2004 年 3 月 19 日 星期五 【晴】

失去聯絡差不多一個星期，
同時擔心左差不多一個星期。
會唔會有意外？
會唔會被綁架？
會唔會暈到在家？
會唔會……
一個星期過去，
一齊恢復正常，
白擔心了一場。

2004 年 3 月 18 日 星期四 【晴】

曾經花時間對自己既 Career 做過一個 Review，
目的就係想睇?有沒行錯路。
除了睇?一路工作做過 d 乜，
亦都比對下讀書時既角色係乜，
現在既角色係乜，
究竟個角色適唔適合我，
係咪求變既時候。
得出既結果係大方向沒有錯，
只是現行的路徑並不是最適合我。

首先分析?自己係咩人先，
我似乎係一個薪金行先既人。
知道有人找到工，
通常第一條問既問題就係人工幾多，
Job Title 係乜，
工作內容係乜都排到好後先問。
聽到人地出十四個月糧，
又或者五個月人工，
就會好羨慕。
缺乏自知之名既我，
會幻想自己都應該有同等待遇。
所以上年上司問我對份長工合約有咩要求時，
我就同佢講想要五位數字人工。
當然到現在都未心想事成啦！

俗語有云：「一分耕耘，一分收獲」
係要求優厚待遇既同時，
亦都好應該睇?我付出了多少。
加入公司差不多二十二個月，
我未替公司賺過一分一毫。
不單止咁，
我連一個 Project 都未完成。
我覺得唔係因為我能力唔夠，
而只係我集中力不夠，往往虎頭蛇尾。

回看學生時代既我，
大部份既 Project 都係爛尾收場。
例如三次參加 CAL 既作品，
Undergrad 時大大小小既 Project，
甚至係 Final Year Project，
都係爛尾收場。
除非係 Group Project，
兼且拍檔係行動派，
才唔會爛得咁難睇。
例如「五四想從前」既女王，
Product Develope Project 既阿 C，
Internet Phone 既羅渣。

種種跡像顯示，
我不適合做行動派。
但不可否認既係我有能力做。
例如我試過係 Deadline 前用四個小時，
做起一份其他同學仔做了一個月既 Project。

始終，一個 Time management 唔好既人，
係不適合做行動派。
如果有得選，
我希望做智囊，
負責 Product Design 。
由讀書到現家，
出過好多橋，
有 d 到今日先見到有 Product 做。
例如中四個年寫過一個 RPG Engine，
畀 User 自己入故事內容。
中六既時候，
用 Javascript 做左個馬達既實驗程。
網頁個馬達不停轉，
User 可隨意改變磁場大小及方向，
電流大小及流向，
馬達就會隨之而改變。
大二既時候，
做左個畀遊客用既 Palm Software，
教佢地去唔同既景點，
坐咩車，最平係點去，最快又係點去。

如果我可以純做 Design Prodct，
唔駛分心、分身做 Implementation 就好喇……
當然呢個只係一個夢，
一個好難實現既夢。

>>March 18, 2004 at 4:45:40 PM GMT+8

2004 年 3 月 17 日 星期三 【晴】

瑣碎事數單，
看似冇關，實質有千絲萬縷既關係。

2004 年 3 月 16 日 星期二 【微雨】

寫左日記都成十一個月，
總共 Post 了三百三十一篇。
早排將某幾編拿了去投稿，
想知邊幾份？
留意吓呢幾個零兩個月有邊幾篇既寫作風格唔同，
刻意用書面語寫作…^_^

前日放學返屋企，
收到封信。
我既文章到刊登了出來，
八頁 A4 Size，
我四篇文章佔了兩頁，
即係四份一。
睇番自己既文章，
感覺多麼滿足！


由細到大都幾乎未試過投稿，
包括三次既同學錄，
今次係第一次。

中五既同學錄，
似係一本通訊錄多 d，
主要都係一封大頭照，
加少少個人介紹。
以我咁懶既性格，
個人介紹當然係頹寫。
其他既文章，
都係班會職員負責，
又或者係 d 有心人寫。

中七個年，
本來係我負責整同學錄。
以為遲 d 先交個人介紹都得啦。
後來因為同級社班職員唔夾，
Quit 左，將個爛攤子交左畀金魚。
結果最後我冇交到文，
我既個人介紹係空白一片……
實為一件憾事。

大學畢業，
一樣冇貨交。
其他系就十幾頁，
我個系就得兩頁，
仲要係相片居多。

今次，
我終於主動投稿。
唔知仲有冇機會呢？ ^_^

2004 年 3 月 15 日 星期一 【晴】

我係一個斬腳趾避沙蟲既人。
簡單 d 黎講，
如其要我想解決方法，
倒不如叫我完全放棄，
咁就唔雖要想解決方法。

就好似寫公司個 Project 咁，
寫 Multi-thread 既 code，
一般都要處理 synchronisation。
例如用 Critical Section 去防止兩支 Thread 同時 Access 同一個 Resource。

