2004 年 7 月 17 日 星期六 【晴】

尋日入到科大已經五點幾，
佢地既 Lesson 已經完結，
之後係集體遊戲既時間。
落去草地玩，
原本打算乘電梯落去，
但係有 Trainer 介紹部電梯時，
以「龜速」黎形容，
結果我同另外幾個 Trainers 就行樓梯落去。
沿途見到有 d Cosplay 既人影相，
扮得似唔似就見仁見智啦。
落到草地，
d 蚊多到呢……
結果又上返去，
我地既位移係向下落一層樓。
一開始就玩一個遊戲，
就係介紹左手面既人一分鐘。
知後就係扑傻瓜。
我大部份時間都係負責影相，
間中都有參與遊戲。
玩完遊戲，
就返宿舍預備晚餐。
今晚我地吃火窩，
另外仲有四個 Pizza。
有三個科大 CS 既畢業生都 Join人埋我地。
飯後仲一齊吹水 tim。
之後係自由活動時間，
我去左睇人打合約橋牌，
有人組團去探險，
有人 Programming 研習。
睇左一會，
到我落場，
我都好耐冇橋牌，
唔係好識叫，
成日攪亂「精準制」、「自然制」和「KISS（Keep It Simple System）」
攪到笑話一籮籮。


玩到十二點左右，
我去左另一間房玩一個叫 「Bang」既遊戲，
佢係一個 2002 年 Card Game，
For 4 至 7 個人玩，
每局大約二十至四十分鐘。

官方介紹
心得

我地玩完一鋪又一鋪，
結果玩通頂，
攪到勁眼訓。

自從中學畢業之後，
都冇乜機會玩呢 d Games，
今次真係好開心。


有段小插曲。
話說唔知點解，
坐正我隔離個 d，
好多時連續幾鋪都係同伴，
記得有次野外定向 Camp 又係咁，
今次又係。
但唔好處係有左先入為主既觀念，
局局都以為佢仲係同伴，
導致失機頻頻。


係遊戲中，
我又多次作出 Cambo 出牌既 Demo，
（真是天才！）
例如有次一次過出左六張卡，
將一個敵人既能源扣制一點。
可惜我的同伴未能助我一臂之力，
我又成為眾矢之的，
結果該局第一個輸…… ><
真係可算是鋒芒過露。


之後去食早餐，
有人為左唔好浪費張代用卷，
叫了兩碗麵，兩杯檸檬茶！！

食完早餐，
班 Trainees 就有個 Mini-Competition。
我都玩吓，
交左三題，
一題滿分，一題三十分。
比賽完左之後，
佢地就去飲茶，
我就買外賣趕返屋企。
係科大 Coffee Shop 買左個三文治，一杯咖啡，
但係小巴上幾乎食唔到咁滯。
邊到屋企都成兩點幾三點。

>>July 19, 2004 at 9:40:52 AM GMT+8

2004 年 7 月 16 日 星期五 【乍寒還暖】

今日又拿了假，
原因係紐卡素今日會係大球場有公開練習，
我當年唔可以錯過啦。
昨天「圓規」襲港，（圓規係颱風個名）
我開頭幾驚今日個練習會取消，
尤幸天公造美，
雖則仍然下著雨，
練習並沒有取消。
我仲捐了一百蚊，
頭三百個損款當中既一百人，
可以係練習之後，
去到簽名定，
畀物品全隊紐卡素簽名。


大約九點半，
球員開始出黎，
我不斷按快門，
好快一張 Memory Card 就滿了。
換 Card 之後，
繼續影唔停。
我見到佢地真係好厲害，
d 頭球，d 窩利，d saving，
簡直係嘆為觀止。


大會公佈邊個可以入去簽名室，
損款時每人有一個牌，
分別係 A 至 F，
我拿既係 D，
但可以入去既係 A 同 E，
好彩因為球迷會有四個名額，
結果我都可以入埋去。
據聞有人係張 F 牌加弓一筆，
又入到去。
我出門口時都冇預到可以簽名，
都冇帶 d 咩去簽。
結果即刻隨了身上件紐卡素 03 年作客，
同埋場刊畀佢地簽。
通常簽名呢家野，
一定有搭單情況，
我結果就拿了兩本場刊、兩件波衫入去簽名會，
唔少得既就梗係近距離影佢地相啦，
但我竟然唔記得同佢地合照，
真失策…… ><


