2004 年 1 月 19 日 星期一 【乍雨乍晴】

今朝一早四點幾起身睇波，
紐卡素主場迎戰富咸，
結果勝三比一。

爸爸六點鐘起身，
同我講今晚早 d 返，
因為今晚食團年飯。
吓？點解從來冇人同我講過既？
我星期二要返學上日文 wor？
點解唔可以一早同我商量下先呢？


Anyway，下午同老細開會，
開完會都差不多成七點，
咁返一返去食兩口飯都好既。
坐緊車既時候，
未到七時十五分，
d 奪命追魂 call 已經黎，
我以為已經齊人等我開飯。
趕到返屋企既時候，
未齊人不特止，
仲要R都未整好，
但係咁打電話畀我做乜？


飲左碗湯，
係咁易食左 dR，
我就出去上堂喇。
返到學校，
我仲以為自己入錯班房，
因為只係得一個人係班房，
等下等下有其他人返，
但都係未及平時既一半。
可能因為近假期，
又或者今日天氣好凍啦……
結果就人少少上堂。


因為昨晚訓得好少，
所以今晚上完堂返到屋企，
冇乜做咩就訓覺了。

>>January 21, 2004 at 6:18:51 AM GMT+8

2004 年 1 月 18 日 星期日 【乍雨乍晴】

昨日落過雨，
今日就好凍喇……
記得早幾日我仲周圍找保暖衫買，
點知今日開始凍我都未買到……


今日個程序都幾趕，
我六點放工，
執完手尾走得到都成六點十五分，
約左兩個大同七時十五分係奧海城做 Gym，
但係我首先要到旺角拿我部手機先。
昨日兩個人交左兩部機，
本來今日應該兩個人拿返兩部機，
點知大同 A 君唔記得帶收據，
結果得我自己去拿，
佢係奧海機鋪等我。

維修中心係星期日時只有小貓三四隻，
但今天多人到丫……
我拿到機都已經七點十五分……
初初開部機，
hang 機 hang 到丫，
嚇鬼死我，
但係行順左又好似冇乜問題 wor。
Anyway，都要觀察多一段時間。

坐車落到澳海城，
明明約左兩個人，
但係得返一個係到，
我地仲以佢等得唔耐煩入左去做 Gym 先，
點知入到去唔見佢，
打佢手機又冇人接。
（事後得知原來佢厭太凍冇去。唔接電話係因為震機，而佢又打緊機…）


今日冇再踏單車，
試下跑番步。
原來跑步同踏單車既運動量真係差好多，
不用十分鐘，
我心跳已經去到一百五十幾次每分鐘，
（踏單車全程都只係一百四十鬆 d……）
仲有少少喘氣。
結果我冇逞強，
只係跑左半個鐘左右，
距離係 3.42 公里，
平均時速係 6.84 公里每小時。
退步了得多，
要練返多 d 跑先得。

二月八日就係第二場聯賽，
係西貢爐仔石舉行。
希望可以操 Fit d，
縱使贏既機會微乎其微，
但至少唔好輸得咁難睇丫……

>>January 20, 2004 at 8:35:01 AM GMT+8

2004 年 1 月 17 日 星期六 【乍寒還暖】

昨晚很晚先訓，
因為重灌 Windows 都用我唔少時間，
有人話我實唔知醒返崇拜，
我當然唔會被人睇低啦，
十點半開始崇拜，
我九點正就起身。


拿埋支壁燈去畀王生，
之後就返崇拜。
（至於有冇遲到，當然……~_~"）


完左崇拜之後，
約了大同 A 君係旺角等，
一齊上新力愛立訊個維修中心 upgrade firmware。
點知有人遲大到，
遲幾耐呢？
其實都唔係好耐，
只不過係半個鐘之嘛……


中午去左間好有「情調」既餐廳食晚飯。
（某人係咁形容……）
之後去左睇戲，
一套扮以前 d 人既戲，
例如掃街戊、林亞珍、許氏兄弟等等。
其中有隻電腦 cg 既垃圾蟲，
真係好嘔心，
成鬼日周圍開大大………


睇完戲，陪大同 A 君去買 Mp3 機，
我自己都忍唔到手，
買左個掛耳式 Headphone。
條訊號線好得意，
好似某人個 Headphone 條線咁，
好似一條繩咁……


夜晚係 HKOI 既 gathering，
係等人既時候，
得知一個消息，
就係有個大我一年既師姐已經結左婚。
唉……點解唔遲一個月先攪呢？


難得 Old member 聚首一堂，
（雖然唔齊人……）
話題自然會「想當年」……


話說當年係泰國比賽，
比完賽當晚，
大家玩 UNO，
玩到三點幾都仲係玩緊 UNO，
cut 牌慢幾秒都 cut，
可想而知大家玩到幾累……
有人頂唔順訓先，
結果就畀人當標本研究，
因為佢訓覺係冇合埋眼！


