2008 年 4 月 24 日 星期四 【陰】

最近o係網上又流行起「美心呀叔」事件…條片o係Youtube放佐唔夠一個禮拜都已經畀人睇過成十萬次，成二千留言，勁！

女主角超低能，o的評語、回覆勁搞笑…好一個潑婦罵街！醜呀。

做服務性行業o既人都要多謝劉德華o個句︰「今時今日咁o既服務態度未夠o架…」

成件事冇頭冇尾唔知邊個o岩邊個錯，不過美心師傅同拍片條女真係一夜成名喇。

（先按IE「Stop」掣停佐個背景音樂先再按Youtube個「Play」睇。）


個女主角畀人係咁鬧已經刪佐佢自己upload o個段片，而家唯有睇backup。
Youtube︰快餐店亞叔

香港網絡大典︰快餐店亞叔事件

>>May 1, 2008 at 2:00:02 AM GMT+8

2008 年 4 月 23 日 星期三 【陰】

最愛
周慧敏

天空一片蔚藍　清風添上了浪漫
心裡那份柔情蜜意似每無限

在那遙遠有意無意遇上
共你初次邂逅誰沒有遐想
詩一般的落霞　酒一般的夕陽
似是月老給你我留印象

斜陽離去朗月已換上
沒法掩蓋這份情欲蓋彌章
這一剎　情一縷　影一對　人一雙
那怕熱熾愛一場

潮汐退和漲　月冷風和霜
夜雨的狂想　野花的微香
伴我星夜裡幻想　方知不用太緊張

沒法隱藏這份愛　是我深情深似海
一生一世難分開　難改變也難再
讓你的愛滿心內

在那遙遠有意無意遇上
共你初次邂逅誰沒有遐想
詩一般的落霞　酒一般的夕陽
似是月老給你我留印象

斜陽離去朗月已換上
沒法掩蓋這份情欲蓋彌章
這一剎　情一縷　影一對　人一雙
那怕熱熾愛一場

潮汐退和漲　月冷風和霜
夜雨的狂想　野花的微香
伴我星夜裡幻想　方知不用太緊張

沒法隱藏這份愛　是我深情深似海
一生一世難分開　難改變也難再
讓你的愛滿心內

潮汐退和漲　月冷風和霜
夜雨的狂想　野花的微香
伴我星夜裡幻想　方知不用太緊張

沒法隱藏這份愛　是我深情深似海
一生一世難分開　難改變也難再
讓你的愛滿心內

讓我的愛全給你
全給我最愛
地老天荒仍未改

----------------------------------------------------------------------------------------------------------------------------

舊歌永遠都係好聽o的o既！

>>April 27, 2008 at 11:41:46 PM GMT+8

2008 年 4 月 22 日 星期二 【酷熱】

有則嘉勉，無則改之。

----------------------------------------------------------------------------------------------------------------------------

老細說Well done 勝過加人工
《明報》2008年4月21日

【明報專訊】唔好以為淨係細佬仔先至鍾意畀人讚，原來香港o既打工仔覺得老細一句「Well done」、「你好Smart」都可以"lum"死佢地，分分鐘仲開心過加人工。

一間僱員服務顧問公司，做佐個關於辦公室人際關係o既調查，發現有一半打工仔「甚少」、「從不」受到老細既讚賞，又覺得畀人鬧死蠢、無腦，甚至用粗口問候最hurt；有四成幾受訪者就話，面對同事或者老細的摩擦，都會選擇「忍耐、不理或避免問題」。眾多年齡組別中，15至24歲的年輕人更因人際關係差而離職，六成幾45歲以上打工仔更完全唔會同人傾訴不滿。

有兩個個案，其中一個打工仔，因為頂唔順老細每日一鬧，以及老細一句「你都50歲啦，仲唔返去湊孫」，令佢患上抑鬱症，後來得到顧問公司幫助，先同老細「重修舊好」。顧問公司話，其實很多時老細、同事鬧人都係無心之失，無諗過後果咁嚴重，亦唔係玩針對，建議佢地增加溝通。

八成打工仔鍾意男上司
究竟打工仔鍾意男定女上司呢？公司管理顧問孫立民就打佐個譬喻︰男上司概括去睇一個森林，女上司不單會睇森林，連樹枝、周圍D草都會睇，仲要係「高清」咁睇！所以據佢地o既經驗，八成打工仔都鍾意男上司咁話喎。