練習之後就返左屋企，
換完衫之後，
就執袋準備入 Camp，
HKOI Training Team 會係科大有個兩日一夜既 Training Camp。
（原本係三日兩夜，但係颱風關係取消左一日）

係入 Camp 之前，
首先落海港城，
因為舒利亞會某體育用品牌子的旗艦店剪綵，
去到商場，
見到奧拜恩（紐卡素後衛）係到行街，
我竟然又唔記得合照。


辛若影完剪綵，
本來打算直接入科大，
點知原來唔記得帶銀包，
又要返屋企一轉先。

>>July 19, 2004 at 8:19:04 AM GMT+8

2004 年 7 月 15 日 星期四 【驟雨】

今日返到公司打開部電腦，
就收到消息話十一點九會掛八號風球，
當堂冇晒心機做野。


因為有個同事下星期六 last day，
咁老闆就 Call 左個 Meeting。
出席會議既人，
包括老闆、將離開的同事、我和一位新同事。
開完會，
check E-mail 時發覺老闆話如果中午天氣好，
就去酒樓食 Farewell Lunch，
但係個時已經知道將掛八號風球，
即係唔駛食啦。
老闆又明天開始放假，
放完返黎個同事都走左 lu。
天文台好準時咁掛起八號風球，
但睇 Newsgroup 話仍然有人批評天文台太遲掛風球，
我都唔明天文台今次做錯 d 乜。


掛了八號風球，
我冇即刻走，
係公司 Print 左 d Document 出黎先走，
咁我返到屋企就可以睇。


返左屋企，
食完午飯，
訓左好耐冇訓過既午睡，
就等時間過。
除了午睡外，
亦做左樣好耐有做既野，
之前期待左好耐，
結果過程都唔錯。
唔知下次會係幾時呢？
會唔會係兩三個月後既事呢？

2004 年 7 月 14 日 星期三 【晴】

等左咁多年，
終等到喇。
講緊既係英超球隊紐卡素訪港。
早幾年紐卡素青年軍訪港，
已經興奮到震，
今次仲要係一軍訪港，
大部份正選包括前英格蘭國家隊隊長舒利亞，
法國左翼羅拔，
威爾斯中場史必，
愛爾蘭守門員基雲，
領隊 SIR Bobby Robson 等等悉數來港。

但有 d 可惜既係前鋒比拿美、中場戴亞、維亞拿、後防活基治四人，
或因傷，或因私務問題，
未能隨隊。


紐卡素昨晚在泰國戰畢泰國國家隊後（全場 1:1，十二碼輸 2:4），
今天乘飛機飛往香港。
既然等了佢地咁多年，
梗係唔可以錯過啦，
今日和公司拿了一日假，
打算下午入機場接機。


上午首先去了睇哈利波特 3，
因為睇過書，
所以對劇情內容大約都已經知道，
套戲拍得唔錯，
但為本書太厚，
難免要 cut 去某些情節，
若沒過書，
可能會唔明。


睇完戲，
返屋企拿相機，
和父母飲完茶，
就坐巴士入機場。


入到機場，
畀媽媽點左上入閘區，
人地明明黎接機架嘛……><
繞了一個大圈落返一樓，
見到已經圍晒鐵馬，
換了波衫，
擺個好位，
等佢地出黎。
咁之前就影吓花絮咁。
將近出閘時，
我先將部相機關了約佢休息一會，
終於等到他們出來了，
但是……我部相機開唔到…… ><
結果將相機 d 電池和閃光燈的電池互換後，
終於開著相機了，
但球員大部份已離開，
結果我一張都影唔到…… ><


之後我先返屋企，
有人跟去酒店。
事後聽返佢地講，
本來跟實紐記架旅遊巴，
但佢地好唔好彩，
畀架切線和紅燈阻一阻，
去到酒店時已經遲左，
最慘仲要有人拿到簽名串佢地，
話佢地白痴，
真冇品。

