2003 年 11 月 15 日 星期六 【陰】

今朝訓到10點幾,醒左沖埋涼去搵莎,11點零去到搵佢,今日係佢既農曆生日,送左份禮物俾佢,份禮物就係尋日自己行Giftland果陣買既..-__-". 之後同莎去左吉之島逛同埋食lunch,食完1點50分去九龍城廣場搵suyi同bonnie,然後齊齊過石鼓龍練排球,聽日就係社際女排既季軍賽.之後一路練到6點幾,天都黑晒,跟住陪莎走,夜晚同佢食埋飯先番屋企,番到去都10點,跟住on左陣line就訓.

>>November 17, 2003 at 3:35:56 PM GMT+8

2003 年 11 月 14 日 星期五 【晴】

頂!恐怖既一日.. 講番今朝,今朝訓到8點半醒,賴床賴到9點10分先起身,跟住去沖涼,沖完涼出黎玩左陣電腦,10點10分先出門口.10點半左右到九龍城,接hety去sally度,今朝sally話想練cheer,我搵左hety呢個大好人幫手排下舞.上到去冇耐阿稀同bonnie都黎左,之後學住52秒先,都幾好玩,之後阿正都黎左..12點零同hety落街搵地方配鎖匙.番上去研究左陣cheer d野就食lunch,sally請食piza hut.其間講起icq,我個icq都有一段時間冇聽過"喔噢",呢排開親icq都係齋擺,通常打埋日記就offline去訓.食完排多幾次就解散,阿稀要番學校走左先. 跟住過多陣我地都落去,sally想去長沙灣睇野,我同阿正,sally,bonnie送左hety搭車之後,就去食為先果面搭巴士去長沙灣.結果因為落唔切車而搭多左一個站,由長沙灣地鐵站行番去深水埔地鐵站,其間o係長沙灣站A1出口見到"英華書院/小學"呢幾隻字眼,睇完有種唔知點既感覺,好想番英華睇下,話晒搬左新校之後我都未番過去,覺得自己好不肖. 去到深水埔勁睇勁行行左個下晝,睇衫睇珠仔,睇完去左西九龍中心食左d野,跟住就走.果陣都5點幾,同sally行番出去太子,行左陣聯合同先達,行到7點先走.之後送埋佢去新世紀,今晚佢同佢爸爸食飯預祝佢生日. 跟住我自己o係新世紀逛左陣,四圍行下睇下,又入左去Giftland睇下野,入到去睇睇下野,發現有個男仔(高過我,薯樣,"那那"地型)睇住我,我都望左望佢,之後冇理到.跟住我一路睇下Giftland d野,我發現佢係咁望我,我一望佢佢就望去第二度,仲要翹起嘴角淫淫既笑,我盡量唔望佢唔理佢,跟住佢居然進一步迫埋離,我慢慢行開,不過果陣太多人,條路塞住左,俾佢用佢咩住既袋撚我個屎忽幾下,跟住又借d耳"high"我個背脊,果刻我心都寒埋,最賤都係d sales,好似知咩事咁望住我陰陰嘴笑,我快快脆極速攝出去..條友仔膽大到跟左我尾行出店,我俾佢嚇到轉錯左行右邊(escalator o係左邊,右邊得鋪頭冇路走),佢跟住轉右,我兜番左邊,見佢呆左呆,跟住行緊過黎果陣我就急急腳扮趕跑去左邊搭escalator極速離開..5分鐘都冇行完新世紀出旺角果條天橋,跟住等van仔番屋企,等van仔果陣發現隻右腳膝頭好痛,我諗係我頭先行得太急整親舊患..(俾果條死pk搞到我之後要拐住番去,頂!!)番到去都8點..

