2007 年 10 月 5 日 星期五 【酷熱】

病佐… @_@

一起身都覺得唔多掂，幾唔夠訓o既日子都未至於一起身就頭痛成咁，即時想射波…但係仲有好多o野等住我去做…頂硬上！唯有一返到公司換佐衫就即刻閃出去睇醫生先。

感冒定係鼻敏感都已經分唔清，只係好多鼻涕同鼻塞，仲有喉嚨好痛…好鬼死煩，點解年年一轉天氣就硬係中招？明明都已經好保重o架啦，又已經冇開冷氣訓，真係病得唔抵！

今日度日如年，個鐘硬係好似停佐咁，感覺自己做佐好多o野之後再望望個鐘，嘩！咁先過得一個鐘？幾時先捱到放工？！

六點一收工即閃人，返屋企，訓一陣先食飯，食完飯再訓…您都病佐喎，係咪交叉感染呢？

>>October 8, 2007 at 2:16:30 AM GMT+8

2007 年 10 月 4 日 星期四 【酷熱】

放假，諗住同個就o黎走o既同事食飯，聽佢訴o下苦，點知佢又暫時甩底…甩佐底又臨急臨忙改為同您食午飯，好在您都未約您o的同事嗟，如果唔係得我一個人實唔會食。

今日放假放得臨急臨忙，都約唔到師傅畀時間我學車。不過而家都係時候開行turbo去學，因為我想一take過，同埋唔想肥佬之後又再排期考多次，事關個學牌一月就到期，分分鐘補考o既時候又要再畀錢續牌，咁就重傷喇… @_@

呢個十三妹，真係唔得佢死。一腳踏兩船實煩o架喎，老早講佐啦！同個新歡開始佐又覺得佢太耐冇拍過拖唔係好識做一個男朋友…唉…你話死唔死o丫，人又係佢自己揀o既，採住兩條船分分鐘穿煲，都仲係要玩…雖然係青春無限，但係要同時分身應付兩個唔同o既人，o個o下就係最煩o丫嘛，大家都試過，硬係仲係咁執迷不悟…唉…只有祝佢好運啦… @_@

>>October 13, 2007 at 7:09:19 PM GMT+8

2007 年 10 月 3 日 星期三 【雷雨】

今日下晝開CCC會，但係搞佐成個上朝先叫做準備好要講o既o野，但開會時我o地都冇講晒準備好o既內容，一於留返下次，唔好一次過晒冷咁戇居！ccc！

開完會之後同您去佐睇《色，戒》（英譯︰Lust, Caution），嗯…差。


七點八場間戲院都可以唔滿，坐得三分一人，可想而知呢套o野真係好唔叫座。個故事一般啦，女主角湯唯都唔知係乜水，無端端畀王力宏「昆」佐入革命黨，一班大學生趁住暑假扮鬼扮馬想暗殺重要官員，用美人計色誘梁朝偉，仲要為佐唔好畀梁朝偉識穿而特登搵個叫過雞o既同學去幫佢破處，結果係蝦碌到殺人不成而湯唯就無端端冇佐隻豬…


套戲都唔知想點o既，所謂最具爭議性o既七分鐘性愛鏡頭，老實講真係無謂至極！話佢係文藝片又唔係點到即止o個隻；話佢係咸片佢又做到到喉唔到肺，想點呀？！梁朝偉同湯唯好無聊咁用佐不下七種唔同方式o既體位做愛，真係睇到我一頭霧水… @_@


兩個人動晒真情喇，結果咪又係正邪不兩立，道高一尺魔高一丈，革命黨一鑊熟，game over。


呢個湯唯都唔知有乜咁吸引到梁朝偉呢個軍官咁色迷竅，樣又唔係好，身栽仲更加得人驚，除晒衫仲死…成一、兩厘米咁長o既奶頭，真係第一次見…大開眼界之餘亦大有反胃之感…

總結係︰色字頭上一把刀。

>>September 15, 2008 at 3:42:07 AM GMT+8

2007 年 10 月 2 日 星期二 【酷熱】

傷心到唔想見人，真係聽到都唔安樂…飯局突然取消。

本來諗住出o黎食個飯大家開解o下佢，但係失驚無神Anita打電話去我公司問我收唔收到Angel個sms（咁都搵到我公司電話？！），算啦，畀佢抖o下囉。時間係最好o既治療方法雖然係行貨o的，但係冇錯o既。五年來o既一事一物，我估要淡忘又或者唔再觸景傷情，真係要額外o既努力同時間。

唔駛食飯反而仲好，放工同您一齊去佐九龍站新開o既商場Elements做site visit…暫時拉埋您去陪我，仲要行到腳都軟，真係多謝晒您。好鬼大，好多舖未開，o的冷氣好凍，o的通道好闊，印象最深刻o既，反而係佢廁所出面有個等候區畀人坐低等人，有水機有糖食有雜誌睇，坐o係度就十足十o係clinic裡面等護士叫名入去睇醫生咁…感覺唔多好。

