2004 年 5 月 18 日 星期二 【晴】

昨日再受到上司的投訴，
說我進度慢。
結果我今日在壓力下工作，
寫了十一頁。
不過很多是圖，
其次是 copy & paste……
且留有餘力……
預料過百頁的 User Manual，
現在寫了八十頁。
十四個 Sections，
只完成了當中六個。
距離完成，
還有頗長遠的路。
不過上司的意思是要加緊開快車，
不過對超速駕駛我有所保留，
因恐怕會車毁人亡。


份 User Manual 既頁數，
比我的 Final Project 還要多。
以我英文這麼差的來說，
確實是非常吃力。
望各位能為我代禱，
可以全心全意投入工作，
可以依時完成工作。

2004 年 5 月 17 日 星期一 【晴】

今晚要學日文，
一個有二十一個座位的課室，
依然坐了二十個同學。
早來的同學，
可以佔得一個好位置，
遲來的同學，
就只有坐在餘下的空位上。
我，
還是坐在最後一排，
因為怕因身高問題會形響到其他同學仔看黑板。


因為上堂未教晒文法的關係，
今堂繼續教。
而上堂的功課，
也可以於下星期才交。


我知道若讓功課績下來，
我會做唔切。
所以上個星期返工放工時，
我會在車上拿出來做。
未學的文法，
唯有靠自己看書。
雖然都係做唔晒，
不過都完作左一半。
係上堂之先就連同上星期欠的功課一齊交。


係講文化時，
例子應用到功課紙上的習題。
老師問我有沒有帶，
我話交左。
老師就問了一個幾難答的問題：
「點解你識做既？」
看了我的答案後，
她問了一個更加難答的問題：
「點解你做對既？」
佢問我呢兩個問題，
我真係完全唔識答 lor。


放學的時候，
老師問我大學幾時考試，
我話唔駛考，
全部做 Project，
睇完論文後寫 Report。
而係同一時間，
毛同學亦都話左畀老師聽，
我唔係讀緊學士，
而係讀緊博士。

>>May 19, 2004 at 8:05:01 AM GMT+8

2004 年 5 月 16 日 星期日 【炎熱】

歡迎金魚到此一游，
你身體冇事丫嘛？


呢幾日發生 d 離奇事件，
第一次發生於上星期五。
話說上星期五放工返到屋企已經八點半，
食食吓飯既時候，
媽媽同我講話有個女仔打左三次電話黎找我，
但係媽媽一拿起聽筒佢就唔出聲。
大家一定好奇怪，
既然佢冇出聲，
咁媽媽點知佢係女仔呢？
原來第三次打電話黎，
媽媽拿起聽筒就立即說：
「你究竟找邊個？
打電話黎又唔出聲
……（下刪唔知幾多百字）」
咁跟住電話就傳黎一把女仔聲話找我，
係某電訊公司介紹 d 新服務云云……


星期六又有同樣情形，
不過今次係一個男仔打黎。
同樣因為我唔係屋企，
所以都係聽唔到。


星期日除了朝早返了崇拜之外，
其餘時間我都係屋企冇離開過，
但係個電話就冇打黎喇……


呢件事有幾個值得研究的地方。

第一個係點解打黎唔出聲呢？
又唔係咩唔見得光，
但係打黎唔出聲，
我既結論係：因為媽媽太惡！
呵呵呵。


第二個問題係究竟係咩人打黎？
基本上我申請既所有服務，
都係用手提電話 no 既，
所以如果係服務推廣，
冇理由唔打我手提既。


如果係我 d 朋友、同學、同事，
冇理由只得我屋企電話號碼而冇手提電話號碼既。
而我手提電話號碼咁多年冇改過，
呢個假設都唔成立。


爸爸話可能係網友，
我都唔亂識網友既，
況且我都唔會亂畀電話號碼我 d 網友，
就算畀都畀手提電話號碼。
唯一有我屋企電話既都忙緊寫文同繒圖，
就算係佢，佢都只會打我手提。


