2004 年 5 月 28 日 星期五 【溫暖】

今朝冇返工，
因為一早拿了日年假。
拿假的原因有幾個。
其中一個是因為下星期一交兩份 Project，
請多半日假做。
另外一個是下午有個班要教，
地點係青衣，
集合時間係下午一點九。
如果我係觀塘放一點去到會遲到，
更有甚者係我唔可能準時一點走，
請假就可以避免遲到。
當我請完假知後，
PCCW 打電話畀我話 Upgrade 我個寬頻同安裝 bbtv，
有六個免費 Channels。
咁我就順手安排埋係今日裝。


bbtv 個師傅十點幾十一點上到黎。
我原本唔想拉咁多條明線，
係昨晚找了個陳年 TV box，
叫佢駁個 bbtv 解碼器係房經 TV box 係電腦個 LCD Mon 睇。
唔知點解，
經 TV box 去到電腦個 LCD Mon，
個畫面得番左上左四份一左右，
仲要係冇聲既。
結果係個師傅走左之後，
我將個 bbtv 解碼器搬番出廳，
係房拉條明線出黎。
結果攪到十二點幾，
仲要身水身汗。
沖完涼食完飯，
即刻出門口，
行到一半發覺拿漏野，
又要行番屋企拿。
之後發覺直接坐巴士會遲到，
就走去九龍站坐地鐵。
落到月台剛剛走了班車，
等車既時候拿個電話出黎睇下，
發覺有兩個 Miss Calls。
打番去留言信箱聽，
原來係個 Course Leader 打黎話雷暴警告，
所以個班再延期。
（已經係第二期延期喇 ><）
結果個班就有今年既班，
變成下年既班……


返到屋企坐到三點幾，
先醒起班同學仔約左三點係科大圖書館做 Porject。
原本因為要教班，
所以唔去得。
估唔到唔駛教班，
我又唔記得去…… ><

>>May 31, 2004 at 7:23:45 AM GMT+8

2004 年 5 月 27 日 星期四 【乍寒還暖】

今晚又去做 Gym，
約左教練九點，
但係我八點十先係屋企出門口。
趕到去當然係遲少少啦。
我係 Gym 門口竟然畀我撞到個中學同學，
我完全冇想過會係那個位置撞到佢。
佢雖然係住旺角，
但理論上佢既活動範圍唔會係個度。


碰到中學同學，
理論上好應講幾句，
不過我趕時間上堂，
所以都冇點傾過。


去到做 Gym，
今堂同上堂唔同。
上堂係只操背，
今堂都有操背，
但亦都有練其他肌肉，
好似二頭肌、三頭肌、四頭肌、胸肌等等。
不過當然主力仍然係背啦，
因為我寒背既情況都幾嚴重。
負重訓練時，
好多時我會不自覺咁縮膞，
導致效果唔係百份之百落晒落舊肌肉度。


個教練成日問我 d 肌肉有冇逼實度，
我次次都唔明咩叫逼實。
經過佢一輪示範講解，
我終於明白原來佢所謂既逼實，
即係 d 肌肉收緊左。
而唔係我先前所想，
兩舊肌肉夾埋一齊……


好攪笑係我做緊斜板機械蹲舉（Hack Squat），
教練話我個樣好兇狠。


返到屋企同同先撞到個中同傾番，
原來佢都係個度做 Gym，
頭先就係佢剛剛做完出黎。
但係佢就參加個 d 有氣運動班多。
佢仲話係個度見度以前個物理老師做 Gym tim！
呢個世界真係細 ^_^

>>May 31, 2004 at 3:53:09 AM GMT+8

2004 年 5 月 26 日 星期三 【晴】

曾經有人同我講，
贊我勁，
日記日日都可以寫得咁長。
我覺得其實一日廿小時咁長，
總會有好多野發生，
總會有些事是值得記下來的。
約好似機械人行 program 咁，
每日行同一個 program，
做一樣既野，
我會覺得係一件好悲哀既事。
所以呢，
我對每日的日記都有要求，
雖然有時我沒空每天都寫日記。
但日後有空必會補回當天的日記。


有時記的可能不是當天發生的事。
記的可能是當天的心路歷程。
真正發生既事有佢既價值，
係需要記低。
但心路歷程更加寶貴。
真正發生既事，
日後可能透過照片、或其他一些物件，
可以勾起你的回憶。
但係你個心想咩？
好果唔用文字記低，
可能就會冇左。


