2008 年 1 月 5 日 星期六 【颳風】

今日您要去法國醫院聽talk，本來半晝就搞掂，點知無端端畀人拉雜成軍要attend埋下晝o個part，結果訓醒佐o既我慢條斯理出門口，坐車去到旺角再汗都唔留一滴咁慢慢行過去九龍城您都未搞掂，唯有去九龍城打個圈，睇o下邊度會有好o野食，同埋o係邊度通街泊車唔駛錢又唔怕畀人抄牌啦…或者第日有機會過o黎呢邊食飯都唔定。

到您搞掂晒都已經三點幾啦，無所是事咁返佐您屋企食晚飯，同呀B玩o下咁囉…呢兩張係呀B o既近照呀！隻傻狗凍到要著衫喎！呵呵…其實佢可能覺得熱都未定… @_@


食飯前您二家姐話打牌喎，打佐兩圈又突然話要食飯，真係麻鬼煩！真係乜都係佢講o既！吼！

好邪呀！自摸絕將一筒食十三么呀！問你死未！不過成晚都係輸幾廿蚊，同老人家玩，冇理由贏佢錢嗟…嘻！

>>September 3, 2008 at 12:08:39 AM GMT+8

2008 年 1 月 4 日 星期五 【颳風】

一人價錢，三人份量，真係想做死人咩！

十三妹連續幾日都打過電話畀我，不過我都冇時間去接佢電話…

原來佢已經入院廠做手術，都話實冇事o架啦！都話佢福大命大o架喎，搞佐幾鑊大o野，入佐幾次廠都大步檻過，今次又畀佢倖倖然咁過骨，都唔知對佢係好事定係壞事。

究竟係咪真係要搞到今宵有酒今宵醉呢？佢個胃搞成咁佢就梗係要自己付上大部分o既責任o架喇，話極唔聽係要飲。不過有時當一個人去到一個階段，前路茫茫不知去向，確實又會寧願將精神、時間寄託o係某o的事物上，「沉溺需要深需要一種氣氛」，呢種氣氛，難道要飲完酒先至出現？要靠飲酒先可以營造？

唉…

>>January 22, 2008 at 12:24:32 AM GMT+8

2008 年 1 月 3 日 星期四 【乍雨乍晴】

無意間o係哲學版o既新聞組睇到篇咁o既o野，鉤起佐唔少o係大學時期修讀佐幾個credits o既「聖經文學」一科。我唔係一個宗教狂熱者，只係想o係其他角度去認識、去欣賞呢個宗教…

梁文道o既專欄或者文章，係唯一可以引起我o既興趣去o係報紙上用心閱讀一篇o既現代文人、作家、社評家。

----------------------------------------------------------------------------------------------------------------------------

《你的聖經說的是哪一種話？》
梁文道

一百五十年前，演化論面對的最大對手就是創造論了；一百五十年之後，演化論的最大對手依然是創造論。只不過和演化論一樣，創造論在這一百五十年間也「進化」了不少，發展出許多變型版本。

一般受慣無神論育的中國人大概想像不到，在不同版本的創造論頭，今天還有人認同其中最古老的一種，那就是「年輕地球創造論」了。這種理論堅信《聖經》所言，上帝用七天創世就真是七天，一天不多一天不少。

之所以叫做「年輕地球創造論」，是因為按照七天創世的前提，我們可以從亞當和他的後裔一代代數下來，發現地球很可能只有一萬年上下的年紀，與今天科學界普遍接受的四十五億年的說法差得極遠。誰會相信這套理論？赫卡比（Mike Huckabee），美國共和黨總統候選人之一，剛剛才贏了愛荷華州的黨內初選。

我認識一些基督徒，他們對待《聖經》的態度也是這般認真，覺得面一字一句全都是正確無誤的，而且是字面上的正確無誤，說甚麼算甚麼。我不敢反駁，只是好奇他們讀的到底是哪一本《聖經》？萬一大家讀的是不同版本的《聖經》，哪又該怎麼辦呢？比方說摩西的母親為了保住兒子的命，就把他放進一隻籃子，浮河而去。這籃子是用甚麼做的呢？

