2004 年 2 月 28 日 星期六 【晴】

今天是聯賽第三場，
地點是西貢昂平。
賽事中心近營地，
有西貢菠蘿輋茅坪鄉村公所步行往賽事中心約需一小時。
賽會規定所有賽員必須於第一名賽員出發前（即十時正）到達賽事中心，
違者將被取消資格。
賽事中心更像來來曱甴屋般，
當賽員踏入賽事中心範圍，
就不可以離開。
直至出發前五分鐘，
才可前往起點。
原因是賽事中心位於今天賽區的中心地帶，
其中更有一段賽段有機會會經過賽事中心。
今天只有三條賽程，
男子 H20、H21、H35、HE 跑一條；
男子 H14、H16、H18、H40、H45 跑另外一條；
女子跑第三條。
男子組需換圖一次，
換圖區設於營地。
兩條男子組賽程幾乎一模一樣，
分別只是兩張圖的先後次序。


早一兩日天氣台預告今天有霧，
到達現場後發覺比想像中更大霧，
能見度大約只有五米多。
因為能見度低，
看地形比較困難，
所以需要和地圖和指南針溝通多些。
只要有一刻與地圖或指南針失去聯絡，
就很容易迷途。
在大霧中要重新定位也非常困難，
所以一錯就會損失很多時間。
加上今天濕度高，
跑起上來異常辛苦。
由一號控制點到二號控制點已經體力不支，
腦部缺氧思考，
前進方向雖只偏離五至十度，
但因為是長程關係，
偏離距離相當多。
由二號控制點到三號控制點中途遇見牛群，
為了躲避而偏離了主幹道路，
做成第二次迷途。

換圖之後，
其中一個控制點是要向上攀升五條等高線，
奈何上到一半對自己沒有信心，
走了下來再定位，
結果又損失了時間。


今次比賽其實安排得不太妥善，
太多人走同一條賽程。
這樣對早出發的賽員不公平，
因為後出的賽員可以沿「前人」「開發」的路進入控制點，
可以節省不少時間。
而且第一個出發的賽員和最尾一個出發相差足足有一個小時多，
遲出的時候霧也開始散了。
當然，第二點是大自然天氣問題，
賽會控制不了。
但我相信應該有方法將影響減到最低，
維持比賽的公平性。

時限九十分鐘，
同組冠軍用了四十七分鐘，
同賽程最快用了三十六分鐘
我用了六十九分鐘，排第十八，
得六百八十多分。
名次上還未能擺脫榜尾群。

2004 年 2 月 27 日 星期五 【晴】

我又再一次低估了寫 Program 既難道，
今日只不過係想加個 Button 落 HTML，
倒數五秒之後 Refresh 版面。
結果足足攪左我半日！><

如果話昨日個電話係意料之外，
今日個電話絕對係驚喜，
甚至可以算係驚嚇。
話說十二點左右電話響，
我望一望個電話，
有來電顯示。
如果單純顯示電話號碼，
咁就一 d 都唔驚。
個電話顯示既係大頭照，
係我電話上有來電大頭照既唔多，
兩隻手既手指數得晒。
用得大頭照既，
其實都係 d 成日見到面既 Friend。
本來收到佢地既電話都唔奇，
但係個電話係由一個理論上冇可能既電話號碼打黎。
我見到個大頭照 -- 一副手畫像，再加四隻中文字，
當頭打左個特，
一聽之下，果然係佢！
佢仲約我食 Pizza tim。

中午上到佢屋企，
食完 Pizza（個餐真係好多，想食晒但又怕肥） ，
就開始整電腦。
要整兩部電腦，
一部係 Desktop，
一部係 Laptop。
病徵同我想既完全唔同。
原本我以為部 Labtop 要裝過 OS，
點知開機連 Hard disk 都找唔到。
當我宣佈左佢死亡之後，
先發覺原來係個 Hard disk 未插實！
（老貓燒鬚 ><）
跟住到部大機，
原來係 Printer Print 唔到野。
試下係 Labtop Print 唔 Print 到野，
又冇 Driver wor。
上網 download 啦，
又上唔到寬頻 wor，
好彩都仲有窄頻撥號，
最後決定宣佈 Printer 死亡。
到最後 E-mail 喇，
Check 過之後絕對有理由相信佢係打錯 E-mail address 。
五點幾收工。

值得一提，
我係二月初九仲收到利是，
仲要係好重手 tim，
但係我就好似幫唔到佢咁，
留左個好壞印像呀！><

>>July 27, 2004 at 8:23:19 AM GMT+8

2004 年 2 月 26 日 星期四 【晴】

估唔到咁快又到星期五，
連 d Friend 都話工作進度慢，
「吓？寫左年幾仲係寫緊呢個 Program？」
老細下個星期返黎，
真係唔知畀咩佢睇。
今日暫時放低 Programming 既工作，
走左入 Lab 做 Testing，
測試吓每條 Channel 既 Wavelength Range 係幾多。
件工作真係好悶，
不繼調較個 Tunable Source，
（由 1528.29 較到 1561.84，每次增加 0.01）
睇吓過左個 Range 未，
不斷重覆又重覆……