有時睇返以前既日記，
都會想像下，
點解個時會有咁既想法呢？
回憶起自己既心路歷程，
有時真的百般滋味在心頭。

2004 年 5 月 25 日 星期二 【晴】

以前讀書，
好怕五月既黎臨，
當然六月更加怕，
點解六月怕？
以前講過，
今次講點解五月怕。


中學的時候，
六月是考試的季節。
一到五月，
就即係話就黎考試。
係呢個時候，
功課自然多，
又要溫書，
真係苦不堪言。
加上我課外活動又多，
星期一至星期五放學之後都有，
甚至有時集會完之後都上返去。
每天直到五點半，
校工趕人我先離開學校，
真係做到培正是我家。


其實點解講起呢樣野呢？
就係因為今天多左日公眾假期。
可以休息休息。
可以好奢侈咁訓晚 d，
可以日光日白名正言順做自己野。


原本我打算做大學個兩份 Project，
亦都因為咁，
推掉了一個飯局。
但係下午的一個電話，
打亂了我全盤計畫。
話說有人畀佢爸爸放飛機，
而夜晚係旺角有飯局，
下午又約唔到人 wor，
咁就想找人攝時間。
好不幸，
小弟成為佢既目標。
結果同左佢去睇 The Day After Tomorrow，
仲要係睇貴飛！
呢套戲睇特技一流，
但係故事就麻麻。
前半段就好緊湊，
後半段就……


睇完係戲院出黎既一刻，
好有劫後從生既 Feel lor。
但係之後就有萬劫不復 feel，
因為我兩份 Project 都未做，
下星期一就交喇！
我只可以同自己講一句：「抵死」

>>May 28, 2004 at 11:03:12 AM GMT+8

2004 年 5 月 24 日 星期一 【晴】

最近得知一首歌，
歌名很怪。
甚實怪也只是對某人而言是怪，
對其他人來說，
或許會不覺得是甚麼一回事。


正因為呢首歌的特殊地位，
所以很有潛質成為主題曲。
故近排我都搜集關於這首歌的東東。
在上星期，
我找到了這首歌的歌詞。
看著歌詞，
其實我是不懂唱的。
我只是從某人口中得知這首歌的存在，
我是從未聽過這首歌的。


最近這首歌派了上台，
而某電台也時常播這首歌，
我開始認這首歌。
到早一兩日，
我得知終於出碟了。
昨晚我將首歌 download 落部 MP3 機，
現在幾乎一有空就聽一次，
不知要背晒歌詞需時多久呢？


「…從微妙的轉變，
仍能預測到的劇情，
其實我已經想足半天…」

2004 年 5 月 23 日 星期日 【晴】

本來今日唔係打算講呢個題目，
不過呢，
中午睇左某人個日記，
睇完有好大感觸，
好想分享吓。
（教命，又係度眼濕濕）


話說某人個朋友剛分左手，
咁睇到呢度，
我就會想我同某人既關係會唔會都會係咁呢？
會唔會都有咁既隱憂呢？
感謝神，安排真的很奇妙。
我們本身已經是聚少離多，
甚至開始的那一刻，
已經在於離的狀況。
亦都因為咁，
我有好大段時間去適應。
因為某人未開始已經話會點點點，
叫我考慮考慮清楚先，
所以一早已經有心理準備，
更不會有個種希望大，失望更大。


誠言，思念的心情是最痛苦既，
當包含無能為力既無奈，
痛若更加刻烈。
但如果換轉另一個角度睇，
我會更加珍惜僅有的相聚機會。


如果唔係咁神奇的安排，
一開始給了我咁既磨練，
我未必可以有咁既堅持。


有人話，
拍拖開頭那段時間係熱戀期，
係最開心既時間，
跟住會踏入穩定期。
但我覺得，
如期好似煙花咁爆的那一刻很璀璨，
但之後平淡如水。
我寧何係一幅畫中的煙花，
將最美麗的一刻記低。
雖然冇真煙花般璀璨，
但卻可長時間保持璀璨。
或者咁講，
係我想璀璨既時候仍然璀璨。

>>May 25, 2004 at 7:45:38 AM GMT+8

2004 年 5 月 22 日 星期六 【晴】

今日班大同約左唱 Lunch K，
唱到兩點半。
我約左係兩點半先 Join 佢地，
等到三點先見到佢地出黎。
一行七人行上旺角 GH，
原本唔止咁少人架，
不過 C.Lo人昨晚 Overnight，
所以冇出黎，
C 又約左人要早走。
去到買飛個時，
Faifai 又話要走，
老師又話四點約左人，
結果就得返五個人睇。
我張會員證加學生證，
剛剛好買到五張平飛。