>>November 15, 2003 at 5:22:39 PM GMT+8

2003 年 11 月 13 日 星期四 【晴】

今朝6點50分起身,今日好似又熱番,起身冇震騰騰咁.今朝有d喉嚨痛,飲左杯暖鹽水先出門口. 今日第一堂空堂,落左去溫中史,小息後測驗.第二,三堂文學,教書,教教下書楊sir講到學校附近最近出現既一個露體狂,就係咁講左10分鐘廢話,大家討論得好好笑,亦都令我精神番唔少. 小息溫中史,之後兩堂中史,測驗..個題目首次咁正路,我諗都ok既..之後教左陣書就lunch. lunch去左又一村7仔食,食完去練排球,今日放學co對am,打到好鬼熱. lunch之後兩堂中化,先派作文,再玩活動教學,跟住四圍走左一輪先番位再教番書.最後空堂去左做騰文同幫emily同helen手釘amber個board既膠,又幫suyi手剪sally girl guide用d野.放學去擺書,白白痴痴咁冇拎鎖匙去,跟住叫toto幫我看住d書跑番課室拎番.之後換定衫去練波,一陣就開波lu. 開波前,今日冇fitness,結果做後備,不過冇所謂啦,coral人強馬壯嘛!yeah~揀衫果陣我揀左件13號黎著,因為我鍾意既波歷克都係著13號,第一局贏得幾輕鬆下,臨完場我換左入場打,心情都幾興奮.因為有人扭親,第二場我繼續打,呢場贏得險d,結果局數2:0入final,sally開心到傻.我地將會o係下個禮拜四對sa,好期待.. 換番衫同執埋野之後同阿正,sally,suyi,小玉先去左新世紀麥記食野,跟住suyi同小玉走左,我就同阿正,sally行旺角,行到7點幾先走.

>>November 14, 2003 at 4:39:04 PM GMT+8

2003 年 11 月 12 日 星期三 【晴】

今朝訓到6點50分醒,7點25分出門口. 第一堂中化,教書,跟住兩堂英文,做practical skills.小息落左去買野飲,跟住兩堂去左聽講座,講色情文化,無無聊聊就到lunch. lunch上左又一村速食,番去又on duty,今日同emme調左,巡2樓,2樓d中一依舊咁可愛同煩-__-".跟住文學堂對番d文學賞析,最後兩堂econ test,做到我心淡,真係『平靜的對你熱度退減』-__-". 放學四圍遊走左陣,番班房聽班同學仔唱歌,今日係高級組既singing contest.到4點45分落去睇社際男子排球,今日係sa對em,sa先輸一場,跟住連追兩場反勝2:1,sally開心到傻,因為em呢個勁敵除去左.聽日就到co對am啦,我有份打正選,好緊張..都好期待,我會盡力! 睇完波去左莎度,幫佢手整香蕉朱古力蛋糕,整完左出黎個蛋糕個樣都幾得意..食落味道都唔錯,不過變左香蕉糕,食到好飽,飽到胃痛-__-",聽日都唔知打唔打到波.

>>November 13, 2003 at 3:46:54 PM GMT+8

2003 年 11 月 11 日 星期二 【陰】

今朝訓到6點50分醒左,今朝又凍左.搞掂好晒7點20分出門. 第一堂中化,教書,我就渾渾噩噩咁過一堂.跟住兩堂中史,教到春秋.小息之後兩堂空堂,諗住好空閒,點知就好忙..先有中文學會潘sir拎左d稿黎對,阿柴又拎d稿出黎,原來佢上星期五唔記得俾我,結果今日一次過做晒佢..但係社長sally又叫我同suyi,小玉用空堂去整番coral個board,結果做左少少中文學會既野又去搵miss so拎釘槍同圖釘,膠紙. 整個board都整左成堂,勁吹風勁凍,又見到鯉魚行黎行去,不過佢認唔到我地.整完都就打鐘,番去編埋中文學會d野. lunch上左去又一村食,本來鯉魚跟住,但係之後唔見左人.今日o係班同學仔帶領下發現新大陸,原來又一村過d,協同對面有幾間餐廳仔,賣d野好平下,飯都係$12,加野飲都係$15,等如去食河粉一樣,又唔算遠.食完都就12點45分,就快快脆脆同sally,suyi,rebecca行番去.番到去12點50分,岩岩好.點埋名自己on duty,今日放學有排球比賽,d人去晒練波.行行下同vice head prefect(陳嘉慧小姐)巡,又上左二樓巡,今日成日都奔波勞碌-__-".1點幾toto走黎同我講我未交英文,係喎,諗住空堂做既野因為空堂忙得滯而冇做,好彩vice好人放我上去,撩完又趕番落黎on duty. lunch之後兩堂econ,冇咩點聽,做中文學會既野.跟住中化oral,有個怪題目,仲要俾我諗到好離奇..好彩唔駛出去講. 放學氣氛緊張起黎,今日女排coral對emerald,其實都冇得打,對面個個校隊,最有冠軍相,睇番coral就得1個校隊,其他都係臨時拉伕.見到sally佢地成班都好俾心機咁練,都幾心啽,只怪支籤抽得唔好..佢地一路練到5點,開波. 一場強弱懸殊,但係扣人心弦既大賽都正式開始.. 賽事採用三盤兩勝制,第一場coral迅速被打敗,輸15:1..基本上coral大勢已去. 第二場好快又開始,一開始coral又落後,coral唯一既校隊打到好唔甘心,或者係覺得獨力難支啦,跟住喊..個比賽暫停左.暫停果陣好連鎖咁rosa喊,跟住suyi又驚到喊,跟住有個f.4既又喊,sally見到佢地咁又喊埋一份..果刻coral果面一片愁雲慘霧,因為個比賽好殘酷,強弱懸殊到奇蹟冇可能出現,打落又毫無還擊之力.. 果一刻,成隊coral根本散晒洩晒氣. 過左陣佢地平伏番心情,比賽繼續.可能因為喊完,大家清醒左.o係將士用命之下呢局最後輸15:9,雖敗猶榮,大家最後都盡左力,打得好精彩. 雖然今日輸左,但係仲可以爭第3,希望班女排唔好氣餒,盡力打好下一場波佢. 6點零同莎去左油麻地買蛋糕模,佢想整蛋糕,去到7點幾. 夜晚玩fifa 2004,食飯玩碗online同打日記. sally,你好叻呀,今日你真係打得好好,有令人驚喜既演出.仲有,都話你開到波架啦,要對自己有信心呀,下場俾心機再打好d. suyi你都係,打得唔錯呀,開波都好穩陣,俾d心機啦,下場再郁多d跑多d就更好喇,支持你地!