最"lum"語句
1.Well done
2.加你人工
3.你好Smart
4.慢慢做，做得開心D
5.知你做得好辛苦

最hurt語句
1.死蠢、咩都唔識
2.畀警告信你
3.減人工
4.粗口辱罵
5.你有無帶個腦返工？

資料來源︰盈力僱員服務顧問「同事幾分親——工作間人際關係調查」

----------------------------------------------------------------------------------------------------------------------------

但係，盈力僱員服務顧問個網頁好似唔同《明報》喎…

令僱員最感窩心的說話
1.Well done
2.加你人工
3.你好Smart
4.鍾意同你做o野
5.知你做得好辛苦

最hurt語句
1.死蠢、無腦
2.下次醒o的
3.粗口辱罵
4.被屈（冤枉）
5.（指同事）又放假

新聞稿下載

報告下載

>>April 30, 2008 at 12:35:33 AM GMT+8

2008 年 4 月 21 日 星期一 【陰】

唉…忙到嘔茄…

真係唔知o的LMS o既文件o野仲要拖到幾時先做得晒，公司又得一部機可以上個system，而呢部機又唔係我自己部機，有時真係唔好意思霸住人o地個位咁耐，但係要等佢放假或者收佐工先埋到佢位做o野又驚趕唔切公司六月埋數個deadline，點搞…

唯有睇o下貓貓笑一笑啦！假o既加菲貓呀！快o的搵律師告佢！


呢排婆婆、郵差同十三妹o係工作上都勁忙，勁多OT，突然之間覺得香港人勁勤力仔！

>>September 1, 2008 at 2:46:17 AM GMT+8

2008 年 4 月 20 日 星期日 【陰】

今日要返工呀，好好咁自己一個人，o係office裡面對住公司個Leasing Management System (LMS)，收拾呀Mi留低o既蘇州屎。

期間，收到一個似曾相識o既家居電話號碼，原來係麗平打畀我，佢同我講話佢六月結婚喇，又多個姊妹結婚喇，真係恭喜晒！

今年係咪好年？咁多人結婚o既？！o的人結婚o既錢o係邊度o黎？真係奇怪。

麗平係我以前o係教會裡面一個好好o既朋友麗華o既家姐，佢個人真係勁乖女乖純品，o個時o係教會都畀人傳過我同佢有o野（o的人個個都神經質到爆，係又傳唔係又傳），不過佢唔係我杯茶o丫，大家都只可以發展為教友、好朋友o既階段。

有一段時間個人好失落，佢係其中一個支持我o既朋友。一個教會中有一個咁die-hard o既中流砥柱，確實係該教會之福。我深深咁祝福佢未來o既日子永遠幸福、快樂。

>>April 28, 2008 at 1:06:31 AM GMT+8

2008 年 4 月 19 日 星期六 【寒冷】

好耐都冇打過風喇，掛佐三號波都唔係太大風，不過臨放工就落狗屎落到天文台掛「黑雨」…

車房傑少打畀我，話之前訂佐o既膠邊到佐，咁就畀佐架車佢拎去整。又整得幾合時喎，兩邊車窗o既膠邊之前因為老化而爛晒，洗車落雨時都會入水。今日咁o岩落咁大雨，正好就係用暴雨o黎測試o下佢o既手功！但係咁就又冇佐千二蚊…

超大雨勁大雨，好多地方都水浸晒，加上落雨唔可以開大隻窗，車內玻璃黐住佐一層霧氣，真係開快o的都驚出事。傑少吩咐落大雨駕車，最緊要(手查)緊盤(車太)，咁就冇事。難得落大雨駕車今晚係一種好好o既經驗，每件事情都總有第一次，習慣佐熟習佐就唔會再怯。

落返北角接返剪完頭髮o既您，o的雨水開始明顯收細，冇乜地方好去，結果去百里鮮打邊爐。銅鑼灣寸金尺土，好唔容易先搵到個窿位收埋架車，不過係個超窄位，扭佐六手先入到去，又係一個經驗。

之後返入大埔，行過城門河條橋，可能係空礦o既關係，o的陣風打埋o黎比平常有力，撞埋架車度明顯感覺到有o野推架車咁，又係一個寶貴經驗。如果好似Kenji咁一落雨就驚(足先)(車太)而唔出車，好可能永遠都唔會得到呢o的駕駛經驗。

