2007 年 4 月 28 日 星期六 【炎熱】

琴晚送佐您返屋企之後，落佐銅鑼灣搵郵差，好耐冇一齊玩馬仔機喇，玩到收場先去食飯，o的o野都唔好食o既，但係太肚餓算數啦，唔理喇。

玩夜佐o的令到今日都晏佐起身，今日您要陪家姐溫習英文，唔知係咪我訓未醒講錯佐o的乜o野令您誤會，但係您都知我o地一直都只覺得相聚o既時間太短，我又點會吝嗇可以畀我o地見面o既時間o丫？！

您心情唔多好，有時講o野又口事心非，真係會令人難以猜透您o既心意…您唔聽我電話o既時候，雖然個心知道您係想見我，但係我o既心情點都係煩躁。盡力唔去諗o的負面o既事，留言或者同您講o野o既時候唔好太悔氣…

您同我都係有o的脾氣o既人，嗯…要有耐性…打極電話您都唔聽，又唔知您o係大埔定係上水，唯有o係大埔出閘遊蕩一陣，正在行緊去Mega Mall o既時候您終於都覆電話喇，原來您o係您家姐屋企！浪費佐相聚o既時間o黎折騰一大輪，值得咩？但係又偏要鬥氣…激死…我知您係o係度撒野o架！

享用佐由您家姐下廚o既豐富晚膳，再睇佐陣電視就送您返屋企，再趕埋尾班火車返新翠night check。

又一day。

>>April 30, 2007 at 9:05:24 AM GMT+8

2007 年 4 月 27 日 星期五 【微冷】

聽日放假呀，所以今日要黐實張凳唔走開咁做o野，做做做做做！x_x

大部分關於rates o既o野都已經KO晒喇，再fax埋o的signage o既報價出去，終於都有時間幫老細作埋篇文，真係難作。仲有一篇要作，要快手o的。

努力工作得到o既回報，就係可以準時o的收工，您個傻婆月尾發狂咁做o野，作為男朋友o既我好應該過o黎接您收工以示支持o既！

其實都唔知住新界區係好事定壞事，可以o係巴士度訓到隻豬咁總好過無無聊聊四圍望。唔知點解平時一個人搭車，無論幾累都好，總係好難訓得著，但係同您一齊坐車o既時候，見到您個訓覺樣，就好自然咁覺得眼訓，跟住就訓著佐lu~ 莫非呢o的就係愛情o既魔力？！

>>April 30, 2007 at 2:48:27 AM GMT+8

2007 年 4 月 26 日 星期四 【陰】

琴晚o係o的物管公司網頁四圍睇，結果o係SHK網見到有份工o岩郵差要求，幫佢online apply埋先訓，結果訓得五個幾鐘，今朝起身勁眼訓，但都要返工o架…

一返到公司就要開始做喇，真係連諗住訓返一陣o既懶都冇偷。因為我o地遲佐上shk挪cash coupon o的o野落o黎派畀o的客，今日一定要搞掂，但無奈琴日又冇人自動波做，唯都等我返o黎發落。即刻就印晒o的料，再自己扮埋自閉仔o係庇護工場係咁將o的sample coupons同紙釘埋，釘足成個鐘，企到腳都軟之餘，仲要釘到手都痛，唔知係咪筋骨勞損…慘…

搞完呢壇o野，又繼續搞o的rates，好煩，又要填表畀RV申請退返之前交多佐o個o的，又要盡快開voucher上leasing交first demand note o既rates，再要寫memo通知director，又要o係個leasing system度update新rates，搞搞搞搞搞…人都癲！

o的時間又唔多見駛，最後捱到五點半，終於都頂唔住，精神崩潰o係個位度恰著佐…醒返都已經六點半喇，真係好少可有o野做都頂唔住好累，望住電腦都唔可以集中到精神，拿拿聲搞埋o的手尾閃人。

洛鉬抽唔中，今日一上市就升佐六十幾個巴仙，痴線的。身邊問極都冇人抽得中，都唔知點樣配股。

您今日好憫，因為接連都畀o的clients搞住晒，搞到「駝駝擰」，仲要浪費佐o的時間o係traveling…月尾囉，您個人特別會緊張o的o既，要交數之餘又撞著個人唔舒服，呢點我好明白o既，雖然真係好累，但係見您o既condition仲差過我，又好失落，我都唔駛再豫疑一定要去接您返屋企！Just call my name and I'll be there~

