2007 年 7 月 27 日 星期五 【清涼】

老細放假，做o野都有o的散漫，不過唔代表我o地冇做o野o架！聽日後日靜靜o地先可以翻check公司05同06年條數，好煩…

爸爸媽媽用緊o個部電腦雖然新過我老妹o個部，用佐兩個晚上去reinstall晒成個Windows XP，亦唔見得好轉，原來係塊死人2themax底板，cheap o野即係cheap o野，大家真係千祈唔好買，居然咁少用，又唔會開過夜，都可以突然之間有幾粒電容都溶q佐，搞到兩個USB頭用唔到，Mouse o既PS2頭亦bye埋…而家只係o係度等死…

點好呢？砌過部機畀自己再畀我部機佢o地，定係由得佢o地買部垃圾廠機算數呢？！計落又起碼要五千蚊喎…shit…

您個百厭星終於都肯去睇醫生喇，食完葯一定係好眼訓所以電話都冇打畀我就訓著佐！我愛您！啜！晚安喇！

>>July 28, 2007 at 1:21:32 AM GMT+8

2007 年 7 月 26 日 星期四 【清涼】

在英超歷史上一位值得敬重的球員 － 瑟頓
丁偉傑
7月9日 Yahoo！體育

經常都覺得自己非常幸運，自開始以講波佬作為職業之後，有兩項大比賽自己一直未嘗間斷、每季都能夠在電視直播跟球迷一同欣賞，分別是英超聯及歐聯比賽；提到英超聯賽事，很多球迷都會立即聯想到幾支豪強，豪強以外會提及的可能是幾支倫敦球會，例如韋斯咸、熱刺等等，都有較多球迷追捧，不過如果提到布力般流浪，擁躉並不會特別多，而提到其殿堂級球員，計英超年代很多人會想到的當然是舒利亞，因為舒利亞在94、95連續兩季射入34球，兼帶領布力般流浪在球會81年歷史以來，首奪頂級聯賽冠軍，但我覺得不能忽略的，還有當年布力般流浪的二哥 －這篇文章的主角瑟頓。

可以作一個比喻，當年舒利亞等於布力般流浪的米高佐敦，同時不能或缺的二哥柏賓則是瑟頓，該季他剛剛加盟布力般流浪，已經能夠取得15個入球，屬於布力般流浪奪標背後的大功臣，其後他轉投些路迪，在球會的戰績繼續不俗；不過瑟頓是一位非常欠運的球員，幾代英格蘭國家隊領隊都曾經選召他，但對他的用法都是「有事鍾無艷，無事夏迎春」，當國家隊需要高佬或傷兵較多的時候，瑟頓都是必定會入選的球員，但在他的國家隊生涯當中，原來合共只為英格蘭上陣過10分鐘，當時是97年11月，瑟頓首次入選英格蘭國家隊，在友誼賽對喀麥隆後備上陣了10分鐘，之後他不斷有再入選國家隊，但從此再沒有得過上陣機會。

在國家隊際遇的運滯，想不到還帶到瑟頓的球會事業上，瑟頓剛於前日宣佈，因為眼傷的關係被迫退休，其實瑟頓今年還只是34歲，在他的計劃當中，本來沒打算這麼快便退休，所以在為瑟頓感到婉惜的同時，必需承認用他的故事寫成一篇文章，多少是出於自己的情意結，希望大家記得英超除了幾大豪門之外，在短短的十多年歷史當中，還有一支布力般流浪曾經奪冠。回說瑟頓在國家隊的仕途，由荷杜、奇雲基謹甚至到艾歷臣的2000年代，都有經常選召瑟頓入伍，但他往往只屬於STAND-BY型球員，例如在90年代荷杜擔任領隊的時候，很喜歡每次都選召超過30名球員，通過2至3日的集訓之後，便會從中大幅篩選，記得在94年8月，當時英格蘭要在友誼賽對葡萄牙，荷蘭一共選了34名球員，但經過2日練習之後，瑟頓、當時效力車路士的惡霸中場韋斯、曼聯中堅巴里斯達、利物浦中鋒哥利摩亞都被除名；之後瑟頓在奇雲基謹及艾歷臣旗下，都有類似的際遇，由於在球會表現出色，因而引起國家隊領隊注意，但始終不獲垂青、沒有機會上陣。

