2008 年 6 月 23 日 星期一 【清涼】

Transfer 調遷

琴日下晝呀嫦走佐過o黎搵我食tea，話老趙搵佢過檔，想佢去置富幫佢手，令到呀嫦好為難。

問題o既核心就係︰冇人保證過到去有得升。

有次傾開o的無聊o野，先知呀嫦原來年紀仲大過我，但係而家只不過仲係個PA仔，一個稍為上進o既人，都知而家再唔搏，再過多幾年可能連搏都唔想搏，尤其係呢o的女人一個，過多幾年結埋婚就真係收心養性，一味求穩定，返工等放工，月頭等到月尾出糧…唉…

o係間咁大、福利又比出面好多公司好o既公司度做，難免越做越頹，難得有同事心裡面仲有些少火，內心仲會為前途有所掙扎，我覺得真係好難得。

諗返起以前舊公司有o的三十幾四十歲o既女職員，真係學歷唔算高但叫做有o的經驗，一味o係同一間公司度磨爛蓆等升，結果係半個半個grade咁升之餘仲要繼續o係人工上受公司欺壓，白白浪費佐一年又一年o既青春，倒頭o黎都只係得個吉，就真係「鄧」佢o地可惜。

呀嫦係咁問我會唔會過去置富跟返老趙，佢話好想同我拍住上做o野，我o既答案係︰而家我o係呢度o的「孽緣」未盡，又點可以放得低而離開o丫…加上個新PA又比想像中below par，我估距離「名留清史」、「急流勇退」呢個階段，仲有漫漫長路要走…唉…

>>July 1, 2008 at 2:44:25 AM GMT+8

2008 年 6 月 22 日 星期日 【清涼】

Final Account 結束戶口 - Form E

近期做得最多o既一份form，超唔明點解有o的a/c 2005年已經完佐，但係仲未埋數仲未做final account，呀Mi咁樣都可以o係公司生存到三年，真係超勁！

手頭上而家有幾隻好棘手o既a/c埋唔到數，一隻係上上個a/c無端端有條rent concession o既數o係度，MSO、Leasing、Account、Cashier個個departments都百思不得其解，唔知點解有「古人」做佐條咁o既credit bill落去。另一隻就係o的additional rent計錯晒，應bill唔bill，唔應bill又bill佐，已經係呀Mi o既上一手o既錯，又係R爆頭都唔知佢搞乜。相加埋一大堆過晒期o既licenses，呢o的就係我今年之內要完成o既LMS希望工程，一日未完成，一日我都唔可以走…

係，已經做到第四個cycles o既我，有o的想離開NJ呢個咁安逸o既地方，想接受新挑戰，想o係KS更上一層樓…

>>July 1, 2008 at 4:10:28 AM GMT+8

2008 年 6 月 21 日 星期六 【清涼】

New Account 開新戶口 - Form A

呢個真係超新o野，係自己o係LMS 個help度學返o黎，自學成功，可喜可賀！

老實講，其實我見呀Mi o個堆o野度一直都有o的licenses係未開新a/c o既，但係因為唔識做，所以一直放埋一邊，至少可以話係佢收返o黎，因為佢收埋佐我o地搵唔到所以做唔到，有得賴。

之前又試過幾次自己摸o下摸o下，結果都係搵唔到個開新a/c o既function，又冇時間睇user menu，又唔想問人，一拖再拖…shit…

試佐submit一個新a/c，結果未知。如果今次搞得掂，咁我又進步佐一o的o的喇！

2005年尾o既目標係做budget，結果要2007年尾先達成；操熟個LMS其實係2006年尾o既目標之一，可惜2007年全年都未有時間做，結果又變成2007年o既目標，要2008年先完成到…

咁我今年年終appraisal又可以寫o的咩目標落去呢？？

>>July 1, 2008 at 2:12:12 AM GMT+8

2008 年 6 月 20 日 星期五 【清涼】

Amendment 更改資料 - Form B

聞說話公司咁多team leasing teams裡面，就只係我o地呢team會用咁多唔同類型o既form去做LMS o的o野，不過係唔係都好，o的o野都係要做，有份固定o既form都總算係有份正正當當o既black and white，o的o野容易o的跟進，有辣有唔辣。

