2007 年 5 月 28 日 星期一 【清涼】

今朝個鼻都係唔多聽話，早佐起身食完o野又懶多陣床先去沖涼出門口，返到公司突然好眼訓，係o的敏感葯發作！走佐去更衣室蛇佐一陣，十點半先開始做o野，嘩…個頭好暈咁…

今日都做佐幾多o野o架，冇法啦，因為聽日下朝無端端要去training，星期三又放假，唯有快快手做晒o的o野去啦，最唔明係點解呀Mi成日都見佢好似好忙咁，但係又唔知點解好似冇乜o野做過出o黎咁，叫佢幫手搵o的o野出o黎又搵唔到，file o野又file到o的files唔見晒…成日要幫佢執手尾… @_@

上晝大堂賣書o個檔o野，居然有個四、五歲o既細路女撕爛o的書，目的係為佐挪佢鐘意o既圖書封面同埋內頁…幾歲人仔居然都識鬼鬼鼠鼠咁行埋o的有遮擋o既位置o個度閃閃縮縮，再撕佐本書想要o既地方落o黎，再急急咁放入自己個袋度…唉…真係世風日下，而家幾歲人仔就開始偷o野，幾時先到佢大個？真係唔知佢屋企人點教佢，佢又係咪讀屎片o既…離譜！

婆婆今日都好忙咁喎，大家一齊都好忙，好充實咁，兩個人都好積極咁，唔錯唔錯！

好累呀，洗完碗未做《溏心》已經爬佐上床訓，中途係同您傾佐陣電話醒一醒，打埋篇日記先訓。

----------------------------------------------------------------------------------------------------------------------------

咁大件事？！！我幾乎一日一罐喎… @_@

研究指汽水防腐劑可致柏金遜
損細胞致肝硬化　有害攝取量未明
《明報》2007年5月28日

繼早前英國有調查指汽水所用的防腐劑苯甲酸鈉（E211），與維他命C同用會產生致癌物苯，最新研究更發現，單是苯甲酸鈉會加速細胞凋亡，最終可致肝硬化和其他退化疾病如柏金遜症。

但有本港醫生指出，攝取多少苯甲酸鈉才對身體細胞造成損害，仍須臨床研究證實。

超市多種汽水含苯甲酸鈉
苯甲酸鈉主要功能是防止汽水發霉變壞，本報記者昨日在一間大型超市的貨架上統計發現，架上36牌子汽水中，近七成（22個）汽水產品有使用此種防腐劑，包括標明低熱量的可口可樂、百事、玉泉、七喜等，但標籤資料未列出含量。

英國雪菲爾大學（Sheffield University）研究老化問題的專家派珀教授（Peter Piper）日前接受英國《獨立報》訪問時指出，其研究發現苯甲酸鈉能損害活細胞內的線粒體（mitochondria）DNA，使其不能正常運作；而在酵母細胞的實驗顯示，此防腐劑能產生自由基（free radicals）破壞細胞，令線粒體不能如常將氧氣轉換成能量，可引致柏金遜症等神經衰退疾病，甚至肝硬化，情况就如身體衰老和酗酒產生的健康問題。

細胞產生能量功能大減
港大醫學院內科學系腦內科副教授張德輝說，任何物質如影響到線粒體，令細胞產生能量的功能大減，極須能量的器官如腦經神細胞必會受影響，能量不夠可致功能失調，若受影響的腦細胞是皮層細胞，可致老年癡呆症，若屬運動細胞，可致運動細胞退化症，在科學上是合理的推論。

但他說，因身體攝取苯甲酸鈉後，此化學物會在身體停留多久？會否去到腦部或內臟組織累積？會否破壞細胞？身體能否將之排出等仍須驗證。另攝取多少苯甲酸鈉才會令線粒體受損亦是關鍵，市民若非經常高量攝取防腐劑和添加劑，不用太擔心。

港醫生：非高量攝取不用擔心
中文大學肝臟護理中心陳力元教授接受亞視訪問時指出，若長時間大量攝取防腐劑，「絕對相信可以」引致肝硬化，但一般日常飲食攝取防腐劑會否致肝硬化，則需更多研究證實。

《獨立報》則引述英國一宗涉及9歲男童個案，病童時常頭痛和出疹，但都找不出因由，其後有專家建議他停喝汽水或含添加劑的糖果，病情顯著好轉，故相信男童病情是汽水糖果所含的添加劑帶來的副作用。

