2007 年 6 月 7 日 星期四 【清涼】

同居的距離

為甚麼叫做同居？想來是很即興。近來見身邊的不少同事朋友，家，搬出搬入。合久必分，分久又合，這本來是挺平常簡單的事。不像世界版圖那麼複雜，解體後又話要復合。

在我們這個年代，或者我所認識的人當中，同居比結婚更正常。除了少數自稱為「獨居老人」外，隨時找上無數同居男女。突然傳來緊急結婚的，都只不過為了BB能名正言順。

但當其他三地作者問我：怎樣才算是同居？同一工作室、幾對男女分租、結了婚打算離婚、同居多時準備結婚……算唔算？於是我就開始懷疑：我們不言而喻的共識，在香港以外的中國地方，是否真的有點距離？

說到底好簡單，有愛有性才算是「正常 ∕ 健康」的同居生活。


HONGKONG：同居，沒有改變男女的天性

每個人都有一個理由同居。最少。

有人說同居是試婚；又有人說是怕獨居的寂寞，愛有人照顧；又有人說在性愛方面比較方便達到滿足，隨時想，隨時有；可能是安慰獎，當得不到婚姻的時候；或者是婚姻的借屍還魂，享受共處的方便，卻害怕婚姻帶來的束縛，換個方式，還是那瓶酒；更實際的，是工作纏身，踏出公司門框已經是天黑，共同生活，再忙也可以見個面，傾句計，得到體溫帶來的溫暖，卸下每日的委屈；在香港，還有一個很生活現實的條件，一個人能力有限，兩個人一起負擔，條數划算一點，素質條件會好一點；當然，一切還是由愛情開始，這是最原始的條件。愛情，看法男女有別；同居，將看法的不同加深，願意同居的男性比女性少，計較結果的女性比男性多。同居改變了男女不同生活就是婚姻關係的模式，卻沒有改變男女的天性。

因為誘惑，所以同居

Michelle跟Jonathan不是驚為天人的一對，外表條件比一般還是出眾，二人都是混血兒，男的爸爸是蘇格蘭人，媽媽是香港人；女的爸爸是澳洲人，媽媽是馬來西亞華僑，因為這個原因，二人走在一起，在北京一間酒吧邂逅，Jonathan的朋友看見Michelle便上前搭訕，可是女方看中的是Jonathan，那夜二人回到女方的地方，水乳交融，卻沒有多進一步，因為男方明朝還是要上路，交換了電郵，女方先發出第一個電郵；就這樣男方飛到澳洲，二人共同生活了一年，後來男方離開，來到香港工作，二人分開九個月，最後女方也來到香港，二人再度一起生活，幾乎一夜情的關係，演變為同居男女；可是不一樣是香港這地方，製造出另一種的同居生活。

Michelle說：「如果我們不一起生活，我相信我們做錯事的機會很大。」這個不難理解，我們友人與友人之間的非正式統計，好地地的一對男女，在香港因結識第三者而分開的，大家也見過很多例子，香港集中了不同國籍的男女，尤其對男性，香港、中國、日本、菲律賓、尼泊爾、泰國、歐美……就如自助餐，就算飽都想試一口，「那九個月在香港，一個人，其實很難不行差踏錯。」一踏出中環蘭桂芳，百花競放，二十四歲男子，血氣方剛……Michelle認為在這段日子，她是比較堅強的一個，盡量令自己在澳洲的生活忙碌，沒有時間去想寂寞……外表條件好，吸引異性的機會大，選擇多，心野夜貪玩起來，一個人住甚麼也方便，兩個人住，不其然起了約束作用，再心野還是歸家，跟另一個人睡。

正如Jonathan說，如果不是Michelle，他現在應該還是單身，「不會有穩定的女朋友，當然就不會跟人同居。」女方喜歡回家有Company的感覺，回家有人傾吐；回家有人愛錫；回家可以做回自己；那是一種安全感。還有，女人總是認為如果有一個家，男人總是會回家。


