2005 年 1 月 28 日 星期五 【陰】

今日情緒同心情極差．．．咩都唔想講．．．喊左好耐．．．好在有男友係度安慰我，比意見我，支持我．．．我希望我可以繼續堅持下去啦．．．我要努力．．．

>>February 14, 2005 at 10:32:22 AM GMT+8

2005 年 1 月 27 日 星期四 【暴雨】

哈~ 近排好懶，好耐冇寫過日記．．．其實呢段日子都幾好，有時幾忙，有時又可以去玩下，輕鬆下，返下大陸咁，都幾好丫，尤其同男友都好開心．．．

今日都好開心，因為同左一班好耐年前既舊同事食飯，去左幸福樓食自助餐．．．都幾好，一班人最好都係莫過於可以柴嘩嘩咁傾計同埋玩架啦．．．哈！

唔，星期日要去男友個嘉年華度幫手做義工model，哈，從來我都冇試過做model架，可以玩玩．．．

>>January 28, 2005 at 3:32:38 PM GMT+8

2005 年 1 月 23 日 星期日 【晴】

哈，琴晚就同舊同學去左食飯，跟住就好急咁趕住上琛圳喇．．．男友帶左我去一間新開既dup骨地點，果間野成間好似club house咁架，裡邊咩都有得玩，無論係游水，打乒乓球，桌球，打機，睇電影．．．總知應有盡有啦，正．．．而且呢度新開，所以員工既態度好好呀．．．我都好滿意同玩得好開心呀．．．仲買左好多野添．．．真係好，為我既擔心同緊張放鬆一點．．．

>>January 28, 2005 at 3:40:12 PM GMT+8

2005 年 1 月 20 日 星期四 【晴】

唉，本來今日返一節，一朝早做半年appraisal架，點知我個team leader話老細未睇番份野，所以要再約過．．．其實我都有少少擔心，因為今朝team leader先話我寫case方面有d問題，話要約我時間一齊傾傾．．．唉，真係好驚，佢罵完我之後就去左搵老細傾野．．．我估應該同我既aprriasal或者表現有關，想要更改d野卦！好擔心，要下星期六先傾囉．．．有排驚喇．．．

>>January 28, 2005 at 3:37:39 PM GMT+8

2005 年 1 月 9 日 星期日 【晴】

唔，今日表姐早上終於走左喇，飛番去美國．．．好唔捨得佢呀，表姐話佢起碼要半年後先至再有假放，到時都唔知會否再返香港．．．真係好失望呀！希望表姐可以快d再番黎香港啦！

>>January 14, 2005 at 2:37:27 PM GMT+8

2005 年 1 月 8 日 星期六 【晴】

哈，今日有個朋友結婚，我同男友當然去左飲佢果餐啦．．．d野食都ok，不過個地點就真係唔多方便喇，係九龍城富豪酒店，攪到我地去又麻煩，走果時都麻煩．．．唉！當然啦，去得人地既婚宴，我就會好好咁參考人地d野，到自己第日結婚時可以學下人地既好野，避免人地既衰野丫嘛．．．哈！

>>January 14, 2005 at 2:35:59 PM GMT+8

2005 年 1 月 7 日 星期五 【晴】

今日放工之後就去左美孚同表哥表姐食飯，因為佢地就走喇，順便同佢地踐行嘛！跟住我同妹妹，表姐同埋阿力（表哥既女友），一齊去左旺角行街，佢地買左好多野，因為呢度d野始終會比美國果邊平好多．．．跟住行到差唔多十點幾十一點，我地就去左唱k，哈～好耐冇唱過k喇，所以一有得唱就梗係博盡啦．．．仲唱到聲都沙埋添呀！最後我地唱到成兩點幾呢．．．哈！仲要搭泥盓的返屋企呢！好鬼累呀，第二日仲要返工呢！

>>January 14, 2005 at 2:32:59 PM GMT+8

2004 年 12 月 30 日 星期四 【晴】

呢幾日真係好凍．．．雖然今日係大除夕，但係我都唔可以同自己最深愛既人係一齊慶祝．．．其實．．．我真係有少少嬲，之前男友話會同我去慶祝，咁佢本來又要去camp，後來因天氣關係取消左，咁諗住都可以同佢一齊去慶祝啦，點知佢都話太凍唔想出街．．．唉！其實都冇所謂囉，我推晒朋友既約會，諗住一心去佢度陪佢啦，點知佢都好似冇乜所謂咁，覺得好似我迫緊佢同我過新年咁．．．唉，真係好唔開心，我真係好無奈，雖然好想見佢，有邊個人唔想同自己最深愛既一齊過新年架？但係我都最後好忍心咁打比佢話今晚放工唔去佢度．．．我知道佢都有少少嬲左我，可能我真係太決絕．．．不過．．．我只係覺得既然我已經做到咁既地步你都唔領我情，我仲可以做d乜野呢？我只係知道我都好痛心，唔通有得同佢一齊過我都唔想咩？但係我唔想攪到係好似我迫佢同我一齊過咁囉．．．我唔想咁樣呀！或者佢會覺得我好似好細路女咁，不過真係一個字形容晒：係．．．”無奈”囉！其實，問心自己有冇少少後悔．．．唔多唔少都有d後悔話唔去佢度見佢，因為真係好掛住佢架．．．不過，我都想佢知道我都有感受，我都有情緒，更加唔想迫佢做一d佢唔想做既野！

>>December 31, 2004 at 9:17:21 AM GMT+8

2004 年 12 月 29 日 星期三 【晴】

哈，今日超級凍呀．．．男友本來今日去camp既，不過因為太凍最後都取消左．．．應該啦，如果唔係凍親d參加者未死，真係唔得掂，而家唔洗去我都安心d，初頭真係好擔心男友會好凍，凍病左就死喇．．．係咪？而家唔洗去真好！

男友聽日唔洗返工，不過我知道佢都唔prefer出街玩，所以我都聽晚放工後會去佢度．．．不過．．．我真係有少少唔開心咁，我覺得我好似迫佢同我過新年咁，我已經講明我特登推晒朋友既約會都要陪佢過新年，但係佢好似一d都feel唔到我對佢既誠意同心．．．唉，真係有少少失望．．．唉，聽日咁凍，我自己都未知道點．．．留係屋企仲要同埋佢阿媽一齊喎．．．我唔好留係自己屋企對自己阿爸阿媽，係咪？真係唔多開心．．．加上近日發生世紀大海嘯，而家死左超過十二萬人．．．真係冇乜心情可言．．．唉！

>>December 31, 2004 at 9:26:57 AM GMT+8

2004 年 12 月 28 日 星期二 【晴】

之前呢幾日聖誕節都係好平安咁渡過．．．平安夜就去左男友家姐屋企度慶祝，玩party．．．實質我覺都幾悶幾無癮．．．跟住聖誕節果日就一朝早返左教會，下午同爹地妹妹行街，夜晚去左教會既聚餐．．．過程都幾愉快．．．到左boxing day，就去左男友屋企度，因為果晚佢d同事去佢度玩，不過中間發生好多野，佢d同事真係麻煩，不過最後都攪成左，而男友亦送左份聖誕禮物比我，咁我最後27號雖然唔係boxing day都有禮物清拆，係一個memory stick黎，我之前想買架喇，而家可以有得用，男友佢真係細心．．．hehe~

唔跟住呢兩日都冇咩工作心，好有holiday mood呀，哈，唔多想做野，好想快d到31號可以去玩，因為男友話過想同我止琛圳呀，試下個新地鐵丫嘛．．．好想快d到呢！

>>December 31, 2004 at 9:22:21 AM GMT+8