2007 年 10 月 27 日 星期六 【晴】
起身之後內大埔同您同埋您二家姐飲茶,之後上佐您大家姐屋企打牌!
放假o既生活都係無無聊聊o架喇…好在今日有牌打!您姐夫仲罕有地肯落場打,哈哈!不過做佢下家真係慘,唔係手氣好o的都會畀佢扣起晒o的牌,相當難打。有舖我做緊十三么,我係咁見佢o係度數牌,數佐至少三、四次,最後就梗係食唔出啦!不過咁都好,起碼有個人肯用o下個腦,咁樣玩先過癮。
您就帶佐個搞搞震o既姨甥仔去吉之島,等我o地四個有安樂日子打牌。後尾您返到o黎換返您打,打到最後您二家姐打到發晒老脾咁喎…嗯…輸少少錢嗟,唔駛咁o既…結果連個南圈都打唔完,贏佐二百幾蚊就收檔。
打牌好好玩!=)
>>November 12, 2007 at 1:27:27 AM GMT+8
2007 年 10 月 26 日 星期五 【晴】
您接我,我送您~
今日您去日航酒店搞function,我都有預感您會過o黎接我收工o架,您真係過佐o黎喎!=)
因為係formal o既活動,雖然您唔係著套裝,只係襯返類似顏色o既外套同西褲,但係您都著得好好睇喎!不過如果裡面係襯恤衫呢,咁就更加得我歡心喇…不過我知您唔鐘意咁樣著…我最鐘意女人著恤衫o架喇,會好sexy o架,哈哈…
因為只係星期五,所以只有送您返屋企,之後我再去百佳買壽司,o係巴士上面食再坐車返屋企…好眼訓…zzz…
>>November 12, 2007 at 1:13:27 AM GMT+8
2007 年 10 月 25 日 星期四 【晴】
我老豆成日都話︰「咸魚蒸肉餅…」,即係「免炒(吵)」,唔好鬧交。係因為呢種信念,成功推動同佢兩公婆差唔多成三十年o既婚姻?
每個人都有唔同o既「死穴」,無論係生理上定係心理上。
我覺得我自己冇乜特別o既死穴,因為我個人成日都直腸直肚,個口就快過個腦,所以都冇話人o地講佐o的乜會令我特別難受或者唔開心。
不過您好得意o架喎,由我同您開始,您都有好多避諱o既,好鬼信「邪」。您話怕我成日亂咁講o野會影響我o地第日生出o黎o既BB…嗯…mmm…
今晚您又因為我提起您二家姐要搬返屋企住o既事而令您好「翠和」…有時我會覺得好無奈,因為o係電話度有您講冇我講o既時候,您又會話悶又會話我冇o野講,偏偏一開口講o野呢,又開口夾著(月利),咁點算好呀?>_<
>>November 8, 2007 at 4:55:35 AM GMT+8
2007 年 10 月 24 日 星期三 【晴】
今日學車ok喎!
好多唔知我學車進度o既人,都會話我做乜學車學佐成八個月咁耐都仲未考,又會話我拖咁耐o徙晒o的錢同時間。
知道我學車進度o既朋友或者會了解,其實有陣時我因為份工o的放假時間同師傅o的時間夾唔到,所以搞到學o下又停o下咁,但係都好希望我快o的搞掂,可以一齊出去玩。
其實大家都唔知,即使係成日放假都要八點鐘起身準備去跟師傅學車咁辛苦,只係短短一次個半鐘o既學車時間,同呢個成七十歲o既師傅相聚o既時間,係有幾寶貴,我係好珍惜。他朝一日車牌到手,又有幾多人個會再返去探佢o地o既教車師傅?
師傅好畀心機教我,不過我都對自己有所要求,做得唔夠好,摸得架車唔熟,係冇可能pass o既,而且我o既目標更加係想一次pass。私家車加棍波其實係一個比較難o既配搭,但係我偏要克服佢。下個月就真正考車喇,要努力o的,不負師傅o既期望,一次pass畀佢睇!
