀體, 還是真的掛念我們的一段愛?? 你說你很失望, 我同樣地覺得很失望, 這是我不想見到, 不想遇到, 不想體會的一件事….我知道你將會很快能放得低這些事, 因為我這件事從來在你心中並不是什麼一件重要的事! 但我? 我不知自己會如何面對, 亦不知道自己需要多少時間去面對及適應…或許到了現在, 我亦只能夠無奈地向你說聲: 多謝! 及 再見!」

>>November 6, 2005 at 10:46:41 AM GMT+8

2005 年 11 月 1 日 星期二 【晴】

嘩~ 實在1耐冇寫過日記喇，真係好懶，而且都比較忙碌，所以都．．．哈

今日好慘，因為琴晚半夜氣喘又發作喇，所以今朝早都去左睇睇醫生先．．．醫生話我都喘得好厲害，相信我d氣管縮得好厲害呀，連佢都聽唔清楚我既呼吸．．．醫生建議我與其睇醫生睇得咁密，不如食一d長期性既藥物去控制住個情況，總好過一有時先至去睇醫生．．．唉，講真，我唔想自己成為左長期病患者呀，始終唔係咁好咁，我都唔想太依賴藥物架，但係當我有事時都冇辦法．．．

唉，聽日又要入學校喇，真係唔抵架，因為要早一個鐘返工，不過冇計！

唔，星期五約左個好姊妹食飯，好期待呀！

>>November 2, 2005 at 11:37:40 AM GMT+8