2004 年 2 月 18 日 星期三 【晴】

感情生活係多姿多彩既，
有人辭官歸故里，
有人漏夜趕科場。
有人十年基業一朝喪，
有人守得雲開見月尾。
從感情生活，
足見人生人生百態。
先旨聲明，絕無任何影射、誹謗或人生攻擊成份。

甲君一拖三，
依然對外聲稱冇有女朋友。
剛過既情人節，
佢點過呢？
好彩係今年係星期六，
可以中午陪一個，
下午陪一個，
仲有第三個點算？
「唔好意思，機主離開左香港去左公幹……」

乙君拍拖接近十年，
好有耐性咁等左好多年。
好恨嫁，做個賢妻良母。
奈何男朋友係大男人主義者，
事業無成之前，
睇怕都幾難成事。


丙君散左冇耐，
但已經搵到最新目標。
由於被列入最高機密，
未知進展如何。

丁君估計拍緊拖。
開頭好似玩猜謎咁，
到現在日記愈寫愈骨痺。
最近發覺 ICQ 個 Info，
更加骨痺。
可以肯定既是，
佢找到佢既幸褔，
作為佢既舊同學，
都替佢開心既。
希望佢將以前既事忘記，
好好享受現在吧。

>>February 19, 2004 at 4:31:25 AM GMT+8

2004 年 2 月 17 日 星期二 【炎熱】

今個星期由星期一開，
連續三日都要上堂。
三日既類型都唔同。

星期一，
係科大上 Wireless Communication System。
Prof. 用英文授課，
但係聽得好舒服。
我唔敢講我 100% 明白當中既內容，
但起碼我知道佢做緊乜。
睇得明佢 d 例子，
佢問問題時我都知答案。

星期二，
原本有兩堂。
一堂係科大上 Boardband Communication Network。
另一堂係佐敦上日文。
由於撞時間關係，
兩者只能選其一。
結果我選擇上日文，
放棄了上完都唔知佢教過咩既科大堂。
因為發燒既關係，
反應好遲純，
成堂烏下烏下咁。
好不容易挨到落堂，
返到屋企就即刻訓覺。
當有一天興趣變成負累，
這樣代表甚麼呢？

星期三，
輪到我教班。
我星期二先知道要教 d乜，
今日先做得起份 Power Point。
由上網找資料，
到打字整效果，
足足花了我成個鐘。
始終都唔係好慣係咁多人面前講野，
今日表現仍然係好唔好。
看來我都係唔適合教書喇 ><

今日一放工，
我就趕返屋企換制服。
七點零五分去到童軍中心，
竟然一個教練都未到。
其餘兩個教練都遲大到，
仲要冇著制服……

>>February 18, 2004 at 5:53:52 PM GMT+8

2004 年 2 月 16 日 星期一 【乍雨乍晴】

天氣變化真係無常，
凍左好多日，
近一兩日又暖返 d。
可能你地會覺得奇怪，
既然係回暖，
點解今天既天氣我會選擇寒冷呢？
唔止寒冷，呢度仲好大風 tim。
有睇開呢個日記既，
都應該會知我講緊咩地方。
冇錯喇！講緊既係我公司。
尤其是近排出面天氣回暖，
出問口時穿少了衣服，
冷熱對比更見厲害，
所受既苦更加大。

為了不時之需，
我已一早放了件冷衫係公司。
幫係幫到 d，
但係未能給我完完全全既保障。
好彩最近多左一件法寶，
給我十足既保障。
發明呢件產品既人簡直係天才！
呢法寶係一張毯，
只要一插上電，
就會發出陣陣既熱力。
說明書仲話會有個電場，
可舒緩頸梗膞痛。

起初我睇包裝盒，
以為張毯係好大張，
可以完全包褢著身體。
拆開了先知原來只係夠放係背脊，
雖則係咁，但係我已經覺得好?暖。
尤其是中午抱著它來睡午覺，
簡直係人生一大快事！
一定要表揚下發明那個人，
直頭係我再生父母。

當然，令到我擁有呢件法寶既人亦功不可?，
多謝晒！

>>February 18, 2004 at 4:58:42 PM GMT+8

2004 年 2 月 15 日 星期日 【晴】

位於元朗朗屏的髻山，
一個似熟非熟的賽區，
本年度的第一場錦標聯賽就是在這兒舉行。

錦標聯賽舉行的時候，
西鐵還沒通車，
故交通十分不便。
大約一個小時車程才能由九龍到達朗屏。
今次色級賽舉行的時候，
西鐵已經通車，
交通方便得多。
由南昌站到朗屏站，
只需二十分鐘。
由朗屏站一出，
步行約十數分鐘，
就到達髻山。
賽區交通方便之餘，
又鄰近屋村商場，
有快餐店，又有士多辦館。
方便事前事後補充糧水。
如此有「地利」的賽區，
髻山絕對是比賽練習的好選擇。

這賽區其實不是很大，
地圖的大小大約只有 A4 紙的五份之四。
所以賽程一般不可以太長。
今次啡組的路程成八字形
長度是 5.3 公里，攀高 280 米。


賽區南部一白林，
頭三個控制點就在當中，
而賽程尾段要再入白林多一次。
記得 Perola 在友會撰文，
多次提醒要留意比賽頭段的數個控制點。
正確無誤的開始，
會給予自己很大的信心，
對接下來的表現有正面的影響。
所以我今次不敢輕視頭段的白林，
以慢速進入，
時刻保持與地圖及指南針的連繫。
可能是因為頭段的「正面回饋」，
也可能因為今次沒有比賽的壓力，
心情輕鬆得閒。
表現因此比平時更好，
雖偶有失誤，
但很快就矯正過來。