美國歐盟世衛評定安全
雖然根據美國食品及藥物管理局（FDA）和歐盟標準，汽水可以加入適量苯甲酸鈉，世衛2000年重新檢視過苯甲酸鈉，亦評定它屬安全。

但派珀教授認為，有關安全化驗已過時，促當局因應近年研究重新檢視。英國汽水商會則強調，在汽水加添適量防腐劑，是符合英國食品標準局訂出的安全標準。

本港最大汽水供應商香港太古公司昨表示，暫未有資料回應。

>>May 29, 2007 at 1:19:03 AM GMT+8

2007 年 5 月 27 日 星期日 【雨】

今日原本都幾枯燥乏味o架，但係您o係我最悶o既時候就出現o係我面前喇！啜啜啜~ >3<

返返o下工，前老細Selina o係北京打長途電話畀我，原來佢上佐去搞北京apm，真係犀利，果然係一個好利害o既老細！所以過客老細「一蚊張」都一早話過佢係非池中物，如果有一日可以好似佢咁成功就好。

唔知係咪出路遇貴人，成身有運行。最運滯都係o係中大o既時候，所以我咁憎中大係有得解。浸會做honous project又有好老細，出o黎做物管第一個老細又係好照顧我，去到新翠雖然換佐三個老細，但係其實佢o地都各有各好，Selina就完全放手畀我去試；「一蚊張」就教佐我凡事都要睇全面同要有證據；而家呀老趙直頭會幫手分擔您o既工作，而「百足咁多爪」o既佢又冇時得閒，反而畀到我機會自己去做o野，同埋幫佢handle好多o野，幾好o架，所以我o係新翠咁開心，唔願走就係咁解。

您只係o黎見我短短o既個半鐘，嚴重唔夠喉呀！唔制呀！我要您每夜陪住我！

>>May 29, 2007 at 2:10:13 AM GMT+8

2007 年 5 月 26 日 星期六 【清涼】

持續酷熱，出到街個人係滾o既，空氣異常焗，好似唔會流動咁。空氣質素惡劣，加上開佐幾晚冷氣，個鼻開始頂唔住，痛就痛佐幾日，但係都仲頂得住唔食抗敏葯，但係今朝就訓到七點幾就流鼻涕流醒佐，頂！好乞人憎呀個死人鼻！

趕頭趕命咁沖完涼再返公司換制服，今朝又要去training，講o既係criminal law，都幾有用o架，不過係悶佐少少嗟…上完堂又返公司，食佐飯又要開工，做埋琴日未做完o既工作。

做做做做做…呼…幾難先捱到六點收工，但係仲有好幾個tasks未完成喎，不過放工喇，留返聽日先做啦，趕住入去大埔陪您食飯。

琴日畀Kenji笑我有肚腩，頂！我都唔想o架！佢咪又係大肚腩！唔掂喇，真係要地獄式減肥先得喇！就由食量開始啦！我o地今日去佐常相聚食飯，只係叫佐半隻雞同埋桶頭大白菜，唔好食咁多o野喇，就快變成兩隻肥豬喇！不過後尾都仲係去佐食糖水…點搞呀？

今日係我o地拍拖o既一百零二日，我送佐一樽記念我o地一百日o既一百粒幸運星畀您，希望可以為您帶來好運啦，我愛您！

>>May 27, 2007 at 4:07:24 AM GMT+8

2007 年 5 月 25 日 星期五 【清涼】

而家o的天氣點解會熱成咁？個場又好似唔多夠冷氣咁，又開始畀o的大牌客吠，呀Man話有兩部機唔係max. efficiency喎，咁仲唔搞？

晨早要去開個冇用但係又要預備一大輪o野交差o既會，好無聊，有o的o野我準備佐但係都冇講，有o的係太過廢，有o的就想留返下次先講。明明個會可以十一點半完，都可以拖到十二點半先走得，去開會身水身汗，返公司又身水身汗，呢o的係咩天氣呀？

返到公司又要狂做啦，o的routine o既reports都未做，但係就有好多adhoc o既信要出，因為個場四周圍o的天花都o係度漏緊水！頂！夏天一到又o黎料，死人康業又賤格乜都唔做，可怒也！