24小時400呎

在這小小的天地，Jonathan說他的個人空間，就是一個小小的魚缸，Michelle說她連摸都不可以；而廚房則是Michelle的天地，二人住在上環的一間四百多呎的地方，兩房跟一個半廳，「連飯檯都放不下！」Michelle是有點抱怨，Jonathan認為地方是太小，卻已經是能力可以負擔，一個人根本負擔不來，在澳洲時，地方大得叫囂時有回音，空間大，可以經常請朋友回家開dinner party，二人生活比起在香港時多點二人生活以外的細節，覺得健康一點、更有趣味，現在兩個人單獨的時間多，空間又狹窄，有時吵架起來，連躲避的地方也沒有，Michelle說Jonathan根本不讓她在吵架時奪門而出，「他怕我一去不回來，所以我們有協議，不論吵得多兇，對方都不可以離開這個幾百呎的地方。」

那麼怎麼辨？睡梳化，可以睡的是Michelle，「每次他都說他會睡在梳化，結果還不是我睡在梳化。」連先妥協的都是Michelle，兩個人相處，尤其二十四小時，磨擦很容易，可以為一隻襪、一袋垃圾，可以說是無聊，吵起上來也可以很兇，Michelle說兩個人住，自己負責打點家務、煮飯，又要上班，依然很享受這個過程，只是有時男方三催四請才肯動手，叫到第三次，難免大呼小喝，Jonathan插口：「Michelle是那種一叫就要人即刻辦到的女人，有時我在睇電視，不過想等一會才做。」這時Michelle已經插口：「It is not true！」這是同居男女最佳的相處小事爭執例證，無一幸免，女人總跟男人說，有事不妨直說，到男人直說起來，女人受不了，還是吵架收場。


性愛跟性高潮對抗

朝九晚五的上班時間在香港是沒有可能。Jonathan說香港工作壓力大，時間長，每天回家都總有一個人分享你的憂慮，聽自己說一些無關痛癢的事情，再委屈都受得住，「有一個可以依賴人的，心中有講不出的舒服。」工作時間長，住在一起，再晚總可以回家見，這是好處；那麼壞處呢？性生活。Jonathan坦言他血氣方剛，二十四小時就想有一次性愛，性愛對於他來說是愛情的養份，二人就這個題目，坦言還是沒有結果；Michelle自上班當了PR後，面對著新工作、新環境，壓力很大，工作時間長還是其次，上司難捉摸才是難題，「壓力大到我自己也始料未及，很擔心做得不好，會失去這份工作，那時我便要回澳洲，便會失去Jonathan。」

因為壓力，Michelle對性愛的興趣提不起勁（在澳洲時，Jonathan說情況較好），二人就次數的頻率亦有爭拗，Michelle又說如果他想要的時間可以晚上早一點又不是在臨睡前，她會處理得好一點；男人對性需要強是天性，每六秒男人就想一次性愛，女人對性愛的需求，在三十歲後才是高潮，那時間男人的性趣剛巧回落，上帝在這程式，都算弄人；多少同居男女，日子久了，連手都懶拖，莫說是性愛，又如是者，男方在性愛上的不滿足，另謀出路，Michelle又怕嗎？「他硬要強調性愛的需求而忽略其他的好處，那是他的損失。」

常常想，男女關係中的take and give從來都沒有平衡，你勞心勞力付出不一定是對方最想要的，吃力不討好，積累的是神傷；男人可能願意用少一點的「企理生活」來換取多一點的性愛生活；女人則硬要認為性愛是其次，女人的好處是性愛以外，要跟性高潮對抗。經濟獨立又懂得家頭細務又能日日奉上性高潮的女性還是不多，三個程式同步在run，總有一個行得慢。


只能活一次

同居不等於終有天會結婚，Jonathan是這樣認為，「只能活一次，請盡情享受目前的一切！」他認為兩者不是掛鉤，結婚對於他來說此時此刻是有點恐懼，當然，只有二十四歲，又身處香港這個花花地，「可能等我過了三十歲，開始禿頭，才想吧！當然，我最終都想有孩子有家庭。」可是女人最終還是希望婚姻，「這個是當然！可是我跟Michelle還有很多事情想在穩定下前達到。」這是他的想法。

