2008 年 7 月 13 日 星期日 【清涼】

Shoting 射波（病假）

又發現佐一個奇怪現象，就係個PA成日都話唔夠時間做o野，但係從來都唔見佢o係老細唔o係site o既情況底下OT之餘，都仲可以差唔多每個月都射入一球，有時真係不得不寫個「服」字畀佢。

確係幾神奇o架喎，唔知係咪佢而家熟佐架步，有時又會好似我咁蛇佐去唔知邊度一段長時間o架喎，又或者長時間逗留o係counter度吹水，又或者o係我同老細唔o係度o既時候四圍搞搞震撩交嗌，之不過佢手頭上o既o野依然係做極都做唔完，團積一大堆o架喎…

o係度做佐咁耐唔係冇病過，之不過都未至於係大病，傷風感冒總會有，但係始終都諗唔通究竟有o的咩小病係可以病到返唔到工，就算幾唔想返工，都總要返公司撐住個雞頭，因為都係o個句，今日你放o係度唔做，聽日返到o黎都係你自己做返，冇人會主動幫你。\

而家o的後生多幸福，因為佢o地可以隨心咁射波冇心理負擔。

>>August 1, 2008 at 2:32:59 AM GMT+8

2008 年 7 月 12 日 星期六 【清涼】

Modernization 現代化

我o地今晚又去佐大尾篤燒烤王（親親大自然）度BBQ，仲要首次食唔晒o的o野要偷偷o地帶走… @_@

換o野飲o既卡居然唔再係過膠紙卡，而係變佐做有編號o既膠卡，您話呢度先進佐喎… @_@ 我就話佢呢度真係賺到笑就真，呢o的咁o既膠卡唔係貴，但係值唔值咁樣用就真係見仁見智，而且仲因為佢背面o個幅相，流失量可能會好大！


最鐘意呢o的衛星圖，Google Map真係做得好！衛星圖平民化已經唔再係夢想。已經好鬼清晰o架，不過如果可以再zoom大o的就好喇…圖中間淺啡色o既位置就係我o地o既「親親大自然」喇！


>>August 31, 2008 at 3:48:50 AM GMT+8

2008 年 7 月 11 日 星期五 【雨】

Farewell 歡送

呢期我o地個sub-region都算把閉，繼個好好o既region technical i/c轉佐做個超廢煩人之後，呀Man就跟住走埋，之後隔o黎site又有一個technical同事走佐，今晚我o地就o係怡苑同佢farewell。

呢條友仔o係我o地sub-region i/c o既淫威下過活佐咁多年，終於都有出頭天，原來佢之前係做consultant，而家出返去做經理，人工仲係「呵呵呵呵」o個隻，唔駛再忍辱負重咁生存，確實「鄧」高興！

條友仔真係玩到癲晒，勁隊啤酒嘔完又再隊，而且成圍桌o的人又夠癲，係咁玩另外一個傻仔，呢條傻仔不但猜極都輸係咁畀人隊，仲要衰到為佐飲少兩啖酒而一次過塞十件西瓜入口同埋再自認係懦夫，真係冇得救…點解KS會請到o的咁o既人？！

去得怡苑見得班爛賭鬼，打牌呢個環節就在所難免…仲要畀佢o地焗佐同老狐狸打！好鬼黑仔，初頭又抱住玩o既心理，頭三圈已經輸佐八舊水，好在之後力挽狂瀾奪力作戰，終於成晚o既消費都只係餐飯錢…好彩。

>>August 1, 2008 at 1:09:16 AM GMT+8

2008 年 7 月 10 日 星期四 【雨】

Prospect (Re-think) 前途（再思）

老趙成日都話離開KS冇好結果，佢所講o既當然係好o岩，因為要做到14個月糧，即係平均月薪可以做到18k，仲要有o的乜乜物物潤貼o既公司（幫補MPF供款），其實o係出面真係唔多。

另一方面，又聽聞話公司o係短期之內又會再adjust而家o既人工（可能近排真係o的人走得太犀利），就更加畀唔到我一個走o既借口…

要升多一個grade，o係公司裡面除佐調site，都冇另一個更加好o既藉口。而家雖然個region係大佐，但係可升空間亦都唔見得真係大佐。畢竟呢個region都係得o的爛鬼商場，如果想去o的大場，又要轉region又真係麻鬼煩，分分鐘搞「禍」晒o的關係；但係如果冇機會去o的大場，又真係學唔到更加多o既o野，有時真係幾矛盾。

