2008 年 3 月 5 日 星期三 【微冷】

今日去唱K，發現古巨基又出佐隻新o既串燒歌，唱國語o既。以後去唱K唱晒佢兩首串燒歌都已經斷氣，唔駛唱其他歌喇…

不過您話畀我搞到您冇晒聲喎…係咩？ >3<

----------------------------------------------------------------------------------------------------------------------------

勁歌金曲2情歌王
古巨基

（Forever Love　王力宏）
愛你不是因為你的美而已　我越來越愛你　每個眼神觸動我的心

（兩個人的煙花　黎明）
最愛你的是我　否則你怎麼樣我　否則我怎麼可能赴湯蹈火　你說甚麼都做

（如果．愛　張學友）
如果這就是愛　在轉身就該勇敢留下來　就算受傷就算流淚　都是生命裡溫柔灌溉

（童話　光良）
我要變成童話裡　你愛的那個天使　張開雙手　變成翅膀守護你
你要相信　相信我們會像童話故事裡

（很愛很愛你　劉若英）
往更多幸福的地方飛去　很愛很愛你　只有讓你擁有愛情　我才安心

（我願意　王菲）
我願意為你　我願意為你　我願意為你忘記我姓名　只要你真心拿愛與我回應　我甚麼都願意為你

（好想好想　古巨基）
好想好想　好想好想　好想好想　和你在一起

（明天我要嫁給你　周華健）
明天我要嫁給你啦　明天我要嫁給你啦　要不是你問我　要不是你勸我　要不是適當的時候你讓我心動

（不得不愛　潘瑋柏/弦子）
天天都需要你愛　我的心思由你猜　I LOVE YOU　我就是要你讓我每天都精彩

（陰天　莫文蔚）
開始總是分分鐘都妙不可言　誰都以為熱情它永不會減　總之那幾年感性贏了理性那一面

（飛機埸的10:30　陶吉吉）
baby baby baby baby baby baby... 　是不是擁有以後就會開始要失去　我給你的越多　你卻越想要躲　愛已無法回答所有的問題

（那麼愛你為甚麼　黃品源/莫文蔚）
離開你是傻是對是錯　是看破是軟弱　這結果是愛是狠　或者是甚麼

（你怎麼捨得我難過　黃品源）
最愛你的人是我　你怎麼捨得我難過　對你付出了這麼多　你卻沒有感動過

（愛我別走　張震嶽）
愛我別走　如果你說你不愛我　不要聽見　你真的說出口　再給我一點溫柔

（讓我歡喜讓我憂　周華健）
就請妳給我多一點點時間　再多一點點問候　不要一切都帶走　就請妳給我多一點點空間　再多一點點溫柔　不要讓我如此難受

（原來你甚麼都不想要　張惠妹）
原來你甚麼都不想要　我不要你的承諾　不要你的永遠　只要你真真切切愛我一遍　就算虛榮也好　貪心也好　最怕你把沉默　當做對我的回答　原來你甚麼都不想要

（用心良苦　張宇）
你說你想要逃　偏偏注定要落腳　情滅了愛熄了　剩下空心要不要

（祝福　張學友）
傷離別離別雖然在眼前　說再見再見不會太遙遠　若有緣有緣就能期待明天　你和我重逢在燦爛的季節

（吻別　張學友）
我和你吻別　在無人的街　讓風痴笑我不能拒絕　我和你吻別　在狂亂的夜　我的心等著迎接傷悲

（把悲傷留給自己　陳昇）
能不能讓我陪著妳走　即然妳說留不住妳　回去的路有些黑暗　擔心讓妳一個人走

（征服　那英）
就這樣被你征服　切斷了所有退路　我的心情是堅固　我的決定是糊塗

（聽海　張惠妹）
聽海哭的聲音　嘆惜著誰又被傷了心

（味道　辛曉琪）
和你身上的味道　我想念你的吻　和手指淡淡煙草味道　記憶中曾被愛的味道

（我懷念的　孫燕姿）
我懷念的是無話不說　我懷念的是一起作夢　我懷念的是爭吵以後　還是想要愛你的衝動　我記得那年生日　也記得那一首歌　記得那片星空　最緊的右手　最暖的胸口

