2005 年 3 月 27 日 星期日 【晴】

yeah~ 呢兩日終於完成左個wild camp之旅．．．都幾開心架，因為都好耐冇去過camp喇．．．雖然係幫男友手做義工，帶d青年人去玩，但係都幾開心呀！

不過真係好累呀，行左好耐，而家成個人散晒，d手腳好似唔係自己咁架，哈！

唔，真係好興奮，後日就出發去旅行喇，可以繼續放假relax下．．．唔，好期待呀！

>>March 28, 2005 at 4:21:20 PM GMT+8

2005 年 3 月 23 日 星期三 【晴】

嘩~ 今日人都傻呀！因為由下午開會開到夜晚．．．足足成六七個鐘呀！冇計啦，因為要傾year plan嘛．．．唉！不過好在最後十一點前都傾晒．．．不過發覺會之後有好多野要做囉．．．講真，我寧願好多野做，好過成日好似都係齋做case啦，真係好悶下架．．．

唔，聽日開始就係easter既紅假，不過我聽日都仲要返工呢．．．但係捱埋聽日啦，我終於可以放大假喇，真係好，終於可以抖下，放低晒所有野呀，我唔要再理喇．．．

>>March 25, 2005 at 6:15:42 AM GMT+8

2005 年 3 月 17 日 星期四 【陰】

我係冇錯架，我知自己係冇錯架，因為我已經盡左好多力去做好自己既本份．．．我見到自己係有進步架．．．點解呀？點解都係冇好結果？點解咁多人鍾意蝦我？我好蝦咩？唔通做
好人係唔得既？我對人好d都唔得？又係我錯？？？？？

我冇錯架，我係做得好好架．．．我要堅持．．．！！

>>March 25, 2005 at 6:11:26 AM GMT+8

2005 年 3 月 17 日 星期四 【陰】

唉~ 唔知點解我既人生總係要我遇好多既不愉快，尤其係工作方面．．．天呀！真係好辛苦呀！點解我總係遇人不敦既？點解呢個世界會有咁多既衰人，點解呢d衰人個天唔收佢
既？點解神你一定要我受咁多既苦？真係好痛苦呀！我完全覺得自己已經再冇立足之地喇，而且自尊，尊嚴，人格．．．各樣都冇晒喇，真係好灰．．．灰到極點．．．！

我可以點做呀？神呀，比啟示我啦，我好辛苦．．．我真係唔想再係浮浮沉沉咁喇，我幾時先至可以安穩咁找到自己既理想呢？我幾時先至有用武之地呀？我幾時先至可以發揮所長
呢？我幾時先至被受重視，被受尊重，被受愛護呢？？？？？？？

好多個？係我腦度走黎走去．．．好辛苦呀．．．？點解呀？？？？？？我真係可以點做呀？？天呀！！！！！！！

>>March 25, 2005 at 6:10:55 AM GMT+8

2005 年 3 月 11 日 星期五 【乍雨乍晴】

yeah~ 今晚真係好開心呀．．．終於得嘗所願，同古巨基一齊渡過佢地第一次．．．演唱會呀！好開心，好興奮，好high呢！全場氣氛都正到爆呀，佢唱live真係正到暈低，真係冇人比得上呀，好正，好夠氣，跳完舞都仲好有氣唱歌，真係注定佢係食呢行飯架喇．．．哈，我全場不斷係度叫佢呀，好開心，佢有幾次望左過黎，好近距離見到佢呢．．．唔，真係好想再繼續捧佢場呢．．．不過，要錢架嘛，哈！我真係好想同古巨基講，我永遠都會支持佢架！yeah~

>>March 13, 2005 at 6:31:48 AM GMT+8

2005 年 3 月 10 日 星期四 【晴】

嘩，今日好早係琛圳番左黎喇，琴晚dup完骨都已經成4點幾喇，一訓就訓到十一點起身，之後就走左去行陣街．．．唉，其實琛圳都冇咩好行架喇，都悶悶地添，所以最後兩點幾都走人囉，費事晒時間啦，早d返黎香港抖下好過囉．．．

