2007 年 12 月 26 日 星期三 【颳風】

而家o的報紙仲有「世趣」版o架咩？真係一百歲唔死都有新聞聽…

忘記轉車兩港女台北跳火車傷
《蘋果日報》2007年12月26日

【本報訊】兩名香港女子昨晨在台北搭火車欲往平溪遊玩，途經瑞芳火車站時，因不熟路沒有下車轉乘另一條火車線，在原來火車開行50米後始驚覺需要下車，竟不顧安危，擅自開門跳車，兩人在月台上變成滾地葫蘆，擦傷頭和手肘，送院治理。

拉開行駛中火車門
兩名傷者分別姓呂（27歲）和姓冼（28歲），昨日上午兩人在台北搭莒光號火車欲前往風景秀麗的平溪鄉遊玩，當列車在台北縣瑞芳火車站停下時，應要下車轉搭平溪支線的柴油車前往目的地。可是兩女不熟路，正猜測剛才的廣播時，莒光號火車已動，她們才發現應要下車才對，竟冒險打開火車車門，此際列車時速約20公里，她們大叫一聲：「跳啊！」兩人在火車開行50米距離跳下月台，由於有速度，她們變成滾地葫蘆，擦傷額頭和手肘。

站務人員發覺有人跳車跌倒，於是通報鐵路警局瑞芳派出所，警員到場了解，知悉是旅客糊塗，於是將她們載往醫院敷藥，兩人道歉後已無礙出院。姓黃副站長稱，跳車情況並不普遍，莒光號火車是舊式火車，沒有自動門開關，民眾可自行打開車門，故防不勝防。

>>December 27, 2007 at 3:36:25 AM GMT+8

2007 年 12 月 25 日 星期二 【颳風】

噢~聖誕節！噢~聖誕節！最好o既活動就係打牌~啦啦啦~

訓到中午，再入大埔決戰四方城！

您個傻婆o係大埔四圍「騰」，就係要揀個您認為最合適o既花盤畀您棵金錢樹，真係冇您修… @_@ 結果行完大埔墟，都係搵唔到…

入到大埔同您會合，買佐o的凍冰冰o既煎釀三寶食，以後都唔會幫襯呢間o野。不過打牌緊要，無謂再擾攘！

難得您姐夫落場打，其實就最好玩。因為佢唔似得您二家姐打隻牌都諗成幾分鐘（但係其實都係亂咁打），佢通常係一直打一直盤算，所以速度好多。我強烈建議您屋企添置好似玩國際象棋o個時用o既計時器，一於睇清楚邊個係「站長」！


>>September 3, 2008 at 12:17:31 AM GMT+8

2007 年 12 月 24 日 星期一 【颳風】

終於都放假喇，完全都係為佐去飲亨利o既呢一餐！先去接您放工，再同您行佐一陣睇洗衣機，再飛返出去飲。

恭喜恭喜！衷心祝福我o既好朋友Henry同佢老婆Janet婚後永遠都幸福快樂~

真係一個好隆重o既婚禮，o係會展擺酒三十幾圍，唔知駛唔駛一萬蚊一圍。現場所見，真係親戚多過朋友，好明顯搞呢壇o野完全都係為佐滿足屋企人o既需要，有時覺得咁樣都幾慘。

我估呢度最值回票價o既，就係呢個無敵o既維多利亞港夜景。至於o的o野食呢，又比想像中好喎！o的份量係包你食得飽o個隻，即使你已經猛叫唔好，但係o的waitors仍然都係會迫你食埋淨返o個o的添…


最buy佢就係入席前拍照，食食o下o野就有人逐個捉咁去派返即時沖晒好o既相畀你，呢樣o野真係要學。


>>September 3, 2008 at 12:19:40 AM GMT+8

2007 年 12 月 23 日 星期日 【颳風】

好想放假，但係又好多o野做，份annual report都仲未郁過，今日又冇佐成日…唉…

係咪KS先至咁多o野做o既呢？究竟係咪要做死人先安樂？

個無能clerk唔係射波就話自己挪佐大假，我覺得佢十成十係去見工啦！老趙十二月頭已經叫佐佢挪完雙糧就自己辭職，條友仔呢期又話自己食錯o野又話咩暗病咁，隱隱瞞瞞，十問九唔知，扮晒傻咁仲點返我轉頭要我做o野，工作態度已經表明一切…不過佢真係自己走，我同老趙就可以贏到呀Man一餐飯喇！