>>July 19, 2004 at 7:35:17 AM GMT+8

2004 年 7 月 13 日 星期二 【晴】

昨晚去做 Gym，
本來 Plan 左係做腳、背和手既，
但結果做左一半都唔夠。
首先係因為早幾日弄傷膝頭，
所以腳既兩個動作我只係做左其中一個，
冇做 Incline Squat（練 Quads），
做左 Lying Leg Curls（練 Hamstrings），
不過做完今朝唔覺痛，
即係冇乜效率…… ><


跟住做背機，
做左 Seat Cable Row（練 Middle Back），
做左 Lever Seated High Row（練 Back），
做左 闊手既 Row（練 Back）。
本來想做埋 Hyperextensions (Back Extensions)（練 Lower Back），
不過兩部都有人用緊，
咁我就放棄左。
今日就少少痛，
效果都係麻麻。


跟住練手，
首先 Cable Pushdown（練 Triceps），
用 Drop Set 既方法，
即係做一個重量做左若干下數（冇力再做多一下時），
減磅即刻繼續做。
做個時就好痛好疲倦呀，
不過今朝都係冇乜點痛。
之後做做左 Lever Triceps Extension（練 Triceps）。
本來想練埋 Biceps，
但係已經十一點幾，
個 Gym Room 夠鐘關門。
唯有留返下次啦…… ><
今次做完之後，
感覺上效果嘛嘛，
似乎有教練 Push 既話，
效果會好 d。

2004 年 7 月 12 日 星期一 【晴】

昨日放工走去銅鑼灣上堂，
上野外定向總會既控制員同負責人既訓練班。
個 Course 七點開始，
我去到都成七點十五分。
剛剛開始左冇耐，
講緊既係，
上課日子既變動。
我早幾日收既 E-mail 都冇話改，
但係今日就話要改。


原本我下星期六要教班，
但係原本下星期六同時要上呢個班既實習。
咁我就唯有忍痛推左個班唔教啦，
點知今日佢話上堂改期，
下星期六唔需要上實習……


第二件事就係關於 Notebook，
個 Course 原本話要自備 Notebook 上課，
咁我以為堂堂都要啦，
問人請左部 Notebook 成個半月。
佢今日先解話，
話只係其中一堂要用。
真係畀佢玩死……

部 Notebook 仲話一定要有 Serial Port tim，
我借返黎個部唔知有冇呢？
不過好似新出個 d 都冇，
咁我呢部多數都冇，
好彩都仲有張 PCMCIA 轉 Serial Port 既卡係公司。


跟住開始上堂，
形式係以小組討論為主，
咁分組既時候，
我同識個 d 分開晒。
成組都唔識既。
討論既時候，
又好似同佢地格格不入咁，
唉……

>>July 13, 2004 at 8:03:37 AM GMT+8

2004 年 7 月 11 日 星期日 【乍寒還暖】

今日有好多既第一次發生。


今日我第一次坐的士返工。

話說我係一個唔鍾意坐的士既人，
如非必要，
我係唔會坐的士既，
even 係人請既都係。
但係今日逼於無奈都要坐的士返工。
我今日其實好早就起左身，
不過等小巴等極都冇，
結果等到九點就決定坐的士返工……


今日我第一次見客，對客做 Demo。

見客呢樣野，
之前都試過。
不過呢，
以前係幫手做 Helper、Support 咁。
今日就真真正正係介紹自己個仔，
食完飯兩點鐘，
老闆架車就係樓下等我地，
咁我地拿齊儀器（五大箱），
坐老闆車入八號貨櫃碼頭。

