2008 年 4 月 4 日 星期五 【暴雨】

清明節新翠好多人呀，係我o係度做三年以o黎見到最多人o既一年！好在係返十二點，但係都要企佐出o黎幾粒鐘幫手維持秩序… @_@

講返琴晚個飯聚先，Ivan原來真係聽佐我講轉佐去Billy仔間公司，今次真係啟勝o既喜訊，因為又少佐一個冗員！呢條友仔上次打o黎係咁講係咁講死都唔收線，問我轉唔轉好。聽佢所講佢o既job duties，好大部分都係我o既工作範圍之內，佢o既100%只係我o既10%工作，但係佢居然都話頂唔住，又話佢老細針對佢…o係我心目中，佢仍然係廢人一個。

呢條友好奇怪，去到邊間公司都話個上司針對佢，之前偉邦係咁，上回康業係咁，去到啟勝都係咁，唔知去到第一太平洋又會點呢？我估都唔會有好結果。

另一個奇人Trevor，琴晚打邊爐係咁「seven eat」，你真係咪睇佢表面風光，又話o的業委、主席點攬佢，好似我冇記錯聽聞話條友而家o係鷹君都只係逗緊一皮o野人工左右，不過條友有副業o既，打呢份工可能只係打發o下時間都未定。

物業管理，死路一條。唉…

>>April 15, 2008 at 12:44:38 AM GMT+8

2008 年 4 月 3 日 星期四 【暴雨】

約佐成個月，今晚終於成事。我o地CityU四個組員同Adam組四個組員出佐o黎食飯，上佐婆婆最鐘意o既百里鮮打邊爐，食到個肚脹晒之餘，仲幾乎笑到嘔返o的o野食出o黎…

呢條友仔好無聊呀，最叻就係拎其他人o的o野o黎笑，又要吹水唔抹咀咁作晒o野咁，樣樣o野都係三分形象七分想像咁作到件事好似真係佢親眼睇到咁，真係頂佢不順！

佢真係一個大細路咁，成日仲係停留o係兩年前讀書上堂o既時代咁，思想記憶彷彿仲係停留o係o個一日，永遠都好似冇過去過，冇長大到咁…

好多同學仔都繼續讀緊Housing o既couses或者已經報佐名準備讀，究竟呢一行係咪真係咁好做，係咪真係咁適合我呢？！嗯…

作死您咩！居然o係Adam面前話要坐我車返屋企…我o地唔係搞緊地下情o既咩？！

>>April 15, 2008 at 12:33:00 AM GMT+8

2008 年 4 月 2 日 星期三 【暴雨】

揠苗助長

成語解說︰
揠，音ㄧㄚˋ。拔的意思。不可寫作「偃」。「揠苗助長」指拔苗以助其成長，反而讓苗枯死了。比喻使用不當的手段以求速成，結果不但無益，反而有害。典出《孟子．公孫丑上》。

典故來源︰
戰國時，大思想家孟子曾經舉宋人揠苗助長的故事來說明，養浩然正氣是必須藉由經常積累正義所產生，而不是偶然行義就可以得到的。要將行正義之事牢記於心，卻不可用不當的手段助長它。

他說：宋國有一位農夫，一直擔心他的秧苗長不大，就到田裡把所有的苗都拔高一點。疲憊地回到家後，告訴家人說：「今天真是累死了，我幫助秧苗長大了。」他的兒子聽了，連忙跑到田裡一看，那些秧苗都已經枯死了。

後來這個故事被濃縮成「揠苗助長」這句成語，用來比喻使用不當的手段以求速成，結果不但無益，反而有害。

《孟子．公孫丑上》原文：
宋[1]人有閔其苗之不長[2]而揠[3]之者，芒芒然[4]歸，謂其人曰：『今日病[5]矣！予助苗長矣。』」其子趨[6]而往視之，苗則槁[7]矣。天下之不助苗長者寡矣。以為無益而舍[8]之者，不耘苗者也；助之長者，揠苗者也。非徒[9]無益，而又害之。

〔注解〕
[1] 宋：戰國時國名。周朝分封殷遺族微子啟之地，約位於今河南省商邱縣南，後為齊所滅。
[2] 閔其苗之不長：擔心所種的苗長不高。閔，音ㄇㄧㄣˇ，擔心、憂心。
[3] 揠：音ㄧㄚˋ，拔。
[4] 芒芒然：疲倦的樣子。
[5] 病：疲倦。
[6] 趨：快步走。
[7] 槁：音ㄍㄠˇ，乾枯。
[8] 舍：通「捨」，放棄。
[9] 非徒：不但。

