2008 年 4 月 14 日 星期一 【陰】

生日週完畢，一個禮拜之內食佐三個生日蛋糕加兩次BBQ，覺得自己好似肥佐… @_@

早兩日十三妹打電話畀我訴苦，話而家做o野好辛苦，又問我點樣做先個人先會冇咁執著。

其實出o黎做o野就一定會有好多壓力同唔開心o架啦，身邊每一個人都可能係你o既競爭對手，o的下屬唔聽話亦在所難免，上司亦唔會o下o下都撐住你企晒o係你o個邊。

但係無論點辛苦點慘，如果想扲撈o的，有一樣o野係一定唔可以做o既，就係無論受到任何屈辱或者困難o既時候，主動o係你o既上司面前表現你軟弱o既一面，包括訴苦、怒罵或者講是非，因為咁樣只會令到上司覺得你做唔掂你個位應該做或者佢期望你可以做到o既工作，最終結果都係對自己不利，係職場o既大忌。

除非係你上司先開口問你有咩唔掂要幫手，但係都仲要避免講是非，要切記。有唔開心o野，最好就係同非自己公司o既好朋友講。

一句講晒，無論點都好，都一定要撐住個雞頭呀！

>>April 23, 2008 at 3:11:17 PM GMT+8

2008 年 4 月 13 日 星期日 【陰】

今日我生日同您去佐「親親大自然」，您話每年兩個人o既生日都要入o黎燒o野食慶祝，您話BBQ o既感覺好浪漫喎…

心情大好，feel so good~

好在今日天陰陰咁唔係太熱，如果唔係駕車實熱到豬頭咁喇…嗯…睇o黎真係要搞搞個冷氣先得…

燒完o野食仲要趕返屋企食飯，食完飯再食埋三日內o既第三個蛋糕… @_@


都係您琴日買o個個最好食！

>>September 1, 2008 at 2:47:29 AM GMT+8

2008 年 4 月 12 日 星期六 【雨】

生日喎，連放兩日啦！

本來今日話去BBQ，不過臨時您又安排佐打牌活動，原來係想引我上去您家姐屋企同我開生日會！鬼馬喇您！

您生日o個晚同您屋企人出去食飯，我叫極您姨甥仔唱生日歌您聽佢硬係都唔肯，今日佢居然肯開金口，真係夠晒畀面喎！梗係啦，我成日都陪佢玩o架嘛！您買佐個好好味道同好多生果o既蛋糕畀我，開完餐就開始打牌喇！

不過生日又唔係大晒o既，未到生日o既時候有時又會黑過墨屎，打佐八個幾鐘頭牌先打得十二圈，超慢站站停之餘，仲要下下上手都係四色雪糕，淨係記得自己食過舖小四喜咁大把，生日派錢咁樣輸佐三舊幾水…

打完牌駕車走，仲要再多謝埋警察叔叔送我一張三百二o既牛肉乾畀我做生日禮物！>_< 平時好日都唔入一次錶，今日入佐兩個鐘反而畀人抄牌，真係冇天理，以後咪駛旨意我會入錶泊位！可惡！

>>April 22, 2008 at 1:19:25 AM GMT+8

2008 年 4 月 11 日 星期五 【陰】

其實生日年年都有冇乜特別嗟，唔駛搞咁多o野同我慶祝喎！

老細知我生日，特登買佐生日蛋糕同我慶祝，多謝晒！



晚間同呀Ben、Charles食飯。原來Charles條友仔鬼鬼鼠鼠年幾前已經結埋婚搬佐出o黎住，真係估佢唔到… @_@ 仲要咁鬼老友都唔請我o地飲，怕麻煩我o地之類o既藉口真係難以接受，吹脹！

都係呀Ben好o野，睇人夠晒準，問o的問題又夠晒到肉，三兩下手勢已經吐晒Charles條友仔o的料，所以有時真係抵佢摸到條財路賺到錢。

>>September 1, 2008 at 2:49:59 AM GMT+8

2008 年 4 月 10 日 星期四 【陰】

唉…我o係度諗︰我幾時先可以過返正常o既返工生活呢？

老趙、無能clerk接連離開，換上唔想坐暖張凳o既新老細同唔夠細心o既新PA，冇佐一個全力幫我執漏o既老細，同埋冇佐個雖然無能但係專做繁複o野o既下屬，而家我日日都生活係繁忙同混亂之中…

