2004 年 8 月 27 日 星期五 【雨】

yeah~ 今日都好開心，因為放左後去左阿哥度玩．．．阿哥而家住村屋，所以去佢度燒野食．．．不過今日天公不造美，成晚都落雨呀．．．不過都幾有情調既，落住雨燒野食都係第一次咋．．．除此之外，仲同阿哥兩隻狗狗玩，好得意呀！佢地好活潑架，係咁叫我同佢地玩，又係咁錫我，真係lum食人架．．．希望可以再有機會去同佢地玩．．．

>>August 31, 2004 at 3:46:25 AM GMT+8

2004 年 8 月 26 日 星期四 【雨】

哈~ 今日係我生日，梗係多朋友打比我同我講句生日快樂啦！不過，最開心都莫過於有三個我新識既女，佢地平日冇咩錢架，我地都係識左一個星期度，佢地今日竟然夾錢送左個生日蛋糕比我同我慶祝．．．我真係好好好．．．．感動呀！當時真係有少少想喊出黎，不過當然冇啦．．．哈！

今日其實成日都冇心情做野，因為等住收工可以同男友一齊慶祝．．．點知最後都係去左佢屋企度，食佢阿媽煮既飯．．．唉！不過都過左好開心既一晚．．．

>>August 28, 2004 at 4:57:16 PM GMT+8

2004 年 8 月 25 日 星期三 【溫暖】

yeah~ 今日係爹地同我隻貓貓波波既生日，首先同佢地講聲生日快樂先！希望佢永遠健康快樂！

今晚好開心，因為男友佢係我做新機構後第一次黎接我放工，跟住我同一齊屋企，等爹地放工番黎之後一齊慶祝爹地啦，我啦，仲有我隻貓波波既生日．．．真係好開心．．．．媽咪佢一早買左個我最鍾意食既黑森林蛋糕返黎，而男友佢又準備左一支香檳等我地一邊食蛋糕一邊飲香檳．．．唔，真係好開心．．．不過，唉，又大一歲喇，真係．．．哈！老喇．．．女仔唔同男仔呀．．．越來越大個喇，點好呢？

聽日先正式生日既日子，又可以同男友一齊慶祝食飯喇．．．好期待呢！

>>August 27, 2004 at 4:50:11 AM GMT+8

2004 年 8 月 23 日 星期一 【溫暖】

嘩~ 今日都幾忙，下午返到中心之後就做左一陣paper work，跟住就跟同事落左區行．．．最後行左成兩個鐘呀，不過都好充實．．．衰在天公不造美，成日落雨，攪到行程好麻煩之外，心情都令人差d．．．到左夜晚，我又同左同事一齊出左良景度見case，唔，都幾好，成機可以早少少走人，哈~ 因為良景近我嘛！

不過，今日比我發現左一樣好野，就係比我終於搵到一個返工又方便又最平既方法．．．好開心．．．因為可以慳d時間同$嘛！不過麻煩在要預到d時間好準先至得囉！

哈! 好開心，可能就黎到生日卦，知道男友佢會陪我過生日，而且都會有些少準備咁，都好安慰架．．．講真，生日呢d野雖然年年都有，但係真係睇你有冇心去為你深愛既人去做番一d野，去令到對方覺得你係著緊佢．．．我感覺到，所以我好開心咁期待自己生日果日．．．其實神都對我不薄，神起碼送左一份好好既禮物比我啦，就係可以比我搵到而家份工嘛！所以我都好感恩架！

>>August 24, 2004 at 2:49:40 PM GMT+8

2004 年 8 月 20 日 星期五 【雨】

今日中心攪大班社區活動，所以好早返左中心去幫手同準備．．．好慘呢，今日又要走來走去，又要搬野，又要講野．．．好累．．．加上我又有少少感冒，所以真係好辛苦呀！真係企足成日！最後，好在活動都順利完成．．．

>>August 21, 2004 at 4:05:46 PM GMT+8

2004 年 8 月 19 日 星期四 【晴】

哈，今日係我個好姊妹生日，係呢度再次祝佢生日快樂，身體健康，越來越靚，快高長大，蜜過亨通．．．

唔，今日淨係返下午一節，所以都係抱著輕鬆既工作心情返工，做野做得好慢，有少少覺得悶添．．．不過其實我而家手頭已經有好多功課要做架喇，下個星期真係要的起心肝去做喇．．．

