2007 年 11 月 6 日 星期二 【晴】

高潮迭起
2007年11月5日《AM730》

高潮迭起本來是人生樂事，不過，若然一天給你嘗200次高潮，相信只有痛苦，沒有享受。

對英國倫敦24歲女子Sarah Carmen來說，高潮來得實在太易，火車發出的隆隆聲、風筒轉動時發出的嗚嗚聲也會令她會高潮，甚至影印機翻來覆去的影印，亦足以叫她欲仙欲死。Carmen患上罕見的「持續性衝動綜合症」（Permanent Sexual Arousal Syndrome，PSAS），性器官長期充血，一日有200次高潮之多，在40分鐘的訪問裡，她已經高潮了5次。

Carmen說，男友以為她很易有高潮，所以在親熱時對方隨便敷衍了事，令她不能滿足。她表示，自己在19歲服用抗抑鬱藥後便得了這個怪病，經常有性衝動及高潮︰「頭半年裡，一天高潮150次，其後愈來愈多，一日達200次。在髮型屋任職美容師的Carmen，日常生活像在地雷陣般，因一些美容器具如風筒、護膚機等，只要一觸及即讓她高潮泉湧而來。

Hilary Jones醫生說，PSAS患者經常處於強而有節奏性的肌肉收縮，而達致高潮，現時仍未有病因的科學解釋。有精神科醫生視它純粹為情緒危機的心理症狀，不管怎樣，患者在心理與生理都受著無比的煎熬。

----------------------------------------------------------------------------------------------------------------------------

o下？！咁慘？！

>>November 16, 2007 at 2:17:59 AM GMT+8

2007 年 11 月 5 日 星期一 【晴】

隻戒指係上個禮拜同Angel佢o地食飯o個日爛佐lu，救唔返。Patrick Cox真係cheap，估唔到咁鬼死「化學」，就好似戒指背後o既一段愛情咁。第日買都係要買o的堅o的o既，要「真金不怕紅爐火」先得嘛！

其實老早都想丟佐隻戒指o架喇，係婆婆要我繼續戴住，話唔戴住隻介指o的人就會以為我係獨身，會招好多桃花… @_@ 傻傻o地o既，要擋晒o的桃花，就應該一齊去買對情侶戒指一齊戴住啦！

仲要我畀返隻戒指條屍畀您，話係純銀925可能會值錢，您真係傻得好緊要… @_@ 頂您不順！


>>September 3, 2008 at 1:12:57 AM GMT+8

2007 年 11 月 4 日 星期日 【晴】

舊年失戀時各位大大o既留言，銘記於心。

謝謝！

----------------------------------------------------------------------------------------------------------------------------

大名： 郵差
電郵： [email protected]
說： "如果我可以好似XXX咁傻傻o地，乜都唔駛諗，又有個人咁錫自己，仲日日o係身邊照顧住，咁就好喇…"

事實唔係好似你諗得咁簡單
或者一切唔洗去理就係好, 但邊個知
到最後去承擔一切既都係得自己
>>2007年01月22日 4:44:38

----------------------------------------------------------------------------------------------------------------------------

大名： ecf o既mavis^^
電郵： [email protected]
說： 其實過去左就由得佢過去吧la..
我都曾經好傷心過...
曾經為左一段冇可能o既感情想過自殺...
但依家諗返轉頭...
查實當時好自己好幼稚-0-
so 加油啊...^^v
>>2006年12月25日 15:36:26

----------------------------------------------------------------------------------------------------------------------------

大名： 送上祝福同支持你o既人
電郵： [email protected]
說： 希望你重新振作^-^.如果你決定等你愛o既人番來,就更加要振作.起碼等佢番來時,你都可以俾倒佢精神同物質o既支持...加油ㄚ v(^O^)v...值唔值得,就要睇你自己,因為只有你先知道自己想要咩,祝福你
>>2006年12月25日 2:41:15

----------------------------------------------------------------------------------------------------------------------------

大名： postman
電郵： [email protected]
說： 曾經好想把這歌送給那個她
但發現一切都是徒然
不放手的還是要走
不想抹掉的始終也會淡忘
人 永遠是一個個體
心 會被誘動 但那種痛會靜下來
靜下來 走自己的路
驀然回首 苦了幾個年頭
我還是那個活得自在的我
還是舊日那個沒遇上過她的我
她呢？ 可能比跟我走下去活得更快樂
但對我都不重要了
彼此在兩條平行線上各自走著
她不認識我了


選在清晨時分走出你家的巷口
看着昨天擦肩而過
未熄滅的街燈問我到底告別了甚麼

當我失去你那眼中美麗的溫柔
當你決定就此放手
我的生命之中再也沒有剩下些甚麼　除了沈默

陪你到日出　把你看清楚
哭得累了的你看來睡得好無辜
在你耳邊輕輕說出最後的要求
不要對他說出一樣的話

不要對他說　夜裏會害怕
別說你多晚都會等他的電話
別說你只喜歡他送的玫瑰花
因為這些　是我僅有　殘留的夢

不要對他說　一樣的話語
不要對他說你總是愛得太憂鬱
別說你最渴望他能為你而淋雨
我願忍受折磨　獨自去擁有　曾經的溫柔
不要對他說　不要對他說
>>2006年12月21日 6:08:37

