2007 年 9 月 5 日 星期三 【酷熱】

好耐冇打機喇，之前好多時放工都係乖乖o地返屋企食飯再等同您傾電話訓覺。推佐佢o地九百次，琴晚終於都出佐去同Kenji佢o地去佐打機，諗住relax一下，因為今日係休息日。

唉！諗住晨早入去接您返工，點知窩打老道一大朝早就已經開始塞車，真係吹脹！結果去到您樓下都已經八點三喇，咁就當然見您唔到啦，只係見到您細佬…

無無聊咁坐返車出去，落佐老地方打佐陣機，再過去同您飲茶食晏，食完晏再返公司做o野…

其實我只想您明白，有陣時我想自己一個人諗o下o野或者同o的朋友出去消遣o下，但係呢o的時間唔會長，我亦都唔會因為自己摺埋或者出去玩而忘記佐您o既存在。如果您可以乖乖o地唔好扭計，畀我出去開懷放鬆一o下，我o地之間o既關係一定會更加好！

>>September 14, 2007 at 3:58:54 AM GMT+8

2007 年 9 月 4 日 星期二 【酷熱】

metropop第70期
2007年8月30日

《愛你變成害你》
李永銓

剛剛家中大掃除，多老的陳年舊事，從那黃黃的報章雜誌裡一一浮現，手中拿著多年前一份七月之報紙，正是會考放榜之日，大題是九優狀元榜，但其他就是不同之政府官員，社會賢達，國際巨星，電台DJ，齊齊苦口婆心地安慰成績不好的同學們。甚麼一次不能定生死；很多偉人也是曾經在學業遭遇滑鐵盧般的情況，但到最後都能成功；考試只是一生中微小的過程；甚至那句白癡名言「考試（讀書）不是求分數」之類的低智口號，又再次重現。智商正常者也接受到同一訊息︰考試不重要，不要為今次失敗而失望，說真多年前是這樣，今天仍是這麼不實際，這樣充滿矛盾的解說，是否可幫助我們那班徬徨的慘綠少年？

這班所謂有識之士把我們的下一代當作脆弱不堪的一群，連小小的風浪也承受不了。我們應該給他們知道︰對，你不合格是事實，將來想考入港大中大只會愈加困難，較好較熱門的學科入學條件必定更高，成績差只好認命，怪就只怪當初不努力不認真，而不是用那接近洗腦式的游說︰那個不重要，這個無所謂，毫不現實。但這個社會就是十分現實殘酷，副學士及毅進計劃這種沒有認受性的課程，只是以昂貴的價錢讓這群孩子延遲發現自己的困境處境，可能因此失業率可以維持4.1%之低水平，但這只是自欺欺人。朋友公司的接待員就是副學士，巿場經理就是碩士，學歷雖然不是一切，但他的確是可以幫你走得快及容易一點，否則我們中學畢業就不需要再繼續下去，齊齊投入社會，向著黃金大夢進發。

首先要明白今次成績不好，必有前因後果，夠膽面對才是正確，在這裡掉下，就要從這裡從新站起來，逃避的只會繼續掉下，連自己基本的問題也不知道也不面對，60歲的你我夠膽說你仍是失敗，學生如是，設計人如是。想考進好的大學進修設計，必須首先達到這間大學的基本入學條件，如果未能達標又非此大學不選，重考就是其中一個辦法，努力再次投資多一年就是我剛才所說「在這裡掉下，就在這裡站起」的意思。草草找個學府，草草找個低入學條件的學科，又草草完成兩三年的課程，然後又勉勉強強找間唯一請你的公司，生命就是草草了事，一切都不是自己掌握，水流人飄，小弟，這是怎樣的人生？你還會快樂嗎？一切希望只會建立在運氣及別人手中，怪不得六合彩長賣長有。人就是要由無數的失敗及痛苦經歷中成長，面對現實吧，那班官員所說的話，留給他們吃吧。

----------------------------------------------------------------------------------------------------------------------------

