2008 年 1 月 15 日 星期二 【乍雨乍晴】

早排日部電腦突然之間detect唔到我部PDA Phone，做唔到ActiveSync，咁就唯有reinstall過個software啦，點知一裝完一reboot部機就著唔返…我都聽得出個harddisk壞壞o地o架喇，但係諗唔到佢死得咁突然。Format佐之後再裝都係唔得，裝到一半就停佐裝唔到，唔通真係要買harddisk？問晒價之後返屋企再試，又得返，裝到喎，不過冇晒o的programs又要花時間從新裝過…唉…

唔知係咪同個日記網冇緣，想寫時佢又無端端down佐，一down就down幾日先開返，仲要o下o下都禮拜五、六、日，真係想迫人改用另一個blog咩？！得閒寫又冇得寫，唔得閒時又積埋幾日空白格…唉…好煩呀！

雖然話唔駛錢就唔好咁多要求，但係如果畀錢佢可以搞得掂o既，我就唔會慳o的咁o既錢一定會畀，就好似每個月畀40蚊港紙買Yahoo個server咁。

Showhappy o既admin人員，你o地可以加油嗎？

>>January 22, 2008 at 2:20:05 AM GMT+8

2008 年 1 月 14 日 星期一 【颳風】

今晚係為佐慶祝Anita同Carol生日而開o既生日K party，不過實在太多o野做，搞到遲晒到…

九點先到，起碼都要唱到三點唱返夠本為止啦！CEO Neway喎，高檔o野o黎o架！o的自助餐係多o的款式你揀，而且仲要源源不絕咁供應，唔似得其他Neway，不過講真咪又係o的頹o野，醉翁之意不在酒，求其食得飽就算數！

祝您生日快樂~ 祝您生日快樂~ 祝您生日~快~樂~~~ 祝您生~日~快~樂~

原來agnes b又學人o地賣埋蛋糕添，都幾得意，影低先！呢件檸檬pie係我o架！



講返Carol o個邊o既進度，佢話佢個坡仔男朋友想同佢搬出去住喎，但係屋企人又唔畀（個情況都有o的似我婆婆呢，有一班思想比較保守o既家人…）。不過呢o的o野冇得逼o架喎，兩個人拍拖雖然表面上係「所謂」兩個人之間o既事，但係除非您係孤兒o既嗟，否則多多少少都仲係要睇屋企人面色o架啦。即使係結婚呀都仲要屋企人支持，台戲先至好玩o架嘛…

所以我提議如果佢男朋友真係咁想住埋，咁不如叫佢男朋友搬去佢屋企住啦（如果屋企有多餘位而且呀媽又唔黑面o既話），咪一切問題都解決晒，又唔駛左右為難囉！

>>September 3, 2008 at 12:00:53 AM GMT+8

2008 年 1 月 13 日 星期日 【晴】

林燕妮八字處世︰珍惜眼前　活在當下
四至親相繼去世　歷盡生離死別
《明報》2007年1月13日
明報記者　徐慧華

【明報專訊】死者已矣，在生者的心靈痛楚卻難以言喻，生於一家六口的著名作家林燕妮，早年先後經歷妹妹、兩名弟弟及父親相繼去世，昨娓娓道出每段生離死別的點滴，每個細節也說得一清二楚，她坦言「節哀順變」4個字不適合套於她身上，她知道，要記住一個人，才能堅強活下去。

昨天一個探討生死的「善寧會」分享論壇上，林燕妮細訴她的喪親經歷，過程中沒有流下半滴眼淚，「我妹妹很漂亮，在美國史丹福大學環境工程學碩士畢業，有一天突然打長途電話來說患了淋巴癌，但她不捨得美籍男友，怎樣也不願回港醫病，直至她再次打電話來表示返香港時，已經是死亡邊緣」。

為妹邀所有男友來送終
妹妹離世後，林燕妮為要完成她的心願，一改自己「失魂魚」的陋習，「妹妹自小有好多男朋友，我知她心願是所有男友來送終，我有個習慣，就是經常遺失電話，但那一次我竟然可以完成她的心願，包括妹妹13歲開始拍拖的男朋友，我全都叫來了」。

林燕妮誰也沒想到，喪親之痛衝著她而來，繼妹妹林雁妮早於70年代因淋巴癌逝世後，03年，弟弟林振強和林振剛亦於6星期內先後因淋巴癌病逝，4兄弟姊妹，就只留下她一個。