個 Test 都做左好耐吓，
由朝早返到公司預備好器材之後開始做，
做到夜晚七點幾先做完。
結果我又做左最後一批走既員工。

本來約左人睇戲，
七點半係尖咀五枝旗杆等。
但係因為做 Lab，
結果我七點半先上車，
去到已經八點 ><

但係我地結冇係尖沙咀睇戲，
因為竟然尖沙咀冇戲戲上呢套戲，
行到尖東先有。
但係尖東睇，
不如我去黃埔睇，
環境仲好 d 啦！
可憐我個 Friend 由五枝放杆一路行落黃埔，
我就係尖東 Join 佢 ^_^

晚餐係 Outback 食，
雖然幾好食，
但係又貴又唔飽。
個 Waiter 自稱做 Server，
係我地 d 電腦人耳中，
就會聽左第二個意思，
好攪笑。

唔知係咪 d 野唔乾淨，
夜晚肚痛。
但係人地又叫我唔好 Send Message 畀佢，
攪到我想訴苦都唔得，
結果痛到三點幾都未訓得著 ><

2004 年 2 月 25 日 星期三 【晴】

其實一早都知做事應該兩手準備，
但係好多時都唔記得。
今日又嘗試到冇兩手準備既惡果…

話說星期六要幫個重要人士整機，
佢用緊既係一部好舊既手提電腦。
最大既問題係個 OS 係 Windows 98，
仲要重灌作業系統。
為左唔好個壞印象人，
梗係要做足準備功夫啦。
成日 Save 唔到 Floppy ？
後備軟碟機預備好。
要用 Boot 機碟？
已經預備好。
要 Windows 98 CD？
敝，好似冇 d 咁既野。
好彩我有 Friend 有。
約左佢今晚畀我，
點知佢竟然唔記得帶！
今日已經係星期四，
得番一日多 d，
邊度搵到隻碟番黎？
估唔到終身幸福，
就咁斷送係呢個人手上 ><

盡最努力係ICQ 問人有冇。
總共問左三個人，
一個係身處加拿大既中學舊同學，
一個係我之後兩屆既電腦學會頭頭，
一個係母校教書既中學師兄。
結果三個人都有，
我拿了其中兩個 Copy，
即晚燒成 CD。
終於萬事俱備，
真係出了一身冷汗……~_~"

2004 年 2 月 24 日 星期二 【酷熱】

推銷保險既手法層出不窮。
我想大家都以前興既係搵班後生女黎同你做問卷，
然後「脅持」你上車或入鋪……

昨日放工我遇到今方法。
（當然，我都係估佢係姐）
或說我行緊去坐小巴，
行行吓既時候見到一班後生女。
咁大概都知係咩一回事，
我當然就不理繼續行。
佢就申左疊紙出黎，
話叫我拿張單張。
我緊係唔理佢啦，
點知佢拉住我件衫。
講真，如果真係單純派單張，
需唔需要咁摶拉住件衫？
所以我既結論都係，
佢地想 sell 保險。

2004 年 2 月 23 日 星期一 【微冷】

好慘呀，好慘呀，
簡真慘無人道，
天怒人怨。

話說昨日我裝 d software 落我部 pocket pc度，
試下睇下有冇好用既 software。
好用既就會留低，
唔好用既就會 uninstall。
簡攪吓攪吓，
發覺部機好似有 d 問題喇。
有部份程式開唔到，
（多數係內置程式）。

咁我打算 Hard Reset 部機啦，
即係好似 Desktop Format 部機裝過 d 野咁。
Reset 之前當然要 Backup d Data 先。
其實都唔係好多 data 需要 Backup。
行事歷、待辦工作呢 d 公司部電腦有 Synchronized 左既 copy。
餘下要 Backup 既，
就只有我每天記下 Money Flow。
對上一次我 Backup 係一月尾既事，
即係相差左大半個月既 Data。
我 set 左 password 係我個 Recode Cashflow 既 Program 度，
即係要入左 Password 先可以 Backup 到。
當我想入 Password 既時候發現，
D 輸入方法全部炒晒，
即係我一個 Character 都入唔到。
好彩個 Notepad 仲用到，
咁我就開 d Text file 黎 copy and paste，
砌番個 Password。
我個 Password 係由英文字母、數字仲有標點符號組成。
英文字母和數字唔難找齊，
我開第二個 Text file 就已經儲齊。
個標點符號就麻煩少少，
結果我係用 Notepad 開 Binary File 找佢出黎。
Password 儲齊，
接下來就係 Paste 落 Password Input 到。
好唔好彩，個 Password Input竟然唔 support paste！
個種感覺，
就好似由山頂碌落山腳咁。

我都打成輸數要放棄個大半個月既 Data。
我逐個 Software 試下，
逐個 Button 按下。
冇啦啦畀我按左個 Backup Utilities 出黎，
可以 Backup 個 Database。
好彩我部 Pocket PC 有內置呢個 Function，
如果唔係就真係慘喇……