>>November 16, 2007 at 2:17:00 AM GMT+8

2007 年 11 月 3 日 星期六 【晴】

今日您過佐o黎接我收工，錫晒您！ >3<

見我o地除佐市區之外，都冇乜一齊去過o的「其他」地方，於是就o係地鐵站上佐去赤柱o既小巴，一於去o個度o的海邊餐廳食o下飯！

都知您唔坐得長途車，搭小巴入去其實好快，約莫三、四個字就到，不過估唔到您都頂唔順，第日等我駕車載您入去，希望手車定o的您會舒服o的。

唔知係咪太夜入去，o的攤檔大部分都已經閂晒門，只係近住路口o既花店正在收緊舖，涼涼o地凍到您即時要著返件外套，等我畀o的溫暖您啦~

不適o既感覺只係好短暫o既嗟，行佐海邊o的食肆一圈，揀定佐就坐低食o野。您話間o野o的waitors好似認得您咁，成日望住您咁…我估都係咁o岩o既嗟…隨便揀一間都唔會咁o岩中您以前o黎過o個間呀嘛… @_@

食飽飽都冇乜點再行，坐返最快o既巴士出去，再送您返屋企。=)

>>November 16, 2007 at 2:06:30 AM GMT+8

2007 年 11 月 2 日 星期五 【晴】

公司有個同事居然琴日證實佐患上「手足口病」！唔係搞笑呀嘛，呢o的細路仔病o黎o架喎！佢邊度惹o的咁o既病返o黎？！

等我o地一齊認識o下呢個病先！內容完全中晒，同呢個「憂」人一模一樣！

----------------------------------------------------------------------------------------------------------------------------

手足口病

病原體
手足口病是一種常見於嬰孩及小童的病毒性傳染病，通常由腸病毒引起，而其中的甲類柯薩奇病毒為最主要的病原體；腸病毒71型亦是引致手足口病的病原體之一。在世界各地均曾出現個別病例或集體爆發，而多數於夏天及初秋時份發生。

傳播途徑
手足口病透過人同人之間，直接接觸病者的鼻或喉嚨分泌、唾液、穿破的水泡以及糞便而傳播的。此病的傳播能力由病發初期開始，或會維持數星期，直至糞便中的病毒消失為止。

潛伏期
潛伏期為三至七日。

病徵
手足口病的主要病徵包括發燒，口腔有疼痛的潰瘍，以及帶水泡的皮疹。病發時通常首先出現發燒，食慾不振，不適及喉嚨痛等徵狀。一至兩天後，口腔出現疼痛的水泡，甚至會影響吞嚥。這些水泡初時呈細小的紅點，然後或會形成潰瘍。這些潰瘍通常位於舌頭，牙肉，以及兩腮內的口腔。另外，身體的皮疹主要出現於手掌及腳掌，外形呈扁平或突起狀的紅點，而且並不痕癢。因手足口病而引起的併發症例如病毒性腦膜炎十分罕見。罕見的情況下，腸病毒71型可引致嚴重的情況，包括病毒性腦炎及類似小兒麻痺症的病症。

治理方法
現時並沒有特定治療手足口病的方法。大部份病者的情況都會自行痊癒，其徵狀如發燒、皮疹及潰瘍於一個星期後便會自動消退。採用症狀療法，使患者的熱度、以及潰瘍引致的痛楚得以紓緩。處理鼻喉排出的分泌物、糞便及弄污的物品後，須立即洗手。如兒童發高燒，活力減退或病情惡化，家長應及早攜同子女就醫。

預防方法
要有效預防手足口病，良好的衛生習慣是最重要。要遵守嚴謹的個人衛生措施，包括經常洗手，咳嗽或打噴嚏時要掩著口鼻，以及避免與病者有親密接觸。另外，良好的環境衛生亦可以減低感染手足口病的機會，例如將染污的物件及其表面清洗，及保持室內空氣流通。患有手足口病的兒童應該避免上學或者參加團體活動，直至已經退燒以及身體上的水泡乾涸及結痂，這項措施可幫助減低手足口病在兒童中傳播。

http://www.chp.gov.hk/content.asp?lang=tc&info_id=23&id=24&pid=9

>>November 7, 2007 at 1:51:44 AM GMT+8

2007 年 11 月 1 日 星期四 【颳風】

o係老細o既提示之下，終於都做完我人生o既第一份budget…

其實早o係2005年尾o既staff evaluation之中，前老細Selina已經預計2006年o既budget係由我做o架喇，但係舊年年尾實在有好多o野忙，加上老細又好好人，見我做唔晒o的o野就自己攬返o黎做，結果呢件事又拖佐一年。到佐今年，老細又再問我今年做唔做budget，我諗唔做budget都唔知仲有o的乜o野新o野好學，而且budget呢單o野又可以話係一樣必須要學同要做o既o野，於是就膽粗粗咁接佐個波。其實做落都唔係好難做，不過我都冇account底，都係抄o下、問o下咁，正正式式搞佐一個禮拜左右，因為出年想加管理費，老細超級急住交冇得再拖，咁就焗住冇得慢慢做，一個星期點都要死個draft出o黎畀佢revise o下…