Michelle二十六歲，不止一次提過將來是要跟Jonathan結婚，當她三十歲時；同居對大部份的女人來說，就等於說「我是準備嫁給你！」意義深遠，不單是享受共同生活，否則為你洗衫煮飯照顧周到幹嘛！女人最終還是想抓緊愛情，男人卻還想抓緊一點自由；二人最經常為Jonathan跟友人飲酒過了預計的回家時間，卻不知芳蹤，電話也沒有一個，Jonathan解釋是因為喝得太醉，神智不清，Michelle說他是害怕打電話回來她會破口大罵；Jonathan從跟友人飲酒時，就是他的個人空間個人時間，這個對他很重要；Michelle則覺得她尊重這方面，可是總有交代，不能叫人擔心，相反她這樣做男的一樣不高興，她就是不喜歡這個雙重標準。

等門，總有，擔心，少不免，女人對於等門，很容易成為習慣，而且愈等就變得愈呆……有時懷疑，一個男人跟一個女人共同生活，如果女方可以不等門、不擔心，蒙頭大睡，男人又是否會開心一點、自由一點？又或者女人在等門時又可否從容一點？


現代人來得乾脆

電影《Closer》，Jude Law跟Julia Roberts戀上，經過一年的掙扎，二人決定各自回家跟另一半分手，兩幕的分手情景，看到不單是男女對於失戀的不同處理手法，而是同居男女跟已婚男女在分手上的不同步伐。Jude Law跟Natalie Portman是同居，男方變心，女方拿出皮夾哭泣著離開，一下子像甚麼也沒發生過似的；Clive Owen跟Julia Roberts，女方變心，二人是夫婦關係，男方在徹底質問完女方幽會的過程，然後將她趕走，在簽字離婚時，要求Julia Roberts跟他再上一次床，然後才肯簽名離婚。女方還是答應，但求贖身。

當現代人口口聲聲說同居跟結婚是一樣時，為甚麼要結婚？那麼又為甚麼不結婚呢？不是奉行婚姻制，而是有時懷疑同居男女是否在自欺欺人，就是知道不一樣，在不相信天長地久的愛情下，還是覺得同居來得乾脆，先嚐了甜頭，嚐到了苦味，揮一揮衣衫，不帶一片雲彩。


後同居年代：既同居又分居同居男女

問經驗老到的阿凡，對同居有甚麼獨特見解？他笑說：「既同居又分居」。嘩，好喎……即是點解？阿凡說，以前邵國華講過：最理想的同居生活是各有自己的空間 ∕ 房間。當然大家現在都知道，大家都想做沙特波娃，但理想還理想，現實是沒可能。

阿凡說出同居最大的死結是：男人愛「自由」，要的時候女人要響度，不要的時候最好唔響度。而女人就要男人時常都響度，出去和朋友飲酒返唔到屋企，唔方便打電話發個短訊也好，至少女人安心。這不只是男女有別，而是男女關係的不平衡，結果總有一個被另一個「操控」著，到最後頂唔順的那個便會「離家出走」。分居是無可避免的。

可惜阿凡的「既同居又分居」理論又是另一個柏拉圖。

聽說有人的朋友，男女各住在左右隔鄰或樓上樓下，鐘意時你過來，無需要時請回去。但這怎算同居。除非決定或被迫要做「獨居老人」，否則沒有折了租金的便宜事。與任何你愛不愛的人同居，總是要付出代價。這代價，也不是逐呎逐吋的香港單位可計算得清的。是的，與另一個人相處過後，我們才會長大。

《City Magazine》346期（07/2005）

>>June 7, 2007 at 11:13:32 PM GMT+8

2007 年 6 月 6 日 星期三 【清涼】

好熱呀！

放假都要八點幾起身去學車，好似好慘咁…最近唔知做乜事，右腳個菠蘿蓋成日都陰o的陰o的咁痛，一屈一伸都會痛痛o地，唔知係咪風濕…好彩都未至於影響學車。唉…個人唔知係咪年紀大佐，成日周身骨痛咁，又鼻敏感，又肥佐有肚腩，真係食晒屎呀…