遇著o的租客要更改地址、聯絡人之類o既o野，就要o係LMS裡面做amendments，通常都唔算多用。但係遇著好似我o地今年加佐管理費咁樣，就要逐個逐個a/c入去改做個新銀碼，o個鑊又係搞佐我成日。

有時做bulk change rates時做唔到o既a/c，亦要用form B慢慢改，改完機裡面o既o野再submit，真係超級煩加超低能。

最近又學識佐呢張form o既新招，就係當一個超舊a/c埋數時要transfer o的按金等去個過期o既a/c o個時，原來又係form B出動o既時候！因為LMS default佐唔可以transfer o的錢落過佐期o既a/c度，所以要將個過期a/c o既status變佐之後先可以做transfer，而成個過程仲一定要o係一日之內完成，超低能哩！

無奈，you must follow the rules！

>>June 28, 2008 at 1:23:01 AM GMT+8

2008 年 6 月 19 日 星期四 【雨】

Credit Bill 扣除款額 - Form D

呢部分可以話係最q麻煩o既一部分！

點解呢？因為我o地o個team leasing team o係行內出晒名係要求最多最煩做o野又係最慢o既一team。

o係LMS裡面懶係systematic，每一份租約都會有一個獨立o既a/c number。當一份租約完佐，個客續租的話，就要開一個新a/c畀份新租約。由於呢team人做o野之慢無人能及，往往現有租約過晒期都未傾掂份新約，冇新租約亦即係冇新a/c，舊a/c根據租約期自動出bills畀個客，個約完佐就要要用人手出bill去收租，冇法子，o係呢team裡面做o野就係咁。

但係咁都未算煩！佢o地o既慢除佐要我o地去承擔人手出bills外，當新約傾好新a/c又開好時，新a/c又會跟新約租自己出bills，變相同一時段會double bill佐個客錢，於是我o地又要「自食其果」咁做返o的credit bills入去個舊a/c度balance返條數，先可以將o的按金或者餘款過落個新a/c度，過程往往都要兩、三個月，個個a/c係咁，都咪話唔煩。

除佐咁之外，好似呢期政府屎忽痕期期退rates，我o地亦都要做返credit bills畀個客，因為LMS唔識自動處理呢o的adhoc o野，好在公司舊年開始都加佐個bulk credit bill o既function落去，叫做幫得o下手唔駛搞咁耐。

不過無論公司點加function落去都好，來來去去，都只係我o地呢班蟻民o係LMS呢個無間地獄中不斷受折磨…

>>June 28, 2008 at 1:47:28 AM GMT+8

2008 年 6 月 18 日 星期三 【雨】

Bulk Change 大量更改 - Form C

呢期真係忙到發瘟，主要原因都係要跟返之前個clerk o個o的「遺愛人間」o既手尾。等我o係呢度用一連五集o既篇幅，講解o下我而家做緊o的乜o野先。

「Form C」係我第一種接觸o既表格，一年只係用一次，就係o係每年四月RV重估舖位差餉o個陣時先會用，用o係一次過將所有舖位o既差餉更改，所以o係呀Mi走之前，我只係做過三次，亦可以講話係我每年唯有接觸我o地公司博大精深o既Leasing Management System (LMS) o既機會。

其實呢種bulk change o既方法理論上係幾方便o既，不過衰就衰在好多時做bulk change o既時候某o的客o既a/c因為某o的原因而畀人lock死佐，所以改唔到個新rates，變佐第日要逐個逐個a/c再用另一張form去改，極之煩。