覺得自己有兩處地方需要改進。
第一是耐力還欠很多，
當跑長距離時，
體能很快下降，
故末段很容易犯錯。
尤其是上山路段更為顯著。
第二是太容易受其他事物影響，
給與自己很大壓力。
看到同組的賽員，
不論是他追過我，
還是我追過他，
我都會感到壓力。
看見時間用了很多，
我也會感到壓力。
看來我要下多些苦功於體能訓練及心習上。

今天做出近年最佳成績，
平均每公里需時十三分四十八秒。
比起今季已舉行的兩場錦標聯賽，
十二月在髻山的每公里需時十七分三十五秒。
上星期在驢仔石的每公里需時十九分二十三秒。
成績算是一大躍進。
希望可以保持今天比賽時的心理狀態。

>>February 15, 2004 at 3:46:30 PM GMT+8

2004 年 2 月 14 日 星期六 【晴】

昨天情人節，
一個好多人慶祝既日子。
但對我黎講冇乜意義，
今日只係讓商人搵多 d 錢既日子。
同母親節，父親節一樣，
點解要特定一日慶祝？
唔係應該日日都對佢地好咩？
而送禮物，平時睇中買左咪送得 lor，
點解要過時過節先送？

2004 年 2 月 13 日 星期五 【晴】

昨晚又去了做 Gym，
計埋星期三係九龍公園練跑，
已經係連續三晚跑步。
其實跑步都唔係咁辛苦，
係一個講跑步既 Newsgroup。
有人一個星期跑足七日。
由原全沒跑步習慣，
到成功係上星期完成馬拉松。

昨晚放工，先返屋企食飯，
再到奧海城既時候，
已經八點半了。
忍唔到手入左機鋪打左鋪機，
好好彩咁第一次打爆機。

因為唔想太夜返屋企，
所以我換完衫，拉完筋，
係咁易舉左陣鐵就去跑步。
和昨天一樣，
做 LSD，目標都係一小時。
但起始速度比昨日快 0.2 miles per hour，
即係 5.2 miles per hour。
一路睇住怪俠一枝梅既大結局，
一路作輕鬆跑，
其實都唔係咁辛苦。
一邊跑步一邊睇電視，
其實都有好處。
首先就係有咁悶。
其次就係睇電視分散了對疲倦既注意力。
最重要既係，
可以讓我我道會唔會跑得太快，
因為跑得太快會聽唔到電視講咩。^_^

不過部機係 58 分鐘之後自動轉成 Cool Down Mode，
每分鐘自動降成 4.5 miles per hour。
但係我個時係做緊衝線速度，
即係 8.0 miles per hour。
結果我要係咁按住個加速掣 >.<。

埋單計數，
跑了六十分鐘，
距離為 8.66 公里。

>>February 15, 2004 at 1:46:33 PM GMT+8

2004 年 2 月 12 日 星期四 【微冷】

為了吸引遊客，振興旅遊業，
旅遊事務署舉辦「幻彩詠香江」。
由二零零四年一月十七日起，
每晚八點至八點半，
香港島沿岸的 18 幢主要建築物會一一亮起璀璨燈光，
並配合音響和旁白。
係二月十八日之前，
其中 10 幢建築物更會加插煙火效果。
咁昨晚放左工之後，
就和一個同事去左尖沙咀影相。


去到尖沙咀，
我同事請左我去星巴克飲咖啡。
次次去星巴克我都係只會飲莫加，
今次都唔例外。
係星巴克出黎，
見到有警民衝突。
話說有個女士好激動咁話要帶走佢爸爸，
但係佢爸爸又好似唔係好願跟佢走咁。
咁 d 警察就叫個位女士冷靜 d ，
如果唔係就用手扣鎖住佢。
個女仔愈激動，
班警察就愈大聲。
我真係唔知究竟邊個激動 d，
邊個需要冷靜喇。


去到文化中心海傍，
原來已經有好多人排緊隊。
到七點二十分左右，
開始放人上長廊。
我地第一時間找個好位，
set 好腳架，試影幾張。
長廊上其實有 d 坐位，
我地已經係兩排坐位中間既樓梯通道 set 機。
係 set 緊機既時候，
有 d 後黎既人話我地遮住佢地。
我都咪話佢地坐左我個位，
反而畀人話番轉頭。


連埋試機相，
總共影了四十六張相。
選了其中十張放在這兒：

「幻彩詠香江」

畀吓意見我，
等我睇吓點改進。
細心既人可能會發覺，
我 d 相個水平係偏歪了既，
應該係支腳架既問題。
我既 Shopping List 又多了一個項目，
就係成千元既靚三腳腳架（用架那支是借回來的）


影完相，坐車去奧海城做 Gym，
去到都已經好夜。
所以我都冇做 Weight Training，
只係跑左跑步機。
跑了六十分鐘，
跑了 8.34 公里。
另外再加十分鐘既 Cool Down。
跑完原都已經十一點，
（Gym Room 收十一點）
好快咁沖完涼就屋企睇今晚影既相……

>>February 13, 2004 at 6:34:11 AM GMT+8

2004 年 2 月 11 日 星期三 【炎熱】

等左好多日，
天氣終於開始回暖。
今日又天晴，
希望今晚影到靚相啦！

2004 年 2 月 10 日 星期二 【颳風】

今朝看一看日曆，
原來已經二月十一日。
唔經唔覺又一個月，
時間過得真係快。
呢個月發生過好多事，
有開心既，亦有唔開心既。
若想全部都係開開心心既，
簡直係癡人說夢。
然而，若從另一角度看看唔開心既事，
其實都係一個學習機會。

2004 年 2 月 9 日 星期一 【乍雨乍晴】

冷鋒開始過去，
天氣慢慢回暖。
但我仍然覺得很凍，
係身心俱寒。