拉得您出o黎就梗係要送返您返去先得啦，唔係下次您仲點肯陪我去睇場呀！我愛您！

>>October 8, 2007 at 2:29:41 AM GMT+8

2007 年 10 月 1 日 星期一 【清涼】

放完孖地，今日又要返工喇，一返到去就四圍走…三號下晝開會，乜都未準備過，點死？

又國慶喇，好無聊，無聊到您食完飯特登過o黎陪佐我一陣，又要匆匆忙忙咁走，點知又遇著放煙花封路冇車搭又再轉火車…辛苦晒您啦，走來走去…

近排真係超級忙，睇返o的日記先記得原來10月1日除佐係國慶之外，原來係我同上屆o既紀念日，時間過得真係快，原來o個陣時背住十三妹出去偷食已經係兩年前o既事，真係好奇怪，日日係咁做，一個月又一個月，都真係唔知時間真係過得咁快。所以真係要珍惜光陰，歲月不留人，年紀越來越大，記性越o黎越差…

珍惜我所擁有o既一切！

>>October 8, 2007 at 2:49:17 AM GMT+8

2007 年 9 月 30 日 星期日 【清涼】

大大大休息日！訓訓訓大昏迷！

琴日朝九點幾先返到屋企，十二點幾又起佐身沖涼入大埔，同您去完街返到屋企又成兩點…呼…好在今日有得抖一抖…

----------------------------------------------------------------------------------------------------------------------------

皇后戲院百年光影明告終
《明報》9月30日星期日

「皇后」隨風而逝，繼皇后碼頭煙沒塵世，有82年歷史的中環皇后戲院，明日亦會與港人告別。皇后戲院見證了中環近百年變遷，半個世紀以前，無數港人在「皇后」的戲院里宮殿門外等候著，呼吸著魚蛋和栗子香，期待走進皇后的懷抱，奔向《亂世佳人》和《仙樂飄飄處處聞》的銀色幻影。

東主身分神秘　員工封嘴怕被炒

位於中環皇后大道中陸海通大廈內的皇后戲院，今天最後營業，大堂昨日未有貼出告示，一班老員工亦三緘其口︰「老闆要低調，我唔講得，講佐會被炒魷。」戲院也結業了，還炒甚麼？老臣子說：「老闆或派我們到其他崗位。」皇后戲院的東主身分神秘，據悉，美心集團已故創辦人伍舜德曾一度持有它，伍舜德生前曾任陸海通有限公司的管理層，目前皇后戲院由已故陸海通董事長陳伯宏的家族成員持有。

原址清拆　將建摩天大樓

皇后戲院位處的陸海通大廈，2005年以10.17億元作內部轉讓。據租戶表示，陸海通正打算清拆樓高13層的大廈，將之變成摩天大樓，皇后戲院屆時會否重現，暫仍未知。

1925年建成的皇后戲院，早年專門放映西片，更一度是本港氣派十足的戲院，出入觀眾非富則貴，其位處的戲院里更因皇后而得名。在戲院里擺檔30多年的小販劉先生說，當年跟皇后一街之隔的娛樂戲院專門放映邵氏影片︰「皇后和娛樂兩者，曾是中環紙醉金迷的象徵，也是著名蛇竇。」

觀眾非富則貴　李嘉誠曾包場

劉先生跟皇后戲院一班員工是老街坊，他看到售票的兩名阿姐，由昔日青春少艾變作徐娘半老。劉記得近20年前阿姐曾跟他說︰「李嘉誠又包場，帶著家人和成班保鑣來睇戲。」劉說，皇后戲院已有多年沒見過人龍︰「現在連爆谷也沒有賣。」電影市道下滑，皇后戲院1995年改建成迷你戲院，如今只保留了昔日「超等」的313張藍皮座位，其餘位置改成商舖出租。

《色戒》成最後映畫

李安的《色戒》分量十足，皇后戲院明天也是由它來送別。不少戲迷昨日專程來跟皇后說再見，李先生記得︰「皇后放映的全是猛片，周潤發的戲我大多在這兒看。」在中環返工20多年的黎先生感慨，香港又有另一幢建築物被拆，他笑言：「皇后戲院和景賢里同樣值得保留，皇后見證的，是一代香港人的娛樂文化，你看那邊…」說罷他指向售票處，只見兩名售票阿姐拿起紅筆忙著畫票，電腦從來沒有在皇后的懷裡出現過，她，一直活在流金歲月。


有82年歷史的皇后戲院明天（10月1日）結業，一張張的手畫戲票，成為皇后留給戲迷的最佳紀念品。


皇后戲院1995年改建成迷你戲院後，其銀幕依然寬闊，藍色皮椅座位難在新式戲院找到。


皇后戲院一直沿用人手畫位，售票員手握那支紅筆，亦是港人的集體回憶。


皇后戲院老員工身上懷舊味道十足的紅衣制服，提醒每名進場的觀眾，皇后見證了香港電影業的變遷。

>>September 15, 2008 at 3:36:09 AM GMT+8

2007 年 9 月 29 日 星期六 【清涼】

o下？天氣又熱返？

唔知係咪又氣太熱令您心情煩躁呢？

三點先入到大埔同您飲茶，飲完茶再o係大埔中心兜來兜去冇乜好做最後落佐銅鑼灣。

最後去佐駱克道o既翔太食烏冬，一百蚊一碗咁貴o既，不過又幾好食喎！間o野好得意，好多日本人o係度食o野，直頭就好似已經置身於日本咁，四周圍o既人都講日文，又係一個新經歷。