>>February 24, 2004 at 4:47:51 AM GMT+8

2004 年 2 月 22 日 星期日 【晴】

又做左修理技工，
仲要一日收到兩個 Site 既 call。
我其實都唔明，
我都唔係讀電腦，
點解個個有問題都係找我？
我 Programming 有 d 心得而已，
但係我唔識 Hardware 個 wor。

其實一早有旨理準備會有呢一日，
兩姊弟唔係香港，
問題出現既時候，
好大機會就會找我。
不過佢唔係直接找我，
而係透過 Remote 再 Remote，
就有少少出乎意料。

考慮左好耐，
究竟做 On Site Support 好，
定係上門收機返屋企慢慢攪好？
但係我第二日要比賽，
可以攪到幾點？
你地都知我三分鐘熱度架啦，
拿到返屋企一日做唔晒，
分分鐘一個月都整唔好。
加上有問題既係兩部機，
一部 Desktop，一部 Labtop。
Labtop 就話可以搬返屋企︳
部 Laptop 點算呢？
所以決定做 On Site。

但係問題又黎喇，
冇理由兩梳蕉上去架，
買咩禮物好呢？

另一個問題係，
我應該點稱呼自己呢？
中文名？英文名？花名？
修理技工？定係關係呢？
好煩喔……

2004 年 2 月 21 日 星期六 【晴】

昨日下午臨時拉夫，
去左青衣教 Level 1 既班。
一點放工，兩點上堂，
所以一放工就要趕去地鐵站。
點知一出公司門口，
就睇住架升降機關門…><
為了唔浪費時間等佢落完去再上番黎，
我決定跑十三層落去。
比試既結果係，
僅僅輸個馬鼻。
去到地鐵站，
好唔好彩咁送車尾……><
去到青衣，又要由機鐵站跑去巴士站，
係巴士上享用我既午餐 -- 提子麵包。
結果去到遲到十分鐘……><

今日班學生黎自荃灣既少年警訊，
一班中三四既活潑學生。
我喜歡教呢類學生，
同佢地上堂，
就好似一班朋友去郊遊咁。
原本 Level 1 既 Map Walk 都係行路，
介紹下 d 地徵畀佢地知咁。
但係佢地又覺得悶 WOR，
結果就幾次帶佢地離開條路，
睇吓岩面地呀，石堆呀咁。
落山時已經係六點幾。


今日又係青衣教班，
但係 Level 2 既班。
同 Level 1 唔同，
Level 2 係 Outing 全日既，
亦都比 Level 1 教既深。
今日既學生平均年齡大 d，
由最細既十二歲，
到最大既五十二歲都有。
全部都係童軍，
有部份更係領袖 tim。
由於教練唔夠，
班領導找左個人黎幫手。
係我地帶 Map Walk 既時候，
佢就 set 定 d 練習。
點知一開始佢就去錯地方 set，
好彩我經過，
教番佢點去。
帶完 Map Walking，
去到休息地點，
打算進行指南針既練習。
點知，佢 set 個 d Points 方向唔對，
結果要我由頭 set 過…… ><
今日比平日早下山，
六點就返到屋企。


打算食餐安落茶飯啦，
點知飯都未開，
由已經有人上黎開工。
可預料的是，
結果食完上半場就鳴金收兵，
十一點再食下半場……><

>>February 23, 2004 at 3:41:53 AM GMT+8

2004 年 2 月 20 日 星期五 【晴】

等了一天，佢昨晚原來唔得閒，
結果昨晚自己一個人去做 Gym。
前晚用左廿一元打兩個鐘機，
昨晚只係用左兩元，
就已經可以打半個鐘！
去到 Gym Room，
人開始多番，
但係都未至於要排好耐隊。
舉鐵舉左八個動作，
每個動作三組。
之後就開始練跑。
因為我隻寶貝心跳錶入了廠修理，
所以今次冇量心跳。
今次起始速度係 9 公里每小時，
最後十分鐘開始加速。

埋單計數，
跑了六十分鐘，
距離為 9.19 公里。
比上次再快半公里。
不過相信已經到極限，
因為跑得有 d 辛苦。

其實一個人去做 Gym 都有好處，
就係可以自己完全控制時間。
想早 d 去又得，
想同老細鬥遲離開公司，
晚一晚去又得。
頹做半個鐘又得，
舉半個鐵，之後再跑一粒鐘又得。
當然一件事有利有敝，
一個人去好容易放棄，
成日都想說自己唔好去……><

2004 年 2 月 19 日 星期四 【晴】

今日收到第三場聯賽既資料，
二月二十九日係西貢昂平。
今次係中距離賽，
只得四公里長，
相比我之前比賽既五六公里，
算係短了很多。

唔知係咪唔夠工作人員既關係，
平時有六七條 courses，
今次得三條 courses。
隨了分年齡組別既獎項之外，
仲加設了分 courses 既獎項。

每兩個賽員既出發時間只相差一分鐘，
即係我追人之餘，
人地亦追我。
壓力都幾大架，
最慘係我前後個兩個都係快既。
好有可能我第一個 Point 未打就已經被人追到。
呢兩個星期我要特訓自己，
目標係全個比賽都係跑緊既。