（領悟　辛曉琪）
啊！多麼痛的領悟　你曾是我的全部　只願你掙脫情的枷鎖　愛的束縛任意追逐　別再為愛受苦

（月亮惹的禍　張宇）
都是你的錯　在你的眼中　總是藏著讓人又愛又憐的朦朧　都是你的錯　你的痴情夢　像一個魔咒　被你愛過還能為誰蠢動

（我們的愛　F.I.R.）
我們的愛　過了就不再回來　直到現在　我還默默的等待　我們的愛　我明白　已變成你的負擔　只是永遠　我都放不開　最後的溫暖

（你把我灌醉　黃大煒）
你把我灌醉　你讓我流淚　扛下了所有罪　我拚命挽回　你把我灌醉　你讓我心碎　愛得收不回

（眼淚　范曉萱）
哦…眼淚　眼淚都是我的體會　成長的滋味　哦…眼淚　忍住眼淚不讓你看見　我在改變　孤單的感覺　你從不曾發現　我笑中還有淚

（情非得已　庾澄慶）
只怕我自己會愛上你　不敢讓自己靠的太近　怕我沒甚麼能夠給你　愛你也需要很大的勇氣

（你是如此難以忘記　梁朝偉）
你是如此的難以忘記　浮浮沉沉的在我心裡　改變自己需要多少勇氣　翻騰的心情該如何平靜

（心太軟　任賢齊）
你總是心太軟心太軟　把所有問題都自己扛　相愛總是簡單相處太難　不是你的就別再勉強

（Forever Love　王力宏）
Forever Love Forever Love　我只想用我這一輩子去愛你　從今以後　你會是所有　幸福的理由　Forever Love Forever Love Forever Love

>>March 17, 2008 at 12:26:32 AM GMT+8

2008 年 3 月 4 日 星期二 【微冷】

近期連我呢個冇乜電視癮o既人都睇多佐電視，因為實在太方便啦，出佐街或者掛住上網睇唔到都可以上網睇返；又或者食完飯冇o野做又可以睇餐飽。

您成日都話我周街彈人醜樣身裁唔靚，o係我心目中都唔知邊o的先叫做靚女（咁最靚o個個就梗係您o架啦！）。原來o係《同事三分親》裡面，我見到有個人真係可以話係靚o架喇，佢就係簡慕華。


正！

>>September 2, 2008 at 3:13:36 AM GMT+8

2008 年 3 月 3 日 星期一 【微冷】

今晚本來約佐同事教完我上公司個電腦system之後再請佢食飯，但係佢教完之後又話今晚想返屋企食飯，下次先再約過，咁冇法啦，又話佐唔返屋企食飯，唯有再做一陣o野先算。

做完o野諗佐陣搵邊個陪我食飯好，打過畀一兩個friends都各有理由陪唔到我，再搵返澳洲老死Ken仔，之前搵佢幾次都唔得閒，一係就唔聽電話，今晚試一試，條友雖然已經食完飯，但問我有冇興趣上去佢度坐o下吹o下水，ok！之前都想上去佢度睇o下，擇日不如撞日，駕埋架車去接佢入元朗。

入到元朗食碗粉，再上佢屋企。條死仔搬佐出o黎住，佢就好啦，熟人介紹租都平o的。雖然屋仔細細，但一個人住冇問題，廚房廁所樣樣有，仲有兩個房，兩個人住都ok啦！

同Ken仔一齊多數都係傾o下大家o既前途問題，雖然每次都冇乜結論亦冇earn big money o既方法，但係總算互相傾訴o下工作上o既怨屈氣，佢考晒o的agent試啦，仲話有一次o的人考試有晒past papers，但係冇話畀佢知，結果o個科就肥佐，條氣好唔順…唉！o係香港畢業o既學生就係咁o架啦，係有一套考試文化同模式，佢呢個澳洲仔o係o個邊讀佐咁多年書，係好難融入呢類低能文化o架喇，過去佐就算罷啦…

不過佢而家o既status都仲係好unstable，究竟呢份工佢又可以做到幾耐呢？相反我就已經o係同一間公司服役佐三年喇…唉…已經欠缺佐出去闖o既勇氣喇，講真三年o黎都仲未好深入熟悉晒公司裡面o既o野，又點可以談得上出去搏殺o丫…再做o下睇o下點先啦…

>>March 4, 2008 at 3:52:23 AM GMT+8

2008 年 3 月 2 日 星期日 【微冷】

婆婆話唔知最近係咪工作壓力大佐，o的o野成日都好似做極都做唔完咁，話怕會好似其他人咁，一時睇唔開做埋o的傻o野… @_@

我覺得又唔駛咁灰o既…您o既情況就好似英格蘭超級聯賽打到去季尾o既時候，裡面其中一支陷入降班漩渦o既球隊咁，由於淨返幾場波可以搶分護級，其他護級o既球隊又咬住咬住，所以o係球場上o既每一分鐘都要搏到盡，真係一分都不能少。