參考資料

>>April 4, 2008 at 10:29:37 PM GMT+8

2008 年 4 月 1 日 星期二 【暴雨】

終於又出糧，上個月玩車玩大佐，入油入到傻，今個月要慳o的，唔可以再好似上個月咁放肆！

自從由三千蚊頂埋Kenji o個半架車之後，我同佢一人一架成日都好似「拖卡」咁走，有時又一齊去油站入油同洗車，搞o下搞o下連油站o個o的呀叔都認得我o地兩個，當一個人去入油時，o的八卦人就會問點解唔見你個friend？真係無聊兼好笑。

就係多佐呢o的遊車河活動，我o地o係香港島上山（頂）下海（灘）四圍去，不知不覺間搞到入油碌卡o既錢，已經多過平時用o係八達通自動增值o既錢… @_@ 加上上個月又換佐舊電池同爆佐o既尾(車太)，加埋停車場，大大話話今個月都駛o係架車身上o既錢都差唔多有半份糧咁滯，超唔掂！

咁落去都唔係辦法，由四月開始要強制性一個禮拜最多只可以入一次四百蚊o既油，冇油就變返坐巴士，務求每個月駛固定數目o既錢o係架車上面，冇理由架車有得食自己冇得食咁本末倒置o既嗟！

講真，香港九龍新界好多主要o既路o係挪佐車牌呢三、四個月裡面都已經行過晒喇，確實又冇乜新奇刺激o既地方好去，除佐去流浮山食海鮮同去白泥睇日落未完成之外，下下個目的地真係有待探索。

>>April 15, 2008 at 12:11:55 AM GMT+8

2008 年 3 月 31 日 星期一 【微冷】

今年同舊年一樣，又係去到最後dealine o個日先至報CityU個Master…不過今年仲衰，就係連篇作文都只係paste返舊年o個篇，一於話知佢。收就收唔收就罷就，反正都冇乜時間同閒錢去讀書。不過七萬五蚊讀兩年畢業其實都仲係全港最抵！

聽講話讀City呢個master couse係冇得申請公司o既津貼o既，只係讀HKU Space o既課程先有津貼，不過亦都同舊年一樣，一上到網download完HKU份申請表後，即時唔想填。一來佢冇e-format，二來係份form廿九幾萬頁紙完全唔想填，雖然話今年想報晒兩個courses，但係最終都係miss佐HKU o既deadline。

MAHS in CityU

>>April 14, 2008 at 11:48:42 PM GMT+8

2008 年 3 月 30 日 星期日 【陰】

懶惰日…

早幾日聽到個消息，就係話有個不肖同事搞婚外情…火！

佢老闆呀！好心自量o下啦，都成四、五十歲人啦，又唔係靚仔又大肚腩，結晒婚有兩個細路，就真係唔該佢就收o下皮啦！仲o係度搞搞震！

玩online game識o既，仲要唔係靚肥妹仔，貪人o地挨身挨世拖o下手仔咁，好過癮咩？！我肯定遲早實有事出，上時鐘酒店搞o野只係下一個stage嗟，記得要帶套好。若果畀屋企隻老虎(也母)知道實連「o者」都切埋佢，家變都有知！

唉…男人真係賤格。

>>April 14, 2008 at 2:39:14 AM GMT+8

2008 年 3 月 29 日 星期六 【炎熱】

參加佐家姐o既婚禮！仲要遲晒大到！星期六都咁塞車，已經行埋西隧過海，結果o係旺角、大角咀附近迷路…妖！足足遲佐九個字…

好在遲還遲，飛晒所有唱詩等o既廢話時間，一去坐低冇耐，就宣誓結婚，總算冇錯失最重要部分。搞完一大輪儀式，到致謝辭時，家姐都講到喊晒喇，傻孩子！不過乽要有經歷先至有所感觸o既…

完佐之後同呀Ben去佐吹水飲o野，坐到六點幾，誠蒙您o既上面，您居然肯陪我去佐飲喎，真係喜出望外！

家姐請佐好多大學同學呀，有呀Ben、呀Mo（冇去飲）、呀恩、浸化系超級咸濕佬西焚、呀騰、Polly，仲有獨家村和仔，同埋Joey、Kitty做伴娘，一班舊同學都好耐冇見喇，大家都冇乜變，係西焚有o的中年發福嗟。

席中居然又講起Frankie，佢之前sale香薰sale到冇晒朋友（見2003年9月17日o既日記），就連超級世界女o既Polly都冇再同佢聯絡！呀Ben話佢o徙晒個人際網絡去搞o的咁o既o野，其實又可憐又可惜。