>>November 7, 2007 at 1:08:13 AM GMT+8
2007 年 10 月 23 日 星期二 【晴】
特稿:《色,戒》奇招勿亂試
《蘋果日報》2007-10-23
「到女人心裡的路通過陰道。」導演李安演繹張愛玲的小說《色,戒》,幾場情慾戲成為話題,但台灣的醫生表示,電影中主角的性愛姿勢難度十分高,一般人難以模仿;有勃起功能障礙的男士更不宜勉強嘗試個別性愛招式,免生意外。
部份須硬度足才完成
台灣婦產科身心醫學會理事長鄭丞傑舉例,《色,戒》男女主角第二場床戲的「迴紋針(即萬字夾)式」性愛姿勢難度高,興奮度也高,因男性性器官能刺激女性陰道前壁及G點,但需男性勃起硬度足夠、女性身體柔軟才能辦到。
台灣林口長庚醫院泌尿科醫生陳煜指出,一些性愛的姿勢需男性勃起硬度足夠,才能順利完成,因此提醒勃起硬度不足的男士不要硬撐,應透過運動、前戲改善勃起功能障礙及提高性滿意度。他同時指出,高難度姿勢下性伴侶獲得的興奮度不一定成正比,所以建議勃起硬度不足的男士,可採取其他姿勢,同樣可讓女伴有相同的興奮度。
鄭丞傑表示,現代人工作忙壓力大,性行為的次數、陰莖長度和硬度等因素,都不能完全代表性滿意度,因此男性還是可藉由其他增加情趣方法,增加滿意度。
----------------------------------------------------------------------------------------------------------------------------
笑死… :D
睇佐《色戒》原著小說,發覺李安今鋪真係誇佐o的,原著根本冇咁落力o係o的性愛情節o個度著筆,無端端加佐呢三段戲入去,破壞晒成套戲。
>>October 24, 2007 at 12:28:12 AM GMT+8
2007 年 10 月 22 日 星期一 【晴】
只重景點發展 忽略配套規劃
車潮人浪勢癱汀角路
《太陽報》29/06/2007
【專案組報道】大埔汀角路一帶將成為新界東的重要郊遊地點,該處將興建本港第二個人造沙灘龍尾泳灘和洞梓山觀音像,「車潮人浪」勢蜂擁至這兩個新景點,但汀角路大部分路段僅是雙線雙程,該處成交通樽頸,勢必令汀角路「癱瘓」,但土力工程拓展署及運輸署卻直言,無計劃擴闊汀角路。區議員和環保團體直斥政府規劃欠妥善,更斥政府規劃過程經常欠透明度,令到項目開展後難以補救。
大埔龍尾泳灘是本港第二個人造沙灘,亦是新界東首個泳灘。據負責興建泳灘的土木工程拓展署資料,將興建的龍尾泳灘位於汀角路的龍尾村附近的石灘,但包圍著石灘的,包括有汀角具特殊教育價值地點、大美督自然保育區、馬屎洲特殊生態區域以及盬田仔(東)養魚區,日後落成的泳灘,將在各個保育區和養魚區中心。
龍尾泳灘工程包括建造長二百米的泳灘,附設餐飲設施的泳灘大樓、淋浴設施、瞭望塔、防鯊網及收費停車場等,工程費用料大約七千多萬元。工程預計明年底展開,在二零一零年底完成,預計假日會有逾千人到泳灘暢泳。
憂破壞紅樹林生態
正覺蓮社亦同時計劃在鄰近泳灘的洞梓山,興建七十六米高觀音銅像,估計平日會吸引二百人前往,而假日則會有高達五千四百人參觀。此外,來往大美督和船灣淡水湖燒烤及郊遊人士,往汀角路的假日人潮更高逾一萬。
土拓署發言人表示,已在該處進行環境影響評估,包括空氣質素、噪音、生態、漁業和視覺方面的影響評估。其中一個目的是減低工程對居民的影響。但認為汀角路的交通安排已算完善,毋須作重大改動。運輸署發言人亦強調,汀角路有足夠容車量,應付該區現在和未來發展的交通需要,因此,政府現時並無計劃擴闊汀角路。
大埔區議員任啟邦批評,議員在多次會議中曾詢問日後興建完成泳灘後,汀角路的交通是否受影響,但運輸署多番強調在二零一六年之前,汀角路容車量仍可滿足需要。但任啟邦質疑有關講法,認為汀角路大部分路段都是雙線雙程行車,而且現時只有一條巴士線和一條專線小巴線來往大美督至大埔火車站,加上假日時停車位嚴重不足,擔心不少人士駕車至泳灘,將車輛停泊在路旁或在道路上等候車位,令汀角路交通癱瘓。