>>November 12, 2003 at 4:32:06 PM GMT+8

2003 年 11 月 11 日 星期二 【晴】

呢排唔知點解鍾意哼住呢首歌,其實o係8月1日既日記都post過,不過又有另一番睇法. 做任何野,就好似玩猜情尋咁,當中當然會有贏有輸. 其實猜輸左又點?輸左都唔代表d咩,始終冇會輸足一世既遊戲,亦都冇人能夠贏足一世. 輸當然會難過,但係都應該樂觀面對,唔好諗之後會點,玩果陣認真去玩,全心去玩. 至少,你有投入過,付出過. 人生每個遊戲都有輸有贏,要贏隨左要努力仲要加上運氣..不過有時時不與我,十足把握都可以輸,冇計..的確係好挫敗. 要明白冇係可以必定得到贏到既,如果知道一定得既話,仲玩黎做咩? 遊戲就係好玩在你唔會知道個結果. 咁既然係玩既話,做咩要驚結果會點點點? 無論你聰明或者愚蠢,都冇話就一定會贏或者一定會輸. 學下猜贏猜輸都好,依舊去笑面迎人. 贏左一場遊戲唔代表你會一世快樂無憾,因為人生有唔只一場遊戲. 相對地,冇話輸左場遊戲就一定會從此過得唔好. 將來係點冇人知.. 總之要識得拎起放低,凡事唔好睇到咁重. 猜情尋 陳奕迅 作曲／編曲：吳國敬／孫偉明 填詞：林夕 監製：吳國敬／孫偉明／陳奕迅／陳永明 遊戲就算輸了亦有限 難過像過山車那麼辦 前程不管可否錦繡加燦爛 認真地玩 全心去玩 更好玩 遊戲若有輸也就有贏 除了力氣當然也講命 明明當初貪玩怎想搏命 何必面青 何必太驚 快聽聽 別當你要奮勇血戰 無論聰穎或愚笨 猜猜情尋 雖不如人 不影響你笑臉迎人 沒有說過你要戰勝留下歡樂便無憾 猜猜情尋 猜猜情尋 玩輸可以勝過別人 多一餐好覺訓 前進後退不過是個夢 搖過蕩過不失個好夢 前程不管可否錦繡都有用 目標落空 才可有空 放輕鬆 別當你要奮勇血戰 無論聰穎或愚笨 猜猜情尋 雖不如人 不影響你笑臉迎人 沒有說過你要戰勝留下歡樂便無憾 猜猜情尋 猜猜情尋 玩輸可以勝過別人 多一餐好覺訓 不必當真