不過世事是公平的，好球員始終會得到回報，雖然瑟頓在國家隊得不到應有的機會，但在球會層面上，他仍然有很多地方值得大家讚譽，例如在94/95球季布力般流浪對愛華頓的比賽，瑟頓開賽僅13秒即取得入球，是當時英超的最快入球紀錄，同時他在94/95年由諾域治轉投布力般流浪，亦打破了當年英倫三島球員的最高轉會身價，500萬英鎊身價放在今時今日當然不算是一回事，但在當年已經是一項新紀錄。

當年布力般流浪的球迷普遍都有所寄望，究竟兩位強力的空中轟炸型中鋒、瑟頓加舒利亞的效果會是怎樣？但同時亦有球迷擔心，兩位類型如此相似的前鋒走在一起，究竟能否產生正面的化學作用，答案正如我在文章前段提到，瑟頓加盟首季為布力般流浪射入15球，協助球隊首次奪得英超聯冠軍；到了97/98球季，雖然布力般流浪的成績下滑，但瑟頓仍能維持一定個人表現，記得該季的英超最佳陣容，包括有門將施文、後衛加利尼維利、基昂、阿當斯、溫特本，中場有柏奴亞、奧華馬斯、法國的韋拉及比堤，前鋒有柏金及奧雲，最佳領隊是阿仙奴的雲加，而獲選最佳球隊後備的，有碧咸、傑斯及瑟頓，可見瑟頓在英格蘭球迷心目中，始終有一定地位。

到了99至2000年，瑟頓的身價已經上漲了一倍，以1000萬英鎊由布力般流浪轉投車路士，可惜這季卻是其職業生涯最失望的一年，在28場聯賽中只為車路士射入1球、6場歐聯比賽顆粒無收，所以只效力了1年便黯然離開，但當時其實仍是瑟頓職業生涯的高峰，連意甲勁旅祖雲達斯亦想過要收購他，覺得他有能力在意甲立足，証明他在車路士失望的1季，在很多人眼中只是偶爾失準；當時祖雲達斯正好需要一位強力型中鋒，其實早在瑟頓之前，英格蘭還有一位身材較為瘦削、但同樣屬力量型的長髮中鋒，他的名字叫做希利(Hateley)，曾經效力過AC米蘭，當時祖雲達斯覺得瑟頓的踢法跟希利非常相似，所以想過要提出收購，只是瑟頓沒有選擇走希利的舊路，在2000/01年以當時蘇格蘭的紀錄轉會身價、600萬英鎊加盟些路迪。

其後他在些路迪的較近代事跡，相信很多球迷、就算是年輕一輩亦會較為熟悉，其中我最感讚嘆的地方，是他能夠由中鋒踢到中堅，再由中堅移到墮後的校炮手位置，當時我曾懷疑會否因為蘇超的水準較低，所以連出名身材高大、但腳法一向平平的瑟頓，都可以擔任校炮手，但後來在歐聯比賽中看到，原來瑟頓在中路幫忙做校炮駁腳，並不是靠他的腳法或上腳多，反而是憑他的經驗，以及在球隊中的大亞哥性格，多少類似前曼聯隊長堅尼，並非以技術造藝先行，而是靠自己的領袖才能、在中場的球賽閱讀能力帶領球隊，所以瑟頓效力些路迪時在歐聯的表現，可說在自己十多年講波經歷裡，繼94/95年加盟布力般流浪即贏得英超冠軍之後，再一次對他刮目相看。

然而因為瑟頓是英格蘭人，始終希望在英格蘭完結自己的職業球員生涯，亦想在英格蘭再創一番像當年在布力般流浪的功業，所以到06年1月，瑟頓由些路迪回歸英超加盟伯明翰，可惜該季伯明翰護級失敗；到06年10月他再轉投阿士東維拉，由於阿士東維拉的領隊，正是瑟頓以往在些路迪夾慣夾熟的馬田奧尼爾，所以對於這個組合的故劍重逢，很多球迷都有一定憧憬，事實上這時候瑟頓已年屆33歲，但在剛過去球季的季初，他的表現仍然出色，予人感覺以他的能力，要負責維拉的中鋒位置是綽綽有餘，既能繼續擔任球隊的大哥角色，亦能做好作為柱躉中鋒的工作。無奈到07年1月維拉對曼聯的比賽，瑟頓因為撞傷頭部引致視力嚴重模糊，由這時候開始，已經有估計他的職業生命可能會受到影響，終於日前瑟頓宣佈因為眼傷太嚴重決定退役，在此祝願瑟頓退出職業球員行列之後，生活將會繼續精彩。