另外一件事，
又係同有人對眼有關。
話說當年有人對眼好可愛（嘔），
好似公仔……
唔知一個好大膽，
新移民既小學生，
同一個擁有一對公仔眼精既白髮翁拍拖，
景象會係點呢？

>>January 20, 2004 at 8:35:21 AM GMT+8

2004 年 1 月 16 日 星期五 【颳風】

有始對有終，
終於到了最後一天，
正確點來說是最後半天。
昨天晚上做到差不多八時，
大部份問題都解決了，
但亦有小部份問題待處理。
今天回到公司就嘗試解決他們。


經過一輪辛勞的工夫之後，
終於完成了示範作品。
當我完成的時候，
老闆正在開會。
會議完結，
已經是十二時多，
但老闆亦然要求我做示範。
要發生的，始終要發生，
一如事前預測，
示範時出了了得多平時見不到的錯誤。
「革命尚未成功，
　同志仍需努力。」


示範完後，
已經是二時多。
我坐隧道巴士到銅鑼灣，
首先到體育大樓遞交比賽的報名表，
然後到利園換取禮物。
再到哥倫比亞專門店格價，
到 298 商場買 Pocket PC 配件。


約了大學班戰友六時三十分於大埔墟等，
我預了一個小時的車程。
起初以為由灣仔坐隧道巴士會很快到紅磡火車站，
誰料我坐了一個小時巴士，
原因是它並不是由灣仔直接駛進海底隧道，
而是先經過交通擠塞的軒尼斯道，
經過銅鑼灣，
到達天后，
於維多尼亞公園折返，
沿海旁駛回銅鑼灣，
才進海底隧道。
結果，我遲到了四十五分鐘 ><

>>January 19, 2004 at 5:16:52 AM GMT+8

2004 年 1 月 15 日 星期四 【綿綿細雨】

好慘呀！
昨晚白行一趟，
話說因某 d 原因買左部電話。
咁部電話做緊推廣，
咁就有禮品換，
換領地點有兩個，
一個係銅鑼灣利園，
另一個係九龍灣德福。


咁我係觀塘牛頭角返工，
行落九龍灣都係十五至二十分鐘既事。
咁今日放工就順手行落去換啦。
其實我出發之前都 Check 過一次要帶 d 咩，
我連個包裝盒都帶埋出黎。
去到間鋪頭，
拿換領卷出黎，有。
拿條碼出黎，都有。
想拿發票出黎，
敝，唔記得帶。
結果就係咁白行一趟。
最慘既係，
九龍灣既換領日期只係至一月十五日，
即係話我要找日專登落銅鑼灣換，
算數啦，我當順手行埋灣仔。

2004 年 1 月 14 日 星期三 【微冷】

今天的狀態很不定，
時而生龍活虎，
時而意志消沉。
經歷三勤三頹，
狀能好時，可以一次過完成十多二十個程序，
頹廢時，也可個多小時也完成不到一個。
迷失於互聯網的世界，
忘記了自己坐在公司電腦前的意義。
可惜自己知自己事，
我是那種意見接受，
但態度照舊的那類人。
雖然知道自己的缺點是甚麼，
但會改過的或然率接近零。

樂觀些看，
可以說我是我行我素，
但換句話直接說，
我是知錯不改的爛泥。

2004 年 1 月 13 日 星期二 【颳風】

對住一個剛愎自用既人，
其實都幾辛苦。

如果佢係每事對的，
其實又唔會有衝突，
我仲可以多 d 請教佢；

但如果佢常錯的話，
要糾正佢都幾麻煩，
肯定好多衝突，
但呢 d 麻煩都係自找的，
你唔野佢就唔會有事；

最麻煩既係好鐘意問人野個種，
當你個答案唔合佢心水時，
佢就會質疑、抨擊你個答案。
根本自己就有個答案，
咁又何必要問人呢？
人地答完又話人錯，
咁又為乜呢？
所以通常呢類人問我問題，
我都係會答唔知，
費時煩。

2004 年 1 月 12 日 星期一 【乍雨乍晴】

經過電腦部同事一朝既努力，
終於攪掂我部電腦，
可以如常運作，
不過我已經少了一個上午的工作時間。


食完午飯，
做了一會家課，
後果係冇左午睡時間。
整個下午都提不起勁工作，
馬馬虎虎做了一會 Testing，
改了少少 Coding。
原本打算 OT 既，
最後都冇點 OT 。


上司告訴了我一個我一早估到既消息，
就係星期六要做 Demo。
希望今次順順利利，
上次就係平時冇事，
Demo 時 d bug 先標晒出黎。


因為實在太肚餓，
係返學之前去左麥記買左個包食。
日文堂其實亦都係食野堂，
因為坐我隔離再隔離個位同學仔，
每次都買好多野食黎。
例如有糖啦，餅乾等等。
我覺得今堂都幾搵笨，
因為頭半個鐘係我地輪流讀課文，
之後一個鐘係做複習，
派張紙畀我地自己做，
跟住半個鐘係對答案。
跟住做兩題 Listening，
最後玩遊戲，
個遊戲好簡單，
就係一人講一樣屋企有既野，
當然係用日文啦。
總共玩三 round，
即係一人講左三樣。
係唔覺得學左乜野既情況下就落堂了。