但係我做法呢，
就會係一支 Thread 行緊既時候，
其他 access 呢 d 公用 Resource 既 Thread 就會停左，
甚至 Disable 埋。


其他一 d 生活上既問題都係咁處理，
避得就避，閃得就閃。
尤其是一 d 同我原則有衝突既野，
對我黎講最簡單既解決方法就係合埋眼，
乜都睇唔到，眼不見為乾淨。

對我來講，
我唔介意受影響既係自己，
但我介意影響到人。
所以要退，我第一個退。
有人話，咁樣會特顯對方既自私，
但其實換個角度，
只係一個唔想找解決辦法既懶人，
唯一一個開脫既方法。


好天真地以為處理一個已經有共識既事處理得好好，
原來不單止唔好，
仲處理得好差。
一黎個件事根本未有共識，
只係我自以為事。
二黎個處理手法亦很低手，
某人話，
如果當初日記冇個三個字，
咩事都唔會發生。
但係其實個三個字係我思前想後專登加落去，
為既就係唔想左瞞右瞞。
曾經想過當面直接備案，
但係考慮過未必接受到，
所放棄左。
另一方面，
又唔想當冇事發生過，
所以就係日記留低三個字。
誰料就處理得唔正熟。

好想認認真真溝通一次，
但次次都未到結論就中斷 Connection，
話要自己處理云云。
咁又點會有共識？

>>March 15, 2004 at 7:18:59 AM GMT+8

2004 年 3 月 14 日 星期日 【晴】

大部份野外定向比賽都是在星期天舉行。
每年賽季大約只有二十五個星期，
部份比賽少不免會撞期。
一般公開定向比賽不會有這些問題發生，
因為事前均需向總會註冊。
所以通常一天不會有兩場比賽舉行，
除非是同一主辦或協辦團體於同一地點舉行。
二零零四年三月十四日，
上午於圓墩有錦標聯賽第四站賽事，
下午於同地舉行香港野外定向會錦標賽。
同日上午於牛寮還有本會的練習賽。
除了參加錦標聯賽的 SOC 健兒外，
只有一位會員參加下午的賽事。
相信其餘的童軍定向人，
大部份參加接力形式的練習賽。

圓墩是一個不常用的賽區，
大家未必知道在那兒。
其實圓墩位於深井、青龍頭隔?。
由青龍頭專線小巴站步行上賽事中心，
需時約四十五鐘。
由小巴站到賽事中心，
有一條頗闊的車路。
不過因為此段車路會穿賽區，
所以走到一半的時候就需要轉入隱蔽小路。

起點及終點均位於賽事中心，
雖然賽區有不少植被資料，
但係比賽仍然以路為主，
有賽員戲稱其為另一「水塘盃」。

大部份的控制點可以只運用「扶手法」。
（扶手法是指沿線性特徵前進的定向技術）
當然扶手不單單是路，
線性特徵還包括山咀、山窩等等。

始終還未能改善逢長途會出錯的陋習，
其中一條大長途，
控制點位於河路交界。
經過水站後有兩個選擇，
一為走大路，
然後沿小溪進入控制點；
另外一個走法是真接走小路到河路交界。
理論上走大路是比較可取的走法，
但結果我選擇的是走小路，
還因小路隱蔽而被迫走回頭路返大路，
浪費不少時間。

H21 賽程長度為 5.2 公里，
大會預計勝出時間為 50 分鐘，
我只用了 51 分 42 秒完成。
滿以為成績不錯的同時，
得悉冠車只用了 38 分 21 秒，
心情頓跌到谷底。
還幸可以搶了七百四十分，
事後粗略計算，
已經護級成功！
總成績暫位於中下遊位置，
二十七名賽員中位列第十五名。

>>March 15, 2004 at 8:38:06 AM GMT+8

2004 年 3 月 13 日 星期六 【晴】

前晚食完自助餐，
昨日又大出血。
大出血分兩方面，
其中一個係指洗左好多錢，
其二係真係流紅色的血。
昨日中午放工之後，
就坐車返屋企。
返到屋企已經兩點幾，
食左碗米粉，
就即刻再出街。
約了樓下個牙醫兩點半，
去到都已經兩時八。
填好了 Form ，
交低個人資料之後，
就入去見醫生。

我都耐冇睇過牙醫。
對上那次洗牙，
應該係媽媽仲係做緊牙醫助護那時。
即係講緊既係四六年幾七年前既事。
咁點解隔咁多年都唔去睇牙醫呢？
咪又係個三個原因，
一、捨不得畀錢洗牙，
二、懶，
三、怕痛。

但係人始終有覺悟既一日。
眼見流牙血都流左幾年，
又唔止一個人提意我去洗牙。
結果我就約了昨日中什洗牙。

洗牙真係好痛，
一路洗，d 牙血一路流。
中間停左兩次，
讓我漱口。
每次用三杯水，
吐出來都仲有血塊。

除了洗牙，
又順手叫醫生補埋 d 蛀牙，
一夠八隻，全部係大牙。
補牙既痛楚比洗牙有過之而冇不及。
埋單時仲痛，
因為診金總共二千六百九十元！
由於開頭冇預補牙，
身上唔夠現金，
結果要即刻去櫃員機提款。