隊波裡面雖然係有一、兩個勁人，但係其他球隊卻係粒粒皆星，一個球星已經可以玩死你成隊波，唯有全場十一個人每人出多兩錢肉緊，希望挪到護級o既寶貴一分。點解o的球隊會咁怕降班呢？因為o係英超踢o既每一場波，都有大量o既電視轉播收入。一但唔好彩降班，簡直就係大災難，因為成隊波有一大堆人要養，球會裡面樣樣o野都係錢，所以點死都要keep住英超o既一席位。

不過球員都係人，總會偶有失準，冇可能場場踢到一百分，唯有盡力而為，務求對得住班主、領隊同球迷，即使輸波降班，亦打出一場精彩o既球賽。

有我呢個die hard fans支持您，您又駛乜怕o丫！啜~

>>March 4, 2008 at 3:38:26 AM GMT+8

2008 年 3 月 1 日 星期六 【微冷】

我o地去佐「親親大自然」燒o野食o丫！

搞佐一大輪，先發現原來您所指o既「親親大自然」，其實就係我上網搵到o既「大尾篤燒烤場」，頂！


原來o係大埔駕車入去大尾篤唔係好耐咋喎，比我想像中近好多，以前踩單車好似踩極都踩唔完o既路，今日駕車入去來來回回四圍搵個「親親大自然」牌坊都唔覺用佐o的咩力，有車真係相當方便，絕對唔認同Kenji o既睇法，車只係冇目的o既時候兜風用，我認為車係要有目的地咁樣用先合乎經濟成本效益。

嘩！呢度都幾大地方喎，泊車又唔駛錢唔怕畀人抄牌。鳥語花香（唔覺），山明水秀（風景真係ok靚），聞說話呢度係唔知乜鬼海岸公園紅樹林保護區喎，環境一般啦…


比較黃金海岸，呢度又冇o個種華麗；比較馬鞍山o個個咩烏溪沙附近，呢度又欠缺特色。所謂「親親大自然」，只係幾隻山羊同埋白兔，再加幾個種植物o既區域，又未免有o的呃細路。anyway，我都只係要佢provide一個leisure o既地方嗟，兩個人一份BBQ套餐又唔係好貴，都冇乜特別要求o架喇。

呢度o既日落係落山o架，唔知流浮山o個個係咪落水o既呢？搵日真係要去睇o下。


唔知係咪讀chem o既關係，對於生態紅樹林呢類bio o野冇乜特別大o既興趣。您亦唔係鐘意睇山水風景o既人，所以都只係自己行出去睇睇，見冇乜新奇趣怪o野，就返去燒o野食o個度。


呢期您話您「女人之苦」，火氣真係大佐o的，我都只係佻皮少少嗟，您就話我激您喇… @_@ 影o的相留為紀念嘛，第日睇返o的古怪樣，諗返今日o既經歷，其實都係一段美好o既回憶。唔單只係腦裡面o既回憶，更有實物做record，兩全其美嘛！

食完個BBQ，估唔到我o地都玩佐差唔多四個鐘，再返出去Rainbow食糖水。

今日出一出去好過留o係大埔打牌啦！

>>September 2, 2008 at 3:33:20 AM GMT+8

2008 年 2 月 29 日 星期五 【微冷】

四年一度，我最愛o既婆婆生日快樂！

您話我朋友仔賣o個o的花連續兩次都比較殘，為佐滿足女人o既「虛榮心」，今日就唯有幫襯返我間御用花店Yume啦。不過打電話畀錢訂花，再由花店送花都係有o的冒險，唔知佢會畀o的點o既貨我，唔食lunch都要親自出馬去買去揀啦…不過送得到您公司樓下都成兩點鐘喇，好急趕呢…

您唔係咁鐘意白玫瑰o架喎，奶白色又如何呢？您好似好鐘意咁喎！都話幫襯Yume好o架啦，又嫌冇變化…


今日其實都幾忙碌，加上要招呼Leasing一個最近新o黎o既奇怪seven人，臨放工前又要做條數畀新翠最cheap精o既客茶軒，搞到八點三先去到接您收工，雖然您之前冇同我講過要八點半鐘呢個時間返到入大埔同您屋企人食飯，但係生日大晒o既，您話係就係啦。即時飛車入去囉，四個字都返到去啦，遲佐少少之嘛。

