2004 年 5 月 8 日 星期六 【晴】

昨晚比完賽之後，
要坐返旅遊巴出元朗市中心。
之前要等班工作人員收 Points 返黎，
為了拖延時間，
賽會有抽獎。
獎品有好多份，
其中有 d 女仔出去領獎既時候，
竟然係冇穿外夜既。
我係度想，
份獎品又唔會走左去，
駛唔駛咁趕？


抽獎過後，
我地上旅遊巴。
看見班參賽者上車既情況，
就令到我好唔開心。
每當一架旅遊巴開門既時候，
d 人就會爭先恐後迫上車。
連排隊都唔識，
我對佢地好失望 lor…… ><


出到元朗巿中心大約十一時半，
K16 由西鐵南昌站開出的尾班車開 23:50，
二十分鐘係唔夠我趕到巴士站既。
既然趕唔切，
就走了去食宵夜。


等緊野食既時候，
有個男人入左黎坐係我隔離枱，
叫了一杯野飲，
冇叫野食但係就食左兩支煙，
我就好可憐咁被迫食二手煙…… ><


食完野十二點左右，
坐小巴出佐敦。
以為可以好快返到屋企啦，
點知佢左轉右轉，
攪成個幾鐘先出到佐敦，
我返到屋企已經成兩點幾！
我沖埋涼執埋野，
成四點幾先有得訓…… ><


原本今朝應該同媽媽飲茶，
不過我醒既時候已經一點幾，
佢地都出晒去。
結果我冇同媽鎷慶祝母親節，
好不孝喔…… ><

>>May 11, 2004 at 8:39:22 AM GMT+8

2004 年 5 月 7 日 星期五 【溫暖】

五月八日晚，
係香港定向會一年一度的黑夜定向賽。
近幾年的黑夜定向賽，
都和暴雨結下不解緣。
今年亦如是，
早上已經下起傾盆大雨，
天文台更一度發出雷暴警告及黑色暴雨警告。
幸好自下午開始天氣放晴，
黑夜定向得以順利舉行。


今年報名人數接近三百人，
大會總共用了六輛旅遊巴才可將所有賽員載往賽事中心。
今年的比賽場地是元朗的大樹下，
共分六個不同組別。
會位賽員均可獲贊助商的紀念品 -- 筆芯電四枚，
但想信每位賽員也一早準備了比賽用的電，
故約大會能一早公佈紀念品事宜，
相信更能方便各參賽者。


在賽區碰見不少童軍兄弟，
荃灣區的兄弟更拉大隊來。
建議他們參加星期三的集訓，
但不少人表示佐敦對他們來說太遠了。
有心人表示有機會在荃灣區舉行訓練，
這也算是一個好消息。


晚上九時十分集體出發，
大部份參賽者選擇順時針走，
我與隊友則返其道而逆時針走。
起初數個控制點，
遲來的都要排隊。
去完第三個控第點，
大部份人選擇先回到大路，
我則和小數隊伍繼續經白林上山，
自此和「主車群」分開。
一路很順利，
我更曾奢望可以到訪所有控制點。
當心情放鬆的時候，
就是發錯的時候。
接連犯了幾個錯誤，
包括將石牆當作岩壁，
山咀當山窩，
甚至去到控制點但不打孔。
結果我只能在 460 分中取得 310 分，
因遲到而被扣去 10 分，
以 300 分於男子雙人組排第十五名。

>>May 10, 2004 at 11:30:43 AM GMT+8

2004 年 5 月 6 日 星期四 【雷雨】

好耐冇同公司班同事打籃球，
上次約好晒個個得，
點知就落大雨，
結果就拉隊走左去打枱波。
今個星期我負責約人，
口頭問左幾個，
又 send 埋 e-mail。
覆 e-mail 既就得兩個，
但係其他人口頭上都話得既。
點知今朝落雨，
咁我都照帶衫啦，
好好彩咁果然下午天晴，
個場乾埋 tim。
點知到夠鐘放工時，
一個二個甩晒底。
既然冇波打，
就留係公司寫 User Manual，
到七點左右，
有個同事話既然帶左衫，
雖然冇左一半人，
不如照打啦咁。