唉…年尾呢份report，真係令人擔心…因為…冇o野好寫…何來remarkable achevement呢？

>>January 8, 2008 at 12:54:42 AM GMT+8

2007 年 12 月 22 日 星期六 【微冷】

晨早溜溜返返o下工就有人打我手提搵我，嗯？稀客喎，家姐打畀我！

噢！恭喜家姐嫁得出喇！之前都聽佢提過o下會結婚，終於都成事喇！可以o係三十歲完結之前嫁得出，總算得嘗所願。佢叫我reserved佐出年o既三月二十九日畀佢，仲話要搵其他大學同學…mmm…我好耐冇搵佢o地喇喎…

今日您屋企做冬，一收工就即刻駕車入去大埔，原來車程都只係半個鐘多o的，比起坐巴士慳佐一半時間，都算唔錯。不過錢同時間永遠都係掛鉤o既，來回一次o既油錢再加埋o的隧道費，我估都要兩舊水左右。真係有辣有唔辣…

好在架車唔係自己一個養嗟！

>>January 8, 2008 at 12:02:38 AM GMT+8

2007 年 12 月 21 日 星期五 【颳風】

首歌講緊您呀？=P

----------------------------------------------------------------------------------------------------------------------------

身驕肉貴
容祖兒

談情說愛又太早　但為何待我像寶
隨傳隨到　你我接近到戀愛程度

懷疑你會被難到　不肯定可算最好
跨出半步　又偏差了半度　我察覺得到

從前伴侶沒誰一直留下　但覺你極度認真不似假
單戀單到怕　相戀傷到怕　和你是真的嗎

如今待你拆開這個謎　完成接近情侶的關係
我是糊塗虫　但身驕肉貴　
從未被包圍　從未亂挑選某位

假若共我有心想過世　便應愛護我而不驚吃虧
待我公主般與情人步上天梯　被你珍惜都要講氣勢

傳聞你信譽良好　多僥倖給我碰到
天天進步　不講也要做　你要對我很好

從前伴侶沒誰一直留下　但覺你極度認真不似假
失戀失到怕　新片剛上畫　只怕戲真情假

如今待你拆開這個謎　完成接近情侶的關係
我是糊塗虫　但身驕肉貴　
從未被包圍　從未亂挑選某位

假若共我有心想過世　便應愛護我而不驚吃虧
待我公主般與情人步上天梯　被你珍惜都要講氣勢

如今待你拆開這個謎　完成接近情侶的關係
我是糊塗虫　但身驕肉貴　
從未被包圍　從未亂挑選某位

假若共我有心想過世　便應愛護我而不驚吃虧
待我公主般與情人步上天梯
肉貴身驕的我愛深閨　浮躁得很的你心要細

>>December 27, 2007 at 3:59:41 AM GMT+8

2007 年 12 月 20 日 星期四 【颳風】

終於清清楚楚搞掂晒o的petty cash，同公司冇拖冇欠。

事關上個月尾先o黎轉老細，搞到要特登退返o的petty cash畀HQ再重新申請，政策即係政策，唯有跟住遊戲規則玩。但係冇錢又唔代表唔駛做o野，咁我就唯有出住先，點知出o下出o下都出佐成兩、三千蚊…