----------------------------------------------------------------------------------------------------------------------------

Chris Sutton係我o既超級偶像，祝佢早日康復同埋生活愉快。


>>September 15, 2008 at 2:35:09 AM GMT+8

2007 年 7 月 25 日 星期三 【清涼】

放埋今個月最後一日假，又要返六日先有假放…今朝終於都起到身喇！去佐接您返工。您一見到我呢，就好似小朋友o係商場裡面唔見佐媽媽，一搵返媽媽o個時就即刻奔跑埋媽媽度o個隻咁…見到您個樣就覺得好搞笑，成個十幾歲o既靚妹咁… :)

熱到死但係又唔想返屋企，趁住有時間，十二點幾就去佐百老匯睇Death Proof（港譯︰《玩命‧飛車‧殺人狂》）。果然係好似o的網上forum所講，Death Proof o既節奏真係比較慢，而且冇咁過癮。


一出場就係呢三條女喇，呢三條女就係個特技飛車玩命o既殺人狂魔傻佬玩死o既獵物。一見到個鏡頭成日影住黑妹對腳，就估到呢對滑雪雪o既腳一定會出事…


Stuntman Mike: [as he drives] Hey, Pam, remember when I said this car was death proof? Well, that wasn't a lie. This car is 100% death proof. Only to get the benefit of it, honey, you REALLY need to be sitting in my seat. [slams his boot to the brake and sends Pam flying face-first into the dashboard]

畀殺人狂殺死先o既，居然係呢個貪便宜坐順風車o既女人，而上面班女，就畀呢個玩命殺人狂駕佢架改裝過o既特技車，對頭磡到散晒，黑妹隻狗一開始就伸佐出車窗外，果然係撞到散晒斷埋o係路邊… @_@ 個傻佬就入埋醫院…


點解呢個傻佬要係咁駕住架車去撞到人o地散晒？只係因為佢覺得"fun"…omg！


Kim: I'm the horniest motherfucker on the road!

條友出佐院又去搞搞震，不過今次佢就遇著同樣係特技人o既女，今次佢pk喇，因為佢係癲，但係o的女仲癲！佢撞唔死班女，反而畀班女追殺，最後畀班女打到變豬頭，而套戲就以其中一條女一個side kick踢低佐個傻佬作結，個傻佬一訓落地，班女就好開心咁舉起晒手歡呼，跟住就即刻飛佐「The End」兩個字出o黎…吹脹！


導演Quentin Tarantino都有份玩埋一份，不過都只係o的無聊o既戲份。低成本製作，o的佈景都只係麻麻o地…成套戲得最後半粒鐘班女追殺返個傻佬o個度先叫做緊張o的o的，其餘好多戲份都係一大班人閒談咁，極悶…


您終於都買到個心水o既黃金葛玻璃兜喇，一天都光晒！真係行到行到腳跛…

您知我最愛就係您o架喎，係咪？！有時累得滯真係要您多多包函… @_@

>>September 15, 2008 at 2:33:11 AM GMT+8

2007 年 7 月 24 日 星期二 【清涼】

個日記down佐幾日，終於都好返…但係要補寫返o的日記真係要好幾日時間。

o個showhappy個forum度，又試有好多人臭罵呢個網頁，我心諗，其實一年都down好幾次啦，乜你仲唔慣咩？唔駛畀錢o既o野係咁上下o架喇！又聽聞話呢個日記網頁係由一個人one-man-band咁艱苦經營，仲要每日處理咁多人寫o既o野，淨係買server都買到佢窮啦！不過香港人慣佐o架喇，投訴文化嘛！一於「投訴接受，功夫照舊」！

網主萬歲！

加菲貓嬲呀北搵佐女朋友，哈哈！講數喎，勁搞笑！


呢個group hug好得意！


>>September 15, 2008 at 2:27:56 AM GMT+8

2007 年 7 月 23 日 星期一 【清涼】

頂佢，琴晚個鼻又失控，今朝仲要晨早七點鐘起身仆入元朗買fancoil…癲！

老趙為佐息事寧人，今日叫我同Kenji專程入去元朗買三部1200風fancoils畀332個賤舖，我o地八點左右o係柴灣出發，Kenji話要坐巴士，於是就去坐118轉68X喇。條友仔好似抱住小學生去旅行o既心情咁，仲要沿途拍照留念o個隻，真係頂佢不順…仲問可唔可以坐輕鐵添…頂…救命…