林燕妮憶說，「大細佬」（著名填詞人林振強）病重至要換骨髓才告知病情，當時在隔離病房中，兩姊弟天天以電郵聯絡，弟弟一句「捱得這麼辛苦，只因要為愛我的人撐下去」，至今仍教她非常難忘。不過，要數到「大細佬」令她淚流不止的一次，還是弟弟的專欄內容。

一次偶然機會，林燕妮看到弟弟的專欄標題是「汽水‧燕子」，她知道，今次「大細佬」捱不住了，她哽咽說︰「他一向不喜歡說話，很少在專題寫私事，家裡做汽水生意，而我名字有『燕』字，這是他第一次在專欄提到家人，即時心知不妙，他快要走了……」

「大細佬」離開後的6星期，「細細佬」林振剛亦相繼離去，但林燕妮的傷痛在此時仍未休止，一年之後，父親在05年因心臟病徘徊死亡邊緣，教她再次經歷生離死別的苦痛。

撫父面頰直到冰冷　「我要永記他」
怎樣才可永遠記著一個人的容貌？林燕妮站在父親床邊，選擇閉上雙眼，用溫暖的雙手去仔細輕撫父親面骨，緩緩記下面上每處凹凸位置的分佈，「我要永遠記著他，由額頭起慢慢觸摸，直到愈摸愈冰冷，我知道他要離開我……」

為免母親傷心，林燕妮吩咐醫生將父親身上的喉管全部拔掉、整理一下衣領，讓父親在最端莊的姿態下離開，「每人都叫我節哀順變、忘記傷痛，為何我要忘記？妹妹、弟弟及父親都是我最親的人，我要記著他們，才算擁有過」。

人人讚林燕妮堅強，她笑說不認同，表示自己也會哭，只是不在母親面前哭，「我知道母親只剩下我，所以我要花更多時間陪著她，該電視劇不好看，我偏偏願意坐在母親旁陪她看」，她坦言經歷多次生離死別，但從不怕死，要成功度過內心難關，不外乎8個字︰「珍惜眼前，活在當下。」

----------------------------------------------------------------------------------------------------------------------------

林燕妮係我初中時代最鐘意o既作者，佢o個o的單字書名o既愛情小說我全部都睇過晒，之後追到中四都冇乜時間睇小說喇，總係嫌佢太長睇書時間太中斷，所以改為喜歡睇散文。

而家就連散文都好少睇，睇資訊性強o既書或者上網居多。

時代已變，林燕妮，您還是收山抖抖吧！

>>January 22, 2008 at 2:26:05 AM GMT+8

2008 年 1 月 12 日 星期六 【颳風】

今日趁住比較空閒，可以做o下o的filing o野，實在太多未能分類或者唔知上手file佐去邊o既o野喇…頂頂頂！再將o的site data全部移去部新機度，再清o下、執o下各人部電腦裡面o的files…妖！個無能clerk唔止hardcopy o既filing唔掂，就連佢以前用o個部機裡面o的softcopy都好似垃圾崗咁…死未！

您好早就過佐o黎陪我喇，但係只係可以坐o係度上o下網同埋瞌眼訓，我就o係office度走來走去，搞呢搞路，冇時間招呼您添…悶親您哩… >3<

收佐工我o地就落去百里鮮打邊爐喎，今晚都幾多人喎，等佐幾個字先有得入席，入到去又冇人執台冇人招呼冇人理，o的服務態度嘛嘛o地…坐我o地隔o黎仲要有五件妖怪，坐埋一圍都唔算係大張圓桌，都係要大大聲聲咁叫，慌死人o地唔知佢o地幾個醜樣要人o地望多佢o地兩眼，真係想死…

等得呢班人食完我o地都差唔到食飽要走，埋單o個時仲要畀人收多佐錢都唔知添… @_@ 好在個waitor都好誠實咁話返畀我知，如果唔係白白畀佢碌多一百蚊呀！

>>January 23, 2008 at 1:28:05 AM GMT+8

2008 年 1 月 11 日 星期五 【陰晴不定】

果然不出我所料，下集通常都係冇咁好睇o既。唉…言之無物。失望。

----------------------------------------------------------------------------------------------------------------------------

