2007 年 3 月 29 日 星期四 【酷熱】

仲未作完報讀Master篇文，好累呀，要訓覺喇…zzz…

上晝十點又要特登走過柯達聽點樣搞公司新o既智能打卡機，我o地公司都算幾勁，「嘟」卡都唔止，仲要玩埋鏡頭認樣，真係駛唔駛呀？！以後遲到都唔知點算… @_@

今晚上佐您屋企食飯，等我又同狗仔影返o的近照先！



我終於明白您講您細佬個女朋友「惹艷」係咩回事啦，佢又真係幾老實不客氣喎，o係人o地屋企訓都算啦，仲要著晒屌帶咁… @_@ 話晒呢度都有個老人家o係度o丫，點都要尊重o下o的老人家唔好露咁多肉出o黎先得o架…不過或者佢已經成為您家中o既一份子啦，所以唔駛咁避忌都未定，唔知喇…點都好，後生女唔係我杯茶，成熟o的o既女人點都有味道o的~

取悅伴侶o既屋企人係必須要做o既事。

----------------------------------------------------------------------------------------------------------------------------

節錄自2007年3月28日《明報》

瘋狂追星家族送命收場　為完獨女劉德華夢　賣屋賣腎蹈海

「…楊氏三口本月19日抵港，翌日早上3人去到觀塘駿業街安建大廈劉德華歌迷會的「華仔天地」會址，但會址10時才開門，3人見不到劉德華，悻然離去。21日，3人往政府總部請願，希望特首安排他們與偶像會面，保安人員建議他們可到尖沙嘴文化中心尋求協助。3人到達文化中心後，該署職員著他們應直接往「華仔天地」較合適，職員其後安排他們於傍晚6時到「華仔天地」了解25日的生日會事宜，稱到時可見到偶像…」

評語︰我對於精神問題分佐四個等級︰最低級係「傻」，跟住係「痴」，之後係「癲」，最勁係「喪」。好明顯，呢壇o野係屬於「喪」o個一類啦…

>>September 14, 2008 at 5:49:49 AM GMT+8

2007 年 3 月 28 日 星期三 【酷熱】

好o野，今日同婆婆去街街~

今朝學車，去錯佐同師傅約定o既地方，白白冇佐半粒鐘…唉！師傅話駕車，最緊要係「精神」同「靜心」，每次學車都重複九億次，今日佢o既評語係︰「呀軒，你反應好慢！」mmm…我都唔想o架，但係你自己都話啦︰「棍波o黎o架，唔簡單o架！」咁就咪咁鬼急進啦，我都唔想好似你話齋︰「駕得唔好，會『散』晒o架！」今日學佐其中一條考試o既路面，好過o係大球場兜圈啦！

下晝約佐您食飯遲大到，就係坐佐呢部罪魁禍「巴」，由銅鑼灣坐619過去九龍灣，可以坐足九個字，真係「抵」到爛！呢間鐵匠比銅鑼灣o個間好食喎，個set lunch大件夾抵食，好！


食完飯返柴灣剪頭髮，之後返屋企hea佐陣，就過去接您收工去街街。一出門口落到街，就見到上面o個部罪魁禍「巴」經過，不過今次係畀架工程車拖住返城巴廠！x！好心架車壞就咪放落街度載人啦！我坐o個時都聽到車底「噹噹」聲，都覺得有o的唔妥，原來真係壞！火！

您陪我落旺角睇鞋，我最憎就係著籃球鞋，大大對咁都唔知做乜。去o的波衫舖又唔見有o的o岩款o岩心水，係去到Lotto專門店，先見到有對都唔錯，不過Lotto唔應該係呢個價錢o架喎，再格o下價先買，您唔準o徙錢買畀我呀！

之後我o地去佐唱K，兩個人唱K buffet，得兩個鐘咋，但係都好開心，第一次聽您挪住支咪唱歌，您話您唱得唔好聽，o的高音上唔到之類。如果我o地唱歌真係咁叻，都去佐做明星啦，唱K最緊要係盡情，唔駛理其他人感受o既！您同我一齊都成日會唱歌仔我聽o架啦，我唔覺得難聽喎，您把聲係偏高音o既，所以我唔信您唱唔到o既，係太耐冇唱生疏佐嗟，我o地一於個個月去唱兩鑊啦！

快樂o既時光永遠都係過得快，眨o下眼我o地又要o係屋企門口分別喇…點解見得咁短時間o架…唔夠呀！無論係好定壞，我都愛您！缺點要包含，要接受；優點要欣賞，要讚揚。理性o既您，我最鐘意呀！:P