現在要 keep住食藥，
每日食四次，
每次食四粒不同種類既藥丸，
仲要用特別既牙膏，
特別既漱水。


夜晚訓覺個時，
d 牙好似已經唔屬於我咁……><

>>March 14, 2004 at 1:47:46 PM GMT+8

2004 年 3 月 12 日 星期五 【晴】

前日係頹廢既一日，
昨日相反就充實好多。
早幾日有個大同話想食宵夜自助餐，
結果就約左昨晚食。
話明宵夜自助餐，
梗係好夜架啦，
咁放左工之後幾個鐘做咩好？
本來有人提議睇戲，
但係反應冷淡，
結果取消左。
剛好我有套戲想睇，
我又唔介意一個人睇，
所以決定一個人睇。

放工首先坐車返屋企沖涼換衫先，
返到屋企已經成七點幾。
我攪掂晒再出門口都差唔多七點半，
套戲開七點四十分。
我就有佐敦用十分鐘衝落尖沙咀，
去到票務處剛剛七點四十分。
買埋飛即刻入場，
只係錯過左 d 廣告同電影預告。

本來我買 K9 位既飛，
係正中位黎。
（我睇戲鍾意坐正中間）
但係結果我坐 K7，
因為我個位被第二個坐左。
我都唔明，
你買飛買邊個位咪坐番邊個位 lor，
成鬼日調黎調去。
點解咁鬼慶呢？
因為坐左我位個對情侶，
開場冇耐又調左去第二度坐……

講番套戲「The School of Rock」，
我覺得值得買飛入場睇。
班小朋友做 Rock Band 真係入形入格。
尤其是彈 Base 既 Rebecca Brown，
好 Image 好 cool。
打鼓既 Kevin Clark，
三歲已經開始學音樂，
識鋼琴、小提琴、大提琴同結他，
十四歲既佢已經夾 Band。
主音結他 Joey Gaydos，
一歲既時候已經擁有自己既結他，
佢亦都有夾 Band，
仲已經出過 CD，
當中有九隻佢地寫既歌。

睇完戲，趕落金鐘會合大同，
上去香格理拉食自助餐。
食物種類不算太多，
水準中上左右啦。
十點半開始食個半鐘，
埋單每人一百四十元。

遊完車河返到屋企都成點幾兩點喇，
即刻收拾好，
準備訓覺。

>>March 13, 2004 at 4:25:46 AM GMT+8

2004 年 3 月 11 日 星期四 【晴】


Joey 好耐都冇係呢度出現，
小女子向各位請安。

炒炒又再次迷失了，
過了頹廢既一日。
昨日烏下烏下咁返完工，
本來應該去做 Gym。
因為大同 A 君話倦唔想去，
結果得炒炒一個人去。
為了省錢（前晚又花錢買了過相機袋），
所以先返屋企食飯。
返到屋企，
唔知點解食極都唔夠咁。
食晒所有飯，
食晒所有R，
仲食多兩碟蘿蔔糕，
飲左一杯咖啡。
食完豐富既晚餐之後，
好自然咁玩左陣電腦。
當我換衫執野準備去做 Gym 既時候，
已經係八點九了。

由屋企一路行去奧海城，
開住收音機黎聽。
但係幾乎完全聽唔到佢講乜，
個腦一片空白。
行屍走肉咁行到奧海城一期，
好自然咁走左入機鋪打機。
打完機已經九點半，
走去 Locker 放低 d 衫，
之後就行返屋企。
就係好無謂咁由屋企行去奧海城只打機！

返到屋企，
仍然唔知做乜。
好失落，
但係又唔想訓 wor。
到真係上床睡覺，
已經係一點半。
今朝自然唔願起身啦，
由七點鐘開始，
賴床賴到七點五十分。
出奇地，
咁都冇遲到。


>>March 12, 2004 at 2:28:16 AM GMT+8

2004 年 3 月 10 日 星期三 【炎熱】

我係一個冇乜恆心既人，
所以好少追連續劇。
如果係套好吸引既劇集，
都可以睇吓既。
但係好少錄低黎睇，
因為錄低左，
我多數都會一日推一日，
結果就不了了之，冇睇到。
例如早排套衝上雲霄，
佢播結果篇時我剛好去左旅行，
結果都現在我都未睇最後三集。


近來睇某君 ICQ info 同日記，
就好似睇連續刻咁。
當然我就成日 miss 左幾集咁啦，
但係 miss 左我又冇乜所謂既。
有時某幾篇係需要密碼先睇到，
有人追連續劇仲大癮過我，
但又話要保持自己形象，
叫我問過 Password 返黎。
我 d 咁怕麻煩既人又點會去問丫？
結果就齊齊冇得睇。