難道還有第二本《聖經》嗎？
梁文道

因為《聖經》的地位加上龐大的傳教力量，每當它被譯成另一種語言，它都會為其注入一股異質，影響它、改變它。所以不少現代華文作者的作品都能讓人感到《聖經》的影子，例如沈從文，馬來西亞的年輕作家梁靖芬就以他的個案寫過一篇論文，說明中譯本《聖經》對這位不諳外文的大作家的影響。我也曾在一些香港作家的筆下見過「事就這樣成了」這個句子，分明就是《聖經》的語言，例如《創世紀》，「天主說：『在水與水之間要有穹蒼將水分開』事就這樣成了」。然後「事就這樣成了」還一連重複了七次，雖然累贅，不是上佳的傳統中文，但卻自有一種端重。

可是馮象就嫌這句短語太過囉嗦，照他的意思，無論是和合本與思高本的「事就這樣成了」還是聯合聖經公會現代本的「一切就照著他的命令完成」，都是來自希伯來文的「Wayohi-ken」，即英語欽定本的「and it was so」，乃一種中文所無的句式，於是他乾脆以「果然」二字代之。所以「天主說：『在水與水之間要有穹蒼將水分開』事就這樣成了」就變成了：「上帝說：『大水中間要有蒼穹，把水分開！』水果然一分為二。」

除了語法上的考慮，馮象這麼譯是因為他很注重傳統教義裡天主以「一言創世」的觀念。這個「言」就是希臘文的「logos」（言、道），天主七日創世，全憑祂的大道聖言，所以這句創世聖言的效果應該簡練完滿，不可拖沓乏力，好給人一種話音剛了，現實即在的感覺。而重複七次與創世七日正好又對應了《聖經》 「七」這個數目的完滿象徵意義。

我們不一定會同意馮象的每一個決定，但是對不熟悉聖經學和古代近東文獻與中古歐洲傳說的讀者而言，馮象的譯註與文章還是很有趣的，因為他援引了大量被排除在正典之外的傳記和「次經」，就算是熟誦《聖經》的忠實信徒看了也會覺得過癮。

說起正典，這也是近年的熱門話題。先有《達文西密碼》令人懷疑是不是有些更「真」的經典被教會排除在外，後來則是《猶大福音》的出土動搖了許多人的信念，赫然發現以前竟然還有這麼多種福音書。這兩年我也湊熱鬧趕時髦，看了Bart Ehrman、Marvin Meyer和Karen King等一批古代基督教史專家的著作，真是大開眼界。從前我總以為基督信仰本來是一統而「大公」（Catholic）的，後來才有了東正 、聖公會與新教的分裂；如今才知道原來打從一開始，基督信仰就很多樣紛雜，流派直比現在還多。所謂「正統」其實是在歷史中漸漸形成的，中間甚至還牽涉到許多刻意的誤傳誤譯（參見Bart Ehrman:《Misquoting Jesus: The Story Behind Who Changed the Bible and Why》）。

古文獻是堆深不可測的黑洞，儘管馮象不是專家，偏有本事挖出故事。例如挪亞，原來古人傳說他有一個天資絕頂的媳婦，獲他傳授聖人以諾留下的創世密典，久而久之竟成了一個能夠知未來辨吉凶的巫婆。「她那些玄妙費解的詩，後人收在一部希臘語譯本《女巫讖語集》內。一直到羅馬時代，還藏在朱庇特神廟裡，是元老院不時求問的靈驗的秘籍」。這真是前所未聞的奇事，羅馬人居然也曾聽信猶太女巫的預言，而這個女巫還是挪亞的媳婦！

當然信徒們還是可以不必理會馮象筆下那些甚麼巴比倫女鬼是亞當元配夫人之類的怪談，繼續埋首在自己的正典《聖經》裡面。但是你讀的《聖經》是哪一本《聖經》呢？基督教史大師帕利肯（Jaroslav Pelikan）在《這是誰的聖經》（Whose Bible is it?）裡說了一個很好玩的段子：將近復活節與猶太教的逾越節，一個猶太人、一個天主教徒和一個新教徒都到書店去買《聖經》給自己的女兒做禮物。他們都說：「我要一本《聖經》」，然後店員就問了：「你要哪一本《聖經》呢？」。當然就是那本《聖經》囉！這世上難道還有第二本《聖經》嗎？

（馮象譯經二之二）

>>January 22, 2008 at 12:35:02 AM GMT+8

2008 年 1 月 10 日 星期四 【陰晴不定】

終於都做過o下o的payment o野，嘩！一下子上佐幾十張單o既數畀account找，唔知會唔會畀人罵叉呢？！

我真係估唔到呢個無能clerk居然會收埋咁多單仲未找數，全部都係2007年度o既單，我唔明白究竟有乜原因要拖住人o地條數唔找，唔通學老趙話齋要幫公司賺息？

左問右問前問後問，四圍係咁打電話畀其他同事，問完呢樣問o個樣。嗯…而家叫做pick up佐HR同埋payment仲有收租、收營業額之類o既o野，遲o下仲要pick up埋leasing system o既全部o野…