師傅話齋︰膽大心細！

>>April 28, 2008 at 12:32:28 AM GMT+8

2008 年 4 月 18 日 星期五 【陰】

今日公司風險管理小組成班人落佐o黎，睇返舊年兩個cases，一如我所料，人o地落o黎根本就唔係淨係睇呢兩個舊cases。

結果係人o地成班人分好多個小組，o係個site度四圍巡，乜都睇晒…一如呀趙所講，之後仲有無限咁多份reports要做，今次真係死梗…唉…

而琴日regional i/c精心咁諗出o黎o既o野全部都變晒做廢話，一句都冇講過，我都話佐人o地根本就唔係向佢o個個自以為闊其實好狹窄o既方向去諗o野。

下晝仲要仆入上水training添呀…shit！趕頭趕命，入去聽crowd control o既o野，不過心諗，我o地個場咁細，搞活動o既場地一眼睇晒，佢o個o的方法好似適合大場多o的喎…

Training之後同呀趙坐低飲杯o野吹o下水先再遠征返柴灣…坐車坐到個人都散晒… @_@

>>April 28, 2008 at 12:14:03 AM GMT+8

2008 年 4 月 17 日 星期四 【陰】

忙到癲仲要招呼個死人regional i/c…頂！

呢條友仔最近時時都粗暴干預我o地o既內政，不過佢講o既道理，並唔係o係o的咩「大是大非」上，而係專門o係o的書信文件回覆上大搞「文字獄」，畀佢搞完一大輪之後亦唔見得o係「牌面」上我o地最終得到o的咩優勢，今日佢又落佐o黎發功…

話說公司o既Risk Management Team聽日要落o黎踩場，話要睇返舊年兩個cases，我心諗之前o的IR已經寫得好清楚，亦已經將o的完成佐o既善後工作入晒公司電腦system，根本就唔怕佢睇呢兩個cases，而且我覺得佢o地落o黎睇都係一件好事，至少我o地呢o的偏遠場都仲有個畀人睇o既價值o係度，仲有人落o黎同你review，係正面o既。

不過條友唔知係作賊心虛得多定係諗o野諗得太多諗到「short」佐，成日以為人o地做所有o野都係針對佢，撩佢o既錯處咁。今日下晝就係o徙佐o係聽佢講點樣「防」人o地「陰」我o地或者有o的咩要避而不談等等…OMG！

唉！諗咁多做乜？不嬲都煮到埋o黎就食o架啦！唉…

>>April 28, 2008 at 12:01:00 AM GMT+8

2008 年 4 月 16 日 星期三 【陰】

返佐兩日工又再放假，都係咁上下無無聊聊。

起佐身沖個涼，下晝過佐海同婆婆飲茶，好似都有好一段時間冇陪您食午飯或者飲茶，您成日都話怕我累唔駛我咁早起身過o黎搵您，再晏o的o黎接您收工就得，咁搞法我就越o黎越懶豬喇…仲會搞到中年發福o個隻添呀…no good！

呢排o的天氣似熱又唔算凍，都幾煩。搞到有o的咳個喉嚨成日都唔舒服，但係夜晚我o地仲係去佐唱K歌喎！又係好耐都冇唱K咁喇，不過今晚真係唱唔到，全程以睇電視同食o野為主，食來食去都係個翅最好味！yumi！

>>April 27, 2008 at 11:34:17 PM GMT+8

2008 年 4 月 15 日 星期二 【陰】

童話錯接

上次我們研究室的同仁一起去吃飯的時飯，遇到一件很有趣的事。

因為理工科很難得有女生，所以我們研究室只有我一個女的，其他七個都是男的。那天剛好大家都有到，就一起出去吃個飯。七個男的跟一個女的走了路上，我就變得非常的顯眼，到了一個路口要過馬路的時候，剛好遇到一個媽媽帶著小朋友在等紅燈。

我聽到小朋友說︰「媽媽，你看，他們班只有一個女生耶，為甚麼會這樣？」

媽媽說︰「對啊，你昨天看故事書裡面不是也有七個男生跟一個女生嗎？」

小朋友說︰「喔喔…真的耶，那個大姐姐不就是…」

我內心：「STOP！不要再說下去了，小朋友你這樣說大姐姐是白雪公主被人家聽到了多不好意思啊！」（唷呵呵呵呵…）

然後…

小朋友說︰「…是何仙姑嗎？」

我︰「…」

旁邊七個男生：捧腹大笑。

這位媽媽，你都給小朋友看些甚麼書…

>>April 16, 2008 at 12:41:32 AM GMT+8