2004 年 2 月 19 日 星期四 【晴】

今朝去搵莎番學,以為佢番左就自己行番去,點知行行下佢打黎,佢報稱自己唔舒服所以遲左,因此佢番到去佢都冇on duty.拎埋書番到課室執兩個英文folder交左俾sandy,打鐘落去早會. 第一堂空堂,落左去睇書.第二,三堂文學,快快樂樂輕輕鬆鬆咁過左兩堂,不過小玉,suyi同bonnie o係後面玩得幾嘈,令到楊sir都有d無奈. 小息落去on duty,唔見rebecca on duty,之後先發現佢冇番學..我發現zita果行以西既同學仔如果冇番學我都會唔覺,因為我好少會特登望過去. 跟住兩堂中史堂,miss yim教番書,教明代.佢真係教得好好,我地明得好快,進度都快好多..好過我地自己人教自己人. lunch行下行下又去左太子食河粉,食番酸辣米線,今日d酸辣米線真係辣辣地,食到suyi好好笑,我都出晒汗.番到睇左輪,toto,casper,阿show佢地玩波子棋,之後我同sally玩,玩到打鐘. 跟住中化堂,作文,今次篇實用文幾難作..全班都做唔晒,好彩我最後果堂空堂,拎左落去做,又撩左sally讀報d感想俾佢.結果放學sally冇讀報,miss潘俾時間我地作埋篇文,又宣報3月14號去米埔,都幾無聊下,不過當旅行都ok掛,但係又禽流感喎..矛盾死. 放學同左輪,toto捉左兩盤波子棋就落去library搵angues,jody,suyi,小玉佢地,搵debate d資料,之後拎手繩俾sally.又睇佢地睇掌算命,4點45分走,等車等左好耐先有.. 番到去5點,沖埋涼換衫,食左少少野就出去.去左莎度,湊左一陣細路跟住同莎出佐敦買芝士包,跟住行落尖咀,行到就10點先走,番到去10點半,睇番莎錄左既今日果集《陀槍師姐4》,睇到11點零,之後佢眼訓我都番屋企. 番到黎玩cm同上網打日記.

>>February 20, 2004 at 4:50:15 PM GMT+8

2004 年 2 月 18 日 星期三 【晴】

今朝同莎番到學校7點40分.佢去on duty,我就背番文學,背到打鐘落去早會. 第一堂中化,教左少少書,又講起尋日隻雞雞,校長早會果陣話已經銷毀左隻雞,我地班有人以為係"燒"左隻雞-__-".其實聽到呢個消息果刻係有d唔開心,rebecca幫佢影既遺照好似成為左搶手貨. 講起隻雞雞原來係叫雉雞,聽講因為飛唔起,俾校工由3樓打左落地,跟住俾校長又親手生擒,之後就俾人道毀滅左,都幾殘忍,但又冇辦法唔殺,呢排禽流感肆虐,始終要穩陣d. 第二,三堂英文,頭一堂用左黎對dictation同上次做份quiz d answer,第二堂搞左個類似debate既野,最後落堂前俾左好多功課. 小息去左on duty.第四,五堂中史,到我同toto講書,講到好失敗,唉-__-",toto仲要有d唔開心,算啦.. 落堂同miss yim討論左陣,跟住去食lunch,suyi,小玉,rebecca,angues,jody佢地因為聽到謝sir辭職而唔開心,都冇一齊去食飯.我同sally,carrie,阿正去太子食河粉,食左sally推介酸辣米線,幾好食. 食完番到去1點10分左右,跟住勁背文學,經過中史堂教完書我d文學冇晒!蝕晒底.. 跟住就文學堂,默書默到我仆直,第一次默到咁頹..漏左好多字,記唔番..默完一開書又記得,可惡..之後教少少書就落堂. 跟住兩堂空堂,同sally捉波子棋,話晒我都係一代棋王,唔好睇小我=P!之後小玉,suyi同rebecca聽完miss tang教野番黎坐,佢地就同sally傾下計,我就睇下文學. 放學同sally走,落左九龍城買繡花線,行完一間又一間,買完上左百佳掃野食,過多一排一定肥死. 之後上佢度食野,食完陪左佢一陣,傾下計同玩就走. 夜晚番到去食埋飯洗埋碗就上網打日記.