上完堂返到屋企。
再一次苦等個多小時，
想睡覺時時一拖再拖，
係以為再次食白果既時候，
「奇績」發生了……
（「奇績」呢個 Term 只因我想不到第二個 Term）

>>January 14, 2004 at 4:46:54 AM GMT+8

2004 年 1 月 11 日 星期日 【颳風】

看一看訓練日誌，
原來我對上一次去個 Gym，
己經係十一月二十八日，
今天是一月五日，
換句話說，我已經接近四十日沒有做 Gym。
本來今日都想去，
不過因為公司電腦死左，
所以結果去唔成。


話說我個 Project 係 develope 一件 Hardware 出黎，
而呢件 Device 其中一個 Feature 係可以用 Modem Remote Login 去 Control。
咁最近我就寫緊呢個 Feature，
但係有 Bugs wor，Connect 極都 Connect 唔到，
但係我又唔知兩個 Modem 中間有咩 Data Traffic，
唯有 Device 先將 Data Send 去電腦，
電腦 Monitor 住 d Data Traffic，
同時又原封不動將 d Data Send 去 Modem。
透過電話線將 Data Send 去另一個 Modem，
而第二個 Modem 再將 d Data Send 返電腦。
即係話需要用到三個 Com Port，
但係 Lab 入面那部機得兩個，
而我個位部電腦有四個 Com Port。
所以我係上星期六就將我個位部電腦搬入 Lab 用。


經過一輪艱辛既 Debug 之後，
終於成功攪掂，
今日下午我就將部機搬返出黎，
但係惡夢就黎喇，
部機一搜著就係咁彈 Error Box 出黎，
公司個電腦部同事 Suggest 我 Upgrade 上 Service Pack 4 試吓，
但係 Upgrade 完之後仲衰，
機都 Login 唔到，
出 Blue Screen！
當時已經係七點幾，
電腦部同事亦都走晒，
無助既我唯有都離開公司。
天跌落黎當被~R，
聽朝先算……


出左旺角行左陣街，
經過一輪瘋狂格價之後，
（冇計啦，鬼叫自己窮咩）
買左一支 Class 2 既 Bluetooth USB Adaptor，
一個膠盒仔裝電池，
仲有兩粒充電池。


返到屋企，發覺原來惡夢還未完，
裝 Bluetooth USB Adaptor 時，
裝到一半就 Hang 左係度，
攪到現在裝又裝唔到，
移除又移除唔到，
我的天呀！

>>January 13, 2004 at 5:27:37 AM GMT+8

2004 年 1 月 10 日 星期六 【颳風】

期待已久既無國界野外定向比賽 2004，
顧名思義，呢個比賽係為無國界醫生籌款。
今年係已經係第三屆，
第一屆我沒有參加，
因為我上了廣州參加穗港盃。
第二屆初次以四人組參賽，
勇奪冠軍。
今年以原班人馬再戰江湖，
雖然不能說穩勝，
但係正如某港隊成員所說，
如果玩開定向都贏唔到外行人，
就真係冇面見江東父老……


基本上我地認為，
唔需要貪快，
最緊要唔好犯錯。
所以比賽一開始，
我地就首先慢慢研究路線選擇，
由於我地沒有離開出發區，
導致要工作人員驅趕我們離開。


今次比賽係採用集體出發，
由於預料近起點既 Point 會有得多人，
所以我地先去較遠既 Point，
以求避開人}纂C
我們亦採用先苦後甜策略，
每當有山就上山先，
回程先去易既 Point。
我們用了九十九分鐘取了滿分四百五十分。
成功蟬聯冠軍，
亞軍及季軍只拿了四百三十分，
而且用既時間比我地多。
今年冠軍既獎品有：
獎盃每隊一個，
金牌每人一面，
暖水壺每人一個，
斜孭袋每人一個，
$800 Columbia 現金代用券每人一張。
和舊年相比，
少了一對鞋，
多了暖水壺和斜孭袋。
最眷顧我既係，
我正想買暖水壺，
現在可以省回。


本來想返到屋企即刻沖涼訓覺既，
但係媽媽已經弄了我飯R，
我點都要吃兩口先，
結果就八點半先上到床訓。
半夜十二點我就起床食第二輪晚餐，
仲有當然係睇波啦！
睇完波兩點幾，
無無聊聊咁再等一個鐘，
想發生既始終冇發生，
失望至極既再次訓覺。

>>January 12, 2004 at 8:58:00 AM GMT+8