同您個姨甥仔食飯，有時又真係「小朋友偏食，大人擔心到極」o個隻。如果我第日有小朋友的話，佢一定唔駛旨意揀飲擇食，唔鐘意食就咪鬼食，咪正餐唔食返到去又話肚餓。

>>September 2, 2008 at 3:43:10 AM GMT+8

2008 年 2 月 28 日 星期四 【微冷】

今日又係Carol飯局喇，本來今晚話去大角咀打邊爐o架，但係大家為佐遷就我食完飯後有o野做，都過佐o黎新翠4樓架酒樓食，嗯…感動！

車！今期都冇乜料爆o既，冇故仔聽，冇急轉彎o既突發性發展…噓…

Carol同David仔都換佐iphone喇，我都好想要呀，但係到目前為止坊間都仲係得水貨，雖然之前部Mo記都畀我自己解晒鎖，但係我始終對水貨冇乜信心，唔想煩，但係等到頸都長喇，流晒口水…仲有David仔o既iphone殼呀，好靚o架，好想要…

食完飯之後呀Ken o個邊又未搞掂，咁就順勢去挪車，送埋Carol落銅鑼灣，再畀Angel呢個齋挪牌冇乜駕駛經驗o既「舊牌仔」o係小西灣駕佐一段，之後就正式散band去night check喇。

>>March 22, 2008 at 1:45:06 AM GMT+8

2008 年 2 月 27 日 星期三 【微冷】

天天長大天天高~

今日電視劇《最美麗的第七天》中有個女人叫個男人幫佢買衛生巾，想玩佢喎，個男人就勁為難咁。不過對於我o黎講，買姨媽巾？買胸圍底褲？ok！no problem！

唔知係咪我個人比較奇怪同唔信邪，定係生性比較風流，我對呢o的有人視為忌諱o既「女人o野」，真係一o的抗拒都冇。

自細已經有時要幫媽媽收衫晾衫，對於o的女人胸圍底褲只係視在一件衫o黎睇，唔覺得有乜咁污糟蠟塌，即使賭錢時見到o的乜乜「春光」亦冇覺得邪。之前搬過出o黎住，亦時不時要幫以前o既女友買衛生巾，咪又係一件貨，有乜特別呢？

都唔係好明點解呢o的咁o既橋段o係編劇眼中會係一件咁尷尬o既事，呢o的思想真係封建加于腐。

>>March 20, 2008 at 1:36:41 AM GMT+8

2008 年 2 月 26 日 星期二 【颳風】

爸爸生日快樂！不過爸爸唔o係香港喎…點解六十歲人都仲要成日都要去第二度公幹咁辛苦？

今朝起身好眼訓，坐低一陣都係頂唔順，見老細今日唔返o黎，即時閃佐去更衣室蛇一蛇，蛇到十二點先蒲頭開始做o野…今日要做租單，勁唔想做…唉…

做埋o的濕碎o野都食飯喇，食完飯就開始做租單。本來一個人做要做足全日o架，又要撕又要print又要影印又要執整晒o的文件之類，再摺好晒入落信封度貼埋郵票挪去寄等，不過今日四個鐘就搞掂，因為Cyman幫我手。

其實呢個新人呢，都算幾肯做，不過可能o的o野未做過，所以有o的生手，希望佢快o的pick up晒我平時o的routine o野，可以隨時做到我o既backup，咁就very good喇！

睇佢都唔係蠢，有時都識蛇o下，應該掂o架喇！

>>February 27, 2008 at 1:34:18 AM GMT+8

2008 年 2 月 25 日 星期一 【颳風】

今日係妹妹生日，生日快樂！

放佐工返到屋企，上網摷黃金海岸上次同您去BBQ o個間餐廳o既電話，點知搵來搵去都搵唔到，心諗點解個網頁可以咁cheap，就打去佢個customer services o既電話，我問佢o係一樓有得燒o野食o個間餐廳個電話係幾多號，點知答o個個人話間o野已經執佐…o下！執佐？！

即時好失望，再send sms畀您您又冇覆，唔通您太傷心所以唔聽電話？

早o係一個月之前，您已經話生日好想再去一次o個度BBQ，因為o個度好有情調。最近您仲同我講要自己準備食物去燒，因為o個度o的o野好頹，又話要book個入o的o既位，因為要偷炭…

好有期望，點知失望仲大… =(

真係好唔開心，唔可以再一次o係o個度同您分享浪漫o既時光。再一次證明，光陰同機會都係好短暫，美好o既時光，如果並未成為過去，回憶o係上o黎，又冇得再去經歷，往往比起過去佐漸漸忘記o既事更加令人更加沮喪…

或者，上天安排佐我o地只可以去o個度玩一次；或者，我o地更加應該慶幸，我o地o係間o野執笠之前仲o係o個度留下過最美好o既回憶。即使係拍過咁多次拖，有咁多朋友，都係第一次去黃金海岸，係由您陪我一齊去經歷o既第一次。

>>February 26, 2008 at 1:15:47 AM GMT+8