係公司時都 Check 過好多次有冇帶漏野，
結果係 Demo 既野我冇帶漏，
但竟然係唔記得卡片……><


今日係我第一次去貨櫃碼頭。

個客間公司係葵涌八號貨櫃碼頭，
去到貨櫃碼頭附近，
見到前面係大貨櫃車，
隔離係大貨櫃車，
後面都係大貨櫃車，
我就坐係架私家車，
壓迫感非常大！

>>July 13, 2004 at 8:03:28 AM GMT+8

2004 年 7 月 10 日 星期六 【乍寒還暖】

今日原本係要教班，
約左九點半係西鐵朗屏站等。
上次去比賽既經驗，
我六點鐘上小巴，
六點半就去到元朗。
今日趕唔到架接駁巴士去南昌站，
見又就九點，
咪改做坐小巴 lor。
點知今次九點上車，
九點半都未開車，
結果入到元朗就已經十點半……><


去到仲要原來得兩個學員黎左，
（梗係啦，Delay 左成半年……）
咁我就提議冇謂上山，
因為個兩個都識跑既。
我遲到左一個鐘，
咁我就話我請睇戲當賠罪啦。
步行左一個西鐵站去到新元朗中心間 Broadway，
但係哈利波特同蜘蛛俠 2 都 Full 左，
天意唔駛我請 ^_^。
行返去朗屏，
上山放左 d Points 先，
因為黃昏有個 Training。
我同阿建負責南面白林個 10 個 Points，
頭個幾個都仲幾好，
放到第四個就聽到狗吠聲，
阿建仲話昨日見到 d 狗可以係個鐵絲網「捐」出黎，
咁我就開始驚喇，
（真係細膽到呢……）
跟住我望到好遠有隻狗跑緊過黎，
咁就即刻走啦，
特然「o彭」一聲，
我左腳膝蓋撞左落打橫訓係度既樹，
腫、瘀、流血…><


五點忍痛出去練一轉，
兩 k 多少少，
用左四十一分鐘，
最快那個港隊代表只係用左廿八分鐘，
睇黎我又慢左，
距離目標愈來愈遠……><

>>July 12, 2004 at 10:30:20 AM GMT+8

2004 年 7 月 9 日 星期五 【晴】

感謝主，
亦都好配服造物主既巧妙按排。
幾件看似沒關係既事件，
但其實一環扣一環，
配合得天衣無繨。


首先係九月大學時間表，
係逢星期一、二，
避開了星期三既 SOC 集訓。
然後星期二既日文課，
就調了去星期六下午，
一個我大部份時間都是冇所事事既時段。
但係原本我間中星期六下午要教班，
賺取少少外快，
現在冇左，
但係係另一方面已經有補足，
主叫我唔駛擔心。
而四五六日的夜晚，
就可抽其中兩個晚上上 Gym Course。


很奇妙的配合！
感謝主。

2004 年 7 月 8 日 星期四 【晴】

早排日記講過我報左個 Course，
要自備電腦上堂。
早幾日收到信話個 Course 收左我，
咁我就即刻聯絡那位擁有幾部手提電腦既人兄。
夾過期之後（其實係就我姐），
定左係昨晚拿。


另一方面，
和大同 A 君睇 Spiderman 2，
都係改左係昨日，
結果就要好趕。


放左工之後，
第一時間坐 89x 入沙田第一城，
打畀某某人叫佢拿落樓下畀我。
部 Lift 打開門既時候，
見唔到某某人，
原來係某某人講緊電話，
某某人媽媽拿落黎畀我，
仲要我帶個口信畀某人，
嚇死我……


之後坐 82x 出鑽石山。
出到去都差不多八點，
趕唔切睇七點四十分既 Spiderman 2，
但下場係十點，
係麥記食完野，
打埋機都只仲有成半個鐘冇所事事。


之但係，
昨日收到總會封 E-mail，
話我知第一堂唔需要用電腦，
咁我昨日咁趕做咩呢？


今集都其實拍得幾悶，
原本以一套特技片黎講，
入場都睇特技多個睇劇情。
但係當一套戲大半都係文戲既時候，
對劇情既要求都高 d。
個故字有 d 道理想講，
但當個道理幾乎一字不改咁重覆三次，
就有 d 累累贅贅。
加上唔合埋既地方又多……
如果畀分，
我會畀僅僅及格。

>>July 12, 2004 at 2:30:25 AM GMT+8