睇既戲係占基利套無痛失戀（Eternal Sunshine of the Spotless Mind），
如果你抱住睇占式既喜劇入場，
你一定會失望。
睇緊戲既時候，
我亦聽到唔少人話悶。
呢套係一套好有深度既電影，
亦都畀我想像中難明。


不過我其實唔係想講套戲，
係想講睇戲既 Manner。
如果可以睇一場戲，
中間冇電話響既話，
已經皇思浩蕩。
有 d 人好攪笑，
部機響，但係佢又唔理，
由佢響。
有 d 人呢就第一時間接電話，
然後第一句同對方講，
我睇緊戲呀。
今日睇戲好榮幸冇人講電話，
不過呢，
坐我隔離再隔離那個肥仔呢，
就猛咁同我女朋友講野。
一時又話套戲悶，
一時又話就黎訓著，
睇一套戲，
佢講足半個鐘，
嘈住晒。
真係好鬼想打佢……

>>May 25, 2004 at 4:55:39 AM GMT+8

2004 年 5 月 21 日 星期五 【晴】

今天下午開了個緊急會議，
原因下星期初有個 Demo 畀個客，
咁就要傾分工等。
今次可是第一次帶個仔見街外人，
希望一切順利。
係再試時，
我發覺個 Progrm 竟然出 Fatal Error，
我真的想死……><


下午回了學校傾 Project，
呢個本來係一人交一份，
不過呢，
冇人明佢上堂講 d 乜，
結果就齊齊返到圖書館，
集思廣益。
我地 Book 左個研習室三點，
但係個研習室有人，
而我地持預約證明的那人未到，
結果我地唯有暫時係出面等。
係出面等既時候，
由於某些同學傾談的聲浪比較大，
有些在温書的學生就出聲叫我地靜 d。
咁被人話那個就用 d 唔友善既語氣回應。
明明係自己不對，
點解 d 人可以係咁？


經過一個下午的努力，
我們都有一定的進展。
不過距完全理解，
還有一段距離。
他們下星期會再傾一次，
不過我要教班，
所以黎唔到。


完左功課小組，
還有個飯聚。
約了七點，
我地六點半未夠就開始食。
結果有同學仔七點黎到時，
我們差不多食完……

>>May 23, 2004 at 5:24:32 PM GMT+8

2004 年 5 月 20 日 星期四 【綿綿細雨】

多日之前講那個神秘電話，
終於知道是誰了。
下午收到一個電話，
原來係 now bb tv打黎。
因為我寬頻都用佢間公司，
咁佢現在就 upgrade 左，
兼送我六條 Channel。
佢打得黎，
當然就順手 sell 我訂其他 Channel，
不過佢第一條推介既，
竟然係迪士尼……


睇開一本漫畫，
雜誌話上個星期四會出新一期。
點之我上星期四去，
唔見有，
今晚放工後再去，
也沒有 ><


今晚係下一站彩虹的大結局，
個故事內容真係好老土。
結果敏敏同阿力都係拍得成拖，
不過呢，
敏敏就因為贏左個乜鬼青年獎，
有得去外國深造。
兩個一拍拖就要分隔兩地，
好慘喔。
（咦？咁似某人同某人既？）


睇完大結果就去左藥房配藥，
個病都攪左我幾年，
一直都唔可以根治，
希望今次可以斷尾啦。


之後去左做 Gym。
全身既肌肉都做晒咁濟，
包括手、腳、胸肌、背肌等等，
好疲倦喔……

>>May 23, 2004 at 5:10:26 PM GMT+8

2004 年 5 月 19 日 星期三 【晴】

雖然曾經努力過，
去到談婚論嫁的階段，
但最後結果都係分手收場。
不同人有不同的反應，
提出分手的女方，
表演得很平靜。
反之男方卻受不住打擊，
情緒十分之擊動。


面對分手的問題，
大家會點處理？
有人會平常心視之，
讓佢隨風飄去。

有人會極力挽留。
用各種方法，
包括可能係物質，
甚至係自己的身體。
但俗語說：「勉強冇幸福」
這樣抓回來的愛情，
還算有意義嗎？

有人會接愛唔到事實，
終日借酒澆愁。

有人失敗一次過後，
不敢投入去新的一段情。
以致機會錯失而去。

然而，
但處之泰然的，
又有幾人呢？

看完電視劇，
感觸良多。
始終，愛情線在電視劇的主要吸入人之處。
每一套電視劇，
不論是講飛機師、講醫生、講設計師、講廚師，
總會有一條甚至多條的感情線。
那怕是老老套套的刻情，
都會吸引人看。

>>May 21, 2004 at 3:54:04 AM GMT+8