學完車過牛頭角同您飲茶，唔知做乜今日佢漏晒單，耐心咁等o個兩籠點心等佐七個字先至出聲催，居然再等多兩個字都未到，即時取消，一取消先拎o黎，我話唔要仲係要逼我要，真係火都o黎埋，即時發老四，頂佢個肺o丫，火火o地。

食完飯再慢慢落新太陽，本來諗住幫老Mi執手尾，點知o個邊又未整理好o的資料，想幫都幫唔到，唯有擺低等佢自己慢慢搞，咪再搵我喇，我已經功成身退。吹佐陣水就閃人啦，去接您收工。

您今日為佐個奸茅同事而氣忿，雖然最後都冇事，但係唔保證冇下次。係咁o架喇，o的人唔茅個個好似您咁，又點會個個月都做夠條數o丫，係咁冇道德o架喇。害人之心不可有，放人之心不可無，小心o的啦，奸人多的是，但奸到出汁都好過o的咁箭傷人o既小人啦…小心！小心！

本來您飲完奶茶唔舒服，好在去到常相聚食完飯就好返好多。嗯…好眼訓呀…zzz！幾時先可以晚晚攬住您訓覺呢？不過我要開冷氣o架喎！=)

>>June 7, 2007 at 2:11:18 AM GMT+8

2007 年 6 月 5 日 星期二 【清涼】

今日繼續都好忙呀，做到個人「散」晒…唉…淨係搞138 o個兩個新舊租客都已經夠煩，遲o的可能又會多一間走，真係由月頭忙到去月尾…頂…

放工出佐旺角同Warren食飯，仲以為佢帶埋個女朋友o黎，聽落佢o地o既對話又好似只係朋友關係，條友仔最concern o既都係前途問題，好似話又想搵工跳槽喎…我呢個PO仔都高人工過佢做SPO，點都要跳啦！

而家升佐我做PO，條路又唔同玩法，又要從新諗過，有時真係冇法子唔為五斗米而折腰。雖然o係新翠o既發展空間有限，但確實有好多範疇o既o野我都仲係接觸到o的皮毛，所以點樣o係而家o既崗位上搵多o的o野o黎學係一件好重要o既事，點樣承擔多o的、甩少o的轆，或者就係我o既最新工作目標。

CityU master o個度仲未有消息，我估都係唔收我居多喇。問心o個句我個interview確實做得好差，所以都唔會抱太大期望。今晚早佐返到屋企，就正好有機會睇o下學完車之後可以讀o的乜o黎增值自己。

1) Short Preparatory Course for Estate Agents Qualifying Examination (HKU SPACE)
- Fee: $2,300
- Closing Date for Application: 18 Jul 2007
- Start Date: 30 Jul 2007
- Duration: 5 wks

2) Advanced Diploma in Shopping Centre Management (HKU SPACE)
- Fee: $3,400 per module x 9 = $30,600
- Closing Date for Application: 23 Jul 2007
- Start Date: 10 Sep 2007
- Duration: 18 mths

3) Diploma in Business (Conference and Event Management) (SCE HKBU)
- Fee: $21,300 - $10,000 (CEF reimbursable) = $11,300
- Closing Date for Application: N/A
- Start Date: N/A
- Duration: 24 mths

>>June 6, 2007 at 1:38:55 AM GMT+8

2007 年 6 月 4 日 星期一 【清涼】

眼訓到嘔…累死…但係咁熱，唔開冷氣個身又黐立立，開冷氣開一陣個鼻又受唔住係咁流鼻涕同埋鼻塞，點訓呀大佬…

訓唔到睇返o的舊書，深雪o既《問題男女》系列（可惡！十三妹挪佐我一本未還！），睇落又好似好無聊咁，因為佢o的答案成日都好似答佐無答咁，乜問題都可以話有兩面睇，神又係佢鬼又係佢。

----------------------------------------------------------------------------------------------------------------------------

