2007 年 6 月 27 日 星期三 【清涼】

今日本來放大假，但都取消佐，因為實在太多o野做…陰公…

今日您去高衛見APO，搞到八點幾先走得。可能係做返本行o既關係，根據您見完工之後o既對話同表情，我覺得您今次見工見得唔錯。以往見完o的政府工之後都會講返一堆您見工時表現得唔係咁好o既問題同答案，今次您見工出到o黎，就只係話自己o的英文退佐步。

見完工o既您心情輕鬆晒，我o地又去娛樂城打邊爐。您對水吧個呀叔好有興趣，話似您o的client，但見佢同其他同事o既談吐又唔多似喎…臨走之前見到佢用個口吸啜條膠管，目的係利用水向低流o既自然現象，將o的賣唔晒o既酸梅湯等等飲品由部榨汁機度引返落去個儲存容器，呢個行為其實極之核突兼唔衛生，全酒樓o的人都飲晒佢口水尾！

點知原來真係「一谷還有一谷深」，低處未算低，佢執執o下o野o個時突然有隻曱甴爬佐上佢個身度，但係佢都感覺唔到，到佢感覺到o既時候又將隻曱甴亂咁撥唔知撥佐去邊！心諗好在我o地都只係飲o的樽袋汽水，如果唔係實會肚痛肚屙，到時都唔知搵邊個賠！

好累呀…

>>June 28, 2007 at 3:05:54 AM GMT+8

2007 年 6 月 26 日 星期二 【清涼】

星期五有記招，今日繼續繁忙。

晨早溜溜真係櫈都未坐暖，四樓o個個煩到嘔o既agent已經過佐o黎，o的口氣勁世界仔，扮晒friend，最憎o的三九唔識七o既人o係度扮friend！話要開大家樂喎，又睇o下點…

畀呢條茂利搞完之後，又要行o下個場執o下漏…但係個電話仲響得密過東華三院籌款，嚴重唔明點解呢排o的電話好似響到唔識得停咁，樣樣o野都好似有我份咁…結果到今日放工之前都仲未可以靜心咁坐低寫份爆格IR…唉…

而您呢，就已經做夠佐今個月o既quota喇，真係好，唔怪得之您心情又轉好佐。不過聽日您要去interview高衛，又睇睇情況點啦。始終物管呢行長做長有，亦好少主動炒人，長遠o黎講發展係好穩定o既，總好過而家您日日為佐條數而煩惱啦…

努力呀，希望您聽日有好成績啦！

----------------------------------------------------------------------------------------------------------------------------

《夫人，那是牛鞭！》

一位貴婦人去西班牙巴塞羅納旅遊，中午來到當地最負盛名的飯店就餐。她看到旁邊桌子有一位女士正在吃一種很長的棍狀物，一種她從來沒見過得食品。這位貴婦人想那一定是西班牙的特產，一定要品嚐品嚐。

她叫過來服務生，問那是什麼原料作的。那服務生很有禮貌的說：「夫人，那是牛鞭。」一聽是牛鞭，這位貴婦人連忙也要點一客。

但那服務生卻道：「對不起，夫人，我們這裡的牛鞭都是取自鬥牛場裡被殺死的牛，而我們城市一星期只舉行一場鬥牛。所以現在沒有新鮮的存貨。不過您可以預訂下星期的。」

沒辦法，這位夫人只好預訂了一客。一星期以後，她準時來到飯店，這回沒多久，她點的菜就被端了上來，但蓋子一揭，這位貴婦人勃然大怒，叫過上回的那個服務生，問道：「上星期我見得那個鞭有三尺長，但今天我這個怎麼還不到七寸？」