咁我地就一行三人落左去打波，
雖然個天間中下着毛毛細雨，
但係都無損我地打波既興致。
我地仲同人鬥波 tim，
可能真係太耐冇打波，
d 手感冇晒，
結果場場都輸，
Last 仲要被人大炒 tim…… ><


打波打到九點幾，
同同事出左去旺角 Dinna。
近先施既食店，
d service 唔錯，
味道都好好，
而且份量好足，
價錢又實惠，
唯一美中不足係 d 位好迫……><
之後去左女人街找腳架袋，
冇適合既 size，
但係就畀我發現左上次去台灣見到那些仿昆蟲標本盒，
百多元一個，
我也記不起是比台灣平定貴。

>>May 11, 2004 at 12:11:17 AM GMT+8

2004 年 5 月 5 日 星期三 【晴】

晴天霹靂呀，
原本今個星期六可以玩黑夜定向比賽，
仲要係我既第一次係野外玩。
（早兩年試過係廣州某公園玩過一次）
點知今日潘 sir 打黎，
話因為要慶祝母親節，
夜晚要食飯，
唔知食到幾點，
所以可能去唔到，
叫我搵定人代佢。
得番兩日時間，
要搵人代佢係好難既事。
仲有就係，
d 號碼布、控制卡等部係佢度，
要約到佢拿係第二個難題。


要拿號碼布和控制卡，
一係我去拿，
但係基本上我係冇時間去拿既。
所以唯一解決辦法係由我個新拍擋去，
但係要我個新拍擋得閒返母校，
最好重要係潘 Sir 識既。
其中一個可能既解決方案就係找過會係母校出現既人做拍擋，
呢個人可以係學生，
又或者係老師都得。
老師既話得一個選擇，
不過 ICQ 唔見佢 Onilne。
如果係學生既話，
我畢業左咁耐，
識既已經唔多，
仲要找過識跑定向既。
好彩仲有一個，
就係剛加入集訓隊既師弟仔，
Send ICQ message 畀佢，
佢亦一口答應。
結果我一次過攪掂晒兩個難題。


有得去玩黑夜定向 ^_^
但係仲有 d 手尾要跟，
包括同賽會講轉人，
同埋睇下有冇得後補申請返坐大會交通。
（原本有人話揸車去，所以冇報交通）

>>May 8, 2004 at 5:02:47 AM GMT+8

2004 年 5 月 4 日 星期二 【晴】

定向個邊個賽員集訓劃，
大約每三個月為一期。
適逢今日就係新一期既第一課，
今期仲有個好勁既名：
「2004年全國定向錦標賽」集訓計劃。
有個咁勁既名，
個集訓計劃都做到好認真似的。
終於唔係只操體能，
不操技術了。
今期每個月有一次戶外實集的機會，
五月地點係中文大學，
六月地點係髻山，
七月地點係牛寮。


藉得欣喜的是，
我們終於再有新血加入了。
五個新人，
一大四細，
最細那個還只是幼童軍！


最令我驚喜的是，
其中一個是來自母校的師弟，
還要是我白禮義賽的拍擋！
希望可以為母校栽培了一位定向之星，
讓野外定向再次係母校發光發熱。


今天是很輕鬆的一課，
首先做 2.4 km 測試。
班新人未學識咩叫收放自如，
一開始個個砰砰聲衝落去。
我就剛剛相反，
留前鬥後。
結果跑到未段還有氣，
成績係 9 分 30 秒，
係有史而黎最快既紀錄！
雖然大幅破了自己最快紀錄
但係好唔開心，
睇返以前 d 時間，
最快都要 10 分 21 秒，
而我早幾個星期為自己定既長期目標係 9 分 30 秒內完成 2.4 km。
係幾個星期內就達標代表咩？
有兩個可能：
1. 其實一早已經可以做到呢個時間，只係平時渣灘；
2. 我對自己並不了解， set 錯目標。