以前老趙o係度我OT都係一陣間，或者真係有o野做先陪o下老趙OT，但係而家搞到好似老馮要OT咁，o的o野日日返到去都好似做唔完咁，有時又要執個PA手尾，因為佢draft o個o的文件有時真係極唔小心…而且o的MS Word同Excel真係比呀Mi仲要差，有時都唔知點教…

唉…想死…

不過好在您今晚話好掛住我，所以o黎佐接我收工，咁都叫做冇咁頹有咁苦。您真係抵錫！>3<

>>April 22, 2008 at 1:04:54 AM GMT+8

2008 年 4 月 9 日 星期三 【陰】

太多o野做太過忙，一時間唔記得佐您今晚一早已經約佐朋友仔食飯（仲要去大角咀打邊爐都唔預我！），而我又一早話佐畀媽媽聽唔返去，咁o岩Kenji話今晚想去赤柱燒o野食，等埋呀偉同佢條女，咁就順理成章變佐五人成行o既BBQ之夜…

雖然我係放六點鐘，但係都做到七點幾同Kenji一齊去挪車，再去油站點知個水喉又鎖佐唔畀洗車，等到八點接埋Vicky先去買BBQ o既用品同食物，結果四圍都閂晒，等到呀偉收工集合完，最終都係要改地方，先入石澳買扒類食物，再折返大浪灣燒o野食。

一坐低未開始起爐，已經吸引到成群貓走埋o黎，好耐都冇試過自己起個火燒o野食，又別有一番樂趣，而且因為閒日o既關係，成個場都只係得我o地五個人，自由自作唔局促，幾好。

除佐餵貓之外，Kenji買佐o的薄餅溶晒黏到成pat屎咁，又畀佢諗到當飛碟咁玩喎，真係淨係睇佢同呀偉玩都好好笑，勁飽… @_@

十點半燒到十二點幾，近近o地返到屋企都係點幾鐘。累累o地…

>>April 15, 2008 at 1:28:32 AM GMT+8

2008 年 4 月 8 日 星期二 【晴】

See How Smart are you????

A PRE-SCHOOL TEST FOR YOU

Which way is the bus below travelling? To the left or to the right? (I will give you a clue, this bus is in Australia)



Can't make up your mind? Look carefully at the picture again.

Still don't know?

Pre-schoolers all over Australia were shown this picture asked the same question.

90% of the pre-schoolers gave this answer. "The bus is travelling to the right ."

When asked, "Why do you think the bus is travelling to the right?"

They answered: "Because you can't see the door to get on the bus."

How do you feel now???? I know, me too.

>>February 24, 2009 at 4:04:52 AM GMT+8

2008 年 4 月 7 日 星期一 【晴】

第一個與最後一個
高慧然
《蘋果日報》2008年3月29日

如有選擇，你希望做他/她的第一個，還是最後一個？

如有選擇，你希望他/她是你的第一個，還是最後一個？

有個女人耿耿於懷對我說，「但願我從未經歷過別的男人。」女人通常唯美，當女人遇到最後一個男人，她會後悔自己的心中曾經住過別的人，後悔曾經讓許多不堪的男人進入她的身體。她情願一切從頭開始，他是她的第一個男人。而男人天生的征服慾與獨佔慾也注定了他們想成為女人的第一個。

可是，如果沒有經歷過「第一個」、「第二個」……我們又如何確定誰可以成為「最後一個」呢？戀愛的能力不是天生的，而是在挫敗中累積經驗，邊經歷邊學習的。

另一個女人駭笑著跟我說，「我才不要跟處男拍拖！太可怕了吧？」一個從未有過戀愛經驗的男人，一旦拍拖，可以是狂熱至執妄的。要經歷過很多次失敗，他們才不得不相信，戀愛成敗，像命運，不完全由他操控。也有男人告訴我，經歷愈多，定力愈夠。愈單純的男人，愈經不起誘惑。