經過好繁忙o既一日，今日都比較早返到屋企，居然見到婆婆您買畀媽媽o既賀年鳳梨酥o係屋企重新蒲頭！yumi！好味道呀！

>>May 27, 2007 at 3:54:55 AM GMT+8

2007 年 5 月 24 日 星期四 【清涼】

繼續都係要放假都返公司做o野，慘！

為佐聽日朝早開會有o野講有得交代，十二點幾醒佐食o的o野，都諗住出去，點知都係累得滯要訓到兩點幾，一起身又有o野食喎…住家飯真係好…

食飽，決定唔沖涼就出去，因為熱到死，而且係出去做苦力，費事身水身汗白沖。今日o既任務係去銅鑼灣宜家買鏡，再拎返公司裝o係個傷殘廁裡面，結果畀我搵到$179.9四塊，好抵，即買。拎到返公司再叫德哥幫手搞，搞完影相，再勉強o係場裡面影o的相，就砌埋落個word度，print出o黎，完事，但已經八點…

好熱呀！好憎咁熱呀！吼！

>>May 25, 2007 at 6:52:10 AM GMT+8

2007 年 5 月 23 日 星期三 【酷熱】

假點都要放，但係o野都係一個人做…

九點半學車，琴晚已經發現唔見佐張鐘卡，o係公司搵過，屋企又摷過，都係冇，唔知去佐邊，點知原來只係放佐o係我平時放眼鏡個書架入少少o既地方，o岩o岩背光睇唔到，虛驚一場…

今日學佐泊位喎，其實又好似唔難喎，一下就扭佐入去喇，但係都係勁畀師傅話我盤(車太)好慢…

學完車再過去同您飲茶，好掛住您呀，三日冇見您喇！啜啜啜~

食完飯再返公司做o野，唉…好鬼慘呀真係，o的o野好似做極都做唔完咁，做到五點鐘再去接您收工，今日你陪我去做site visit，目的都係為佐星期五朝早開會，唉！好煩呀！o的無聊會，樣樣o野都係得個吹字，但就冇實際行動，成班十幾廿人陪兩條冇牙力o既廢人玩，o徙時間！

先陪您行o下o的outlet舖，再去site visit。九龍城廣場真係整靚佐好多喎，總算有o的收獲。完事後居然又搵到架85號入返沙田，去返我同您打邊爐o既老地方，今日食佐好多甜品，搞到食唔晒o的o野，真係浪費喇！

幾時先可以晚晚攬住您覺覺豬呀… >_< 我愛您~

>>May 25, 2007 at 6:51:24 AM GMT+8

2007 年 5 月 22 日 星期二 【酷熱】

嘩！今日真係超級忙呀，一來係我將會放孖地，二來係一放完假返到去星期五上晝就要去HQ開會，真係麻鬼煩呀，開會要講o既o野都仲未諗掂添，睇o黎放假呢兩日都好大機會要返去走一轉喇…頂！慘無人道呀…

今朝一返到去都唔敢懶喇，快快手開始做o野，食飯前都叫做入好晒variance report o的數，但係唔知自己入錯邊條數，搞到個總數硬係差九毫子，覆佐兩、三次先搵到邊條數入錯，真係眼到矇！一面做又一面有九億個電話打o黎，幾百廿萬樣o野…

最頂住條氣o既就係RV打畀我，話之前寄出申請退稅o個o的差餉單唔齊，少佐幾張單。其實我之前都覺得奇怪，因為我早幾日睇返rates o的文件，發現o個份退稅申請o係出街前o個份copy居然唔齊！有其中三頁紙唔見佐！！！

初時我以為可能只係copy完file漏佐，點知最壞o既事原來真係發生佐！個繼臭英之後新翠第二大毒瘤無能clerk呀Mi居然可以寄o的唔寄o的，印o的又唔印o的！類似o既事件都已經唔係第一次發生（亦有其他受害人，仲有無數因為佢唔見佐單而拖住找唔到數畀人o既suppliers、判頭等），人o既容忍度真係有個限度，要對住個咁o既無能clerk做o野，我同老細幫佢補鑊仲多過佢assist我o地做o野，佢老闆o丫！真係屎都滾埋！