所以究竟咩人打黎，
仍然係一個迷……

>>May 17, 2004 at 9:49:40 AM GMT+8

2004 年 5 月 15 日 星期六 【酷熱】

現家 d 老人家愈來愈唔可愛，
一 d 都唔聽話既。
昨日篇日記先話佢唔會係我面前抽煙，
點知今日下午就斷正。
其實比以前黎講，
都叫抽少左。
一星期三出三入急症室之前，
真係抽得很兇，
尤其是夜晚「開工」時，
一晚三四個小時，
兩個人可以抽煙抽滿一個煙灰盅！
現在一黎「開工」少左，
二黎食都唔敢食得咁揚，
都叫食少左。
現在一日食一支半支煙，
都叫有進步。
畢竟抽煙抽了咁多年，
一下子完全戒晒又係幾難既。
今次就放過佢啦。


而且佢都飲少了咖啡。
以前同佢去茶餐廳食野，
佢總會要一杯齋啡。
現在去茶餐廳，
佢要既已經係菜蜜。
呢樣野就抵讚。


始終健康最緊要，
希望佢學懂點樣愛惜自己的身體。
不過報告還未出，
仲有排擔心……
現在佢日日都係屋企休養，
有個工人照顧佢。
剛好我呢個 Sem 完左，
多左時間係屋企陪佢。
但係除此之外，
我就乜都做唔到，
呢種感覺係最難受既。

>>May 17, 2004 at 4:04:47 AM GMT+8

2004 年 5 月 14 日 星期五 【晴】

點解 d 人可以咁唔聽話？
剛剛執返條命，
明知道有 d 野唔做得，
都仲要繼續錯落去。
係我面前就扮乖，
一背住我就作犯。
罵又唔罵得，
打又唔打得，
點先可以教到佢聽聽話話？
找天真係要做過地毯式搜索，
再黎過大逼供。
要佢繳械，
充公所有遺禁品。
看來唔可以讓佢繼續放肆下去，
要盯緊 d 才行。

2004 年 5 月 13 日 星期四 【晴】

因為去到寫 User Manual 既關係，
多接觸了 Microsoft 個 Word，
我亦都 Enroll HP 一個網上教 Word 既 Course，
今朝剛上完第一堂，
順手做埋 Assignment 同 Quiz。
個 Quiz 我拿一百分喔，
雖然只得三題 mc。


真係唔好睇少 Word，
我被佢玩左幾個星期，
到今日先開始叫做用得比較順利。
今日下午攪頁尾個 Page No 都攪左我個幾兩個鐘。


仲有其他甚麼「功能變數」、
「索引及目錄」、「書籤」、「標號」、
「文件導引模式」、「樣式」等等。
現在想返都怕怕，
但係保守估計，
我起碼仲要對多佢幾個星期，
簡直係折磨…… ><


現在只係寫左 59 頁，
睇返個 Content Page，
一半都應該仲未有，
仲有排畀佢折磨。


寫呢篇日記時剛過放工時間，
但仍然係公司，
特然有同事約打保齡，
又有人話好 wor，
結果就走去打波喇。


十點約左教練，
希望唔會遲到啦。

2004 年 5 月 12 日 星期三 【晴】

我認為對一個好既 Debugger 對 Programmer 黎講，
可以得到事半功倍之效。
但係一個好既 Debugger，
會告訴 Programmer 個 Program 錯係邊句度，
咁 Debug 就更能得心應手。
就算一個點 Top 既 Programmer，
要一 take 過寫個完全冇 Bug 既 Program，
都係一件好難既事。
記得 Undergrad 讀 Database 時做過一個 Project，
係 Unix 度用 C connect Database，
那時個個同學仔都做到「媽」聲四起。
原因就係當寫既 Program 有 Bugs，
個 Compiler 會出 Error 139，
但係究竟係咩 Error呢？
邊行有 問題呢？
個 Compiler 一概都唔會講。
無論係你打少個分號，
定係 Data Type 不對，
佢都係出 Error 139。
結果我地點 Debug 呢？
就係將個 Program 由頭到尾逐行睇多次，
好彩就會找到個 Bug，
唔好彩就………