>>November 11, 2003 at 4:25:01 PM GMT+8

2003 年 11 月 10 日 星期一 【晴】

今朝訓到6點半凍醒左,o係張床度攬住薄薄既被勁碌勁碌,碌左半個鐘先肯起身.7點25分出門,今朝比起尋日凍,所以換左長袖衫. 頭兩堂英文,對下listening我又做下自己野就過左.跟住第三堂空堂趕份中史essay,小息都用埋. 小息之後兩堂文學堂,第一堂教左陣書,跟住做文學賞析,做到lunch,又做唔切啦..T.T lunch上又一村食完就急急番去on duty,今日sally代kari,就同bonnie,sally巡地下. 之後econ堂做中史,跟住中史堂放棄..聽左堂書.最後中文堂對功課同教左少少書. 放學小玉讀報,佢勁o係度唔知笑咩.今日有第9堂english oral,上完好似冇上過咁. 放學去睇社際女排,今日開始比賽,今日am對sa,我地班都好多人去睇.睇睇下sally o係度喊,因為coral唔夠人打,佢呢個傻社長諗度好驚而喊..跟住我同suyi,阿正齊齊安慰佢,點知suyi喊埋一份,真係好姊妹-__-". 結果場波amber贏,不過都贏得幾險,carrie 1個頂5個跑全場打,不過我就覺得其實可以信下d隊員,有幾球應該打到唔駛輸既. 之後6點同莎去馬頭圍既一間勞作店度買野,6點40分走. 夜晚做中史,9點終於做完偉大既中史..感動T.T 夜晚都係例牌食飯洗碗online打日記,今晚加多樣同埋幫carrie cut歌. 唔駛驚同怯架,盡左力就得啦,盡左力都冇人會怪你.

>>November 14, 2003 at 3:11:26 PM GMT+8

2003 年 11 月 9 日 星期日 【陰】

今朝訓到6點45分醒,醒左好凍,就係咁又賴左5分鐘床.7點20分出去買左砵仔榚,食住砵仔榚好溫暖. 今朝番去拎埋書就打鐘,跟住等早會上台欏獎,只怪公民教育學會無啦啦選左我個slogan得獎,結果要上台欏獎,呢樣都還好,但係要我讀埋先慘T.T..唔好提. 頭三堂econ,用左黎做中史,食下今朝份獎品(薯片一筒-__-",被迫為五斗米折腰..唉),好快就3堂,不過再咁落去econ遲早drop得.. 小息落去買野飲,番上去做左陣中史,尋日剪既頭今日番到去o係小息有初次既迴響,好無奈..跟住兩堂文學,教書. lunch去左又一村食,番到黎sally發現佢唔得記左拎銀包,勁大頭蝦,好彩suyi,阿正佢地見到幫佢拎番.跟住我去on duty,四圍行下,地面好太平,今日又涼風陣陣,好舒服.同bonnie,helen(代kari)巡到打鐘,又俾佢地笑下個頭. lunch之後中史,對功課.跟住兩堂空堂,用左黎準備放學既讀報同埋同佢地傾計同玩.班主任堂讀報-__-",講左個怪topic,不過自己揀既. 放學打排球打到5點零,跟住成班人去左sally度排舞,練陸運會既cheer,都搞到幾亂糟糟. 夜晚番到去食埋飯洗碗同打日記.

>>November 11, 2003 at 4:01:06 PM GMT+8

2003 年 11 月 8 日 星期六 【陰】

今朝訓到9點40分醒左,上網上到11點去食早餐同睇陣報紙,跟住成朝睇d鈴聲網.下晝12點幾食lunch,跟住1點零有件搞笑事,阿妹困o係間房,阿媽唔知佢搞咩冇敲門就推入去,佢大嗌好臭,原來阿妹咁岩o係房度放屁,結果阿妹俾阿媽話左幾句,阿媽趕住出去先冇點對付佢..但係就笑到我傻. 1點零洗埋地,沖埋涼就出去,去搵埋莎出旺角剪頭髮,又剪到好鬼短,短過上次,好唔慣..之後同佢行左陣潮流特區,又買左隻fifa 2004,又掃下街食下野,然後上田園買左本《唐山大地震》,行到7點番屋企. 番到食埋飯洗完碗就裝隻fifa黎玩,岩岩玩完一場有人打黎阻住我玩,跟住就online同打日記. 死啦,想做功課都冇得做,冇帶到d notes番屋企喎..咁即係迫我繼續打機啦-__-".

>>November 9, 2003 at 1:00:15 PM GMT+8

2003 年 11 月 7 日 星期五 【雨】

今日訓到10點幾先醒,起身傾電話,今朝落雨,天氣果然影響心情,亂糟糟.傾到11點幾同阿媽出去,去到12點幾先番黎,落好大雨,淋到濕晒..番到去就去左沖涼,沖完涼就食lunch,食完下晝玩cm.玩左陣鯉魚打黎叫我幫佢整日記,跟住幫佢整左個background,我自己日記又改歌仔,之後一路hei到4點幾先收線.跟住去九龍城廣場等sally,阿siu同suyi,然後齊齊去街市買料,買左好多野,suyi好好笑.之後又上左百佳再買左d野,就番去.去左執檯,過左冇耐大勝同queenie都黎左,跟住等埋阿正,阿fa,carrie黎就開始食野.一路打到10點幾sally整左芝士批,好好食,d人搶住食,之後就曲終人散,番到去就訓.

>>November 9, 2003 at 12:37:45 PM GMT+8