無論是我這批朋友查考新和合本《聖經》，還是我自小翻閱的公思高本《聖經》，都說這是隻「蒲草」籃子。然而，若照馮象的說法，它應該是埃及盛產的「紙草」（gome）做成的。馮象還推測這錯誤是「傳士們開的頭，誤讀欽定本譯文ark of bulrushes所致。英語bulrush一般指歐洲和近東的寬葉香蒲，但用於譯經則兼指紙草。故欽定本並未誤譯，是傳士母語不精，對莎士比亞時代的語文不熟，屬於『七月流火』望文生義一類的閃失」。

馮象何許人也？竟然批評集一代各派傳士英才合力譯成的和合本，竟敢說這些母語就是英語的譯者「母語不精」？

說起來這可是位當今華文世界罕見的奇人。北大英美文學碩士、哈佛中古文學博士、耶魯法律博士（J.D）；通希臘文、希伯萊文、拉丁文、法文、德文及古英文；主業是在美國當律師，專事知識產權與競爭資訊方面的官司；副業是文字，曾翻譯《貝奧武甫》為中文，寫過在內地影響力很大的法學散論集《木腿正義》……。

近年他最重要的工作就是以一人之力重譯《聖經》。譯經？這是何等的大事，為甚麼他在香港牛津大學出版社出的《摩西五經》，和江蘇人民出版社替他出版的《創世記：傳說與譯注》與《寬寬信箱與出埃及記》都沒有得到文化界廣泛的重視討論呢？真是奇怪。最近我參加了幾個全國範圍的年度書籍評選，都要特別把他提進名單頭。難道其他書評人都不覺得這是回事嗎？

先不說《聖經》這本人類史上最暢銷的書有多重要（真對不起，它確實比《毛語錄》暢銷），也別管各種語文的《聖經》譯本曾經起過的革命（例如英語欽定本和馬丁路德德譯本都是這兩種語言之轉型和這兩個民族之身份認同的里程碑），光是看看馮象的譯筆，就知道這是近十年華文翻譯事業不同凡響的成就了。

且從《聖經》開篇第一章第一句看起，馮象的翻譯是「太初，上帝創造天地。大地無形，一片混沌，黑暗籠罩深淵。上帝的靈，在大水之上盤旋」。思高本則是「在起初天主創造了天地。大地還是混沌空虛，深淵上還是一團黑暗，天主的神在水面上運行」。至於和合本則作「起初神創造天地。地是空虛混沌，淵面黑暗，神的靈運行在水面上。」

以文學言，馮象的版本氣勢雄渾，遼闊悠遠，絕對比後兩者更配得上天地初開的景象；而且語言節奏感特別好，凝重而從容，乃上佳的中文。再說意義的準確，單是「太初」二字就比「起初」在「在起初」強多了。正如馮象自己所說的，此乃宇宙誕生的一刻，在「上帝創造天地之」之前，連時間都還沒有，「太初」正好有開始的開始的意思，而「起初」則給人一種直線時間已然存在的感覺。

（馮象譯經二之一）

>>January 7, 2008 at 11:46:03 PM GMT+8

2008 年 1 月 2 日 星期三 【乍雨乍晴】

一直搵緊一首草蜢o既舊歌，係收錄o係「草蜢音樂店Grasshopper Shop」呢隻album裡面o既第12首歌…如果有人有呢首歌o既mp3，就send去我email度（[email protected]）。功德無量。