呼…我覺得自己都幾叻，學o野學得咁快。不過呢o的全部都係一式一樣o既工作，如果咁都做唔掂我都唔知我可以憑乜o野o係KS立足。

加油做啦…

>>January 23, 2008 at 1:09:32 AM GMT+8

2008 年 1 月 9 日 星期三 【陰晴不定】

今日放假，之後要連踩六日先有得放喇，日日咁做法，都幾辛苦呢…我只係想變返正正常常咁可以間唔中偷o下懶o既生活，點知而家日日返工真係衫都未有時間換就要開始做o野…勁慘！

好耐冇去接您返工喇，所以琴晚雖然都幾夜返到屋企，今朝點都要出來接您啦！我知道您好鐘意朝頭早就見到我嘛！啜~

搞乜呢？已經叫佐您起身o架喇喎，都仲係要搞到差唔多八點三先出到門口…唉…搏炒咩！:@

送完您返工，就坐車返屋企覺覺豬，直到您收工。

晚上我o地去佐唱K喎，好耐冇去唱K啦，成個冬天唔係喉嚨唔舒服就係個鼻唔舒服，搞到都冇乜mood去唱歌。今晚o既狀態都唔係太好o架喇，即使唱完古巨基o既《勁歌金曲》，o的側田都仲係唱得唔係幾好…mmm…

今晚有好得意o既竹筒羹食，好鬼死咸，但係都食佐四份… @_@

>>January 23, 2008 at 1:02:58 AM GMT+8

2008 年 1 月 8 日 星期二 【微冷】

有架車究竟係方便定係麻煩，有時只係一線之差…

今日咪係我o地拍拖329日囉！一時計唔到之嘛！>_<

您收佐工就落佐灣仔行街睇鞋，我就做埋o的手尾諗住駕車落去接您返屋企。遲晒走已經夠慘，仲要去到停車場挪車時，先發現架車「撻」唔著！！！

打畀Kenji求救，要等佢收佐工再去車房問個friend借條「過江龍」再o係呀偉o架車度挪電先可以「撻」著架車…估唔到放o係度一個禮拜唔郁就搞成咁…唉…

擾擾攘攘落到銅鑼灣都八點，您就一個人無無聊咁苦等佐我成個鐘，真係千千萬萬個唔好意思呢…不過意外o既o野真係好難預計…

我明白其實您並唔係想有專車接送您返屋企，您只係想見多我幾面嗟…啜啜啜錫返啦~

>>January 23, 2008 at 12:47:41 AM GMT+8

2008 年 1 月 7 日 星期一 【颳風】

朝頭早起身，開始有唔想返工o既感覺，唔係因為凍，而係因為無助…

繼續忙到不似人形o既生活…係咁打電話四圍問人o的o野點做…灰…

日日o係公司踩足十個鐘有多，今晚見暖返少少，想出車散散心，但無奈搵極o的friends都搵唔到，一個人出去又好似好戇居咁，而且又唔夠乎合經濟成本效益，結果都係冇出去，乖乖o地留佐o係屋企寫日記…

晚媽媽，好掛住您添！好想同您講︰我愛您！甚至愛埋您隻蛀牙！=)

>>January 8, 2008 at 2:19:47 AM GMT+8

2008 年 1 月 6 日 星期日 【颳風】

大休養…全日進入休眠狀態，但係我的確因為工作而身心俱疲…

右邊個鼻哥窿唔知做乜鬼痛佐幾日，係因為之前感冒太用力「申」定係因為天氣乾燥定係還是跟呢個鼻敏感有關呢？！

訓訓訓訓…訓到點幾兩點又醒佐，跟住就係咁delete晒facebook裡面o的random人同埋o的唔想再玩o既applications，而家只係刪淨幾樣o野，得閒咪上去玩o下囉，唔得閒o既我寧願寫o下日記或者訓o下覺喇！

四點幾，都仲係眼光光，其實都好想send sms畀您，但又怕嘈醒您…嗯…掛住您，想攬住您訓餐飽o既！

>>January 8, 2008 at 2:56:57 AM GMT+8