家姐新婚快樂！


31:26 他開口就發智慧．他舌上有仁慈的法則．
31:27 他觀察家務、並不喫閒飯。
31:28 他的兒女起來稱他有福．他的丈夫也稱讚他、
31:29 說、才德的女子很多、惟獨你超過一切。
31:30 豔麗是虛假的．美容是虛浮的．惟敬畏耶和華的婦女、必得稱讚。
31:31 願他享受操作所得的．願他的工作、在城門口榮耀他。
《舊約聖經》《箴言》31章26至31節

>>September 2, 2008 at 2:37:09 AM GMT+8

2008 年 3 月 28 日 星期五 【陰晴不定】

祝十三妹生日快樂！又老一歲喇，要生性o的！最近十三妹有幾次打電話o黎，我都接唔到又或者唔得閒聽佢講得耐，睇o黎佢好似有o的唔開心喎…遲o下先再counsel o下佢。

聽日我同Kenji都放假，約齊人馬一齊去玩喇喂！我、Kenji孖寶、呀偉同佢條女，仲有健健細佬同佢三個friends，總共九男女四架唔同牌子o既車，以柴灣做起點，向世界出發！不過其實等齊晒人都已經差唔多十一點…

先落莦箕灣買o野食，再一齊飛入赤柱，o係赤柱海灘食完o野再放低幾兩，呀偉話未上過觀音山，而我o地一眾又未上過飛鵝山，於是就由我帶路過海，再由其他人帶路上山。點知又好似上次咁，一過海又失散！頂！

o係九龍城再集合返，又係要我帶路上慈雲山，先交返畀Kenji帶路上觀音山同埋由細佬帶路上飛鵝山，勁大霧，部分路面又冇街燈，唔怪得之咁鬼多人上去車震！結果一班人玩車玩到四點幾先返到屋企… @_@


>>September 2, 2008 at 2:38:38 AM GMT+8

2008 年 3 月 27 日 星期四 【微冷】

大名： angel
電郵： [email protected]
說： 海運家陣好光鮮喎.......
>>2007年09月22日 21:41:40

大名： 黃大小姐
電郵： [email protected]
說： 你仲keep住"shine"張poster呀??!!!我記得你當年好鍾意呢齣電影呀....(咁就過0左十年@~@)真係好長情.....不過我都係鍾意"the shining"多D >v<~~~
>>2007年02月26日 1:04:57

大名： 黃大小姐
電郵： [email protected]
說： 見你家陣咁甜蜜就真係very good喇~~~忘記背後,努力面前,向著你支標竿衝啦~~~
>>2007年02月26日 0:57:07

>>February 24, 2009 at 3:57:25 AM GMT+8

2008 年 3 月 26 日 星期三 【微冷】

當然，個server成日有問題確實係令人好困擾，不過我認為以showhappy呢度咁小規模o既網頁，加上對我呢個free account o既用戶o黎講，其實個日記網已經做得唔錯。

每個人都有難處，每個人都想將事情做好，換轉係我即使有同樣o既知識、技術、資源、金錢，亦未必有咁o既恒心、意志、理想去搞一個網站畀人寫日記。現實亦一樣，有好多事情都未必有如所願，唔係話要做到一百分，就真係得到一百分。

都係董伯伯o個句︰「離開係容易o既，留低係需要勇氣」，如果個網係冇心做落去o既，大可以出個post話︰「至某年某月某日，本站將會永久關閉，請各free account使用者於上述日期前自行備份有關資料。VIP會員亦將於會籍屆滿後停止續會申請。不便之處，敬請原諒！」一眾工作人員就冇需要再做一o的吃力不討好o既o野，不用再每次down server就要捱鬧，多自在。作為使用者o既，亦都吹佢唔脹（唔通要用民事控告showhappy？）。

坊間日記網多的是，使用者可自行取捨繼續使用或離開。《斷背山》裡面o既Ennis講佐一句"If you can't fix it Jack, you gotta stand it."（即「不能改變，唯有忍耐」）。有時我亦會失望地諗，而家showhappy裡面o既o野可能已經係一眾工作人員o既「極限」。既然揀得留低，而自己亦冇能力去幫手，咁就只可以忍耐同包容。

所以我呢個閒人先會咁多口希望一眾使用者多多包涵，畀多o的支持網站o既工作人員，簡單留一句「加油」，就足夠。

如有得罪，懇請見諒。

Showhappy.net Forum > Showhappy 站務 > 技術支援

>>March 27, 2008 at 3:22:01 AM GMT+8