2004 年 3 月 29 日 星期一 【乍寒還暖】

今晚要考 Mid-term，
所以同公司拿了一日假。
難得有一日可以訓到九點幾先起身，
不過我係三點幾先去訓……

食完早餐就打畀牙醫睇下約唔約到時間洗牙，
點知個護士話冇咁早，
起碼都要三點後。
佢話昨晚好似有賊入過黎，
報左警，
所以 d 儀器唔可以動住。
唉，整定我唔駛洗牙。

十一點幾去左洗澡，
結果就有個 Miss Call。
聽番留言，
原來係媽媽，
佢叫我有時間就打個電話返屋企。
我成朝都係屋企，
係屋企打電話返屋企？
玩我乎？

十二點幾就趕出中學，
點解？
因為老師大人話有支票畀我，
點知出到去，
發覺支票抬頭串錯我個名。
識我都差七年有多，
都攪錯我個名，
呢個老師都…… ><

夜晚考 Midterm，
以為佢頹架啦，
點知都係唔識做…

考完走時又下大雨，
剛好我又冇帶傘。
（我試過帶兩把傘出街……）

總知今日樣樣事都唔如意啦 ><

>>March 31, 2004 at 3:52:17 AM GMT+8

2004 年 3 月 28 日 星期日 【晴】

今日下午會有個 Presentation，
由 R&D Team 介紹新產品畀 Sales Team。
個新產品就係我那個做左年幾既 Project。

上半 part 我阿 head 負責，
透過 Powerpoint 講解個 Product 係咩黎，
可以係咩地應用。

下半 part 我負責做 Demo。
介紹有咩 Interface，
點樣操作，
有咁好處等等。

個 Presentation 原本星期六 12 點開始
（就老闆十二點先返黎）
一 Take 過講晒佢。
個 Pwerpoint 十零頁，
我阿 head 話講半個鐘到（未計 Q&A）
我地本身一點收工，
即係我得半個鐘唔夠。

星期五下午我 Demo 一次畀阿 head 睇
四點開始，五點半先差唔多講完（又係未計 Q&A）
即係保守估計個 Presentation 長兩個幾鐘。
即係由十二點開始既話，
講到兩點幾，
一大班人要 OT 聽 Presentation。

想改期但係星期五又找唔到老闆 wor
（佢上左去深圳開會）
結果 Sales Team 其中一個 head 就話將個 Presentation 分兩個 Seccsion，
星期六 Demo 到一點，
講唔晒既留返星期一繼續。
（隔左兩日，仲邊鬼記得我 Demo 過咩？）

結果今朝又出個 e-mail，
話將整個 presentation 搬去今日下午。

做左年幾個 Project，
（其實仲有 d Bugs 今日要 de）
唔畀我講返兩三個鐘，
邊會講得晒，
咪咁睇少我啦…

>>March 28, 2004 at 5:26:02 PM GMT+8

2004 年 3 月 27 日 星期六 【微冷】

二零零四年三月二十八日，
本賽季最後一場色級比賽。
地點是第一階段訓練班實習課常去的青衣。
賽事中心位於長亨村青衣中心，
附近有屋村商場，
也有洗手間等設施。
由於賽事中心是木地板，
對穿金钃釘鞋的賽員做成不便，
他們需要在門外才可穿鞋，
這措施也是可以理解的。

因為我不需在比賽中搶分，
就算跑第一也不會獲獎。
（可以跑第一才算……）
故我今次主要以訓練為主，
尤其是地圖閱讀、沿等高線前進等。
大部份的路線選擇可以的話，
都會完全違返「有路不越野」。
有時與小路只相差一條等高線，
都會取「難」捨「易」，
選擇沿陡斜的山坡前進。

曾經學過一個技術名為「CAR」，
「CAR」係計劃路線的三個步驟。
C：先了解控制點（Control Point）的資料，
例如控制點的編號，
位處的地理特特徵等；
A：若控制位處不明顯地徵，
就有需要使用攻擊點（Attack Point）。
第二步就是於控制點附近選擇一個攻擊點；
R：最後，就是根據自己的能力，
選一條通往攻擊點的路線（Route Choice）。

我想犯的錯誤，
是不用「 CAR」，
而用「 CRA」。
即先選擇路線，
再於路線上選擇敢擊點。
今次十三個控制點的路線選擇，
均刻意使用正確的次序「 CAR」，
大部份均如我所願，
但仍有進步的空間。

2004 年 3 月 26 日 星期五 【颳風】

經過昨晚的技術改良班，
我有了新的體會。
課堂上半部份是關於技術，
重溫了一些中班的技術。
例如速度控制（紅綠燈），
粗略定向與精確定向，
簡化地圖，
Map-to-Ground 與 Ground-to-Map，
快速重置定位，
高階線性特徵的運用。