服務生還是很有禮貌的回答道：「對不起，夫人，這星期，牛嬴了…」

>>June 27, 2007 at 1:35:23 AM GMT+8

2007 年 6 月 25 日 星期一 【清涼】

您真係…飄忽…

話說琴日仲係怒火中燒o既您，今日又突然之間變得小鳥依人般…

為佐等個判頭過o黎，搞到七點半先去到九龍灣機舖接您走，但係您呢個等佐我成個鐘o既傻瓜居然又好溫柔咁由背後攬攬我…

愛之深，恨之切？有時大家都會好唔鐘意對方對待自己o既方法又或者所講o既說話，有時又會好掛住好掛住對方不怕千山萬水只為見對方一面，呢o的係愛情嗎？

身為一個情緒化o既人，深深明白當o係愛情順境時或有挫折時，係會如何影響到日常工作表現又或者對待其他人o既態度。開心時做任何o野係會幾有幹勁，失落時做任何o野都會幾冇興趣。

您話您其實對於男女間o既愛情睇化晒，有冇愛情都分別不大。其實真係咁樣咩？講大話！

----------------------------------------------------------------------------------------------------------------------------

想聽
陳奕迅

風怎麼叫　話我知蜜蜂怎笑
星怎不叫囂　難道怕誰人被搔擾
想緊握這　靜悄的一秒
噪音聽厭了愛上在深宵
呆看這寂寞雨點　放浪輕飄　oh　oh　oh

如果寧靜中感到害怕　送我相擁有用嗎
會為我添上顧慮嗎　可安心嗎
平靜的海　仍充滿熱情暗浪
只得一剎那　捉不緊變化
雖安身這個懷裡亦怕

想聽得見　用耳聽未必聽見
將心擺耳邊　才驟覺沉默有深淺
聽到淺笑　用笑織冠冕
縱聽得剎那夠快樂一天
陶醉這靜默愛戀　快樂飛天　oh　oh　oh

如果寧靜中感到害怕　送你相擁有用嗎
會為你添上顧慮嗎　可安心嗎
平靜的海　仍充滿熱情暗浪
想聽出變化　想聽出記掛
想聽聽到嗎　容我念掛

如果沉睡中感到害怕　你這相擁有用嗎
會為我牽去顧慮嗎　可安息嗎
平靜的海　無心叫熱情靠岸
可惜一剎那　可惜這變化
雖安身這個懷裡亦怕

>>June 26, 2007 at 3:04:33 AM GMT+8

2007 年 6 月 24 日 星期日 【清涼】

熱到嘔，冇出街。

返佐三日工，打似打佐幾日仗咁，累到死。訓都訓到兩點喇，起身冇食o野，睇佐陣電視，四點幾去沖涼洗頭。沖完涼又再訓過訓到食晚飯。

最近唔知點解會患上佐low-back pain，又冇乜做過o的乜粗重o野，唔知係咪坐得唔好定係訓覺o既姿勢唔好還是係壓力問題呢？唔想諗o野只想訓覺。

食完飯您打o黎傾o下大家o既溝通問題，您成都話唔想我改變我o既舊有o既生活方式去遷就您，我又成日都想您有乜諗法就直接講出o黎唔好要我成日估o下估o下。您覺得講電話聽到把聲會親切同真實o的，我覺得收sms有記錄之餘又可以不時回味。我覺得排隊o徙時間兼挪苦o黎辛，您覺得即興時要排隊亦無妨…

好多矛盾，證明相愛很難，需要付出好多心機同時間，點樣compromise，真係一門學問。

>>June 25, 2007 at 2:20:19 AM GMT+8

2007 年 6 月 23 日 星期六 【清涼】

兩個人都係咁情緒化，一個唔小心就好容易火星撞地球…

拍拖130日，用鬧交o黎慶祝，都幾出乎意料。

鬧交冇人想冇人會開心喎，兩個人都咁易憫，呢排大家都咁躁，點收科？話過讓您但係又抵唔住頸係咁鬧，您又冇乜想和好o既意思咁…或者大家唔係執著一段關係，根本就唔會o係度鬧交都未定，若果對方做唔到自己o既要求，確係會火火o地…

如果有個屋企甚至只係一個「私竇」，大家放假o既時候，根本就唔駛為佐出街去邊做乜o野而煩惱。安安樂樂咁o係屋企睇o下電視、VCD咁，嘆住冷氣舒舒服服，食飽就訓訓飽就食，係就係頹o的，不過都幾滿足。