講得一半o岩一半錯，唔夠中肯兼帶有政治味道，實情係完全忽略好多環境同客觀因素。

事實上好多人都只求兩餐一宿，安安定定就足夠。真係好有興趣知道作者o既成長背景同經歷係點樣，居然可以講出咁片面o既說話。

>>September 7, 2007 at 1:06:48 AM GMT+8

2007 年 9 月 3 日 星期一 【酷熱】

今朝老細休半日，上晝就一般努力咁渡過，處理好上個禮拜積存o既一o的文件，同埋搞o下o的公司個電腦HR system。下晝老細返到o黎，工作節奏有點明快，但係無奈中途有o的頭痛，於是放慢佐少少，走佐入機房拎晒o的舊house files落o黎，準備之後有時間就執拾一番。跟住工作到八點幾…

松江想做到約滿last day拉閘走人單o野今日明顯有轉機，雖然租務部依然冇表態還原前後門o既情況，但係拆室內裝修o的o野個客好似又想自己做返…呼…都好過冇。事關呀Man其實乜報價都未挪過，而且以我o地新翠個名而家臭成咁，想有人回報價都真係跪埋o係地度求人都冇人肯幫…唉…

晨早上Yahoo就見到單極無聊o既新聞，話有架最新型號o既大飛機o係維港低飛，都唔知為乜，一陣出佐事都唔知由邊個負責。好睇咩？唔覺得有乜特別。好勁咩？遲o下又會再有更加大更加快o既飛機。o徙氣。

>>September 4, 2007 at 1:05:45 AM GMT+8

2007 年 9 月 2 日 星期日 【酷熱】

琴晚返到屋企一點左右，搞佐一輪三點幾訓，不過今日係休息日，所以有理冇理狂訓一餐。

呢幾日個鼻都好唔聽話︰流鼻涕、鼻塞、鼻痛、喉嚨痕…食佐葯都係咁上下，個人好累訓極都唔夠咁，開冷氣個鼻又頂唔順，唔開冷氣個人又熱到死，其實都幾慘。

您今日放假好無聊，不過我又未必可以時時都陪到您。到目前為止大家都未有經濟能力搬出o黎住，您估我唔想訓覺都可以攬住您訓咩，不過o係呢個階段點都要忍耐一下，凡事都唔可以一步登天嘛…

大家都愛對方o架嘛，慢慢籌劃將來，努力踏實工作，為佐呢個小安樂窩前進…

又頭痛添…zzz…

>>September 3, 2007 at 8:39:55 AM GMT+8

2007 年 9 月 1 日 星期六 【酷熱】

今日係我o地o既200日，琴日送佐扎忌廉白色o既玫瑰畀您，今日再同您上佐山頂sweet sweet！

您未上過山頂又未坐過山頂纜車，上去睇o下係個不錯o既選擇。聽到您話著佐高根鞋，諗住唔駛您行咁多，叫您坐到中環碼頭個總站先落車，點知您又唔按照我o既指示未到總站就落佐車四圍走，真係有o的嬲o架喇，搞到要我由總站行返去上環接您，您又發發o地脾四，大好o既心情總有o的影響，掃晒興咁真係有o的想唔去。不過您後尾都settle返，算您啦，我o地就繼續我o地o既旅程。

坐纜車o既時間其實好短，而且又冇冷氣，不過我覺得身為香港人，一生總要試一次。香港o既夜景，亦係「世界三大夜景」之一（其他兩個係日本北海道o既函館同埋意大利o既拿坡里），本去到外國之前，作為香港人亦都好應該去見識o下自己o既地方。


其實山頂真係冇乜好行，亦唔算得係o的咩好浪漫o既地方（可能係我唔夠浪漫嗟…），不過見您挪住就相機o係度影您o的「藝術」相，就覺得今次行程o既安排，睇o黎您都幾滿意。


睇完夜景，就返過山頂廣場行佐陣，其實山頂o的o野又冇想像之中咁「掠水」，您o係其中一間精品店睇中佐條紫色o既水晶手鍊，您話係我o地山頂之遊o既記念品，難得您同條鍊一見如故，個店員又肯同您改短，所以唔好諗即刻買。