哮！您個傻婆係咁出力打我打到自己手都痛，傻傻o地o既~

「121556！即刻同我踎低！」笑死您哩！最鐘意聽到您o既笑聲，見到您o既笑樣！我愛您呀！

我覺得您都係快o的準備好您o既resume同cover letter，等我幫您send去promotion o個邊，趁住佢o個邊仲未請到人又等人用，而o個邊老細又就快結婚心情唔差，加上您住大埔食成佢o地Mega Mall條line，真係事不宜遲快快手啦，機會走佐就冇o架喇！

>>April 27, 2007 at 1:47:55 AM GMT+8

2007 年 4 月 25 日 星期三 【陰】

今日照例都係學車啦，但係學下晝，雖然十點幾就醒佐仲唔係好訓得返，但係下晝即係下晝，個人真係精神o的，連師傅都話今日駕得唔錯，哈哈！

不過學完車都係去佐改期考試。o係改期o個度見到有條友仔由佢呀媽陪同，揀緊學私家車定貨van、棍波定係自動波。個工作人員話，私家車考跑馬地，好多大斜路，泊位又要用晒左右腳之類，好難考云云。條友仔同呀媽講學自動波易o的，學貨van可以駕埋私家車又抵o的云云。師傅話︰「棍波o黎o架，唔講得笑o架！唔o野少o架，係堅料o黎o架！」仲有︰「跑馬地唔易考o架…」云云…係呀，我就咁硬頸，係要揀最難考o既私家車加跑馬地o黎考，我係都要克服佢，咁先唔係浪得虛名！

好多人都叫我快o的考，學得密o的唔好攤凍晒，最好一個禮拜學足四、五晚，但係又邊有咁多時間學o丫…o係公司做o野都唔好期望可以立亂放一個長假喇，o的o野唔通真係交畀個clerk做咩…返到o黎咪又係要執佢手尾，分分鐘仲要重新做過晒… @_@

我自己知道自己o既進度去到邊，要一次過pass唔係日日學定係一個星期學一次，我覺得時間長短係次要問題，最重要係練到幾時坐上架車上面都可以發揮到達到水平同穩定o既表現，咁就幾時去考都唔係問題，但係我知道自己仲未去到呢個階段，要努力o的！不過如果CityU真係收佐我，我就點都會o係o個邊開學之前考掂o架喇，以免分身不下呀！

您好忙呀，六點幾先收工。好耐冇見您，頭尾都差唔多有四日喇，好掛住您呢~ 一齊返入大埔同您二家姐去海港食飯，都好開心o架，但係點解相聚o既時間係過得咁快咁短暫o架… >_<

您要加油呀，快o的入晒o的數，唔好又遲交喇~ 加油！

----------------------------------------------------------------------------------------------------------------------------

其實大埔同柴灣一o的都唔遠，簡直方便到痹！

KCR去紅磡轉118/106 ($7.3 + $8.9 = $16.2, 118較快, 最平之選)
271去油麻地轉118 ($9.1 + $8.9 = $18.0)
74X去觀塘轉MTR ($8.4 + $10.0 = $18.4)
KCR去九龍塘轉MTR ($7.3 + $11.8 = $19.1)
74X去觀塘宜安街轉紅van ($8.4 + $11.0 = $19.4)
74X去九龍灣轉MTR ($8.4 + $11.8 = $20.2)
KCR去尖東轉MTR ($10.3 + $11.8 = $22.8, 最穩陣選擇)
74X/75X去大老山隧道口轉682/682P ($8.4 + $15.3 = $23.7)
307去灣仔馬來西亞大廈再行天橋過對面演藝轉788/780 ($20.3 + $6.2 = $26.5, 788較快但較適合去近小西灣附近地區)
307去東隧口轉694/682/606/606P ($20.3 + $ 4.4 = $24.7, 307+694最快之選)