>>June 25, 2007 at 2:43:23 AM GMT+8

2007 年 6 月 22 日 星期五 【清涼】

放完幾日假再返工，今日先至係第二日，但係我發覺居然公司個email可以有成最少30個email係由我send出o既，接同覆電話o既數目更加係多到統計唔到…真係忙到血到冇時間嘔。

由九點鐘坐低，一直好努力咁做到六點，離開位去蛇王，最多都只係兩支煙o既時間，加上呢排又鬼咁多事發生，所以我真係好怕放長假，真係連續放多過兩日都好令人擔憂…唉…

大部分時間我都係拖長o的o野o黎做o架喇，雖然琴日同您一齊返屋企，不過今日都好掛住您，好想放佐工可以見到您，所以係office hours不停做o野，希望可以準時收工，總算冇白費，可以見到您。

最近您好似愛上佐打麻雀機咁喎，連續兩日都要我去機舖搵您。打機減壓我估都有用o既，我有時都會去玩o下馬仔機，不過我更加想可以您陪我我陪您食飯睇電視…咁就夠啦。

即使一日o既工作有幾辛苦，只要能夠見到心愛o既人，就一切痛苦都可以卸下。我愛您！

>>June 25, 2007 at 2:22:11 AM GMT+8

2007 年 6 月 21 日 星期四 【清涼】

其實今日都幾累，不過都想寫埋之前幾日冇時間、精神o的日記先訓…

放完三日假返工，感覺好累，仲要晨早去HQ上個無謂o既seminar，真係陰公…

返到公司做返之前幾日屯積o係台面o既工作，其實可以用email做到o既o野，我放假o個幾日都已經o係屋企清咁o的…

您個百厭星，又扭計計想我o黎接您收工，我都知您累o架喇，琴晚冇乜訓就係為佐準備今朝講talk o的o野，辛苦晒喇！o係巴士上面您真係訓到豬豬咁…

您因為今日講talk o既關係，打扮、著衫都好得睇，靚靚~ 我愛您！啜啜啜！You look wonderful tonight~

歸家途中，居然o係車上面撞到Josephine，嘩！殘到呢…o個對黑眼圈仲大過熊貓！佢有個呀head因為老公要同佢離婚，搞到入佐精神科…公司又逼佢見board升職…佢個冷淡男朋友又突然間狂打電話畀佢，聽聞話好似鐘意佐另一個…真係聽到佢講你都會覺得煩，對於唔鐘意諗o野o既佢，小小一個腦袋，可以承擔到幾多呢？慘情…只可以聽佢「申」o下，因為o的問題全部都只可以由佢自己去面對同解決…

>>June 22, 2007 at 9:20:55 AM GMT+8

2007 年 6 月 20 日 星期三 【清涼】

冇鐘學車呀，又要postpone…

琴晚返到屋企成個人散晒，一上床即訓，但係六點都係起唔到身，唔可以去接您返工添…都係唯有搵定位同您食lunch啦…再陪您搭車落旺角，我再坐巴士返屋企，好少可日光日白o係巴士上面訓到隻豬咁…

您今晚約佐朋友仔食飯，我返到屋企就開始睇《墨攻》，劉德華勁型仔呀！打仗片又係我o既favorite，仲可以清咁o的個harddisk o的垃圾。


套戲好似由幾個國家o既明星合作拍喎，o的人好多都唔識（您實話我好似您姐夫咁…）。不過我鐘意睇o的完全唔識o既人做o既戲，咁我就唔會有佢以前做過o既戲o既記憶，可以全心投入佢o既角色。


「非攻兼愛」咁鬼哲學性o既o野，都係放埋一二邊喇，對於我呢個讀理科o既人o黎講，真係一頭霧水…


睇o下影好過啦！勁靚！三日o既假期，就咁完結。


>>September 15, 2008 at 1:42:31 AM GMT+8

2007 年 6 月 19 日 星期二 【清涼】

港產世界麻將王　靠耐性做牌反勝
6月19日《明報》

退休港人許宗澧為港人爭光，昨日凌晨成為首屆「世界麻將王」。經過3天激戰，「麻將王」謙稱自己打麻將沒有甚麼秘訣，獲勝只是「一半靠技巧、一半靠運氣」。他亦透露了一招半式，便是不要隨意「丟牌」，有耐性及有策略地「做牌」，方是致勝之道。