行到腳仔軟就入佐間日本料理食晚飯，o的o野唔算好食，但唔算貴，三百蚊但係又好豐富，食埋您o個碗飯，飽飽…

坐小巴落山再轉巴士返屋企，大家都累，訓到豬豬咁，返到去都只係十一點幾咋！準時交人您呀爸唔會鬧。

我愛您~

>>September 15, 2008 at 3:39:04 AM GMT+8

2007 年 8 月 31 日 星期五 【清涼】

話說升職都兩、三個月喇，終於都要畀公司班友屈返餐，不過有幾個人就話今日唔得閒又話我冇通知，結果就食唔到呢餐。我心諗，o個時好似佢o地都有份話要食我餐勁o架喎，屈成佐又唔o黎，o徙晒我o的錢，話晒餐飯仲要貴過我加佐o既人工！

食完飯打佐唔知幾多圈，相信多過十二圈，結果得個吉，輸佐幾廿蚊。食佐呀李個老婆一舖十三么，點知之後佢就十舖有九舖都做十三么，仲要一舖食出兩舖自摸，都咪話佢唔旺。

好死累，好耐都冇試過打咁耐牌…打完佢o地仲話要飲早茶喎，但係我要同婆婆去旅行喎，都係早o的返屋企訓好過…zzz…

>>September 3, 2007 at 1:23:53 AM GMT+8

2007 年 8 月 30 日 星期四 【清涼】

呢兩日真係驛馬星動，馬不停蹄，左飛右飛…累！

又停佐學車兩個禮拜，今日又再開始，覺得自己都駕唔錯喎，我o既目標係無論o係點樣o既情況之下，都要保持到一定o既水準，咁樣真係考牌o個時就咩都唔駛怕啦！學完之後諗住去銅鑼灣李健o個度搞埋延期考牌申請，點知佢話仲有一個禮拜就考，唔同我做，叫我自己去運輸署搞，咁就唯有去金鐘自己搞啦…真係麻煩。

搞掂就過九龍灣等您食晏，好耐冇同您飲茶啦。您呢個月好勤力，係咁帶o的clients出去見工，咁我飲完茶就陪您去觀塘，等您同client見完工，我再挪埋您張八達通去坐地鐵，目標係個Hello Kitty地鐵車箱。

返屋企挪埋隻壞Samsung monitor去銅鑼灣整，再拆返九龍灣去接您收工。呼…累呢…

----------------------------------------------------------------------------------------------------------------------------

幾鐘意呢個廣告。


「就係呢班BB，會令您笑，又會令您煩。佢o地明知故犯，鐘意作反，唔講道理，唔駛畀面您。您可以鬧佢、嬲佢、(乙水)佢，總之要將您o既注意力畀晒佢，因為佢o地有好多好多需要，畀佢可以去夢想、去嘗試、去長大…」（下刪商品廣告內容）

>>September 7, 2007 at 1:23:45 AM GMT+8

2007 年 8 月 29 日 星期三 【清涼】

WISEY'S A WINNER

United boss Dennis Wise has been rewarded for a 100 per cent start to the League One campaign by being named Coca-Cola League One Manager of the Month for August.


Leeds and Leyton Orient, managed by Martin Ling, are the only two clubs in the entire league still with 100 per cent starts to the season.

Wisey has presided over United's best league start for 12 years, but said his latest accolade counted for little in the wake of the the club's 15-point deduction.


"It's very nice, but it means not too much to me to be honest.," said Dennis.

"The Football League? After what they've done to us this is like a little tap on the back saying 'we do apologise, here's Manager of the Month.'

"It's laughable isn't it when we're bottom of the league? I'd rather have my 15 points back than Manager of the Month.

"Nothing from the Football League this year will be going near my mantelpiece after what they've done to us.

"I just can't accept what they've done to us this year, but I don't want to harp on about it."