誠言，大部份重溫的技術，
我記得如何運用，
但比賽時會忘記去用……
換句話說，
此等高階技術於我而言只有理論，
而欠缺實踐……


課堂的下半部份，
是做問卷測試。
好讓我們能「知己」。
百多條的選擇題，
讓我了解自己的弱項在那兒。

一如我所料，
我於多個項目都取得很低的分數。
尤其是集中力及距離判斷。
比賽時我很容易分心，
無論追過人，或被人追過，
都會影響我的閱圖、思考、表現等，
簡單點來說，
就是不能做到 「Stay in your OWN box」。

關於距離判斷，
原來我是從來未試過於心賽中「數步」的。
每次都是靠估，
誤差自然大。
加上缺乏利用攔截特徵，
自然愈走愈遠，
最後迷路。


最後一點，
就是缺乏檢討。
眼見同會部份會員會做檢討，
但很少做全面的檢討。
多數在地圖上畫了路線，
和三數人淺談一會而已。
但錯在那兒，錯了甚麼，為何犯錯，
卻很少會白紙黑字記下來。
三、五、七年後再拿地圖出來看，
（假設他們會……）
多數都不會記起發生過甚麼事。
結果曾犯錯的地方，
下次也繼續犯錯。
久經練習，熟能生巧，
便會時時犯同一錯誤了……

>>March 27, 2004 at 3:49:44 AM GMT+8

2004 年 3 月 25 日 星期四 【陰】

昨晚做左個很大既決定，
影響深遠……

話說約左人做 Gym，
我收工去到都已經八點幾，
食完野都八點半。
見咁夜，咁我就提議不如唔好做，
結果就同大同 A 君出左旺角。
係大同 A 君買完皮鞋之後，
就走左去雅蘭個邊間 Gym Center。
睇完環境之後，
就 Join 左佢地個 Club。
其實一路都想轉地方做 Gym，
因為奧海城都唔係幾就腳，
附近又冇咩好食 wor。

但係 Join 完之後，
我就要開始節衣縮食既人生。
話說為了除開個月費平 d，
我 pre-paid 左一大筆，
加再又 Recuit 左個 Personal Trainer，
開支又大左一筆。

Join 之前都知個預算會好緊，
但係點解都捨得畀咁大筆錢呢？
自己 Train 自己都 Train 左年幾兩年，
但係心肺功能依然好弱，
弱到係唔足以應付一場比賽。
進步雖然係有，
但係就缺乏左突破。

有個 Personal Trainer，
希望有新既衝擊，
希望佢畀到我想要既野我。

上緊個定技向術改良班，
今晚要交功課。
功課內容係定立目標，
我定既目標係合資格跑男子精英組，
希望今次既重大決定可以幫到我，
亦希望大家有時間就鼓勵鼓勵我，
同埋為著 Training 和理財能力代禱。

講返錢個度，
計落係會手緊左 d，
但又唔會開唔到飯咁嚴重。
最多只係玩少幾次，
買少幾套漫畫，
相機器材遲 d 先買，
電腦遲 d 先 Upgrade，
每個月儲少千幾二千蚊而已。

>>March 26, 2004 at 5:17:41 AM GMT+8

2004 年 3 月 24 日 星期三 【雷雨】

星期日個班，
原來仲有下文。
話說臨走時，
頒了 d 紀念品畀係體驗賽跑得最快個幾個。
12個男仔最快個三個有，
6 個女仔最快個兩個有。
除此之外，
幫手個幾位教練都有張 Thank you card。
張 Thank you card 我一直留係個信封入面，
冇拿到出黎。
昨日返工之前，
拿出黎睇吓寫左 d 乜。
唔睇由自何，
一睇就好傷心。
因為張 Thank you card 卡面有 "Thank you" 字樣，
但係卡中係一個字都冇寫到。
唔單止咁，
仲夾了 d 「紅色既紙」係度。
有教練費收，
當然有少少開心。
但係畀張白卡我，
我覺得我唔係好受尊重 lor…… ><

2004 年 3 月 23 日 星期二 【晴】

心淡係我既口頭襌。
但係真正既心淡，
係一件好恐佈既事。
一個人唔會無緣無故心淡，
之前必定有好多蛛絲馬跡。
可能係累次犯錯，
可能係累勸不改……
總之就係日積月累，
當過了條 Bottom Line，
就會心淡。
當心淡時，
就即係已經死，
基本上係救唔返既，
無論你落多幾多鹽，
都唔會再有味。