注意︰
朝早繁忙時間紅隧實塞車, 坐118過海要預時間
朝早繁忙時間東廊去銅鑼灣方向實塞車, 坐307去灣仔要預時間
694唔經英皇道, 出東隧後上東廊往柴灣

>>April 26, 2007 at 1:14:51 AM GMT+8

2007 年 4 月 24 日 星期二 【颱風】

無端端落佐一日大雨，天氣涼返o的，但工作仍然多。

月頭又搞佐單途人唔知點解o係場裡面pk o既事件，今年真係幾乎一個月一單呢o的濕滯o野，成日都要寫o的長篇大論o既IR，真係煩到嘔，再加埋o的個個月routine要交o既reports，都咪話唔煩呀…勁忙！

放佐工返屋企食飯，食完飯再返公司幫手搭架換燈。身為佢o地o既一份子，我做大o既，即使唔係每一次都帶頭做，有時總要企出o黎做個勢，同佢o地一齊做，刺激o下佢o地o既士氣同埋o個份責任感，令到佢o地唔會覺得工作係孤獨去做，團結佢o地o既心。

您放工o個時我仲未走得，冇辦法見到您，心諗如果您可以過o黎接我收工，咁就好喇。後尾您打電話去我公司，仲以為您過佐o黎新翠，點知原來您已經返到屋企，個心總有o的失落。不過唔緊要啦，我都唔可以咁自私，因為您好累呀，要多o的休息，唔可以成日霸住您嘛…

其實我真係好掛住您，不過有時工作太忙，未能夠抽身同您傾電話，內心亦都好掙扎。我知道您好需要我，其實我亦都係好需要您，因為我只屬於您一個，您亦只屬於我一個。

70天喇！I miss you so much...

>>April 25, 2007 at 4:37:57 AM GMT+8

2007 年 4 月 23 日 星期一 【雨】

真係做過冇停手呀，今日o既時間係冇浪費到o既！

新年o個時，公司由L3跌佐個「福」字掛飾L1，結果收到政府o既告票，今日老細要上庭受審，好在只係罰九百蚊，不過呢壇o野都足足搞佐成個兩個幾月…

其實o的掛o係L3層扶手柄o既掛飾，係由自以為把炮，有leasing撐腰o既一間promotion公司負責o既，理論上係應該由SHK o個邊負責，但係有鑊就梗係冇人會揹，衰o既o野就係我o地做management o既食晒。件事總算告一段落，老細終於都解脫，煩少一樣o野。

有o的累，十點幾就畀您o既電話(乙水)佐上床傾電話，十一點幾就訓著佐喇…ZZZ…

----------------------------------------------------------------------------------------------------------------------------

Loving You
Minnie Ripperton

Loving you
Is easy 'cause you're beautiful...
Making love with you
Is all I want to do...

Loving you
Is more than just a dream come true...
And everything that I do
Is out of loving you...

La...

No one else can make me feel
The colors that you bring...
Stay with me while we grow old
And we will live each day in spring time...

'Cause loving you...
Has made my life so beautiful...
And every day of my life
Is filled with loving you...

Loving you...
I see your soul come shining through...
And everytime that we...
Oh... I'm more in love with you...

La...

No one else can make me feel
The colors that you bring...
Stay with me while we grow old
And we will live each day in spring time...

'Cause loving you...
Is easy 'cause you're beautiful...
And every day of my life
Is filled with loving you...

Loving you...
I see your soul come shining through...
And everytime that we...
Oh... I'm more in love with you...

La...

>>April 26, 2007 at 1:15:54 AM GMT+8

2007 年 4 月 22 日 星期日 【酷熱】

星期日，唔算太繁忙o既工作…

我都唔明點解咁細個site，最多都只係得17個人o既site（而家只得15人），都可以咁多是是非非，所以話人o既心真係最可怕o既。

早前公司個technician，寫信上SHK，申訴個senior tech.打假卡，最終搞到上去董事o個度，老細真係超級唔想冇佐個做得o野、肯捱義氣o既sen. tech.，但係又夾o係中間…唉…

老實講，下面班馬騮，成日唔係你幫我打卡就我幫你打卡，有咩漏打卡o既情況，佢o地總有辦法搞掂，都唔知係禍定係福。明明有返工冇蛇王有做o野，唔知點解又要咁傻，漏佐打卡而又自己諗辦法去搞返掂，我o地亦唔知個tech.手上有幾多其他人o既「犯罪」證據，我o地在明，個tech.在暗，場仗真係好難打。