欣欣生日快樂。

>>September 14, 2008 at 5:46:40 AM GMT+8

2007 年 3 月 27 日 星期二 【酷熱】

三月嗟，o的天氣突然之間熱得咁緊要，都唔知o的電費可以點慳，今年爆硬budget喇…

正當做緊全場o既signage review之時，老趙原來已經叫佐Wendy姐做佐個standee signage o既review，分擔佐我部分o既工作，您話呢o的老細邊度搵o丫，o的o野自動波咁去，慌死做死o的細o既咁，真係頂佢不順啦~ 老趙，你係得o既！

已經兩日冇見過您喇，好掛住您呀，仲要等多日先見到您… >_<

----------------------------------------------------------------------------------------------------------------------------

Hero
Mariah Carey

There's a hero
If you look inside your heart
You don't have to be afraid
Of what you are

There's an answer
If you reach into your soul
And the sorrow that you know
Will melt away

And then a hero comes along
With the strength to carry on
And you cast your fears aside
And you know you can survive

So when you feel like hope is gone
Look inside you and be strong
And you'll finally see the truth
That a hero lies in you

It's a long road
When you face your world alone
No one reaches out a hand
For you to hold

You can find love
If you search within yourself
And the emptiness you felt
Will disappear

And then a hero comes along
With the strength to carry on
And you cast your fears aside
And you know you can survive

So when you feel like hope is gone
Look inside you and be strong
And you'll finally see the truth
That a hero lies in you

Lord knows
Dreams are hard to follow
But don't let anyone
Tear them away

Hold on
There will be tomorrow
In time
You'll find the way

And then a hero comes along
With the strength to carry on
And you cast your fears aside
And you know you can survive

So when you feel like hope is gone
Look inside you and be strong
And you'll finally see the truth
That a hero lies in you
That a hero lies in you
That a hero lies in you...

>>March 29, 2007 at 1:48:59 AM GMT+8

2007 年 3 月 26 日 星期一 【暴雨】

今日我同婆婆返工都好勤力，冇乜傾過幾多個電話，呢種一齊努力工作o既感覺，非常良好。

工作尚算努力，但報名讀書o個度就進度好慢。雖則月尾就到期，但係諗佐成晚諗佐幾個鐘，先諗得掂自己呢兩年做過o的乜，我而家o係新翠o既job duty係乜，諗完之後寫落o黎都硬係覺得唔係寫得好，但係好煩，唔想再諗，再諗就冇得訓…

聽日仲要寫埋篇點解揀呢個course之類o既文，唉…好煩呀！ >_<

唉…我又一時大意搞亂佐o的假，唔記得佐您聽日要同爸爸去覆診，自己又要學車，陪少佐您添，少佐時間o係您身邊聽您訴說工作上o既難處同苦惱…嗯…掛住您呀~

>>March 27, 2007 at 2:51:48 AM GMT+8

2007 年 3 月 25 日 星期日 【酷熱】

報名學車o既時候，個package包埋個「路試講解」o既course，話有師傅帶你去睇o下條路，同講解有乜要注意，結果今朝晨咁早九點半鐘要落到跑馬地，頂佢啦，原來超級廢！坐o係架「凌志」房車度，條友講埋晒o的廢話都不特止，仲要架車係自動波o架囉，老細，我好似係學棍波o架喎！o係度豬up佐半個鐘，好在有去，如果唔係六十蚊按金都蝕埋畀佢！

搞完呢壇o野，行去灣仔搭船過尖咀（比坐地鐵平佐$7.8），仲可以經過尖沙咀天星碼頭個KMB門巿，好o野，買佐Q版「綠悠悠」巴士畀您個姨甥仔（其實我都好鐘意巴士o架，不過我o係香港島大，比較鐘意中巴咁解囉…），之後再坐車入大埔。

公公都知您累o架喇，其實我只係想同您一齊，見o下您、陪o下您，並唔係想話去o的乜特別o既地方。我o地飲完茶再帶呀B落街散步，隻衰o野都算畀面啦，肥成咁都叫做自己行返屋企唔駛我o地抱，最曳都係成隻打橫咁攤佐o係巴士總站個出口位嗟…見到佢返佐屋企成粒鐘都仲o係度喘緊氣，就覺得好搞笑。


食完飯就要返屋企喇…好想同您攬住覺覺豬…畀您發現佐我有鼻鼾聲添…mmm…我愛您~

>>September 14, 2008 at 5:45:05 AM GMT+8

2007 年 3 月 24 日 星期六 【炎熱】

作死！訓到九點八先起身，遲晒大到…頭暈暈咁，返到公司又係蛇佐o係locker房，訓到英姐返工先識起身… @_@

下晝終於「的」起心肝搞o的signage review同upgrade，我都唔想做得咁慢o架，但係之前確實係忙佐少少又懶佐少少o既，不過點都要盡快搞o架喇，o係我能力範圍之內o既，我都想o係我任內搞返好去…