自從呀Mi就佐，一年用一次o既LMS幾乎變佐日日都要用…ppppppppppk！

>>June 28, 2008 at 12:53:08 AM GMT+8

2008 年 6 月 17 日 星期二 【雨】

Peeping 偷窺

話說我o地個場有一個好獨特o既建築結構，就係某o的舖係o係個地鐵站底o既，而舖天花同地鐵站底中間有一層網，網與地鐵底之間就形成佐一個約莫可以企一個人高o既void位，平時冇人想上去，因為都幾危險，係今日遇o岩落大雨，A舖漏水我o地幾條友先無奈咁上去「睇水」，點知就遇著A舖隔o黎o既B舖o既無厘頭投訴。

當我o地o係上面睇水之際，B舖i/c報稱有個女sales正在o係B舖個倉度換衫，話有人o係天花網上面偷窺佢，好驚咁話，我o既即時反應就係三個字︰「痴x線！」

我真係強烈建議o的戇x仔報警，風化案刑事呀大佬，梗係要報警啦，我o地一干人等實o係度等到差佬o黎為止，睇o下到時o的差佬幫邊個！真係火都o黎埋！

我o既理據係︰
1) 冇人會帶埋電筒去照住o黎偷窺咁戇x；
2) B舖係做電話零售為主，唔係做fashion，裝修圖亦冇講佢個舖有更衣室畀人換衫，如果我o地o係更衣室附近走來走去，咁樣就有可疑；
3) 商場有女廁廿四小時開放畀人入去做私人o野，包括換衫，倉入面絕對唔係一個合適o既地方；
4) B舖搬入o個個舖位已經有四年，冇理由唔知o個度係一個通窿o既網，如果要做o的咁神秘o既o野，就好應該自己做假天花封頂；
5) 我o地真係有職務在身（A舖漏水）。

基於上述種種原因，我真係超級鼓勵佢報警處理，但係o的人又唔敢，淨係識得投訴投訴投訴，真係話佢戇x驚佢嬲。

>>June 28, 2008 at 12:37:57 AM GMT+8

2008 年 6 月 16 日 星期一 【雨】

Commitment 承擔

今日心情麻麻o地，因為一返到公司就只係見到台面上o個一堆o野，真係見到都唔想做但係又一定要你做…唉…

要去到放工後，先有一件令我覺得欣慰o既事，亦都顯示佐個女o既存在價值。因為呢件事，令我會o係佢年終o既appraisal度寫好o的佢個分。

話說今晚有個好「聰明」o既客，o係永安碌卡報團之後就去counter度換o野。呢兩公婆條數算到好鬼盡，一個萬幾蚊o既團，分佐四次每次三千幾蚊咁去碌，結果就有四張單夠銀碼去換o野。

當時o係counter又係得個冇用o既廢人英姐o係度，咁唔駛講佢就梗係唔知點處理啦，一來又怕換錯佐畀個客要自己「銀」返o的錢（都只係百二蚊嗟，同埋公司有幾何要o的員工貼錢打工o丫！），二來佢平時做o野卸得就卸o既作風就梗係更加令佢手忙腳亂，於是佢又係慣性依賴咁打畀個女，叫個女落o黎幫拖。頂！個女又鬼咁蠢，明知單o野已經畀英姐搞到有晒「鑊氣」，人o地叫佢落o黎又真係落o黎… @_@

個女搞唔掂，打電話叫我落o黎，我本來都唔想落o黎，因為我想佢o地可以自己獨立搞掂o的o野，但係最終都唔搞唔掂，我就唯有出馬。一落到去見到o個兩公婆已經一副死老豆咁o既樣，個男人態度ok，但個女人仲充滿敵意咁話搞佐半個鐘都未得，我就睇睇o的單，再問清楚佢o地o既畀錢手法，嗯…佢o地擺明就係玩緊走法律罅啦，不過又冇違規喎！

既然人o地咁醒，我就梗係要「讚」o下佢兩個o架啦，係咁同佢兩個講︰「o丫！你o地兩個真係聰明o既消費者喇，好少人會諗到用咁o既方法去換o野o架喎！我就真係唔聽過我o地呢個場有o的咁o既事喇！」正所謂「明讚暗串」，畀人讚o既時候正常人都唔會再點樣發火或者發難，就算係嬲都唔可以表露出o黎咁失禮自己身份。