只見個sen. tech.日日冇o黎心機，以前(乙水)佢邊玩邊做o野，寓工作於娛樂，而家佢完全都唔肯郁，同埋玩自閉…唉！每個人都明白，佢雖然粗聲粗氣，但係工作時真係挪個心出o黎做，人生有時就真係咁矛盾，唉…大家係一家人，點解要成日針來針去，自己人打自己人？

無奈…

>>April 25, 2007 at 4:11:03 AM GMT+8

2007 年 4 月 21 日 星期六 【酷熱】

星期六，都係要繼續努力工作啦，但好火喎，又畀臭英激親！忿怒呀！其實都可以話我戇居o既，o的o野係自己拿來，所托非人。

話說早兩日臭英姐發現佐女廁畀人偷廁紙，於是我就叫佢check o下o的CCTV，睇o下見唔見到個賊樣，點知就發現佐原來係夜班雲石組o的人偷o既，仲要大模斯樣咁o係個cam前面放入個袋度拎走，差在未o係個cam下面做埋「V」字手勢咁明目張膽… @_@

以臭英呢份人呀，有晒前科o架啦，之前公司有條友偷o野，佢完全唔駛問過老細就報警拉人，而且佢又咁憎夜班雲石組o的人（因為有其中一個係夜班成日串佢o既同事o既老婆），就梗係要扮晒正義，挪返個彩啦！

我套過老細口風，佢話︰「我都唔明白點解咁大個人仲可以做埋o的咁低能o既o野…」知道老細根本就唔想搞大件事，一來老細坐落新翠第一句就係同我講，佢係一個好重視公司裡面或者朋友關係o既一個人；二來清潔公司係我o地o既sub仔，冇理由o係自己公司裡面搞大件事畀全世界人知。老細亦己經私底下同清潔公司個總監（老細朋友o既媽媽）講佐件事。

點知呢個臭英又扮晒醒喎，一於有理冇理，成件事落晒簿，仲要寫到明話「李主任叫睇CCTV」，即時火屎都o黎埋！！公司有晒工作指引規定，睇CCTV要先得到Regional I/C書面批準先得。即使平時我o地成日都自己去睇CCTV，希望早一步搵到一o的即場睇唔到o既線索，都要後補返份申請表，再作個時間去翻睇CCTV，但係今次又係擺明係偷偷o地睇佐先，根本冇可能咁無腦、咁戇X，將o的「罪證」落埋保安大簿去話畀全世界知！我一睇到簿，就話︰「x！冇o野呀嘛？！咁樣擺我上台？！有冇搞x錯呀？！」之後我用鉛筆o係簿度留佐一句︰「英姐，多謝晒！」真係多謝晒你擺我上台。

佢下晝返到o黎即刻打上o黎辯駁，話老細都畀佢睇云云，咁我就反問佢又唔落老細個名話老細叫睇CCTV？無言。之後佢繼續辯駁，再「提醒」我o的CCTV唔燒錄就會「好快」洗佐。老實講，我份人真係冇乜o野o架咋，只係我覺得你做錯o既時候，你答我一句︰「明白，下次唔會！」咁就可以(乙水)返我，令到我冇o野好講即刻心軟收聲o架喇，跟佐我兩年，用過軟功又用過硬功，咁都唔明，真係抵罵多兩句︰「呀英姐，請問你呢單o野仲想玩到幾大呢？你要玩到幾大先收手呢？」唔想再同佢講，收線。

所謂好事不出門，醜事傳千里，公司day check同night check o個班友正人超級八公，我估好快呢件事就會傳到成個KS都知。佢o地班人真係八得緊要，就連去完annual dinner見到前老細Selina肥佐有肚腩，都可以吹到天花龍鳳，所以你話呢o的咁o既芝蔴綠豆o既小事，真係好記唔記，應記o既又寫到唔清唔楚，正一廢人。

我強調，偷o野係一件絕對錯o既事，但係處理o既手法絕對係需要有彈性，有事o的o野唔係話一就一，話二就二。我o既睇法係，今次捉到佢o地偷o野，點睇佢o地都唔敢有第二次，而今次放佢o地一馬，我o地就有籌碼o係手，到時要佢有咩額外幫手或做o的份外事，佢o地班人都唔敢托手掙！如果件事揚佐，換o黎o既就係一段有刺o既對外關係，換人做雲石事少，回響可以好大。