無論邊個原因，
都是我的錯…… ><

>>May 7, 2004 at 4:28:12 PM GMT+8

2004 年 5 月 3 日 星期一 【晴】

呢幾日睇 bbs 個 love 版，
有兩條 Thread 都係講相類似既野，
都係同錢有關，
我睇完覺得好攪笑。

其中一條係咁樣既：
有個男仔問，
佢食飯埋完單，
個女仔即晚畀返錢佢，
咁係咩意思。
有咩意思？
咪食完飯畀錢 lor，
我覺得係個男仔想多左。


第二條 Thread 仲攪笑，
個男仔 post 左一大串問題。
首先講講背景，
男女雙方月入差不多且過萬五。
第一條問題係，拍拖既洗費全部由男方負責，
有沒有問題。
我覺得佢問得呢條問題就真係好有問題。
我都係個種爭住畀錢既人，
但係我我就唔會考慮究竟我畀錢有冇問題。
就算唔係講拍拖，
有時我同 d close d 既 friend 去食飯，
都唔會逐豪子計清楚啦。

第二條問題係，佢每月會畀女方 $500，
咁樣有沒有問題。
我好想問，
呢 $500 係咩？
拍拖費呀？

根住 d 問題係，
儲錢結婚，應該男方儲，定係雙方一齊儲。
供樓男既出一萬，女既出七千有冇問題？
之後男既仲要畀家用嗎？
若生 BB，所有費用應由男方出嗎？

個女仔 D 觀念仲攪笑。
1. 結婚既目的係幫男方供樓，係男方利用女方。
2. 要拿錢供樓又要負擔其他生活費，
會有很大壓力，她既不想沒有買衫既自由，
也不想要過節儉的生活。


所有問題都係錢錢錢。
計教成咁，
不如唔好結婚啦。

>>May 3, 2004 at 9:57:44 AM GMT+8

2004 年 5 月 2 日 星期日 【晴】

估唔到份 Paper 昨晚一寫就寫到今朝，
朝早六點幾終於頂唔順，
走去小睡片刻，
訓到七點幾起身食早餐，
然後換衫返工。


返到公司，
做下公司野，
寫下Paper，
又畫下圖，
結果係中午食飯之前都攪得掂。
其實佢只係要求我交十頁既 Report 姐，
我寫得咁辛苦，
其實代表 d 乜呢？


食過午飯，
一路聽住收音機既午間新聞專輯，
一路訓個午覺。


下午全力投入 Debug，
點知攪黎攪去，
試完呢樣試個樣，
結果又係返到起點，
即係乜都做唔到……><


夜晚放工仲要入科大上堂，
以我今日咁既狀態，
肯定會上堂訓著。
究竟上堂前自隊幾杯咖啡好，
定係直接走堂好呢？
最後我決定隊啡都要上堂。
（嘩！少有咁勤力呀！）


戰鬥力好低好低，
唔知係咪因為唔夠訓呢？
希望明天會更好啦。

>>May 3, 2004 at 9:57:10 AM GMT+8

2004 年 5 月 1 日 星期六 【晴】

個幾兩個月因為要上山比賽或上堂，
而沒有返崇拜。
因為賽季幾近完畢，
今日唔駛上山，
所以可以返崇拜。
不過今日講道那個，
我唔係咁 Buy 佢 lor。
我覺得佢講既野好深，
我成日都聽唔明。
又成日大我地，
話一定要點點點。
佢返親黎香港都要黎我地教會講一次佈道會，
次次我都覺得係受緊罪 lor。
好彩既係，
佢一年只係返黎香港一兩次，
咁我一年都只係受苦一兩次。
（但係我其實唔應該咁想既…）


