2008 年 3 月 15 日 星期六 【炎熱】

做乜事咁憫憎呢？啜啜啜！公公錫返唔好咁憫啦！

呢期您屋企最hit o既話題都莫過於係您兩個家姐唔帶埋您爸爸返鄉下喇，您仲忿忿不平咁添，心火好盛喎！

有時您兩個家姐又真係好奇怪o既，都唔知佢o地諗乜。係嫌麻煩o丫定係真係為您爸爸o既身體著想，真係要佢o地自己先知喇…唉…

唔知係咪因為佢o地兩個都對多您爸爸十幾年，所以o係不知不覺間已經潛移默化咁感染佐您爸爸o既作風，缺少佐您o個份執著同堅持，去體會您爸爸o既感受…

所以話︰您是最好的，您知道嗎？

>>April 8, 2008 at 1:46:11 AM GMT+8

2008 年 3 月 14 日 星期五 【炎熱】

Kenji今日射波去搞埋架新車o的o野，冇事啦虛驚一場，不過小心駛得萬年船，冇佐手頭上o既錢事少，若果搞到要上佐車會之後揹住一筆債而又冇車駕o既話咁就大件事。

放佐工就去佐油站入油洗車，因為要等齊新翠四個唔同放工時間o既人，再三架車一齊入元朗食o野！Kenji呢個路痴真係好唔掂，去到紅隧口已經跟唔到我同呀偉架車，唯有o係尖咀停一停，搵返佢會合之後先繼續行程。

由柴灣踩到入元朗都真係幾誇張o架，不過幾個人駕車一齊四圍去都幾有樂趣！入到元朗都已經十一點，餓到死…食o野吹水搞到十二點幾，結果出返柴灣返到屋企都兩點幾三點喇…

踩油門踩到隻腳累累o地…

o係天橋上面影o既隧道口，勁塞車！


>>September 2, 2008 at 2:57:07 AM GMT+8

2008 年 3 月 13 日 星期四 【炎熱】

Kenji身痕又買車喇…

架Move成九年車老喇，條友已經開始唔鐘意佢。自從我挪佐車牌後，佢就成日有車都唔駕要我載佢（另一個原因係我同佢都係鐘意做乘客多o的，懶也…），但係都估唔到佢咁快又o黎料… @_@

佢又係o係網上面睇中o既一架由車行代售o既Smart，要成七皮o野。條友仔之前已經轉佐錢畀人落佐「細訂」，下晝諗住再轉賬埋個「大訂」之後，夜晚就約埋車行條友出o黎挪車，點知車行條友突然又話「大訂」要畀cash，雖然我同佢都冇乜呢方面o既經驗，但係大家都覺得咁樣做法怪怪o地，咁就唯有夜晚陪埋佢出去，睇o下究竟車行條友搞邊科。

我o地夾好佐一個扮好人一個扮衰人，希望可以摸清楚車行條友個底同埋避免有損失。

放工一出到o黎，見到條友個樣同講o野都怪怪o地，不過畀佐細訂都冇法，唯有就三個人去西灣河食個飯先。車行條友一面食一面講解o的文件，又叫Kenji簽名，但係只係「簽名」，而份份文件都係空白乜都未填o既！我一面睇一面用個相機影低o的資料，猛做衰人扮晒懷疑咁，講o下講o下車行條友就話如果唔信佢o既就一齊去旺角間車行睇o下架車先再決定。

講真，完全冇試過車就買，確係唔多妥，車行又唔畀試車，更加唔妥。問車行條友關於架車o的o野，又十問九唔知，好唔妥。仲要不斷咁催Kenji畀cash同埋o係n咁多份乜都未填o既文件上面簽名，就真係超級唔妥！

我不斷咁打畀o的friends問佢o地o既意見，佢o地都覺得好有問題。最後決定交易延遲到聽朝，一定要佢o地兩個人一齊上佐運吉署同架車做佐轉名手續，同埋所有簽佐名o既文件都要有一份copy留底，咁先至可以畀錢！

>>April 4, 2008 at 10:15:12 PM GMT+8

2008 年 3 月 12 日 星期三 【炎熱】

9日冇放假，琴晚都真係幾累，結果都訓到中午先起身，一起身就急急腳沖埋個涼，返公司搵人救車！

其實架車舊電都就o黎打柴o架喇，好在又係「勝在兄弟多」，搵埋Kenji同呀偉，再同車房傑少借埋對「過江龍」，o係停車場度諗住可以撻返著架車，點知三條友搞極都搞唔掂，急call傑少去車場救亡，專業真係專業，一搞就掂！不過又係我o的o係停車場開車o既習慣，架車o岩o岩先起返，我又走去開大燈，結果架車即時又再死火… @_@