勞動之前就梗係要填飽個肚先o架啦，去佐我覺得o係元朗裡面都算幾好食o既嘉麗園食個早餐先，Kenji繼續佢去旅行o既心態，係咁影相之餘仲要對身邊一切事物都咁好奇，包括個餐牌…


佢仲話23蚊個早餐大大份（確係幾大碗），方包係今朝新鮮整o既，仲要用美國牛油，隻蛋o岩o岩好蛋白同蛋黃可以分離外面熟裡面生，仲有兩塊餐肉…唯獨係o的麵裡面唔知點解會有西芹…


搞到十一點幾終於買完返到新翠，熱到死濕到透…超累！居然會買埋機畀個判頭做o野，新翠o既服務真係冇得頂！

>>September 15, 2008 at 2:25:55 AM GMT+8

2007 年 7 月 22 日 星期日 【清涼】

放假，同您去佐買草… @_@ 其實唔係草，係黃金葛…您話黃金葛聚財喎，揀來揀去，葛多眼亂…熱死人喇！


Yahoo!知識+
請問黃金葛怎樣種的........?

如果你用水種， 你可以一，兩個月換一次水，或者只係加水，等佢唔會乾。落幾滴肥料或者唔落都得。唔好俾佢直接晒到太陽，小小陽光或燈光都夠。

黃金葛o既根同莖都會一齊生長o既。你最好隔一段時間將成棵植物挪出o黎。將o的根剪到兩，三吋左右，等佢懐容易o的吸水，唔會繞埋一舊。如果浸水部份有黑色，就剪佐去。

黃金葛o既莖會一路咁生長，到十幾呎咁長，如果你鐘意留住佢o既，就等佢搭住o的傢私繼續生，如果你唔想佢咁長， 可以剪短佢， 將剪出o黎o既部份插返入水度，咁你就會有越來越多o既黃金葛。不過你剪出o黎o既部份， 一定起碼要有一個節， 因為o的新根要鰠個節度長出o黎。同埋要識分頭尾，唔好掉轉插。同時如果棵黃金葛生得太長，近住根部份o既葉就會甩出o黎， 所以我唔讚成由得佢係咁生長。

你剪出o既部份， 揀幾棵等佢生出新根， 買一個圓圓地o既玻璃兜，放幾粒雨花石或者波子。加水，插起o黎送俾人，或者直接插在花盆用泥種，都可以送俾人。而家我公司個個人張䒷都有我送o既植物（有o的人問我挪）。黃金葛， 吊蘭，萬年青，蘆薈都好容易種的。

http://hk.knowledge.yahoo.com/question/?qid=7006081700039

>>September 15, 2008 at 2:23:45 AM GMT+8

2007 年 7 月 21 日 星期六 【清涼】

間新舖死人Skinfood好x大個鼻喎！我o地見佢o係個唔夠冷氣o既出口位，好心幫佢搞換冷氣o的o野，而佢亦都有足足一個月rent-free，居然都仲要好霸道咁講話如果今日換唔到冷氣，我o地一定會claim你o地公司。哦。你咪claim囉，睇o下leasing班人理唔理你！

最死就係呢間舖係由個超級大煩人Elaine跟，一日打九億個電話o黎，仲要一搵到你就死都唔收線！大姐呀，你估你唔收線就會有你想要o既結果o架喇咩！所以我對佢一直都唔會做到有求必應，一於要佢等o下囉，你越唔收線我就越遲同你做，你拖我時間我就dump你波鐘！咪以為你煩我o地就會優先做佐你o個壇o野先得o架，你當SHKP係咩呀？係神呀？戇x！