好鐘意呢首歌，令我諗返起中四、五時無憂無慮o既生活，同埋一班死黨…

某月某日那個晚上的深淵
草蜢

漆黑之中不斷去想
昨日現在實太抽像
我已覺太疲倦
這晚滿腦凌亂
點起香煙不再想

呼出的煙圈在擴張
活著像夢沒法想像
彷彿如霧裡　消失我的方向

失蹤記憶　心中暖意漸凍
我放棄以前　追憶添悲痛
彷彿一生都變空　

這刻晚空　飄飄冷雨亂碰
那裡有笑容　冷意卻更濃
卻怕冷笑更是冰凍

漆黑之中不斷去想
昨日現在實太抽像
我已覺太疲倦
這晚滿腦凌亂
點起香煙不再想

呼出的煙圈在擴張
活著像夢沒法想像
彷彿如霧裡　消失我的方向

多苦痛
我這一生仿似給操縱
墮進深淵卻沒盡頭　像半空
多苦痛　我已消失一切的所愛
願有溫馨愛意蕩來　不冰凍

漆黑之中不斷去想
昨日現在實太抽像
我已覺太疲倦
這晚滿腦凌亂
點起香煙不再想

呼出的煙圈在擴張
活著像夢沒法想像
彷彿如霧裡消失…

>>January 8, 2008 at 2:42:10 AM GMT+8

2008 年 1 月 1 日 星期二 【乍雨乍晴】

淨係做filing都做佐四、五個鐘…唉…呢個無能clerk真係害人不淺！

好在您過佐o黎陪我嗟！呵呵呵…不過淨係要您睇住我做o野好似悶親您喎…

您話聽晚要同同事farewell，所以今晚陪佐我食飯先，您對我真係好！呵呵呵…（偷偷笑…）

沖沖o下涼見到o的搞笑o野…


嘩！支「紅威寶」o既包裝製作真係好唔認真囉！你睇佢o丫，求求奇咁print o的公仔上去，個女人o既面目幾猙獰呀，嚇死人咩！ccc！

>>September 3, 2008 at 12:10:45 AM GMT+8

2007 年 12 月 31 日 星期一 【乍雨乍晴】

琴晚狂做份annual report，因為今日係deadline，點知下晝打去問o下個regional i/c o係唔o係度，答案居然係條友食晏之後已經閃佐！！！

中午前都係頂唔順，去佐locker房訓佐一陣，連飯都冇食，又拎個report出去laser print同埋釘裝。不過今日又有人射波，結果又唔夠人當值唔可以派人出街送文件…唉…成日都係咁，點搞呀？公司可唔可以畀多o的人工請人呀？！

本來諗住下晝蛇出去睇醫生，但係鬼咁多人，唯有放佐工先去睇。病病o地，為免病情有所惡化，都係睇定先為妙。累到嘔，食完葯都開始昏迷喇…

又一個毫無特別o既除夕，畀您話我o地o既第一個聖誕同除夕都好悶冇o野搞添… @_@

>>January 8, 2008 at 2:51:52 AM GMT+8

2007 年 12 月 30 日 星期日 【颳風】

放假…

早個幾月頭不斷有人問我開佐facebook未，雜誌報紙網站不斷有為呢樣o野介紹同宣傳。最後我十一月頭終於都開佐個account，發覺除佐可以搵到o的friends，作為一個聯絡工具外，裡面大部份o既o野都係極之無聊同o徙時間。

o係得閒無聊冇o野做o既時候的確可以幫人kill到唔少time，但係最近無能clerk走佐，日日做到隻o野咁，返到屋企都冇乜精神再玩個facebook，而且對於不斷要人重複做相同o既o野實在令人玩多兩玩就厭…

o係我個facebook入面，我add佐fluff呢個程式，係玩養寵物同埋寵物鬥快，初初玩都幾得意，後尾開始玩捧盃，佢要迫人add到30個人同埋贏最多，先可以有金盃，於是就無聊地add佐o的random人，諗住快o的挪到隻盃。點知遇到個低能人！條友養到隻o野係比我跑快六七八倍，但係個勝率就一直比我低。佢好似挪唔到金盃就死唔罷休咁，仲要試過有一日連續屈佐我三四十舖機，以圖拉近我o地o既勝率差距！

我發現佐就梗係屎都滾啦！你用茅招我唔識用咩？！我勝率高過你，我只係欠人之嘛，我就一於自己開佐十幾個accounts用o的dummy accounts o黎谷高自己o既勝率同人氣囉，我唔會用o的傷害人o既方法去踩低人抬高自己o架喎！大家都係用茅招，但係要「盜亦有道」囉！