2006年7月12日 - 當男人太忙時

很多女朋友在男朋友忙時都不知如何處理，該怎樣關心？該關心多少？

問過許多男孩子，他們都說，最好不要在他忙時太關心他，事關，他都不會知道如何去感激。

這是一個好點子。男人會想去感激女人的細心、關愛，然而，男人是不懂得去感激一些他無能力欣賞的事。在合適的時候去關心他，他會有閒情去感激你，但在不合適的時候去關心他然後又要他去感激你，他只會覺得好痛苦。

男人說，當他很忙時，回到家之後，他希望女朋友求求其其給他弄個方便晚餐就最好，千萬不要硬要討好地給他弄個滿漢全席，時關，他都忙到無心情吃。這種時刻，付出太多的女人做得很錯。

當男人自己都有心情時，女朋友就是付出的時候，她可以做多些花巧事情，後然，兩個人一同 enjoy。

當男朋友很忙，他是會期望女朋友都同樣忙碌，他會想她自己找事做，想她自己照顧自己。當他不再忙之後，就是開心見面時囉！

女朋友可以輕量地表示關心，替他打氣。但千萬不要做得過份多，女人為男人付出前，要先留意男人想不想在這時刻接受，要不然，女人的付出，只會令雙方都痛苦。

好了，當男朋友忙完之後，要與女朋友見面時，女朋友就要把最佳狀態顯露出來，這樣子的女朋友，男朋友一見就醒神，自然覺得你 perfect 啦！

深雪官方書迷會《雪貓府》

>>June 6, 2007 at 2:00:47 AM GMT+8

2007 年 6 月 3 日 星期日 【酷熱】

琴晚去佐您大家姐度打牌，仲贏錢添，開頭打落有o的燥，不過今日o的牌摸得唔錯，有o的運仔，四圈都已經贏佐幾舊水。加上今日又改變佐打法，唔似之前幾次好刻意咁做大副牌，因為最大都係打到八番，搞到幾大都冇乜用。冇專注睇上下家做乜牌，一於自己玩自己o個副，總之就跟住自己挪返o黎o的牌o既來勢o黎做，所謂爛有爛做，無謂強求，結果勁做「門清平胡自摸」三番牌，食唔出都可以扣住人o地o的牌，最終八圈埋數有五百幾蚊進賬。

起身返工返十二點，算係清閒，閂埋門自己做自己o既reports。

睇完魔盜王先去訓覺，但係一開冷氣就鼻敏感，真係難搞…

>>June 6, 2007 at 12:43:05 AM GMT+8

2007 年 6 月 2 日 星期六 【清涼】

Yahoo! > 生活 > 時尚 > 感情
2007-05-31
當情人變成「朋友」

分手後還能做朋友嗎？答案可以是肯定及否定的，因為這件事本身並無對錯之分，每個人對分手後應在甚麼時候才再做回朋友的時間不一，一切全賴適應期的長短。唯一可以肯定的，是假若分手的原因是因為有第三者，那分手後男女能成為朋友的可能幾近於零，皆因分手時的局面太醜惡太痛苦，混雜了謊言和不信任。

能在分手後繼續做朋友的男女，大體而言可分三種。第一種類型是男女分手時感情早已淡過白開水，雙方都只是等待對方先開口。既然愛情火花早已燒盡，分手時當然已不懷怨恨，甚至可以鬆一口氣，與對方齊齊檢討關係中的得失。這種關係的男女必須保持心境平和及清醒，才能有這種略帶看破紅塵意味的思維。

第二種類型的男女相比之下便沒那麼幸運，因為很多時往往都是由分手後的其中一方強行維繫所謂的朋友關係。最不幸的，是提出做回朋友的往往以女生居多。無論男人怎樣冷淡，這類型的姊妹總是拖延和逃避現實，希望能在退而求其次的友誼中破釜沉舟，但結果釜還未破，船已一早開走，苦苦妄想最後只剩徒然及枉然。「那我現在和 R繼續做朋友，是錯誤的決定嗎？」密友 S懷著懷疑神情問我。