今日o的錢終於都落佐o黎喇，一切運作回復正常，但係新老細又會o係度坐得幾耐呢？唔好理喇，都唔到我呢個低等員工諗咁多。拎返o的錢過一個快樂聖誕算啦，呵呵呵~

喂喂喂~婆婆，我愛您呀~

>>January 7, 2008 at 2:27:10 AM GMT+8

2007 年 12 月 19 日 星期三 【颳風】

對上o個期真係冇乜好戲吸引到我，呢期開始上聖誕節檔期o既新戲，我o地首先去佐睇《投名狀》（英譯︰The Warlords）。

我估「投名狀」即係「結拜」咁上下意思啦，睇o的電影posters同個英文譯名，都知係套打仗o既片，不過估唔到真係佔佐成套戲o既80%左右o既情節…


有劉德華o既戲就點都要幫襯o下o架喇，今次仲有金城武，雖然有個唔多想睇o既李連杰，二對一都仲睇得過，好在佢唔係搭個淫蟲（成龍）嗟。


打打打打打，打到血肉橫飛，o的手手腳腳通地都係，又係「個人英雄」主義，三個主角總係成隊兵衝埋o黎都仲係打佢o地唔死，超低能。


不過又係「一山不能藏二虎」，仲有「英雄難過美人關」o既橋段，李連杰同劉德華好地地又爭一餐。呢個李連杰由始至終都係奸o既，由佢套戲一開始扮死執返條命，到最後出賣劉德華，都係「利」字放中間，「義」字放兩旁，仲要「鉤二嫂」，賤格到無淪。


還係「盜亦有盜」，最講義氣o既依然係班爛仔。呢個傻佬李連杰以為自己得天下，其實佢只係人o地手上o既一粒棋，畀人利用完都係要死。


呢個女人都唔係靚嗟，仲要貪新忘舊又貪圖富貴，抵佢畀個戇居居o既金城武殺死佐。睇落又有幾分似湯寶如喎…ccc…


>>September 3, 2008 at 12:25:48 AM GMT+8

2007 年 12 月 18 日 星期二 【颳風】

呵呵呵！我o地一齊去許留山食糖水喇喂！

琴晚您唔舒服一放工就即走搭車返屋企，搞到白行一趟。橫掂聽日放假，一於今日放工剷入大埔搵您食糖水！我唔係得個講字o架！見到我係咪即刻不葯而癒呢！

大件事喇！最近您中佐Keroro毒！一見到老麥o個套Keroro，就話要記實晒o個五隻妖怪個名，話要增強記憶力喎…咪玩啦，仲細咩！

嘩！究竟係有Keroro軍曹先定係有北京奧運福娃先？

上排左起︰迎迎、晶晶、妮妮、歡歡、貝貝。
下排左起︰Kururu、Tamama、Keroro、Giroro、Dororo。

>>September 3, 2008 at 12:52:20 AM GMT+8

2007 年 12 月 17 日 星期一 【颳風】

今朝一返到去就有人通知呀Mi放四日大假，佢老闆o丫！上個禮拜已經請佐三日半病假o架喇喎，諗住唔撈都唔駛咁呀嘛！火都o黎！今日老細又放假，結果就係我一個人要做三個人o既o野，真係由九點坐低就開始做做做做到六點都冇停過手…

諗住去接您點知您已經上佐巴士返屋企，接您唔到又講佐唔返去食，咁就唯有改變計劃，同郵差去食飯啦…

先返柴灣挪車，又撞今日射佐波o既小憂憂，佢居然話落灣仔買games！真係冇得救。一於拉埋佢上車，多個人個心都定o的。自稱為領航員o既我，居然去到金鐘都可以入錯線，結果要去到西營盤先有機會調頭返中環，接埋郵差再落灣仔放低小憂憂先食飯。

郵差介紹佐間泰國o野都幾好食，好耐冇同佢出街、食飯或傾偈。佢話公司有個廿幾歲o既同事最近無端端爆佐腦血管（即係中風？），令到佢非常之唔開心。有時人生就係咁無常o架喇，樣樣o野都o係股掌之中咩！希望佢好人有好報，今次大步檻過啦…

十三妹都係啦，好地地又話個胃生佐個瘤，下個月入廠做手術。生老病死，邊度到我o地呢o的蟻民去控制o架？！認命罷啦…唉…

>>December 19, 2007 at 5:01:05 AM GMT+8