>>February 19, 2004 at 4:05:40 PM GMT+8

2004 年 2 月 17 日 星期二 【晴】

今朝7點20分先出門,番到去7點50分,拎埋書見到sally,之後番課室準備中史d野,準備到打鐘落去早會. 第一堂中文,教書教藝術.第二,三堂中史,本來應該第三堂到我同toto講書,不過阿柴佢地果組overrun左,用埋第三堂,咁即係聽日果兩堂都係我地既. 小息番班房之後落去on duty,一出課室門口望到樓下好多人圍觀緊P4課室個窗口,初初唔知咩事,後尾同rebecca行過去睇先發現原來係隻好似雞既雀鳥,白色羽毛,全身肥騰騰好得意,條尾又好長好靚. 隻白色雞雞匿左o係P4房既冷氣機隔離,所以引黎唔少同學既圍觀,咁多人望住佢佢都唔走,我諗佢十成傷左飛唔到.之後睇多陣就同rebecca落去on duty,一路行操場一路睇住隻雞雞既動向.之後驚動左校方,楊sir同校長都出左黎睇.跟住校工入左P4用掃把嘗試打走隻雞雞,跟住隻雞雞跳左上冷氣機,之後又半飛上左3樓對出既簷蓬.隻雞雞飛果刻全場拍晒手掌,佢d飛行姿態的確幾靚,不過可能真係傷左(或者超重-__-"),o係飛去3樓簷蓬果陣撞左埋牆,跟住一路停左o係簷蓬行. 小息完左打鐘,但係d人仲掛住睇雞雞而冇番課室,趕得好辛苦先趕晒d人入去.跟住兩堂空堂,出去睇左多陣,見到校工拎晒網同棍,不過廢事俾人趕就入番library,睇下中史同傾計玩. lunch上左又一村7仔食,食完同sally,suyi,小玉去惠康行左陣,冇duty要on既lunch真係好悠閒. 跟住兩堂空堂,睇下中史同sally,suyi,rebecca,小玉傾計.最後中化oral堂,輪唔到我,又負責俾分人..下次好大機會有我份. 放學送莎番去同去左佢度一陣.夜晚食埋飯背文學,聽日默書. 二佬生日快樂!

>>February 19, 2004 at 4:05:35 PM GMT+8

2004 年 2 月 16 日 星期一 【晴】

今朝訓到6點40分醒,7點零出門,今朝又同莎番學,番到去7點40分.之後同左輪傾左陣計,跟住溫dictation,打鐘如常落去早會. 早會過後頭兩堂英文,派番d功課黎對,之後dictation,因為溫左,所以都唔太難,個unseen dictation都比平時容易.第三堂空堂,落左去睇中史同傾計玩. 小息on duty四圍行,撞到阿正同阿佬,"護送"左佢地番班房之後繼續行,行到打鐘兜多個圈趕晒人番班房同阻止左場推撞就上番去上堂. 跟住兩堂文學堂,派番上堂做d文學賞析對,解完討論答案,跟住就逐個出去俾佢講下d意見,咁就兩堂. lunch去太子食河粉,我發現每次我地一有得去遠d食一定係去太子食河粉.9個人浩浩蕩蕩去食,分左兩張檯,食完去左circle k食左隻粉紅色既夢幻芒果雪糕. 番到去同左輪,toto,阿show,阿柴玩波子棋,好開心.之後空堂,落左去睇中史同傾計.跟住中史堂,toto勁失魂,miss yim叫佢去拎notes佢拎左粉筆,好好笑..最後中化堂,講世界七大奇觀講到落堂. 第九堂兩班英文合併玩左場辯論,完左同sally走,行經牛津道去搭巴士去樂富,行過牛津道果陣睇番英華個舊校舍,不禁湧起左好多感覺,同sally講左好多果陣d野,好懷緬. 之後等7B,等到都等唔到,反而見黎左平時等好耐既12A同埋兩架1號,我同sally就講等1號,結果1號冇黎反而7B即刻黎,幾邪.. 上車搭到去樂富,同佢去搵朱古力,之後落去買燒雞,跟住去佢度.食埋野食到好飽,跟住占塔羅,我諗都ok準掛,之後又俾佢修我d頭髮,嚇到我漂汗-__-",不過修完都幾好喎,好叻女. 夜晚番去食飯洗碗,之後online,上左陣網同打日記.聽中史到我同toto教元朝,咩都未預準,死得!!