心淡了，完完全全死心了。
唔再有任何改善既希望了。
佢想點就點，
我唔會再過問，
亦唔會同佢嘈。
我最多都係同自己個肚鬥氣，
最多都係食少一餐半餐。

2004 年 3 月 22 日 星期一 【晴】

柏拉圖有一天問老師蘇格拉底甚麼是愛情？
蘇格拉底叫他到麥田走一次。
要不回頭地走，
在途中要摘一棵最大最好的麥穗，
但只可以摘一次。
柏拉圖覺得很容易，
充滿信心地出去。
誰知過了半天他仍沒有回去，
最後，他垂頭喪氣出現在老師跟前。
訴說空手而回的原因：
很難得看見一株看似不錯的，
卻不知是不是最好，不得已，
因為只可以摘一株，只好放棄。
再看看有沒有更好的，
到發現已經走到盡頭時，
才驚覺手上一棵麥穗也沒有...
這時，蘇格拉底告訴他：那就是愛情！


我唔知現在係咪最好既，
因為我唔知往後既日子會唔會有更好。
直到我離開世界既一日，
先有可能指得出那時是最好既。
如果好似柏拉圖咁，
唔到完美都唔選，
最終可能一個都選唔到。
但係既然選左，
就要珍惜。

「若要人似我，除非兩個我」
總會有好多意見分歧既地方，
總會易起爭執。
邊個對，邊個錯已經唔再重要，
或者係從未都唔重要。
重要既係點樣處理，
可能退一步，或者退十步都唔係最好既處理方法，
可能退三步先可以即見果效。

中國人有句說話：
「和而不同」
要做到真的很吃力，
但我會努力。

>>March 22, 2004 at 3:12:27 PM GMT+8

2004 年 3 月 21 日 星期日 【晴】

台灣選舉活像一場鬧劇。
二十號投票，
結果係陳水扁比連戰多三萬票。
不過連戰唔服輸，
要求宣佈無效，要求重點，
直到現在都未有定案。

不得不配服綠營既政治智慧，
佢地既選舉策略。
當國親兩黨結盟，
民望比民進黨高好多。
但追下一個百份點，
追下又一個百份點。
到投票前夕，
已經叮噹馬頭。
三月十九日，即係投票前一日，
陳水扁係台南遭槍搫。
不論今次係自篇自導自演，
（個人係相信係苦肉計）
當初投票前，
國親聯盟冇要求選舉延期。
投票過後，輸左喇，
就話選舉唔公平，
會唔會有 d 輸打贏要呢？

講返槍擊事件，
對綠營的確有好多幫助。
第一、多左同情票。
第二、轉移左視}芋A d 人冇再集中注意係政治獻金件事。
第三、啟動國安機制，二十萬軍警要當值，冇得投票。據報大部份係支持藍營。
第四、藍營取消投票前一晚既造勢晚會。
故此陳水扁確有瓜田李下之嫌。

台灣可以一人一票選領導人，
唔知香港幾時先可以呢？

佢地投票率過八成，
唔知香港既投票率，
幾時先可以追得上呢？
我希望我可以見到呢一日既出現。

>>March 22, 2004 at 3:15:44 PM GMT+8

2004 年 3 月 20 日 星期六 【晴】

今日終於不用跑定比賽，
但結果亦然進行定向活動。
學員係一班年紀很少既童軍，
有部份只是剛由幼童軍升團。
Map walk 既頭半段，
我有我講，
佢地有佢地玩。
佢地見路就行，
冇乜點睇圖。
問佢地問題呢，
就你眼望我眼，
個個都等其他人答。
結果我就決定教訓佢地一次。

當然開頭唔係明罵佢地啦。
我由佢地自己行，
間唔中就問佢地知唔知自己係邊，
應該行邊條路。
我唔講係邊，
由佢地自己找，
結果就行既都唔到。
當然，必要時就當然截停佢地，
唔畀佢地走得太遠啦。

佢地犯既係一般想見既錯誤，
見有人帶路，
自己就唔睇圖。
就算知道行緊條路唔對，
都繼續行吓先，睇吓點。
有事既時候就互相推卸責任，
矛頭直指帶路那個。
其實帶路那個條路係撞對左，
只係行到一半我截停佢地，
問佢地知唔知自己係邊，
肯唔肯定條路行得對，
佢地冇人知，冇人有信心答，
又行返轉頭。
結果成隊比預定時間遲左成個鐘先到…… ><

可能我以前個旅紀律嚴格些，
我覺得佢地紀律唔係好得。
做隊長既，做三柴既都管唔到班細，
有山上一路行落巴士站，
係咁叫囂，d 說話仲要係 d 冇乜教養既說話。
班隊長同三柴又唔阻止佢地，
真係失禮街坊…><

>>March 22, 2004 at 4:32:20 AM GMT+8