一如先前所說，分手後繼續做朋友沒有對錯，最錯的是懷有不必要不現實兼不可能的期望。正因如此，S很清楚雖然前男友 R強調他們分手只是因為對她沒感覺，但仍希望關心她，繼續做其知己良朋。S很明白 R是一個好心人，對這個提議也欣然接受，彼此繼續吃飯看戲，暢談人生。最諷刺的，是雙方都認為大家的關係比戀人時期更佳。

「其實我已作出最壞打算，雖然現在我和他比以前更了解對方，他也因為撇開了做人男友的責任和包袱，更肯開放自己，但我很清楚只要當我和他其中一方有新戀人的話，雙方的關係就一定會改變。」任憑 S如何理智，但情緒這回事卻總騙不了人。

當 S在某個晚上如常打給R邀約吃飯，R卻已忙碌中的語調回應已在吃飯中。是的，其實沒甚麼大不了，更何況S已經非常肯定知道S沒有結交任何新女友，按理說也沒甚麼好介懷。電話掛斷的一刻，S感到茫然和驚慌，驚慌是因為以為自己很理智的她，竟然因為一個沒甚麼代表性的電話弄得心神恍惚，令她不禁懷疑到底自己的理智有多理智。

突然，她想起近期看的電影《單身部落》，片中李彩華因男友瞞著他有新女友而決定分手。兜兜轉轉，李彩華最後還是和男友在一起，但這次她的位置換成了第三者，舊情人也因而突然變了不需負責的性伴侶。這種關係，不是更舒服更開心嗎？S只是在想，她和 R的所謂朋友關係，究竟會變成甚麼模樣。由舊情人變成性伴侶，可會是分手男女的最新選擇？

----------------------------------------------------------------------------------------------------------------------------

呢個問題您都問過我o架喎，我覺得呢篇o野有o的points講得o岩，有o的points對我o黎講又唔係咁適用。分手因為有第三者o既出現而唔可以做返朋友，佢講o既亦都有道理，自己試過做人o地o既第三者，又試過同第三者發生感情，亦試過輸畀第三者，兜兜轉轉o既第三者感情關係，確實一o的都唔好受。而家我最想要o既，就係安安定定，同我最愛o既您一齊，走得幾遠就幾遠，直至天涯海角、一生o既盡頭…

>>June 4, 2007 at 2:55:10 AM GMT+8

2007 年 6 月 1 日 星期五 【清涼】

今日好忙呀，一返到去就要準備交舖畀個新客，結果畀佢煩佐成朝，條友好煩，講到明畀佢聽好多o野都唔係我o地可以決定到畀佢，一切都係租務做主導，都仲係死要煩，多餘。第一日出o黎撈。

文件！文件！文件！

自從知道佐自己升職加人工之後，心情都好反覆，面部缺乏表情，亦唔多想講o野…其實係咩事呢？我都唔知自己而家咁o既情況，而家咁o既情況應該點樣定位好，好有負升我o既人所托。

其實最近做o野都已經畀多兩錢肉緊，想盡量避免出錯，o的信呀、reports呀都睇多兩次先畀老趙簽名。因為而家o既o野已經做到第三個cycles，個人鬆懈佐，好多時都有o的無聊o既小錯誤，我想避免呢o的無謂o既出錯。我真係冇expect過有得升職加人工，只係要求自己o係呢一年盡量做好o的，唔好甩轆。要reliable。

正所謂「食君之祿，擔君之憂」，而家升佐，自己又咁另偷懶，又貪玩，真係唔知點樣先可以叫做交足貨去同對等返呢份人工。之前諗住今年要付出九十分，而家要交足一百分先得啦…點好呢？

嗯…心情唔多好…

>>June 4, 2007 at 1:03:09 AM GMT+8

2007 年 5 月 31 日 星期四 【清涼】

琴晚唔記得check o下出佐糧未，今朝一返到公司，上網一check…嘩！點解會出多佐人工o既？唔通出錯糧？定係公司突然間派佐bonus畀我？

好奇怪，但呢排真係好忙，日日o的電話都好似東華籌款咁響，唔係幫呢個就幫o個個做呢樣做o個樣，今日六點前又係交KPI o既deadline，今個月仲係要報埋第一季o既o野，乜都未做過，局住交o的行貨。平時隨手摷到o既料，又因為呀Mi幾個月冇file o野而搵唔到，叫佢挪返出o黎結果又係唔見佐…頂…真係屎都滾…