為免夜長夢多，為佐一了百了，都係搵呀傑少換佐舊電好過，咁又差唔多冇佐成千蚊…shit…

架車郁返就梗係要去接您收工啦，同埋今晚亦約佐我舅父食飯，傾埋您份保單。擾攘佐幾個月，終於都落實喇。而我，亦要諗諗點改我而家份保單等個保障可以全面o的…唉！好煩呀！又要諗呢o的o野！

>>March 27, 2008 at 3:08:45 AM GMT+8

2008 年 3 月 11 日 星期二 【炎熱】

架車又有事…x！

您過佐o黎接我收工，我就搞到七點幾先肯走，一心諗住有車半個鐘就可以送到您返屋企啦，點知上到停車場，先發現架車又試撻唔著…頂！搞乜呢？

睇o下睇o下，發現原來琴日下晝泊佐架車上停車場頂樓，咁o岩個位又西斜，我又慣佐o係停車場裡面駕車開大燈，泊正個西斜位就察覺唔到原來自己冇熄燈就走佐，結果就做成今日o既田地…唉…

搞到您要由坐半個鐘車變佐坐個半鐘地鐵加巴士… @_@ 抱歉呢…

聽日放假又有好大可能要挪架車去整，咁咪又冇佐半日？！失敗！

>>March 27, 2008 at 2:40:24 AM GMT+8

2008 年 3 月 10 日 星期一 【炎熱】

李法美尼症候群(Li-Fraumeni Syndrome, LFS)

Li-Fraumeni症候群，主要是一個抑癌基因p53的缺失，引起家族性各種不同癌症的發生，這些不同的癌症包括乳癌、腦瘤、惡性肉瘤、骨癌等，很多都是在年輕時發生的。

LFS的病徵是早發的骨和軟組織肉瘤、乳腺和腎上腺皮質癌、腦腫瘤和急性白血病；然而，種系p53突變的攜帶者也可以增加其他癌症的致危性。美國賓州費城兒童醫院Dr. KE Nichols等對45個家族系列癌發生及140例受影響病案，結合文獻報告進行研究分析，分析包括由種系p53突變及其近乎50%似是攜帶者的第一代親屬的全部癌症患者。在入選的738例中，有569(77%)例是併有上述六種癌症的LFS，餘下的169(23%)例包括各種不同的肺和胃腸道癌瘤、淋巴瘤及其他的發生在較早年齡的腫瘤。遺傳性腫瘤的早期發作是不多見的，這也顯示了種系p53突變攜帶者在較廣泛的範圍內增加癌瘤致危性。

參考資料

----------------------------------------------------------------------------------------------------------------------------

電視劇又再教人o的小知識o架喎！真係好奇怪，究竟o的編劇o係邊度搵到o的咁o既題材o架呢？定係佢o地識有得o的人有o的咁o既病？



>>September 2, 2008 at 3:03:53 AM GMT+8

2008 年 3 月 9 日 星期日 【炎熱】

數碼導航刀

「計時炸彈」有多可怕？相信喜歡看電影的讀者們，透過那些爆破場面，也能夠想像得到；可是，假如身體內懷著一個不知何時會爆炸的計時炸彈，感受又會是如何呢？患有先天性血管畸型的潘先生，22年來時刻受著半邊身體無法行動、死亡威脅籠罩的痛苦，直至香港港安醫院去年引入亞洲首部第四代數碼導航刀，為他將血管瘤消滅，潘先生終能掙脫噩夢，人生再現希望。

血管瘤　體內的計時炸彈
潘先生所患的「先天性血管畸型」，成因是動脈血液未經微絲血管，而直接流入靜脈，形成嚴重的血管瘤。醫學界相信，血管瘤與基因發展突變有關，其中又以男性的發病率較高。此疾病最可怕之處，在於患者可以一直無任何病徵，亦難以透過健康檢查診斷；加上血管瘤可長於身體不同位置，如不幸長在腦部或頸部中，一旦爆裂即可致命。1984年，當時曾因身體出現劇痛而求醫無效的潘先生，經醫院確診頸椎位置患上先天性血管畸型，要立即開刀治療。去年，他舊病復發，左邊手腳無法活動，常痛得只能癱在床上。經醫生檢查後，發現他的腫瘤比上次更嚴重，加上位置接近神經動脈，勉強進行切割手術很可能引致阻礙呼吸而死亡。潘先生幾乎尋遍良醫，仍是無計可施。

尤幸，香港港安醫院去年率先引入亞洲首部數碼導航刀治療系統，潘先生亦獲轉介到該院接受治療，以高劑量的放射線將頸部血管瘤射死，經3次治療後，潘先生的左腳，終能再次「腳踏實地」。