唔，聽晚去睇古巨基既concert，我由買到飛開始到而家既心情都未平息過呀，真係好興奮呢！十一年喇，足足等左十一年喇，佢終於開到演唱會．．．我會支持古巨基架，係永遠支持佢架！我由佢十四年前出道做娛樂新聞眼時，已經支持佢到而家，簡直係永遠都會跟隨住佢呀！我對今次既concert當然都有期望啦，話晒大拿拿四百蚊架嘛．．．不過最重要既係可以親身去支持到佢嘛，我好驚自己到時會同佢一齊喊添呀．．．哈！

>>March 12, 2005 at 4:46:20 AM GMT+8

2005 年 3 月 9 日 星期三 【晴】

YEAH~ 聽日放大假，可以輕鬆一下．．．今晚一放工就即刻走人，同男友上琛圳dup骨骨呀！因為呢幾日唔知係天氣問題丫，定係自己成日坐係度打電腦，所以成個人都好似周身骨痛咁，好辛苦，尤其係條腰，條頸，同埋個膊頭呀，好死痛呢．．．唔得，今晚要dup個痛快呀！跟住聽日就可以同男友行街街喇，哈！今日可能成日諗住放假，成日都冇乜心機做野，好有呢個holiday mood呢，哈，加上team leader放大假唔係度，更加唔想做野喎．．．

>>March 12, 2005 at 4:40:54 AM GMT+8

2005 年 3 月 6 日 星期日 【晴】

唔，今日放假，所以特登預約左今日去申請特區護照．．．因為我本bno已經夠期囉，仲唔申請真係唔洗去旅行喇．．．雖然我同男友琴日報左團去潮汕玩，唔洗用護照，但係我都仍然期望如果有錢既話，去外國玩下都好．．．唉，其實放大假真係好想去遠d地方玩，但係無奈真係冇錢囉．．．所以希望有錢去玩啦．．．

>>March 7, 2005 at 3:27:59 PM GMT+8

2005 年 3 月 5 日 星期六 【晴】

唔，我琴晚真係訓唔到呀，因為我又係擔心佢囉．．．不過唔緊要啦，最緊要係男友佢真係開心左丫嘛．．．我同佢相約左聽日一起去行山，因為難得大家聽日都放假丫嘛．．．唔，希望可以陪佢多d，同佢去散下心咁啦．．．

不過今日真係唔多開心，好黑仔呀．．．我地去行山又行錯左路，行左好耐路呀，不過後來都搵到路走，都行得好開心既，而且路程中大家都傾左好多計．．．但係，唉，我今朝起身時發現左我對con攔左呀．．．唉，又要晒錢配過對喇，好慘！冇計啦，而家冇錢配住呀，等有錢先啦，而家唯有帶住眼鏡先囉．．．

>>March 7, 2005 at 3:24:49 PM GMT+8

2005 年 3 月 4 日 星期五 【晴】

話咁快到左三月喇．．．時間真係過得好快．．．今個星期真係幾忙，因為有d case近日出現左d問題，都幾麻煩呀，係今日先至好少少，可以輕鬆d囉．．．之前淨係攪果幾個女既野我都攪到一頭煙喇，真係好煩！

唔，今晚去左男友度，因為男友佢公司度有d唔係咁開心既事發生左．．．我知道佢真係好唔開心架，佢琴晚成晚又失眠喇．．．佢近日都係咁樣，我真係好擔心．．．有一次我特登走去佢度陪佢訓，希望佢可以容易d入睡啦，點知佢果晚真係訓得好好，佢話就係要我陪住佢先訓得咁好，而反而我因為成晚都擔心佢訓得唔好，就攪到自己成晚失眠喇．．．哈，真係唔知講咩好，佢訓得好時就到我唔好．．．不過最緊要係佢訓得好，我就安心架喇．．．今晚我都特登陪佢，希望佢真係可以訓得好啦．．．雖然我聽朝要一早返工，我今晚可能又會訓得唔好，但係為左陪佢，安慰下佢，同佢傾下心事，我訓得唔好都猜計啦．．．

>>March 7, 2005 at 3:18:33 PM GMT+8