前晚舉行的首屆世界麻將大賽戰况激烈，四強戰至昨凌晨零時過後方分出勝負，許宗澧「碰」的一聲吃出最後一鋪牌，其餘3名選手亦即時為許宗澧鼓掌，祝賀他登上麻將王之位。亦有到場打氣的許太笑言﹕「丈夫成為麻將王後，日後不敢和他打牌了！」

退休時裝設計師
許宗澧是後來居上獲勝。在首四圈，許本以155分落後第一位的233分，但最後以423分獲勝，遠遠拋離第二位的75分。許宗澧指出關鍵在其中一鋪本計劃做「雞糊」，但幸運地做到有20番的大牌，最後反敗為勝。

雖然經過連續三天日以繼夜比賽，但許宗澧在頒獎禮後仍精神奕奕地手持金牌與大家分享感受。許宗澧是退休時裝設計師，逾40年牌齡的他不單一夜成名，更一夜獲得390萬元獎金。他表示﹕「會先裝修整間屋，然後會與太太及兒女去旅行，並且會買些禮物給朋友。」他續笑說︰「不擔心朋友不敢找我打牌，可能會有不少人會來挑戰我呢！」


----------------------------------------------------------------------------------------------------------------------------

呢條友就係所謂o既麻雀王，真係成個伯父咁…頂！之前都send佐email叫郵差去參加o架啦，佢又話收唔到我個email，成四百萬獎金o架嘛，咁咪解決晒所有問題囉！

好耐冇上您屋企食飯喇，今日襯住您屋企做端午加父親節就上去黐餐，除佐同您爸爸打牌之外（有兩鋪大牌冇食佢啦！），仲帶佐呀B去跑步。雖然只係短短o既八個鐘o丫，但係都已經一齊做佐好多o野，仲唔夠咩？傻瓜…

過得好似休息日一對夫婦會做o既o野咁… :)

>>September 15, 2008 at 1:42:06 AM GMT+8

2007 年 6 月 18 日 星期一 【清涼】

下晝您請佐大假陪我，雖然只係一段好短o既時間，但係攬住骨架細少o既您，有完全懷抱、包圍您o既感覺，好貼近o既愛… >3< 我愛您呀！>3<

郵差終於成功搵到工，今日仲簽埋約，真係可喜可賀！

一波n折，仲要in完又再in，再in又第三in，佢終於都搵到一份比較有前景同發展機會o既工，仲要係香港交易所，國際性大公司兼人工合理（對fresh grad.而言），最重要o既係，佢大帝居然覺得幾鐘意o既工，真係好似空氣中兩粒塵相撞o既機會一樣咁細…

睇落份工，有o的似之前我去泰國o的大商場，商場公關部特別train佐一班人出o黎做escort o既工作，好鬼專業。因為佢除佐要了解自己公司o既一切（係一切，o的客問到一定要識答），仲要了解晒周邊環境、全國甚至世界性經濟政策、方向，同埋o係呢個industry裡面o既前境等等…一句講o野︰「唔野少喎！」

不過咁，睇落又有o的似我o地商場o既customer services…究竟情況會點真係要返佐工先知，不過真係保郵差大大大大，搵到份鐘意o既工，佢o既事業o岩o岩起步，就唔好成日火火火火火，生生性性，捱佢幾年，有o的solid o的o既工作經驗，到時再起飛…

加油呀！頂住呀！

----------------------------------------------------------------------------------------------------------------------------

Ambassador - Corporate Communicatios (Investor Services)

Duty (as posted on the homepage of HKEx):
- To act as the ambassador of HKEx in promoting HKEx and the market to the general investing public via the various display means at the Exchange Exhibition Hall
- To provide guidance and assistance to visitors and guests, including student groups, delegations and walk-ins
- To provide support to the Investor Services team and other relevant staff in the provision of investor services

>>June 22, 2007 at 4:35:07 AM GMT+8