2004 年 12 月 15 日 星期三 【晴】

嘩，今日好早起身呀，六點幾呀．．．因為要一早入去香港戒毒會石鼓州既戒毒中心．．．不過都幾正，果度簡直係好似一個渡假村咁，裡邊所有野都係自給自足，包括所有生活上既問題，好似水，電咁，都係自己攪，而且成個環境都好正，好環保，真係令人有置身世外桃源咁．．．不過叫我係果度住我就唔制喇，同外間咁間斷，我真係唔制啦．．．

不過最正既，第一係可以撞番個舊同事，ringo，佢睇黎係度都做得好好；二來我識到好多戒毒工作既同工，對第日既工作都應該有好多既幫助．．．

>>December 18, 2004 at 4:56:01 AM GMT+8

2004 年 12 月 14 日 星期二 【晴】

哈~ 今日返一節咋，所以都幾開心．．．放工之後就走左出九龍同媽咪姨媽去飲茶，飲完茶之後我就同妹妹一齊去左剪頭髮．．．實確要剪剪頭髮喇，因為由今年一月電左個頭之後到而家都冇再整過喇，我要聖誕節靚靚咁出街，我要耀目全場架嘛．．．哈~

最後我都整左個負離子直髮，完全係另一個新既形象呢．．．唔，我都好滿意呀，不過男友就一直都冇機會可以見到喇．．．真係有少少失望添．．．

>>December 18, 2004 at 4:52:37 AM GMT+8

2004 年 12 月 10 日 星期五 【晴】

嘩~ 成十日冇寫過日記喇．．．一來係自己懶，二來係有時好忙，實在太累喇，攪到都唔想寫喇．．．唉～

就黎聖誕節，又係破財既日子，因為要買好多禮物比人呀．．．中心又攪聖誕派對，朋友仔又有交換禮物活動咁．．．好慘呀！窮過鬼．．．．而剛好又同男友一齊整左個基金儲蓄戶口，而家每個月都要儲成千幾蚊，都幾死架，加上下年開始又要減人工．．．講起真係想喊，因為減完既人工就等如我剛入行果時既人工呀．．．好慘囉，做左三年野，點知智攪到入職時既人工囉，同未做過有咩分別呢？唉！點解人總係要為錢而煩惱架．．．好煩呀！

>>December 11, 2004 at 4:08:12 PM GMT+8

2004 年 11 月 30 日 星期二 【晴】

唔，今日又係一號，又係新既一個月份．．．第一下我只係諗到．．．我份糧一出左之後，除左係紅簿仔度會出一出現下之外，跟住個數字都只會不斷急劇下降，直至谷底．．．哈！真係好慘，每個月出糧都總係咁樣，眼白白睇住d錢好似唔知去晒邊咁，真係好肉痛！

不過，零五年開始越來越近我地喇，呢一年真係好似過得好快咁，又一年喇．．．唉！真係好令人感慨，尤其當中我一年之中跨越過兩個工作既環境，由原本好好既工作環境，轉到一個較為惡劣既環境．．．當中真係有好多既變化！不過我都希望呢ｄ可以變成一個過去，將來會有更好既將來．．．

琴日返完深宵，其實比平時冇咁疲勞，可能冇之前一個星期出一次深宵咁辛苦啦，要捱都總可以捱得到既．．．

>>December 1, 2004 at 4:45:42 PM GMT+8

2004 年 11 月 28 日 星期日 【晴】

唔，其實近日同男友既感情越來越好，越來越穩定．．．而且大家都開始傾有關我地既人生大事．．．結婚！！

不過呢件並唔係一件容易且簡易既事，最首要既當然就係錢啦．．．唔係現實，而係確實係一個好重要且令人頭痛既問題．．．所以我地都計劃當中如何可以儲多些錢，可以快些結婚啦．．．我地年紀都唔細喇，尤其我囉，過多幾年都三張喇．．．唉！真係要好好咁把握同珍惜身邊既一切喇．．．希望可以快些成功儲到錢啦．．．

>>November 29, 2004 at 4:30:14 PM GMT+8

2004 年 11 月 23 日 星期二 【晴】

唔，今日係男友既正日牛一，我係度祝佢生日快樂！越來越高大威猛，英明神武，仲有工作順利同愉快啦．．．

今日男友佢自己同朋友一齊去左慶祝生日，又離開左香港喇．．．唔，其實作為女朋友冇得同佢正日慶祝真係有少少無奈．．．不過佢自己既然選擇左佢開心既方法，我都冇計啦，唯有背後默默祝賀佢啦，係咪？加上我今日又要返工，一朝早仲要出去總部做orientation添，所以更加冇可能陪佢啦．．．唉！不過佢會見諒既．．．

>>November 26, 2004 at 3:31:15 AM GMT+8

2004 年 11 月 22 日 星期一 【晴】

哈~ 真係好開心呀！星期一同星期二都同男友上左廣州玩，幫男友慶祝牛一呀！呢次既旅程真係好開心，同先幾年去廣州既感受同心情都好唔同，而且加上係有目的咁去慶祝生日嘛，所以特別開心啦．．．星期一晚仲有同男友係一間好浪漫既cafe度切tiramsiu蛋糕添呀，真係超級sweet囉，哈~

我開唔開心都唔緊要呀，最緊要係男友佢收貨嘛．．．好在都不單對今次既生日禮物滿意，仲對行程滿意．．．所以我都特別高興啦．．．

希望可以快d再有機會同男友一齊去玩下啦，因為大家都好忙，而且加上時間咁難就，所以真係希望可以有機會再去下旅行仔咁啦．．．

>>November 26, 2004 at 3:27:52 AM GMT+8

2004 年 11 月 18 日 星期四 【晴】

唔~ 今日真係一日唔多開心既一日．．．首先係我今日唔舒服，所以成日都冇mood，二來今日男友又唔開心，所以攪到我都唔開心埋一份啦．．．．唉！攪到大家去街都去得唔開心啦，真係好down呀！不過頭先同男友玩左一陣net meeting之後，大家個心情都好似好番d咁，唉！我都唔想成日大家為左小事而煩，而唔開心，我最怕係咁，我一見到對方唔開心呢，我就好容易唔開心埋一份架喇．．．今日我就係為左見到佢唔開心而喊左出黎囉，真係嚇死人囉！唉！

>>November 19, 2004 at 3:56:50 PM GMT+8

2004 年 11 月 14 日 星期日 【晴】

唔，今日星期一我又放假喇，琴晚同前晚都係男友度，今日特別顯得好掛住佢，因為見足佢兩晚，真係好開心，好唔捨得架．．．

男友今日同我提起一件事，係關於我地結婚既事．．．唔，其實我自己真係好矛盾，因為當中有好多野我自己都未攪得清楚，而且真係有好多變數係當中（我話我自己呀！）唉，好頭痛呀！雖然結婚都係講緊呢兩三年內既事，話長唔長，話短唔短既日子．．．唉！我其實有好多野都未明朗架．．．好煩呀！

>>November 18, 2004 at 3:28:06 AM GMT+8

2004 年 11 月 12 日 星期五 【晴】

唔，今日又帶左班仔去左海洋公園玩．．．其實，真係覺有少少悶架，因為之前十月尾又去左一次，而家咁近又去多一次．．．哈! 所以下次都咪攪得咁近日期喇，悶死自己．．．不過都唔錯，起碼係一個好好既介入點去認識佢地多d嘛！

>>November 18, 2004 at 3:24:47 AM GMT+8