>>February 17, 2004 at 4:22:17 PM GMT+8

2004 年 2 月 15 日 星期日 【晴】

今朝6點35分醒,7點零出門口,今朝去接莎番學,輪到佢on早既duty. 番到去拎埋書o係班房做中史essay,打鐘落去早會,早會校長講到校園暴力既問題,仲講得好激動,個早會都dum左好耐下. 頭三堂空堂,落去做中史essay同英文d功課,做到第三堂頭做晒,跟住陪莎做佢個讀書報告.小息on duty,都只係o係操場行. 第四,五堂文學,講左少少野就做文學賞析,寫到手痛.. lunch諗住有得出去食,但係阿正,阿佬,carrie佢地要補課,上左又一村買飯番學校tuck shop食.食完番班房訓覺,尋晚太晚訓,好眼訓-__-". 之後中史堂,輪到阿柴,阿智同flora教書,不過好似準備不足..講錯之餘都幾混亂下,努力啦~ 最後兩堂空堂,第一堂睇中史同傾計玩,第二堂同jaffen去搵楊sir補番上次我冇番冇上到既文學堂所教既野.去到搵到楊sir,不過佢先教左10零分鐘,就去左見家長-__-".之後番library,去左上網.臨完堂suyi,小玉同emily佢地扮晒野有野玩,有野玩人就真!不過就俾聰明既我(呵呵!其實係佢地d戲屎,個個笑騎騎驚死我唔知佢地想玩我咁..)識穿左,詐傻同帶佢地遊花園. 放學陪莎番去,訓到7點起身,跟住佢食飯.食完飯傾左陣計同上網,9點零就走.番到去食埋飯洗完碗睇左陣電視,跟住番房打番呢兩日既日記.

>>February 16, 2004 at 2:57:31 PM GMT+8

2004 年 2 月 14 日 星期六 【晴】

今朝訓到11點醒,起身食埋早餐番房打機,玩到12點零食左d所謂既晏,之後又番房打機.玩到1點零做中史essay,做到3點出去,去莎度搵佢.之後阿妹話冇帶鎖匙,勁無奈落去拎番俾佢,跟住去匯豐搵番莎.番上去上網同食Dreyer's曲奇與忌廉(cookies n' cream)雪糕,好好食>O<. 6點零走,陪埋莎落樓買飯,跟住番到去食飯.食完飯洗埋碗番房打番晒中文學會d會議紀錄,假假地我都係文書,係時候做下野.其間阿妹唔見左八達通,佢經常o係屋企唔見野,唔見又唔搵,淨係得個嘈字,驚動埋阿媽,搞到阿媽又好憫,我都好嬲,全屋為左佢而混亂..之後做埋中史essay,做到11點零冇心機做,跟住玩cm玩到3點半先訓.

>>February 16, 2004 at 2:53:03 PM GMT+8

2004 年 2 月 13 日 星期五 【晴】

先苦後甜既一日. 今朝訓到9點幾醒左,起身玩cm玩到11點左右,莎上左黎,第一個同佢過既情人節.12點幾佢煮意粉我食,1點零我地o係樓下搭van仔出旺角,搭van仔送左樣野俾佢. 到左旺角,我地先去整我房壞左既電話,去到好長龍,等到莎好憫,之後行落佐敦,一路tum番莎.跟住去食米線,食完再行落尖咀. 先去新港行街,睇衫睇鞋,跟住去海港城行.行到咁上下囗乾,去左惠康買野飲,今日度度既人頭湧湧,去惠康又排左一輪隊.之後唔知點解講起我屋企d野,有d唔開心,莎比我更加唔開心,佢喊..tum番佢,傻婆,有你我已經好開心. 一路行到6點零莎過番新港買鞋,之後就送佢番去.夜晚同佢食pizza,就連pizza hut都要等,外賣送貨要90分鐘,外賣自取都要45分鐘. 9點零同佢去九龍城廣場拎pizza,我地先去左百佳逛陣,跟住再去拎.之後番去順便買左杯雪梨汁兩份飲,食埋野陪多佢陣,我有d病病地,好眼訓,訓左陣先走,番到去撞到阿爸,原來佢要加班,上左樓同莎傾左陣電話先訓.