----------------------------------------------------------------------------------------------------------------------------

我都覺得賽會係唔應該扣佢o地十五分o既，不過而家仲好，即刻可以睇得出佢o地o個份passion，好有火！Leeds United加油！Dennis Wise加油！

搞到我心郁郁想買Leeds件波衫添… @_@

>>September 15, 2008 at 3:09:19 AM GMT+8

2007 年 8 月 28 日 星期二 【酷熱】

今日婆婆又過佐o黎接我收工喇，雖然只係送您返屋企，短短o既三個鐘時間，但可以見到您、攬攬您，已經好舒服、好開心。 =)

好慘呀，隻LCD TV monitor壞佐，只係用佐兩年半咋！屋企另一隻Samsung mon都用佐五年有多啦！灰…好在佢有三年保養，不過要自己拎去唔知葵涌定係邊九里咁遠，真係大慘事！

呢幾日冇乜邊晚早訓，硬係唔知點解搞搞o下、上上o下網就已經兩、三點咁…累累o地…如果可以晚晚都攬住您訓，訓醒又可以見到您，咁就very good喇~ zzz…

上網摷埋晒o的無聊相都可以摷佐個幾鐘… @_@ 呢個係已經消失佐o既大埔滘站。


>>September 15, 2008 at 3:09:13 AM GMT+8

2007 年 8 月 27 日 星期一 【酷熱】

常見問題及回應
性行為

問：懷孕後需要禁慾嗎？
答：大部份醫生均不主張孕婦停止性生活，因為胎兒的位置深入，並有子宮，胎膜和羊水保護著，是很安全的，性交的動作並不會對胎兒造成危險。不過，假若證實為胎盤前置（胎盤位置太接近子宮頸）、子宮頸閉鎖不全、或有習慣性流產或早產，陰道出血等，便需避免性交，小心處理。

問：懷孕期要採用特別的性交姿勢嗎？
答：一般來說，夫婦在懷孕首三個月可以採用一般的性交姿勢，但要避免陰莖過度深入。在懷孕中期後孕婦腹部增大，性交時應避免孕婦腹部直接受壓，宜採用面對面的側身姿勢、或男面向女背後入，亦可採用女上男下、坐姿等，以舒適及減低孕婦體力消耗為佳。在懷孕的最後階段，胎兒頭部可能已滑入骨盆，性交時造成的不適可能增加，可以性交以外的方式繼續保持親密。懷孕婦女的子宮重量增加，性交時陰莖的衝力可引致腹部不適，丈夫需盡量體貼妻子，減少陰莖的衝撞力及深入程度。

問：懷孕會影響性慾嗎？
答：部份婦女懷孕後性慾降低，除了因為懷孕期生理上的變化導致疲倦及身體不適、性交產生痛楚外，很多時都是受心理因素所影響。一些夫婦害怕性交會影響胎兒，心理上自然對性產生抑壓。加上懷孕期間婦女體型轉變，如肥胖、出現妊娠紋等，認為自己失去吸引力，對性的興趣也降低了。不過，也有一些懷孕婦女因體內激素變化，陰道充血令敏感度和性反應提昇，反令性慾增加。而有些男性認為懷孕期身材豐滿的妻子更具吸引力，性趣也因而大增。

問：懷孕期間，除了性交以外還有其他性行為選擇嗎？我不想性交，怎樣可以滿足他？
答：懷孕期間夫婦亦可透過愛撫、口交等方式滿足雙方的性需要。口交是沒有危險的，但切忌吹氣入陰道，以免危險胎兒性命。無論是何種方法，最重要的是注意安全和衛生。懷孕婦女身心皆面對不少轉變和壓力，容易不適和疲倦，實很需要丈夫的諒解和支持。妻子亦不可忽略丈夫初為人父的壓力及無助感，亦應正視大家的性需要。只要夫婦應共同面對性問題，坦誠溝通，多關懷彼此的感受及期望，腹中的小寶寶也不一定成為夫婦親密關係的障礙的。

資料來源︰香港家庭計劃指導會

>>August 28, 2007 at 1:36:27 AM GMT+8