究竟幾時先可以脫離而家個困局？想搵多o的錢之餘，又想學到o的新o野。而家感覺上好頹，頹到日日返到公司好似機器咁做o野，o的o野又做極都做唔完，永無止境咁…

好想去旅行叉電！

>>July 22, 2008 at 1:43:36 AM GMT+8

2008 年 7 月 9 日 星期三 【雨】

Voyeur 偷窺客

好消息！終於都捉到條pk！

呢條友仔真係好奇怪，之前已經o黎過兩次，其中一次亦都報佐警，雖然捉佢唔到，但係點都應該可以嚇o下佢，點知佢仲要o係今日返兜…蠢成咁o既「偷窺客」真係第一次見。

偷窺者都有「食髓知味」之心態，所以我o地都預佐佢會返o黎，正所謂「唔怕佢o黎，最怕佢唔o黎」，佢一o黎就即係畀機會我o地主場出擊，大勝而回。

呢次我o地做好晒準備，仲搵埋條餌去引誘佢，結果真係斷正，差佬幾個字就到，都算好快喎。希望佢以後搞事就行遠o的，唔好再煩著我o地。

終於有o的見得人o既o野可以上公司季度獎金喇！

>>July 28, 2008 at 4:02:32 AM GMT+8

2008 年 7 月 8 日 星期二 【雨】

Name Card 卡片

一張卡片真係可以累死人，唔係講笑。點解咁講呢？因為我身邊就有一個好好o既例子。

其實由一開始都唔係好明白點解老細要幫個PA印卡片，只係一個assistant，究竟有冇需要浪費公司資源去印o的卡片畀佢用呢？確實可圈可點。至少，我暫時都未見過佢正正式式咁用過一次佢自己張卡片。

就係呢張卡片，令佢以為自己真係高高在上，無論係說話定係行為，都可以察覺到佢o個份階級觀念o既架子。我唔知係咪佢自己本身o既性格就係有一份支配慾，總係鐘意點人做o野同埋呼喝人。或者，係呢個site裡面，佢係二人之下十幾人之上，但係如果佢真係想o係呢行度打滾，我估真係要收o下皮先得喇。

我始終都係覺得，如果你想o係下屬面前得到做大佬o既感覺或者尊重，就一定要由最低微、最煩o既o野做起，而且仲要帶頭第一個出去做，咁o的人先會服你，唔係得把口講。

不過我其實都只係一個失敗o既例子，因為呢個世界o既人，見你乜都肯做，份人又好恰，咁就會得寸進尺，結果就係要你揹到成身都係債咁做到你死為止…唉…

>>July 22, 2008 at 1:04:26 AM GMT+8

2008 年 7 月 7 日 星期一 【雨】

《五柳先生傳》
陶淵明

先生不知何許人也，亦不詳其姓字，宅邊有五柳樹，因以為號焉。閑靜少言，不慕榮利。好讀書，不求甚解；每有會意，便欣然忘食。性嗜酒，家貧不能常得。親舊知其如此，或置酒而招之。造飲輒盡，期在必醉。既醉而退，曾不吝情去留。環堵蕭然，不蔽風日；短褐穿結，簞瓢屢空——晏如也。常著文章自娛，頗示己志。忘懷得失，以此自終。

贊曰：「黔婁之妻有言：『不慼慼於貧賤，不汲汲於富貴。』極其言，茲若人之儔乎！酣觴賦詩，以樂其志，無懷氏之民歟！葛天氏之民歟！」

----------------------------------------------------------------------------------------------------------------------------

搞乜春呀？五柳先生傳？！

呢位五柳先生，其實亦即係我爸爸。爸爸經常都掛o係口邊o既五柳先生，係一個忘懷得失、不求名利、意存高遠、開朗樂觀、耿直率真o既人，可能爸爸就係隨住五柳先生呢個目標進發，以五柳先生為榜樣都未定，諗落都幾有意思。

>>July 22, 2008 at 12:41:20 AM GMT+8

2008 年 7 月 6 日 星期日 【雨】

Sexercise 性愛運動

世界上有哪一門運動可以同時減壓、紓緩痛楚、治療失眠、預防心臟病、除皺紋、令髮質亮麗，甚至防癌呢？相當於香港醫管局的英國國家衛生事業局（Nation Health Service，NHS）提出：「忘記圍繞大廈緩步跑或使勁地做仰臥起坐吧！」反而以性解放的態度建議，要有益身心，效果最好的是做Sexercise，即是性愛運動。

做愛可當做運動說法不新鮮，但NHS的病人健康熱線NHS Direct現在網站提倡和發起性愛運動，鼓勵男男女女「定期做愛」，其效果比緩步跑或仰臥起坐更好，因為在寒風刺骨的冬天，這種熱辣辣的運動不但可鍛煉身上每組肌肉，每小時更可消耗三百卡路里，達致性高潮（orgasm）時更是身心舒暢。