唔，好掛住你呀，老公．．．

>>August 21, 2004 at 4:03:56 PM GMT+8

2004 年 8 月 18 日 星期三 【乍寒還暖】

唔，今日既日子都幾充實，因為都幾多野攪架．．．今早就陪左妹妹去2%度換野，因為琴日佢買左條褲唔o岩著囉．．．點知果間咁既死人野唔肯換喎，哈，佢預著我真係唔好彩，我往往都係一d點都要爭取個人權利既人，所以我不斷同佢講道理，咁佢冇理由唔比我換size卦，唔通要我用條褲黎扮街咩？仲有，佢竟然叫我地既然之前試過條display係o岩既，不如就要條display．．．嘩，有冇攪錯呀，要個客要條display，佢又唔係冇貨，我都係想要條o岩size架o者，唔洗咁嘛？最後我同佢講道理講左好耐佢先肯換條大少少既比我地．．．真係氣死我．．．

跟住下午就趕番中心，因為下午我約左幾個女一齊出OR，順手叫佢地介紹朋友我識．．．點知一來佢地好早就上左中心搵我傾計，一傾就傾左成粒鐘，後來落左區行左一陣，都未可以好切實咁識到新人．．．不過算，我會繼續努力．．．而家黎到呢一步，已經有三個女同我關係唔錯，都幾好架喇，我都幾欣賞自己．．．哈，要繼續努力呀！跟住行完區，又要做ORIENTATION呀，好慘，真係三日都要做，人都死．．．不過應該冇架喇．．．

到左夜晚，老細有URGENT野要我地總動員去幫手，咁本來我都想打下琴日既IN TAKE資料同埋今日既OR LOG都冇時間．．．唔，聽日仲要幫手打好多電話去學校度問野，真係多野做喇．．．不過我鍾意，好過悶到發霉丫．．．．

頭先男友放工就打比我，我好開心聽到佢把聲，其實佢今朝返工前都打過比我架．．．所以真係好開心，因為確實好掛住佢．．．成個星期冇見喇．．．好MISS佢呀！嗚！

>>August 19, 2004 at 3:17:56 PM GMT+8

2004 年 8 月 17 日 星期二 【陰】

今日既感覺比起琴日好少少，可能今日終於見到我個TEAM 既副LEADER啦，佢為人比較多野講，同埋好識得介紹我比同事去認識，亦好識得去同人溝通，所以感覺都唔太差．．．加上可能今日都開始有少少野做下，所以都冇琴日咁悶足三節丫．．．今日終於識到幾個新女仔，希望可以快D攪掂做CASE就好喇．．．正正因為我知道中心既老細SUPERVISOR佢要求好高，尤其對新同事更有一定既期望，所以我先唔想衰，想發D有得發揮一下．．．唔，希望成功啦．．．

>>August 18, 2004 at 2:41:03 PM GMT+8

2004 年 8 月 16 日 星期一 【晴】

唔，今日第一日返工，仲要返三節，好辛苦呀！加上，呢度D同事好怪架，我主動同佢地打招呼，佢地都好似唔見到咁，仲冇反應咁．．．有D仲怪，明明見到有個新同事坐左係度，都好似腸唔到咁，唔會主動問你係乜水．．．最激氣既係，裡邊明明係有一個人本身自己識既，佢係我男友以前既同事黎，所以我都識佢．．．點知，我一去到佢竟然有好客套既說話同我講野，仲之後一句都冇同我講過野，只係不斷同其他同事大聲講大聲笑，完全當我冇存在外，亦當係完全唔識我咁．．．我感覺好怪好唔舒服囉，講真，識我又點呢？會有殺身之禍架咩？真係唔明．．．不過算啦，人地當我係一個新同事咁，我咪又當佢係一個我新識既人，我從新去再認識佢呢個人囉，係咪？

我個TEAM LEADER佢返埋今日就放大假，所以先要我今日返工．．．佢走之前仲比左好多好多野我去做同跟．．．都好既，雖然有一定既困難同難度，不過都好過黎到冇野好做既．．．

>>August 18, 2004 at 2:38:25 PM GMT+8

2004 年 8 月 15 日 星期日 【晴】

唔，聽日開始要返工喇．．．心情真係有少少緊張同擔心呀！因為真係太耐冇返工，好怕自己tune in唔到．．．加上，聽日要返成三節，足足要orientation三節呀，好慘．．．真係怕自己捱唔到呀！

中心果邊話我呢兩個星期既更表都已經為我安排左．．．其實，我冇乜要求，只係希望我生日果日可以放早o者，因為我想為自己慶祝下嘛！

唔，希望聽日第一日返工順利啦．．．

今日同左d舊同事食飯(FOS)，知道佢地做野都好忙好辛苦．．．唔，希望我地大家一齊努力啦．．．

>>August 16, 2004 at 2:40:56 PM GMT+8