終於都起貨，打後呢兩個月，希望可以游閒o的… @_@

>>November 16, 2007 at 12:50:10 AM GMT+8

2007 年 10 月 31 日 星期三 【微冷】

今晚我o地去佐食Pizza Hut，您傻傻o地咁講佐個關於「泥膠叔叔」o既故事我聽…

泥膠叔叔？！乜水呀？！事先聲明，本故事純屬虛構。

話說小兜細個o個陣時，屋企前舖後居，好多時都有機會走出街玩。

有一日，小兜就去佐佢隔o黎屋間文具舖度睇文具喎，文具舖個老闆係一個矮矮瘦瘦o既男人，小兜通常都只叫佢做「叔叔」。正當小兜揀緊文具之際，呢個叔叔就叫小兜︰「喂，小妹妹，你跟我入o黎o丫，叔叔有o的o野畀你睇！」

年少無知o既小兜不虞有詐，就跟佐叔叔入佐去個舖o既一個角落。叔叔就話︰「你擰轉身先，手擺後面。」小兜就照做。

「你估o下係乜？！」叔叔就拎佐o的o野出o黎畀小兜去摸。無知o既小兜見呢樣o野「淋淋o地」，但係又暖暖o地喎，於是就估︰「泥膠？」

突然，有個人入佐o黎文具舖買o野，叔叔就好快收返埋舊o野走佐出去…

可憐o既小兜唔知摸佐o的乜，於是就返屋企將成件事話畀媽媽聽，自此之後，媽媽就唔再畀小兜去文具舖喇。

完。

>>November 12, 2007 at 2:03:13 AM GMT+8

2007 年 10 月 30 日 星期二 【雨】

無無聊睇到媽媽個電話裡面o既短訊…

原來佢個電話裡面，仲save佐我06年去Bangkok同浮羅交怡，飛機起飛前我sent畀佢o既sms，內容係精簡加無聊，但係居然仲o係個電話入面。另外，仲有妹妹上次去雲南到涉sent畀佢o既sms。

或者，呢o的就係一個母親一點點小小treasure o既東西。

不過我強烈不滿佢仲同我以前某個女朋友keep住sms，仲不斷約食飯，你以為佢真係你想像中咁完美o既乖乖女咩？！哼！

>>November 10, 2007 at 1:57:47 AM GMT+8

2007 年 10 月 29 日 星期一 【陰】

Angel、Carol飯聚~

本來唔想去，因為份budget未做完，但係Carol話佢男友都去，好奇心驅使之下就做埋o的手尾去佐Times Square十三樓另一間日本料理度食飯。

原來今晚好多人，Angel同David仔、Carol同佢新男友（好似叫John）、仲有Anita同埋一個Carol o既肥仔朋友（連名都唔記得…）。多人其實唔係件好事，一張長方型o既桌，搞到我都聽唔到桌尾另一邊個肥仔講乜…上回好似話Carol特登要介紹o的friends畀Anita識喎…er…

Carol個男友…mmm…真係意料之外…係一個中等身材但唔算高o既男人，新加坡人，睇落都幾健碩但係並唔係想像上o個隻「高大威猛」型…David仔形容得最貼切，佢話Carol帶佐個「大叔」o黎食飯…哈哈！笑死！不過我心裡面o個句都係咁… @_@

講講o下Carol講返佢上次食飯同我o地講覺得John好似《變形金剛》裡面o既Humblebee，之後佢男友就係咁追問點解佢會係Humblebee… @_@ 我睇佢今次都有排解畫！表面o黎講，佢就話Humblebee呢個角色好有義氣，好肯幫朋友咁，實情我覺得，Carol之所以覺得John似Humblebee，好有可能係因為o個一次同Humblebee o既「霎時衝動」，因為Humblebee呢個角色，其實係好衝動、魯莽，做事唔多理後果…

>>November 12, 2007 at 1:45:46 AM GMT+8

2007 年 10 月 28 日 星期日 【晴】

今日要同您二家姐影畢業相，下晝三點幾就入大埔喇，冇得狂訓… @_@

其實只係一個副學士，有時我覺得影o黎好無聊。當然，唔同o既人因應唔同o既能力而去達到唔同o既教育程度，但係副學士呢家o野，擺到明就係政府挪出o黎呃錢呃人，我作為僱主，每年有咁多學士畀我揀，我做乜要揀個副學士呢？

我係對副學士有偏見，但係事實擺在眼前。大學生通街都係，o係旺角是但一條街度挪住支機關槍掃射一下，都唔知可以殺死幾多十幾多百個，咁副學士又係老幾？

不過咁，畢業總算係人生大事，慶祝o下亦要o既。晚間一家人食飯，之後再同您食埋糖水先返屋企。啜啜啜~

>>November 7, 2007 at 1:21:25 AM GMT+8