結果乜盃我都挪到晒喇，o的dummy accounts我亦deactivate晒，好無聊。我失去o既，係大量時間。我唔玩喇。

>>September 3, 2008 at 12:14:41 AM GMT+8

2007 年 12 月 29 日 星期六 【颳風】

我o地去佐澳門一日遊… @_@ 突然發現近呢三年o既年尾我都係o係澳門度過…邪！

同您影佐o的相，但係知您唔鐘意露面，咁就唯有得您隻玉手出場啦~

搞到中午先o係尖沙咀出發，排長龍買飛加坐船都冇佐兩個幾鐘！以後唔駛旨意我o係中港城坐船過去！到涉後買埋回程o既船飛，點知您打返屋企之後您爸爸居然話唔過夜蝕晒船飛錢！早知問佐佢先出發啦… @_@ 咁就可以多o的時間玩，去多o的地方。

其實我o地今次都冇乜去o的咩地方，o係葡京帶您開o下眼界，但係千祈唔好好似o個o的人咁沉迷，尤其是係o的大陸佬，幾千幾千咁倒落大海，低能的。

跌佐幾百蚊就離開佐賭場，您又想買手信…澳門咁細地方都有所謂o既「特產」，「特產」之中居然會有魷魚絲… @_@ 真係荒謬，不過因為想食，所以都買佐。

澳門o的樓好有歐陸風味o架，呢o的都叫做澳門特色啦，至於其他名勝古跡，都唔知您有冇興趣睇喇，加上話就話間唔中一年都會過去一次半次，但係夜媽媽唔係自己地頭都係唔好亂咁走。我o地去佐打邊爐，都幾高檔o架，又唔係任食，所以都唔敢亂咁叫。但係名牌即係名牌，o的o野食真係新鮮o的好味o的，特登叫佐您最鐘意食o既珊瑚蚌，都真係食到lum lum利~


您仲食到玩添呀！百厭星！埋單亦唔算好貴，做得咁辛苦，食好o的都要啦！


下次我o地買package過夜，兩日一夜多o的時間去多o的地方玩到夠為止，好冇？我愛您！

>>September 3, 2008 at 12:16:24 AM GMT+8

2007 年 12 月 28 日 星期五 【颳風】

沒有無能clerk的日子第一日…救命呀！

不過我好硬頸o既，我係唔信冇佐你呢個無能人會死！我要一力承擔晒！哼！我係唔會畀人睇死o既！呢個世界冇話冇佐邊個唔得o既！

您放佐工就過佐o黎接我收工，真係抵錫！ >3<

我要向自己下戰書，我要一個月之內pick up晒所有個clerk之前做o既o野！老實講，佢做o個o的o野都係o的重複又重複、唔駛用腦諗o既機械式工作，根本就係有冇時間畀我去做o既問題，最多咪蛇少o的、訓少o的、玩少o的、食少支煙！哼！

>>January 17, 2008 at 5:02:02 AM GMT+8

2007 年 12 月 27 日 星期四 【颳風】

今日個無能clerk突然間同我o地講佢已經搵到新工，今日係last day，仲要聽日返新工！！！難以置信，居然有人請佢！KS個「朵」真係唔講得笑！

呢條友仔離晒譜，自己打晒電話上去人事部自己安排好晒離職同補錢即走o既o野，完全架空佐我同新老細o既地位同存在價值，人事部就上晝知佢走，我同新老細就下晝先知，吹脹！

唔知係邊間公司咁唔好彩，請著呢個咁o既怪人，希望佢唔好咁快就畀人炒啦…唯有KS呢個大家庭，先會咁好o既嗟，轉佐咁多個老闆都冇一個人炒佢。

或者佢o既離開，會係KS或者SHKP各部門o既解脫，都係一件好事。雖然係嬲嬲o地，都祝佢前程似「咁」啦…唉…

>>January 17, 2008 at 4:09:06 AM GMT+8