中午返到屋企食完午飯，
跟住就開始寫 Progress Report。
寫到三四點，
悶悶地，上左個 Friend 度打左兩個鐘機。


夜晚食完飯，
就去左做 Gym。
原來星期日夜晚好少人，
幾乎想用邊部就邊部，
等都唔駛等。
今日集中做背，
做左四、五部機都係做背。
但係由於我寒背都好多年，
攪到 d 動作都做得唔好。
當發力時，
個膞頭好容易就縮高左。
教練要我壓低個膞黎做，
對我黎講好難 lor。
臨落堂時，
終於領悟到個動作，
漸漸做對動作。
希望不久既將來，
我可以改善寒背既惡習啦。
但係如果我唔寒背，
應該會高返一兩 cm，
咁相差咪……… ^_^

>>May 3, 2004 at 8:01:27 AM GMT+8

2004 年 4 月 30 日 星期五 【晴】

今日係五一勞動節，
難得有一日假期。
經過了聖誕、農歷新年、復活節幾個長假後，
夏天既假期特別少。
今日既假期，
簡直係天降甘露。
但係我都冇得點休息，
因為 Dead Line 近了。


講緊既 Deadline，
係指 Master 個邊既 Final Project 既 Progress Report。
多就唔係要寫好多，
只係十頁左右。
比起某人個篇五十頁純字既論文，
簡直係少巫見大巫。
雖然係咁，
我都仲係豪無頭緒。


咁成日流流長，
做咩好呢？
咪打機玩電腦，
睇台灣綜藝節目 lor。
（唉，死性不改……）


睇左「天才向前衝」，
係一個考 IQ 既節目。
第一 Part 係考四字詞語，
睇一段短片，
然後估一個四字詞語。
第二 Part 係考演技，
五個嘉賓各負責一個桶。
五個桶中，
有三個裝住水，
其餘兩個裝住紙花。
咁做那個人就以叫佢地拿住水桶調位，
然後估邊個係紙花，
估錯左水桶既話，
變落湯雞 lor。
最後一 Part 就係唱舊曲，
但係某幾句歌詞係被改左既，
咁 d 嘉賓就講返原句係乜。
d 歌詞都改得幾明顯吓，
但係要講返原句就有少少難度。
笑左一個鐘之外，
其實我做緊咩呢？
都幾無聊吓……

>>May 3, 2004 at 7:44:49 AM GMT+8

2004 年 4 月 29 日 星期四 【晴】

今日好鬼黑仔呀，
下午做做吓野，
特然彈個六十秒關機視窗出黎。
Reboot 完之後又好似冇野 wor。
但係為安全起計，
都係上執行 Windows Update。
Update 8 個項目，
Total 有 5.7 MB 野 Download。
網頁話要兩分鐘，
佢亦好準時兩分鐘 Download 完，
不過裝就裝左我好耐。
三點正左右部機出事，
五點鐘先 Update 完。
期間我又唔敢行開，
又唔敢開個 Word 黎做野，
結果咁就畀佢消耗左我兩粒鐘…… ><


放左工之後，
首先去左奧海城拿番對鞋。
從今日開始，
我唔會去個度做 Gym，
雖然個會藉仲有十幾日。
（其實我都成個幾月冇黎呢度…）


之後返屋企食飯，
睇完「下一站彩虹」之後再出發。
先去日經放低功課，
之後再到旺角做 Gym，
要溫返 d 動作點做。
最主要係要用適當既肌肉去做個動作。
例如做背肌時就盡量用背肌發力，
唔好用左二頭肌。
做胸肌既時候都係，
要用胸肌發力，
唔好用左三頭肌。
最難既動作係做腳那個，
做完之後，
冇論腳、股都勁痛，
差點行都行唔到…… ><

>>April 30, 2004 at 8:53:12 AM GMT+8