性高潮可防皺紋加深
NHS Direct更指，性愛運動能醫百病兼防皺。「性高潮會在血液中釋放出止痛素，紓緩因為傷風和長期痛症等症狀，額外產生的雌激素和睾丸素又能有益骨骼和肌肉，令人由內而外都感覺良好。這些荷爾蒙分泌增加可令頭髮份外亮麗，肌膚特別幼細。如果有人擔心皺紋，性高潮更可防止皺紋加深。」

性愛運動還有治療失眠的效果。NHS Direct網寫道：「盤床大戰過後，應是可令人完全放鬆的少數時間。經過一場滿足的性愛，腦海煩著的事都會消失，自然睡得更好。」

NHS Direct更指，性愛運動可以延長壽命，因為「性高潮會釋放出一種名為『腦內啡』（endorphin）的化學物入腦部。」腦內啡是一種「開心荷爾蒙」，不但能令人平靜下來，還能夠「刺激免疫系統細胞對付疾病，包括癌症，性高潮又會加速血液循環，幫助身體排走有害的毒物，定期性愛甚至可以保持心臟健康，減少中風及患心臟病的風險。」

想要冷靜頭腦靠性愛
NHS Direct的結論更寫著：「健康的血液、健康的心臟、健康的身體、以及一個冷靜和溫馴的頭腦，統統都要感謝性愛的治療力量。」NHS Direct公關格蘭強調：「這不是開玩笑，建議含有很認真的訊息，我們所寫的東西全部都有科學和臨床證據，但我們此舉也是跟情人節臨近有關。」


英國廣播公司/《衛報》/NHS Direct網站

《蘋果日報》2006年2月12日

資料來源︰壹蘋果健康網

----------------------------------------------------------------------------------------------------------------------------

堅呀！果然真係有o的咁o既o野！

>>August 31, 2008 at 3:53:37 AM GMT+8

2008 年 7 月 5 日 星期六 【清涼】

Justices of the Peace 太平紳士

在香港已經實行了160多年的太平紳士制度，是一個監督、視察制度。它提供一個獨立渠道，方便有需要人士提出投訴，並讓有關方面按規定就投訴進行調查、跟進工作。太平紳士制度，起源於16世紀前，是英國創立的一套旨在維護社會秩序的司法輔助制度。英文名稱為：Justices of the Peace，簡稱J.P.，譯意是「和平公證人」或「治安推事」，後正式譯為「太平紳士」。

香港特區政府於1997年頒布了《太平紳士條例》。現行條例規定，行政長官可按所規定的條款及條件，委任擔任公職的適當人士為太平紳士；政務司司長亦可按所規定的條款及條件委任其認為合適的人士為新界太平紳士。

香港的太平紳士大致分為官守、非官守及新界太平紳士三種。官守太平紳士指擔任公職的人士，其任期也只限於在政府服務期間，如果不再擔任政府公職，其太平紳士的榮銜也就自動撤銷。非官守太平紳士指獲行政長官委任的其他社會人士。而新界太平紳士則屬非官守的另一類別，政務司司長就有權委任，目前的新界太平紳士多為回歸前委任的，回歸後尚未有新委任的新界太平紳士。

香港特區政府一般在每年7月委任太平紳士，每次人數多則七八十個，少則也有五六十個。

按照《太平紳士條例》的規定，太平紳士的主要職能是巡視監獄、羈留中心及其他場所包括醫院、感化院、老人院等。通過巡視及接受投訴以確保這些部門的有效管理及合理服務，更可以確保不會有任何人士被不公平對待或被剝奪合法權利。

>>July 15, 2008 at 1:44:21 AM GMT+8

2008 年 7 月 4 日 星期五 【清涼】

人生捕手
劉德華

在溫室泛舟　誰又記得奮鬥
走出門口　原來越冷越長壽
逆流便向上游　微笑者可得救
難過更過不好以後

逆境出對手　時運也講節奏
高手能守　然後自有然後
上游亦勝下流　能吃苦都不瘦
迎接猛風就當盪韆鞦

勤力是我密友　陪著我走過最驚險時候
朝著明日走呀走　強橫要天也佩服地拍手
勤力令我自幼　無常中得到自信的成就
胸懷大過四海人潮任我游

逆境出對手　時運也講節奏
高手能守　然後自有然後
上游亦勝下流　能吃苦都不瘦
迎接猛風就當盪韆鞦

勤力是我密友　陪著我走過最驚險時候
朝著明日走呀走　強橫要天也佩服地拍手
勤力令我自幼　無常中得到自信的成就
胸懷大過四海人潮任我游

勤力是我密友　陪著我走過最驚險時候
朝著明日走呀走　強橫要天也佩服地拍手
勤力令我自幼　無常中得到自信的成就
胸懷大過四海人潮任我游

----------------------------------------------------------------------------------------------------------------------------

劉德華好o野！抵您做埋太平紳士！

「勤力是我密友」，大家咁話！加油！

>>July 22, 2008 at 12:31:53 AM GMT+8