下晝老細返到o黎，先至話我知原來升佐我做PO，終於都甩佐個A字喇，人工加佐20%。之後同老細閂埋房門，老細叫我低調o的，因為公司有屎忽鬼，叫我唔好衰o係佢手上，我已經成為佐佢o既下一個目標，要我小心o的唔好行差踏錯，尤其係要小心佢…

升職本來應該係好開心o既一件事，但係畀您發現佐我唔係真係咁開心。當然，其中一個原因就梗係擔心屎忽鬼單o野啦！呢隻笑面虎，平時扮到冇乜o野，其實個人毒到不得了，成日以為全世界欠佐佢，癲到冇人有，周圍搜集其他人o既「犯罪」證據，目的同死臭英一樣，想話畀人知佢有做o野，佢永遠冇錯。

我上一次o係o個單同佢有關o既人事糾紛中表態支持另一個人，佢就話我四圍唱佢寫信上總公司投訴，搞到冇人鐘意佢，話我針x佢喎。講真，都係老細講得好︰「如果佢講o既係事實而佢指證o既人又承認佐，佢係o岩o架喎，又怕乜畀人講呢？又唔係身有屎…」佢擺明玩決裂o架啦，就唔好o係度扮可憐啦！

我唔係怕畀佢捉到痛腳冇佐份工之類，只係覺得一個團體裡面有o的咁o既人，真係好pk，令人好唔開心。返工一班人開開心心，個個人都會偷懶只係差在方法同時間，咁又何必o係度搞風搞雨做o的損人不利己o既事呢？可惜呢個世界就係偏偏有o的咁o既人，而新翠full team有17人，而家得15日，但係已經有2個咁o既人存在，你話點樣先可以團結到一班人o既心，向住共同目標進發？

心裡面好唏噓，百感交集，甜酸苦辣在心頭…邊個人明白我而家o既心情？我最憎就係一班人冇o個顆共同o既心，shit！

今日過得身心都咁疲累，周身骨痛又頭痛，個鼻又唔多生性…唉…辛苦到死，都係早o的訓。

>>June 1, 2007 at 12:03:06 AM GMT+8

2007 年 5 月 30 日 星期三 【清涼】

千揀萬揀，揀著屋企幢樓做WR2（五年一次o既電力裝置定期檢查）先o黎放假，九點半已經冇電喇，但我都堅持到十點半先起身，因為師傅打o黎話要改兩點學車。起佐身，發現仲有o的水尾，刷牙洗面返公司。

返到去就知辛苦，因為呀Mi終於都挪返叠單出o黎，佢叫我唔好搞，我就唯有搶，因為等得佢o黎都蚊訓…嘩頂…o的單有o的係舊年八月o架…佢想點呀？之前仲成日講大話話account未send o的單落o黎，我頂佢個臭肺o丫…

跟住o個兩個鐘，我就好似利民會o的人咁o係度庇護分單…分到一點都未分晒，排好佐一半咋，但係兩邊膊頭好似裂佐咁…對腦都諗唔到o野，得o的舖numbers o係度轉來轉去… @_@

咁o既情況之下仲要去學車，今日呢堂係o徙佐o既，師傅話今日我係另一個人，完全冇晒之前o既水準，罵到九彩…不過咁，今日師傅冇「旁」住我盤(車太)畀我自己駕，可能因為係咁所以個人有o的驚啦，加上係放學時間，個路面七國咁亂…唉…我幾時先可以好似師傅咁駕得咁出神入化？

學完車請師傅食個tea，o個間o係合和o既酒樓o的特價粉麵只係$13.8一碗咋！仲要勁好味，o的湯底好濃郁！師傅同o的人熟到爛，仲挪佐碗老火湯底（冇溝水）畀我飲。雖然好熱，夏天亦唔多想飲熱o野，但係佢一番心意，點都要飲晒先走人啦！