換佐畀佢，搞掂走人，臨走個男人都仲要話我處理得好。梗係啦，你都挪佐著數走喇，不過我都覺得今次我o既處理手法幾高明，可以o係班友仔面前show一show quality，有返個上司樣。

我最欣賞o既，係個女明知係鑊都仲肯出o黎接住個波。呢份勇氣唔係人人都有，而且係要面對好大o既壓力，處理個客o既負面情緒之餘亦要識舒援自己怨屈啖氣。最後我都send返個sms畀佢讚佢做得好，等佢個人舒服o的，同埋話畀佢聽我o地呢度o既上司一定係撐下屬o既！

>>June 28, 2008 at 12:19:06 AM GMT+8

2008 年 6 月 15 日 星期日 【雨】

Clash 撞車

琴晚居然戇居到o係停車場裡面自己撞爛自己架車，真係天才。要怪都係怪自己唔小心。

之前個爛鬼車場玩翻新，o的油四圍油得好鬼靚呀，但係四周圍o的天花都滴水滴到pk，而家三樓同四樓改晒道，左兜右兜o的車位封晒，但係又唔見佢真係好認真咁整，總之凌晨一點之後要搵個位泊就要上到五樓天台先有，確係幾煩。

琴晚駕車返到停車場，上到二樓冇晒位，唯有繼續上。兜到去三樓又冇位，唯有再上。就o係三樓上四樓之際，眼尾突然見到三樓有個位喎，就o係掛住望之際，盤(車太)又未回前，隻腳又畀佐啖油上斜，咁就啪一聲撞佐埋幅牆個角位度，OMG！

通常o的角位都有條角鐵o係度保護條柱或牆，如果唔係條角鐵，我架車就唔會咁傷…大慘事！


>>August 31, 2008 at 5:55:40 PM GMT+8

2008 年 6 月 14 日 星期六 【雨】

啟德掘出疑似清朝石橋
《明報》2008年5月23日

【明報專訊】土木工程拓展署於4月初在啟德舊機場北停機坪進行考古勘察工作時，發現10多塊石板及其他石構件，懷疑是1875年興建的、全長約300米的清朝遺蹟龍津石橋。消息指出，發掘到的石板全長約數十米，相信配合1902年及1903年的九龍城地圖，可找出其餘石板的位置，惟因大部分石板已「浸水」，最好於雨季後才勘察。

發展局表示，有待專家進一步研究才能證實石板是否龍津石橋的遺蹟，土木工程拓展署正為啟德舊機場發展勘察及調查，預計下半年完成。現階段仍未能評估有關工程對啟德發展計劃的影響，土木工程拓展署及古物古蹟辦事處會根據考古勘察報告採取下一步行動。

根據1875年的「龍津石橋碑」及1892年的「龍津石加長碑」，龍津石橋具133年歷史，長達66丈（即約200多米），其後加長至約300米，是鴉片戰爭後，殖民地政府用以加強防衛及方便市民上落，盡顯殖民地管治及九龍城區的歷史。

消息人士指出，現時發現的石板應是龍津石橋的數十米構件，剩餘構件約於地底兩米深，最好於雨季後進行考古勘察工作。

另外，發展局收到近百宗「活化歷史建築伙伴計劃」的申請，發言人形容非牟利團體的反應熱烈，當局已成立活化歷史建築諮詢委員會，評審及揀選各個活化計劃，預計年底完成審批。


1875年龍津石橋——早於1875年建成的龍津石橋，其實是清代的九龍城碼頭，在鴉片戰爭後，殖民政府管治九龍，為保留九龍城寨作防衛用途及方便居民出入而建。


2008年勘察地盤——土木工程拓展署4月初在啟德舊機場北停機坪發現疑似龍津石橋的石板及構件，該署將於下半年完成有關考古勘察的研究。

明報通識網

>>August 31, 2008 at 5:57:16 PM GMT+8