當然，我同老細都係好維護佢o既，只不過我真係唔敢想像如果佢冇佐呢份工，出到去其他公司仲可以唔可搵到份工…唉…就係咁畀呢單o野搞佐半朝…

下朝又唔知做乜有幾單漏水o野要follow，搞到真係要六點之後先可以好仔細咁寫埋個variance o既explanations…shit！

結果連飯都唔返屋企食喇，print埋部分星期五開會要用o既文件，再食埋下晝食淨o個o的o野算數，做完再同德哥去裝佐幾個新買返o黎o既signages，再影o的相用o黎交功課…

搞到十一點幾先收工，不過您都等我等到眼訓喇，對唔住呀，今晚陪唔到您傾電話，我知您今日有o的o野唔開心o既，但係我都冇時間去聽…錫返啦，聽日慢慢講我知好冇？

我愛您！

>>June 2, 2007 at 2:56:53 AM GMT+8

2007 年 5 月 21 日 星期一 【酷熱】

見您咁努力send求職信同email，我都apply一下MTR o既EO先！啜~

您今日好頻撲，又西環又觀塘咁，見到您咁就覺得您辛苦，不過唔緊要，公公錫返晒！帶佐您把遮返工，但最終都用唔到，因為冇落雨…十三妹都見到您把遮都話靚呀，因為有好得意o既透明大口仔頭o係個遮骨尾度，哈哈！識貨！

今日一開波就有好多濕星o野要做，搞到五點半先可以靜靜o地開始做個variance report，畀o的數目字搞到個人都暈暈o地，不過老趙執過o既budget，已經畀之前o個o的好睇好多，而且又係第一季，o的數都未開始亂，總算容易做。

做到八點幾，眼花花，就去佐旺角同十三妹食飯。嘩！佢勁浪費囉，食淨晒o的o野，冇衣食會娶豆皮老婆o架！

有時人都係知足o的好，唔可以咁容易見一個就對鐘意一個嘛！只係覺得人o地對你好就覺得好有好感，又即時諗起而家o個個對你點唔好，咁唔得o架！兩個人一齊就係學相處o架啦，個個人一開始拍拖都係覺得對方對自己好好o架啦，只係因為開始時o個個spark蓋過佐對方o既所有缺點之嘛，日子過得咁上下，你會覺得o個個人現晒型，其實並唔係咁囉，只係你終於都睇得見對方o既本性嗟，若果因為咁而又去搵另一個，又試從新適應過另一個人，自己都辛苦啦，真係唔好挪苦o黎辛啦！傻傻o地！

>>May 22, 2007 at 3:13:57 AM GMT+8

2007 年 5 月 20 日 星期日 【雨】

其實今日無所是事又一day…

今朝玩到六點先返到屋企，一返到去梗係即訓啦，但係十二點幾就醒佐喇，因為個肚突然之間好痛，本來都唔想起身落床，咁o岩您又打電話o黎叫醒佐我，我就順便落床諗住解決佐再訓過…

原來今日屋企人叫佐pizza喎，咁就梗係一齊食埋先再去訓啦！都已經好耐冇o係星期日一家人o係屋企食飯喇，今日難得偷到呢個機會，真係好。

唔知係咪飲佐個忌廉湯，食完o野一陣又開始攪肚痛，都唔知琴日食錯佐o的乜，搞到又要去屙第二次…

訓o下、上o下網、抖一抖啦，放孖day真係開心，舒舒服服o係度懶返一日。如果可以見到您就更加好，不過您都好應該多o的同朋友去o下街o既，見您行完街返到大埔之後心情好好喎，咁咪好囉，唔好再記住琴晚o既事喇~

>>May 21, 2007 at 2:03:33 AM GMT+8

2007 年 5 月 19 日 星期六 【雨】

唔知邊度o黎o既雨水，突然之間落佐兩日大雨…

訓到您叫我起身囉，出門口時柴灣區陽光普照，點知入到大埔就開始有雨喇…您姐夫請飲茶喎，點都要趕入o黎啦（話晒佢都贏佐我唔少麻雀錢），其實o係非繁忙時間坐巴士轉火車入大埔都可以好快o架，快過坐地鐵轉巴士起碼三個字。

其實醉翁之意都不在飲茶o既，講到尾又係攻打四方城，總結今日十二圈，都係輸佐廿蚊，廿蚊有咁多人陪您玩，抵到爛啦！

其實我都唔想打通宵o架，如果您下次走，就用要我送您返屋企作為原因帶埋我走啦，唔該晒~ 激嬲佐您添…最多第日讓返您啦…

>>May 21, 2007 at 2:59:37 AM GMT+8