開季至今連贏七場o既Leeds United今晚終於斷纜，全憑球證屈機打少兩件，真係火！

>>October 2, 2007 at 12:23:40 AM GMT+8

2007 年 9 月 28 日 星期五 【酷熱】

Ken仔o係澳洲坐完移民監返o黎一個禮拜，約佐我同Billy仔食飯，食完飯佢個friend呀豪加入，我o地悶悶o地就上佐大陸玩，點知激嬲佐您添…

其實之前都聽您講過您之前個男朋友都有返大陸玩，後尾轉佐公司仲移情別戀，不過印象之中又好似冇聽過您話佢曾經承認佢o係大陸做過o的對唔住您o既事，所以都唔知您會咁大反應，不知者不罪o丫，而且我清楚明白畀情人反叛係會為對方做成幾咁大o既傷害，所以我係唔會再犯同樣o既錯誤o既，放心啦！

講返今晚o既聚會，Ken仔話佢要搵好多好多錢，要事業有一番作為，不過唔知從何做起好。好在佢坐完監返o黎香港個巿道都好佐咁多，希望佢可以好好利用自己o既優勢，盡快踏實咁搵到分工做。

好搞笑，舊公司之中咁多人，就真係只有同呢條友仔最投契最o岩channel，乜都可以傾得一餐，正經又好搞笑又好，哈哈！慶幸生命之中有過一個咁好o既朋友！

>>October 1, 2007 at 5:09:52 AM GMT+8

2007 年 9 月 27 日 星期四 【酷熱】

P佢個K o丫！本來以為琴日駁好佐臨時電，今日就可天下太平好好過日子，點知去到中午個場又唔夠冷氣，真係無厘頭兼百思不得其解。

小商場o的舖裡面直頭熱到連條冇冷氣o既走廊都好似仲要涼o的，恒生打落o黎罵叉，上去幫佢睇條友又串過碼頭咕喱，咁q串真係唔駛旨意我幫你！ :@

後尾發現原來chiller water system air-lock，call佐保養過o黎又話冇事，想加多部機，但係部3號機就搞極都起唔到機，即刻打電話畀德哥問o下有冇辨法，點知call完佢一陣條友居然落佐o黎幫手！感動！新翠係冇乜好，不過好在有班重感情有義氣o既兄弟o係度！見到德哥o既一刻，心裡默默感謝，眼泛淚光o個隻啦！

最後都係搞唔掂，唯有再call保養o黎搞，又要等…痴線的…

您收工過佐o黎搵我，我o地就去佐柴灣街巿泉記食飯，幾好o架，有冷氣嘛！有您最鐘意食o既炒蜆，仲叫佐土魷同鮑魚仔，再加兩支超級冰凍o既可樂，人生一大樂事！啜~ >3<

如果…命裡早注定分手？Angel話David仔同佢講話要分開o下諗o下兩個人點樣繼續走落去。但係o係我o既concept之中，情人之間根本冇「break」呢樣o野，好似電腦咁，只得「1」同「0」，即係一係就一齊一係就分手，冇得話停留o係中間位置去慢慢思考。如果去到呢個地步，即係兩家都已經唔願意再去付出努力以維繫兩個人之間o既關係，其實呢段情已經死佐…

Angel話好唔習慣，因為身邊每一樣o野，好似CD、衫咁樣，都係兩口子一齊去買o既，都有回憶。分手，其實最辛苦都係咁樣。不過，時間會慢慢治療呢種傷痛。

傷心其實又未至於好傷心，只係覺得有一絲絲苦澀味道，因為五年感情，實在太可惜喇…

>>January 30, 2008 at 12:17:40 AM GMT+8

2007 年 9 月 26 日 星期三 【酷熱】

中秋節翌日無端端又會全場冇冷氣，係咪真係咁黑仔呀又…

十點幾公司有人打電話畀我，本來以為唔知係邊個無聊人打o黎搞搞震，我都冇聽o架喇，但係又有留言喎，原來係呀南話全場冇冷氣，問我點搞，又話通知佐呀Man…嗯事態重，迫住起身返公司…

返到去先知原來係四樓水浸，浸到二樓供電畀chillers o個條電巴爆炸，搞到全場冇冷氣…OMG！真係一入公司深似海…OT…OT…OT…

十點八返到去，十一點半老細都返埋o黎，四出頻撲買風扇，低能的，o的人唔係冇貨，就係標到個價鬼咁貴，走來走去，最後仲要搞到去太古城托…累死…做死佐… X_X

頹到爆好在唔駛返屋企食飯您又因為紅日要留返o係屋企食，我就可以等到個判頭做完晒o野先走，踩足十二個鐘，仲慘過返九六…痴線的…頂…

>>October 1, 2007 at 4:25:54 AM GMT+8