如果個 Compiler 可以話埋畀個 Programmer 知，
Line 126: Missing ";"
Line 6020: Unable to concert Parameter 1 from int to char*
咁 Programming 就變得美好很多。


「為甚麼看見你弟兄眼中有刺，
卻不想自己眼中有樑木呢？」
（馬太福音七章二節）
回頭一看，
自己又何嘗唔係咁呢？
要做到即時看到自己的樑木，
又談何容易呢？
雖則話唔容易，
但唔試過就一定做唔到。
共勵之。


後話：
同一個 message，
如果早十個小時收到，
個 Programmer 就一早知個 Bug 發生係邊，
可能咩都唔會發生。

>>May 14, 2004 at 3:26:53 AM GMT+8

2004 年 5 月 11 日 星期二 【酷熱】

昨日上日文堂，
坐我前面那個原來都係唔睇恐佈片既。
看來我都唔係好異類。
人地的而且確係好細膽，
咁都唔係咩錯丫。

2004 年 5 月 10 日 星期一 【晴】

上個星期被個 Prof. 騙了返去上堂，
今個星期當然唔信佢，
寧願返日文好過。
一如所料，
返到去有好多人，
成二十幾人一班。
我就覺得好嘈吵，
好難學到野咁 lor。


頭半堂都唔知做緊乜，
之後對閱讀理解答案。
老師一開始就叫我讀，
當然讀得好差咁啦。
放低左兩個星期，
就退步退成咁。
本身已經差，
現在更加係差上加差。
看來我要加把勁。
（呢句都唔知講過幾多次……）


跟住開始讀生字，
作句子等等。
攪到九時三十分先開始教文法。
七項文法要教，
寫板只係寫到第五項，
教就只教到第二項。
咁老師就話勁話我地會唔識做，
唔駛做住。
不過我早排買了本文法書，
自修做左佢先。
冇計啦，
將勤補拙，
希望一個星期抽到起碼十個鐘溫日文啦。
又要溫日文、
又要做兩個 Master Course 既 Project、
又要做 Gym 同操體能、
上年個 Freelence 又要做返 d 手尾、
重要幫總會做教練計分網頁。
一日有八個小時睡覺就好喇……

2004 年 5 月 9 日 星期日 【晴】

昨日本來約左教練六點，
點知我去到既時候，
佢 d 同事話佢做緊野，
叫我自己練住先，
教練遲 d 黎找我。
誰不知當我練完股四頭肌、股二頭肌、肱三頭肌、胸冗和背肌，
教都未見人。
六點四十五分我再去問多次，
結果都係叫我做住先。
我唯有去跑步，
跑到差不多七點，
終於見到教練。
同佢約左下堂時間，
我就離開健身室。


約左大同 A 君七點半係火車站，
但係我離開都差不多已經夠鐘，
去到就自然遲到啦。
本來打算睇八點鐘，
佢又話肚餓想食飯先。
選睇咩戲啦，
我有兩套想睇，
但係原來佢其中一套有買一送一，
呢 d 咁既優惠，
佢當然留黎辦大事啦，
點會輪到我丫…… ><
結果就買左狙魔人既十點場。


晚餐想食 Pizza Hut，
點知行幾層都找唔到。
退而求其次，
食意粉屋啦，
點知又好多人等位 wor。
結果去左食香葉棧。
d 主菜比想像中細碟，
但係反而甜品好大碟，
食到好飽好飽。
不過埋單個價當係唔少野啦，
因為我遲到，
為表歉意，
呢餐仲係我請 tim，
冇晒錢喇……哇哇哇 ><

>>May 11, 2004 at 10:08:39 AM GMT+8