放佐工入大埔，唔想您個百厭星累到死走來走去，您帶我去食大埔其中一間日本料理，食味都ok o既，不過地方就迫佐少少啦，星期六人多係咁o架喇。您好搞笑囉，食食o下突然之間話好飽，正傻婆！結果清道夫o既責任又交佐畀我呢個食物焚化爐喇… @_@

食完飯再上佐您大家姐屋企同您姨甥仔玩，嗯…唔知幾時先賺到錢可以買間咁上下大o既屋同您一齊住，有個安樂窩呢？要認真計劃o下先得…

Apply CityU o個個Master下個禮拜六deadline，係時候要諗o下篇文點作。早兩日同Billy仔食早餐，佢話交佐form都仲要做interview，唔係咁煩呀嘛？！唉…有時o的o野，真係唔係淨係用錢就搞得掂…唉…都係快手作埋篇文先諗啦…

您就仲煩惱緊個client o的o野，腦仔係咁轉轉轉。您二家姐講o既冇錯，有時係操守o既問題，理論上您係專業處理呢o的cases，應該有o個種判斷力，但係您唔好忘記您唔係社工之餘，亦都冇乜受過呢方面o既訓練喎，唔好話我成日幫住您講好話喇，我覺得只要憑良心做咪算囉，有時好心做佐壞事都冇法子o架，好多時結果都唔到自己控制o架喎，船到橋頭自然直，睇o下星期一咩環境先再算啦…放佐工喇，唔好再諗喇！您成日話我職業病，您都要放鬆o的先得嘛~

>>March 26, 2007 at 2:49:48 AM GMT+8

2007 年 3 月 23 日 星期五 【微冷】

一朝早返到公司，就收到Carol o既sms，內容係分手。

諗返起o個時我o地點樣鼓勵佢畀o的勇氣去同個男人開始，或多或少都覺得好似係自己害佐人咁，令到佢無端端要受到感情上o既傷害。「兩個人由不同的方向，不同的軌道走在一起已經不容易，但最也捱不到！」好傷感。

早兩日同Josephine通過電話，佢話因為兩口子都忙，所以佢o地一個月只會見到兩、三次面，唔知分唔分手好。佢曾經提出過分手，但個男人又拒絕，不過又唔陪佢。問佢愛唔愛個男人，佢又係答唔知道。唔知道，咪即係唔愛囉，如果真係愛o既，一定會話愛。

2006年人口普查，香港o既人口有6,857,100人，其中有3,270,100男人同3,587,000個女人。一男一女能夠走埋一齊o既機會率，就係咁計︰

(1/3,270,100) x (1/3,587,000) = 1/11,729,848,700,000

一男一女o係香港呢個咁細o既地方有緣相遇o既機會約莫就係「10兆分之1」…

ok，唔好講到咁遠喇，冇理由三歲到八十歲都o岩o既，就只係拿25至29歲呢個age range，而且仲要係有工做o既（即係勞動人口）o黎計，男人有205,674個，女人有238,474個，條數就係︰

(1/205,674) x (1/238,474) = 1/49,047,901,476

即係約莫係「500億分之1」o既機會。

o係香港要買一注就中六合彩頭獎o既機會，約莫係1千400萬分之一，而一男一女有緣相遇o既機會，係500億分之一o既機會，即係比中六合彩頭獎o既難度，高約3,500倍。

既然咁有緣o係埋一齊，我真係諗唔明點解咁多人可以只係因為相處上有少少問題，就要用分手o黎解決。兩個人一齊要有幸福，一定要好努力付出。要兩個人都有心，有心先至有力去實現，去一齊行呢條路。

點解仲要咁陰質，不斷將比中六合彩難三千五百倍o既機會糟蹋，去為其他人帶來情傷？

>>April 14, 2008 at 11:43:09 PM GMT+8

2007 年 3 月 22 日 星期四 【炎熱】

今日比較清閒，我同呀Man姐都冇乜心機做o野喎，hea佐成朝，下晝先做o下o野咁。

放工過去接您收工，您話唔可以隔咁耐都見唔到我，大大話話都有45個鐘喇，我都好掛住您，所以一夠六點就即刻換衫閃人。去佐您屋企食飯，您個傻婆話我o地兩個食晒桌面o的(食送)，您爸爸見到就縐晒眉頭…係咩？呵呵！其實只係求一o的簡簡單單o既愛情生活，可以同您一齊食飯、睇o下電視（猛咁問o的演員名… @_@），已經好幸福喇。我愛您！