之後去佐等婆婆收工，今日您收工收得好晏，因為傾緊個大老闆，若果搞掂就下個月唔駛憂！既然係咁，等o下都無妨啦！

我o地去佐唱K buffet，您今日唱得幾好呀，尤其是係您o既首本名曲《假如讓我說下去》，一氣呵成，由頭到尾o的音都捉到準晒，亦冇甩咀，可以話係水準之上呀！唱得咁好聽，梗係要即刻拍手掌以示鼓勵啦！

今晚好想唱歌，不過o的鼻敏感同埋食得多煙，成日都搞到個鼻同喉嚨塞實晒o的分泌，點都冇以前唱得咁好喇…唉…

要攬實您係咁錫錫錫錫錫！我愛您！

----------------------------------------------------------------------------------------------------------------------------

小玩意
彭羚

今天共處　你將光陰停住
還學陳舊文藝戲口吻細聲說：「做我內子」
想講願意　還是不好意思
回贈同類橋段女主角那一句：「讓你做主」

你用無限濃情蜜意　來造迷人玩意
環在沒名份手指
感覺多麼似　加冕光圈變天使

你用無限濃情蜜意　來造迷人玩意
才明白原來在意
一世穿一次　小玩意　是女人的大志

給生命線　最終找到靠依
然後留下長住你心裡最深處　是我地址
小小玩意　紋著彼此名字
留待明日傳頌你跟我這一節　完美情史

你用無限濃情蜜意　來造迷人玩意
環在沒名份手指
感覺多麼似　加冕光圈變天使

你用無限濃情蜜意　來造迷人玩意
才明白原來在意
一世穿一次　小玩意　是女人的大志

你用無限濃情蜜意　來造迷人玩意
環在沒名份手指
感覺多麼似　加冕光圈變天使

你用無限濃情蜜意　來造迷人玩意
才明白原來在意
一世穿一次　小玩意　是我畢生大志

>>May 31, 2007 at 4:32:48 AM GMT+8

2007 年 5 月 29 日 星期二 【清涼】

天呀！點解新翠會有個咁o既clerk？！個個人都想快o的將手頭上o既o野做完，個個人都想盡快將轉到手上面o既波踢走，點解偏偏我o地個clerk做o野會相反晒？之前都已經教過佢有波就最好第一時間踢走，上回佢唔知咩事keep住人o地交租o的票唔send上account入數，我o地都教過佢咩事都好最緊要快快手將個責任踢走…今回又爆鑊新o野，就係入票之後account send返落o黎o既receipts佢居然又試唔知因為乜原因keep住晒o係自己度（今晚畀我摷佢o的o野摷到舊年有o的應該畀個客o既receipts都未畀…頂！）…

左諗右諗都係得兩個原因︰第一就係佢特登拖慢o黎做；第二就係佢能力所限，跟本唔可以做得晒o的o野。我估都係後者多，因為佢連最基本filing都做唔到，我o地要搵o既文件只有佢先搵得到，因為o的文件根本就係hea晒o係佢台面未file！幾十億把火呀…雖則人誰無錯，但係佢居然仲日日o係度講大話，一時就話account未send落o黎，一時又話要搵o下先…大佬呀，個地球就係因為咁而畀佢搞到轉慢佐十萬個圈…

天呀！點解你要咁樣懲罰我同趙生…

下晝去training，仲要遲落堂搞到六點九先有得走，原來您已經落佐銅鑼灣等我… @_@ 我o地行佐一陣街，我再送您去搭車，您好似唔開心咁喎…對唔住呀，今晚唔陪到您返屋企呀，因為我要返公司換衫同搞埋o的手尾，仲有好多31號due o既o野未做呀，聽日仲要放假，但係屋企要做WR2，全日冇電，想訓晏o的都唔得…唔通個天要我返公司做o野？

聽日再陪您補返數o丫~ 我愛您！

>>May 30, 2007 at 1:53:03 AM GMT+8