長春社總監張麗萍又批評,規劃署及土拓署等部門,往往在規劃泳灘時只是向環保團體象徵式諮詢,可以修改計劃內容機會少之又少。該社公共事務經理李少文又擔心交通配套不足,而遊人太多會影響本港最大的紅樹林生態,汀角路水質亦會受到影響。
泳灘落成塞上加塞
大埔汀角路沿路一帶有不少郊遊景點,除計劃興建的龍尾泳灘外,還有大美督水上活動中心、燒烤場、單車徑及船灣淡水湖等郊遊活動地方,每逢假日或重大節慶都吸引數千遊客聚集,導致汀角路出現人車爭路、經常有私家車因停車場爆滿而被迫泊上行人路。龍尾村經營出租單車的店舖擔心日後泳灘落成後,只會令該處的交通擠塞問題日趨嚴重。
遊客前往大美督水上活動中心、燒烤場等都會經過汀角路,惟汀角路大部分路段都是雙線雙程行車,假日人車爭路情況時有發生。於龍尾村出租單車店工作的黃先生表示,每逢大時大節或附近有三項鐵人賽舉行時,大美督、龍尾一帶都擠滿逾千名人群,他形容:「人多車又多,公眾停車場好快就爆晒,私家車多到要泊上行人路。」因此,若政府未來興建泳灘,必須做好足夠及妥善的交通配套,避免出現交通「癱瘓」。
在龍尾村住了七十多年的黃伯則贊成興建泳灘,因為可帶旺該處,有助刺激食肆的生意;二來有助該村的樓價上升。地產代理則表示,已有不少業主購入龍尾村屋地下單位,打算做食肆生意。
http://www.archsd.gov.hk/archsd_home02.asp?Path_Lev1=3&Status=CPUP&project_no=258RS
>>September 15, 2008 at 3:49:38 AM GMT+8
2007 年 10 月 21 日 星期日 【晴】
其實我成日留o係屋企都有好處o架婆婆!起碼我留o係屋企o既時候,大部分時間都唔會食煙,您知我一出到街就係咁煲o架啦…
我有一個問題…究竟條街o的門牌number點解會係一邊雙數一邊單數o既呢?係邊個人發明o既呢?
有冇人可以解答到我o既問題呀?我上網摷唔到呀!Yahoo知識又冇,維基百科又冇… >_<
>>November 7, 2007 at 1:30:11 AM GMT+8
2007 年 10 月 20 日 星期六 【晴】
睇佐《兄弟》呀,唔算好有劇情,但有咁多明星睇,都算可以接受啦。
有劉德華喎!梗係要睇啦!cast好強勁,仲有陳奕迅、苗僑偉、黃日華、林家棟、湯鎮業等等一大堆人,就連張兆輝都有份扮跛佬,真係畀佢吹脹。
不過咁,其實套戲又真係冇乜特別o既劇情o既,係無無謂咁講呀苗僑偉處心積慮咁將個社團交畀細佬陳奕迅,跟住就殺來殺去咁。劉德華o係套裡面更加顯得無無謂謂咁,角色係多佢一個唔多,少佢一個唔少o個隻…
唉…港產片…唔通香港真係只係拍黑社會片先至叫做好睇些少?
>>September 15, 2008 at 3:48:55 AM GMT+8
2007 年 10 月 19 日 星期五 【晴】
其實黃子華套電視劇《奸人堅》雖然係不知所謂兼教壞細路,不過佢o的低能o野都幾好笑。好似佢呀媽留畀佢頂卜帽裡面有張相,相背面有首詩,係佢老豆送畀佢呀媽,但係因為佢老豆走佐佬,所以佢呀媽燒佢張相上面佢老豆個樣,不過唔知點解,首詩第五句o的字咁o岩又可以避開佐燒穿佐o個個位,你話係咪穿晒崩o丫!
「與妹相戀情常在,誓言銘記心莫改;寧作凡間野鴛鴦,不為天上靈白鶴。薄情不及重情苦,一寸還成萬縷絲;天涯海角有盡處,我倆相思無窮時。」
究竟奸人堅老豆係咪胡楓呢?!
>>October 22, 2007 at 1:33:26 AM GMT+8
2007 年 10 月 17 日 星期三 【晴】
今日學車都ok喎,真係好似Kenji話齋,要連踩三個鐘先可以有成果。
下晝睇佐Death Sentence(港譯︰《最後裁決》),垃圾,好爛的西片,早知睇《生化危機3》冇咁嬲…
有錢佬個仔畀爛仔殺佐,老豆唔服氣居然放棄名利自己一丁友走去殺返班爛仔,痴線!最尾仲有場戲係兩條友挪住鎗互射,低能到極點…
睇完戲先返入大埔同您會合,上佐您家姐屋企坐佐陣再去食飯。今日您帶佐我去一間叫「富山」o既日本料理,o的o野食就一般啦,少少唔夠新鮮。碟太大桌面太細,侍應服務都算ok o既…您好累喇,大家都早o的返屋企覺覺豬…zzz…
>>September 15, 2008 at 3:47:40 AM GMT+8
|