您又問我如果您同一o的對您有意思o既朋友出街會唔會嬲，其實我又唔會阻止o既，因為佢o地始終都係您朋友嘛。我對您有信心，我感覺到您好愛我，我知道您唔會立亂去愛其他人。您話我容易信人又好，又或者話我好似愛理不理懶有自信都好啦，I'll have faith in all you do，我知道您明白點樣做先唔會傷害我o地之間o既關係。

假若背叛o既事情再次發生o係我身上，我只可以怪責自己太蠢、太禮讓。

我覺得您同我有兩樣o野相似，就係都有老人o既思想，小朋友o既心靈，兩個都係好硬頸o既百厭星。=)

突然之間好想搵過份工，畢竟o係新翠做佐兩個cycles，進入第三個cycle，真係有o的悶同冇挑戰性，而且又未見得有得升grade。返到屋企之後上佐好多個求職網頁係咁睇係咁睇，o係度諗如果有間公司請PO有15K一個月，我一定即刻會走，係時候準備o下份resume喇。

>>March 23, 2007 at 3:04:00 AM GMT+8

2007 年 3 月 21 日 星期三 【陰】

您鬧情緒，我鬧情緒。一起身又打佐十幾個乞嚏，食佐葯返到公司，冇心機做o野，結果又匿埋o係locker房度訓到十二點先起身…

繼續畀情緒支配工作，好失敗。好多o野做，係咁做係咁做，同琴日差唔多。做到八點半先收工，今晚見唔到婆婆… =( 我o地今日o既電話對話亦係短而淡…點解會突然間乜都變晒o架？

我唔明白您諗緊乜，唔知點解您要講o的咁o既說話，您好似諗佐o的唔開心o既o野，身為男朋友o既我，又(乙水)唔到您講我知，亦解決唔到您o既愁煩，只覺得自己好冇用。好唔開心…

您突然間話您對我冇晒feel，所以唔再愛我，要分手。係真的嗎？點解要成日講傷害我？我會好傷心o架…但我仍然很愛很愛您… :'( 事實上我發您脾氣係我唔o岩在先，我知道您為佐我而唔講好多我聽都會唔開心o既說話，但係我又對您講出同一番說話，冇諗過您感受…其實我真係好怕您忽冷忽熱o既態度o架…

原來，有緣走在一起，很難；但是，踏實地愛下去，更難。

----------------------------------------------------------------------------------------------------------------------------

相愛很難
梅艷芳　張學友

最好　有生一日都愛下去
但誰人　能將戀愛當做終生興趣

生活　其實旨在找到個伴侶
面對現實　熱戀很快變長流細水

可惜我　不智或僥倖　對火花天生敏感
不過　兩隻手拉得太緊
愛到過了界那對愛人
同時亦最易變成一對敵人

也許相愛很難　就難在其實雙方各有各寄望　怎麼辦
要單戀都難　受太大的禮會內疚卻也無力歸還
也許不愛不難　但如未成佛昇仙也會怕愛情前途黯淡
愛不愛都難　未快樂先有責任給予對方面露歡顏

得到浪漫　又要有空間
得到定局　卻怕去到終站
然後付出多得到少不介意豁達
又擔心有人看不過眼

可惜我　不智或僥倖　對火花天生敏感
不過　兩隻手拉得太緊
愛到過了界那對愛人
同時亦最易變成一對敵人

也許相愛很難　就難在其實雙方各有各寄望　怎麼辦
要單戀都難　受太大的禮會內疚卻也無力歸還
也許不愛不難　但如未成佛昇仙也會怕愛情前途黯淡
愛不愛都難　未快樂先有責任給予對方面露歡顏

得到浪漫　又要有空間
得到定局　卻怕去到終站
然後付出多得到少不介意豁達
又擔心有人看不過眼
無論熱戀中失戀中都永遠記住第一戒　別要張開雙眼

>>March 22, 2007 at 2:11:10 AM GMT+8

2007 年 3 月 20 日 星期二 【陰】

或者您會問我點解成日都會o係度數算大家一齊o既日子，係因為每次數o既時候都好開心，同埋會有一種「我o地又多一日喇」o既低能感覺，再不其然回想以往我同您一齊過o既日子。

花佐o的時間，去睇返我o地係o係邊日相識。原來答案係2005年5月18日，o個日我o地先分組做project，即係我o地其實已經相識佐672日，拍拖o既日子就係35日~ >3<

今日您過o黎接我收工，但係我仲有o野做，搞到您要等佐好耐。之後仲要您特登陪我去到太古幫Josephine交卡數添。送佐您去尖咀坐車，我再坐船轉巴士返屋企，勁累…

您情緒好似又唔多穩定，又再講o的奇怪o既說話，I was so fluctuated... =(

>>April 11, 2007 at 1:39:26 AM GMT+8