晚上睇佐《性工作者十日談》呢套戲，真係爛。講o係香港從事性工作o既男、女o既故事，同性戀等等，好悶。


突破o既係鄧健泓同李逸朗，合演佐幾乎係成套戲裡面唯一o既「床上戲」…唉…港產片即係港產片…


>>September 15, 2008 at 2:20:44 AM GMT+8

2007 年 7 月 20 日 星期五 【清涼】

校園欺凌事件就真係聽得多，公司欺凌事件今日就真係第一次見！離晒譜，o的人真係玩到過晒火！幫唔落！

今日放工落去打卡時，居然o係counter見到呀Mi o係度喊！！！行埋去一睇，嘩！唔係呀嘛！班友真係無聊到極，居然索佐條「索帶」o係呀Mi隻手指公度，仲要緊到抆唔到出o黎！

佢o地成班人係咁嘗試挪o的工具去幫呀Mi整斷條索帶，但係因為呀Mi唔係一個正常人，一面喊一面話好痛又一面唔畀人搞佢隻手指，話約佐人要即刻走…結果都係冇剪到就走佐… @_@

原來係德哥套佐條索帶o係呀Mi隻手指公上面，但係原本就冇索緊o既，點不知個憂9仔就手多多走去拉緊晒成條索帶！x！有冇腦o架！佢xy o丫！隻手唔係佢都要用個腦諗o下o野啦！我o地平時幾條男人打來打去又話冇事嗟，呀Mi係個女人o黎o架嘛，仲要係一個極度唔正常o既女人，我同老細真係罵佢都要就住o黎罵…今次真係大件事…

我、老趙同呀李不斷咁打電話畀佢，問佢剪佐條索帶未，點知最後一次聯絡到佢o個時，佢都係話仲未剪、好痛，同埋問點解隻手指公會咁紫色o既… @_@ o個時已經係事發過佐個幾鐘…之後就再冇聯絡到佢，唔知佢情況點…好擔心…

呢個死憂9好鬼大男人死要面，係都唔認衰。我同佢講話一陣呀Mi計少佐佢勤工、飯錢又或者扣住佢張醫療卡唔畀佢，佢就知死。佢就話︰「我真係好驚呀…」我再叫佢不如買張卡寫句sorry夾埋入水袋送畀呀mi，佢又話「駛唔駛呀？」佢真係冇x得救，死都唔認錯…

我同Kenji一齊話唔知佢條仔係咩人，唔知會唔會找佢悔氣，佢就話︰「有冇人會因為同佢條女玩o下而打x o個個人呀！」真係吹脹…心諗︰如果佢條仔係o的知識份子，要玩o野玩起上o黎佢就仲大鑊…佢自己死好喇，唔好累埋我同老細…

>>July 27, 2007 at 1:25:40 AM GMT+8

2007 年 7 月 19 日 星期四 【清涼】

您爸爸突然放佐您飛機，話屋企冇飯開，於是今晚又可以見到您。

您就覺得您老豆奇奇怪怪一定有o的o野瞞住您…唔好諗太多啦，男人呢種動物係咁o架喇…

我最欣賞o既香港建築物︰Ibis North Point


好特別，因為我係搭車時睇住佢起o既，呢幢樓係分開三個部分、三個階段起o既︰玻璃幕牆、黃色部分同埋綠色部分。


非池中之物！


No kidding man! US$240 for getting a license for the usage rights of an individual photo is goddamned crazy! Unreasonable prices only force people to use it without premission by direct copy-and-paste.

http://www.emporis.com/en/wm/bu/?id=ibisnorthpoint-hongkong-china

>>September 15, 2008 at 2:24:20 AM GMT+8

2007 年 7 月 18 日 星期三 【清涼】

放假，好想去接您返工，但係精神不死肉體疲乏…自從升佐佐PO之後，雖然做o既o野同以前係冇變，不過真係工作量多佐…可能呢個係交舖o既季節，又多adhoc reports交，所以先會忙成咁…

結果都係搞到下晝先出街，同您飲完茶之後去佐買件izzue o既麥當當衫，好在買得快，全香港得返三件咋！之前o係麥當當餐紙見到仲有特價，擾攘佐一輪終於得到手。yeah！

您放佐工之後我o地去唱K，您好奸茅呀，蝦我！唔排隊唔插歌最後cut佐我首歌，邊有人咁樣o架！哼！您呢個百厭星o既小綠巾o丫！可惡！ >_<

不過您總有可愛o既時候o既，挪條綠色手巾仔當頭巾用擋雨，個樣傻到爆呀！我愛您！啜~

>>July 25, 2007 at 1:52:40 AM GMT+8