初戀的時候，我們其實不清楚自己需要甚麼樣的伴侶，很多時候，是跟隨本能的生理衝動去擇偶。跟將來很多次理性擇偶相比，第一次生物性擇偶帶來的身心刺激最強烈，那種多巴胺、羥色胺的分泌帶來的生理快感是我們一生無法忘懷的。所以，很多人對初戀念念不忘，即使它最後爛尾收場。

所以，想讓他/她念念不忘的，做他/她的第一個。

希望他/她定力足夠，經得起誘惑的，做笑到最後的那一個。

----------------------------------------------------------------------------------------------------------------------------

自從7A事件之後，我就一直堅持唔搵處女做女朋友，so far我覺得呢個決定係正確o既，同樣o既事情從此冇再o係我身上發生。多好。

>>April 15, 2008 at 12:57:44 AM GMT+8

2008 年 4 月 6 日 星期日 【晴】

去佐睇劉德華o既《三國之見龍卸甲》（英譯︰Three Kingdoms Resurrection of The Dragon），講真套戲真係爛到唔識講，同之前套《投名狀》真係差得遠。o的戰爭打鬥場面假到冇朋友，真係噴條血出o黎都假過人，仲要搵個完全冇中國味o既Maggie Q去拍古裝，真係完全失望。

唔係劉德華o既die hard fans的話，貼錢畀我入戲完睇都未必肯…唉…港產片…


睇完戲我o地即刻坐車返入大埔，原因竟然係為佐要買一包米！為佐呢包米，我o地四出奔走，左撲右撲，呢間冇o個間冇，呢度貴o個度又唔平，嚴重唔明白點解o的物價可以突然之間升佐成十個巴仙有多，o的超市仲宣稱自己係o的咩無底價呀、慳家王呀咁，全部都係講大話，咁講法真係遲早餓死… @_@

>>September 1, 2008 at 2:51:32 AM GMT+8

2008 年 4 月 5 日 星期六 【炎熱】

點煙
李純恩
《蘋果日報》2008年4月5日

大陸電視劇《士兵突擊》裡有一場戲，一個解放軍軍官到農村去招兵，在院子裡擺了一張桌子，跟村民講解招兵細節。

一群村民搬著長凳短凳坐在軍官面前，中間大概隔了兩三米距離。在他們眼中，軍官是個值得尊敬的人物。為了表示自己的敬意，他們一邊聽軍官解說，一邊從煙盒裡抽出香煙，隔空扔給軍官。

一個村民扔煙，其他村民跟著扔，一時之間，人人都抽出香煙往軍官扔去，弄得軍官應接不暇，顧此失彼。那個場面，就像動物園遊客扔食物餵猴子，熱鬧得不得了，非常滑稽，卻出於一種敬意，如果你少在中國農村走動，會覺得匪夷所思。

在這一齣講軍旅生涯的電視劇中，你可以充份看到香煙是如何作為一種人際關係的媒介，在中國人之間發揮巨大的作用。一根香煙，在甚麼時候遞給人，遞給甚麼人，甚麼人應該遞甚麼價值的香煙，甚麼人遞的香煙可接，甚麼人的香煙不可接，都有講究。

香煙是見面禮，香煙是友誼的交往，香煙是賠罪的靈丹，香煙是打開尷尬局面的調和劑，香煙是一種鼓勵，也可以是一個馬屁。如果你看過《集結號》，就會知道幾包香煙，可以把人送上前線，變成炮灰。

奧運火炬點得中國人心沸騰，但跟中國的香煙相比，不過是個小火花而已。如果允許的話，一定有不知多少人，會圍上去用那支火炬為自己點一根香煙。點煙，才是真正的中國文化。

----------------------------------------------------------------------------------------------------------------------------

我o既「一煙解千仇」o既理論居然有人撐！yes！

>>April 14, 2008 at 2:09:23 AM GMT+8