數碼導航刀　高劑量放射線「拆瘤」
香港港安醫院寶詠琴數碼導航刀中心醫務主管、腦外科專科醫生黃永鏗表示，該院引入的第四代數碼導航刀是港澳地區唯一一部，亦為亞洲最先進的型號。他指出，數碼導航刀的原理是匯聚高能量的X光射線集中射擊，將病人體內的腫瘤徹底「打散」。技術原理建基於放射手術治療技術，病人毋須接受任何麻醉及開刀手術，是一種「無痛無創無血」的治療。

除潘先生所患的血管瘤外，不少無法以傳統外科手術切除的良、惡性腫瘤，如今亦可考慮以數碼導航刀治療。在數碼導航刀療程開始時，醫生會聯同放射治療師等人員，以電腦及磁力共振掃描，確定病人的腫瘤位置，並根據腫瘤的大小，擬定放射角度及劑量。地面影像偵側器則監測腫瘤目標，並將數據傳送至電腦。數碼導航刀在確定腫瘤位置後，機械臂發射最多1200束X光線，將腫瘤消滅。

數碼導航刀中心另一位醫務副主管林鑑興醫生表示，肝、肺等內臟器官患癌人士、身體不止一個癌腫瘤的病人，或是不適宜進行開刀手術者，可考慮以此方式治療。中心在2006年9月正式運作後，已有約10名案例接受治療，反應良好。大約60%的病人是治療肝及肺部的癌腫瘤，其餘40%人士則是治療腦部及脊椎。

至於一度自覺「無得醫」的潘先生，接受數碼導航刀療程後3個月，左腳開始慢慢恢復功能，如今已可行平路。香港港安醫院期望，數碼導航刀這項嶄新的醫學技術，能為更多病人重燃生命新希望。

壹蘋果健康網

----------------------------------------------------------------------------------------------------------------------------

呢套無線劇集《最美麗的第七天》晚晚都硬係要有幾個鏡頭睇到人o地眼濕濕咁，但係間唔中都有o的幾有教育意義o既o野。「數碼導航刀」，勁型！

>>March 17, 2008 at 11:16:03 PM GMT+8

2008 年 3 月 8 日 星期六 【微冷】

新PA返工已經有一個月，工作亦都開始上軌道…

除佐filing呢o的咁悶o既o野之外，我開始交多佐o野畀佢做，希望佢可以承繼我o既衣砵，佢亦顯得好似好肯學咁喎，態度同方向正確，但係亦不宜過急。

呢幾朝都唔係好精神，有個人幫o下手，總算可以蛇兩o野… @_@

----------------------------------------------------------------------------------------------------------------------------

甲問：「世界上最痛苦的事情是什麼？」
乙說：「上班！」
甲又問：「還有更痛苦的嗎？」
乙沉吟半嚮說：「天天上班。」
甲繼續問：「有再痛苦的嗎？」
乙兩眼一瞪：「加班！」
甲還問：「那再再痛苦的呢？」
乙急了：「那就是白加班！」

>>March 27, 2008 at 2:35:05 AM GMT+8

2008 年 3 月 7 日 星期五 【微冷】

心血來潮，同架車洗白白…

Kenji成日話我懶唔洗車，但係o係柴灣呢個地方，真係日日洗洗車架車都唔會白淨啦，因為呢度實在太太太多塵喇！

駕車去油站洗完白白，再返停車場全車打蠟，幾乾淨呀！不過而家月租o既停車場正在修葺，四處塵土飛揚，希望聽日見到架車唔會係隻污糟貓啦…


>>September 2, 2008 at 3:06:56 AM GMT+8

2008 年 3 月 6 日 星期四 【微冷】

咁多個漫畫人物之中，我最鐘意就係加菲貓喇。

點解會鐘意加菲貓呢？可能係因為我係上一代人o既緣故啦…細個o個陣時我又唔鐘意o的日本公仔o既，o個o的乜機械人呀、超人呀咁都冇乜興趣，o係我心目中加菲貓係其一鐘意，史諾比係其二。

以前都曾經提過，我細個o個時因為唔知條腸有咩事入過醫院一次，o個陣時屋企人買佐博益出版o既加菲公仔書畀我睇，舅父又送過個加菲貓公仔畀我，自此呢隻貓貓，就o係我屋企有一定o既江湖地位，亦係我同妹妹之間其中一個溝通o既橋樑，就連我爸爸亦都鐘意加菲貓o架！

以前有加菲貓卡通添o架，不過而家都冇再重播lu，因為有其他太多卡通片代替，而且而家o的小朋友都唔再鐘意加菲貓喇，不過加菲貓o既作者James Davis都仲係日日o係度畫，我日日都有睇o架！

雖然唔係o個o的瘋狂fans乜o野同加菲貓有關o既o野都會買都會收藏，但係我屋企有兩隻貓貓公仔同好多本加菲貓公仔書o架！


>>September 2, 2008 at 3:09:59 AM GMT+8