幾時都係︰個人榮辱事少，公司利益事大。好多o野都唔可以睇得太短線，尤其係我o地呢一行咁需要靠關係去搭救。

後尾我都知道佢又同老細告我枕頭狀，聞說仲講佐個幾鐘，但我都遇佐佢會咁，我知佢實喊苦喊忽，又話佢冇錯、公司對佢唔公平之類。但老細好耐之前講過一句︰「總之最大o個兩個係女人就煩啦！」明晒佢意思。佢唔係睇低女人，只係女人有時真係太感情用事。我知佢實會做中間o既和事佬，佢會叫英姐照燒碟畀佢，之後會自己「珍藏」。

臨放工仲要玩捉賊，結果遲佐先收工入去大埔見婆婆。第二次陪您去食常相聚，叫佐半隻雞、菜螃蟹同埋呢度好出名o既筒頭白菜，好味道呀！可惜我o地見面o既時間實在太短暫，如果可以同您一齊返屋企攬住覺覺豬就好喇…我愛您！

>>April 25, 2007 at 3:42:49 AM GMT+8

2007 年 4 月 20 日 星期五 【晴】

今日尚算勤力，係咁update o的舖o既rates，原來平均都係比舊年加佐10%，同前年o既加幅都差唔多嗟，我睇都唔會上訴o架喇…不過仲有大把o野未做，要趁住呀Mi放假，快o的做埋去。

婆婆放工過佐o黎接我收工，我覺得婆婆今日著得好靚，呢個係我最鐘意見到佢o既裝扮，心情靚靚，真係攬住您唔肯放手呢…成身都係您o既味道，我決定今晚唔沖涼就上床訓，我要留返您o既味道o係我o既身上，等您陪我好好咁訓一晚~ >3<

雖然已經連續六日都有見面，但係真係見極都唔夠、見極都唔厭，好渴望可以見到我最愛o既您~ I love you~ 66天~

>>April 25, 2007 at 4:30:57 AM GMT+8

2007 年 4 月 19 日 星期四 【炎熱】

放完假，要返六日先再有假放，今日繼續勤力仔工作，預備緊份handout，努力咁同公司個system打耐力戰…呼…真係咁多bugs都得o既…

放工遲佐少少，今晚媽媽去街，屋企冇飯開，索性接您收工再送您返屋企。您同爸爸因為我可唔可以上您屋企食飯而嘈交，我聽到之後個心好唔安樂，咁樣係我最唔想見到o既事。我實在唔想您因為我呢個屬於您屋企o既「外人」而鬧交，我唔想影響您o地o既關係。

您話因為您屋企o既關係，我可以唔要您。咁o既說話您都講得出o既，我唔鐘意您咁樣講呀！屋企人冇得揀o架嘛，雖則而家係兩個人拍拖，而唔係同伴侶o既屋企拍拖嗟，但係能夠令對方o既家庭和諧，其實都好重要，因為日後仍然有好多時間同機會要面對，所以唔可以逃避，我寧願忍得就忍，讓得就讓，一家人最緊要就係一個「和」字，愛您o既，自然要愛埋您o既屋企人，如果唔係您夾o係中間做夾心餅，會好辛苦。

我屋企人對我o既女朋友咪又係有偏見，所以我o地兩個都要乖乖o地，幫得幾多、就得幾多就幾多，我相信最終佢o地都明白我o地有幾咁愛對方，亦願意為對方付出、犧牲，時間會幫我，做我o地o既見證人，我Dominic永遠都會咁愛您菜頭婆婆o既！

今日您收到個電話，係有個client搵到工，您又多一個placement o既時候，您居然開心到彈o下彈o下咁，傻傻o地o架，但我鐘意~

送佐您返屋企，見郵差仲o係銅鑼灣，就搵埋佢一齊食埋個飯先返屋企。佢帶佐我去佢個印巴籍friend間舖頭到食咖哩，有o的都幾辣，但都幾好味，不過食完之後兩個人個胃都好似滾滾o地咁… @_@

>>April 20, 2007 at 6:05:51 PM GMT+8