>>February 15, 2004 at 8:38:22 AM GMT+8

2004 年 2 月 12 日 星期四 【晴】

今朝早番出門口,7點40分番到去,見到vice prefect順便同佢點左名.跟住上去拎埋書就出去on duty,同左輪傾傾下發現今日係黑色星期五.打左鐘落去on duty,早會好快完左. 第一堂文學,教左堂書.跟住第二,三堂中化,教實用文. 小息同sally落去買野食,番上去同toto玩左盤波子棋.第四,五堂空堂,落去做中史同傾計,做左兩堂. 跟住lunch,上去又一村7仔買飯食.食完12點45分急急忙落去開會,番到去去P4開中文學會既會,勁多野抄,都係emily衰,屈左我做文書.. 開完會都打鐘,跟住3堂英文,頭兩堂去mmlc睇片,我同sally個headphone壞左,一齊去左第二個位坐,睇片睇到好眼訓訓左陣.第三堂英文番課室,miss Tang勁俾功課-__-". 放學番左屋企,番到去玩cm,玩到食飯.食完飯洗埋碗番房睇書,阿媽今晚又心情唔好見人就鬧一餐,於是搭正10點我已經匿左上床訓.

>>February 15, 2004 at 5:25:47 AM GMT+8

2004 年 2 月 11 日 星期三 【晴】

今朝遲左起身,番到去都已經7點50分,遲大到on duty,好彩head prefect好人冇計. 急急忙番上拎書,撞到bonnie行緊去on duty,由佢口中得知搬左班房,因為中七唔駛再上堂,我地就進佔左7A班房.個新班房都唔錯,環境冇咁嘈之餘,仲好光猛下..不過個就焗左d,但係個班房仲有一個最大既好處係近locker,拎書只要出去轉左就係locker. 話說拎完書之後,本來諗住拎住文學書邊背邊on duty,不過見我睇3樓,班房又o係3樓,我決定維持6A既課室秩序..背到8點10分打鐘落去早會,今朝早會好快完. 第一堂空堂落去背文學,第二,三堂就係文學堂,背默..背到發瘟,有幾個字唔記得左,算.之後教書,P1附近都幾嘈,有音樂室d琴聲伴住上堂之餘,仲有隔離班死仔勁嘈,結果楊sir提早幾分鐘放我地走過去丙人. 小息落去買野飲,上番去做英文功課. 跟住第四,五堂中史,又係emily同阿show教,唔自覺咁聽到遊晒魂,唔知點解..跟住miss yim又有d興,之後集中番精神聽.. lunch同阿正,阿佬,小玉,suyi,angues,jody,rebecca上去又一村買飯,跟住番新6A班房食飯,小玉又自己喪笑一餐,好驚..食完趕英文功課. 跟住兩堂中化,聽人講左一堂藝術品,跟住果堂講書,教新一課既藝術.最後一堂空堂,因為中化堂多咀答左miss潘問題結果要搵吳哥窟既資料,最後成堂都係上網睇資料,小玉又唔知玩d咩變態遊戲輸左走過黎搣我滑滑既面,好慘T.T.. 番上課室又差d行錯路,真係行慣左,lunch果陣都係差d行錯,原來習慣都幾難改..都有d懷念關埋門冇王管既舊6A課室,懷念課室既有出冇入設計,同懷念學期初我多次早會錯手關左門搞到大家冇得入課室既場面. 放學同toto行去搭車,之後去探sally,佢好番好多,6點零我地落左百佳買野. 之後7點零走,番去果陣有件趣事.話說我落車個陣,有個好似係自由行既女人都要落車,當架巴士埋站,佢見到佢個親戚o係站牌下等緊佢,當個司機一停車開門,我諗住讓佢落先,點知佢奪門由上車果度彪出去(我諗係因為佢見個親戚企o係站牌下,近上車個門,所以由果個門落車),只見個司機同正要上車既乘客們,加埋佢個親戚,個個既樣都哭笑不得.. 番到去食埋飯,之後番房打日記.

>>February 12, 2004 at 3:09:23 PM GMT+8

2004 年 2 月 10 日 星期二 【晴】

今朝又係訓到6點35分醒,今日預早左出去,費事又要追車.等左陣車就黎左,番到去7點35分,拎埋書又係7點45分先落去點名on duty.今日同左輪睇番3樓,都差d又調去門口,好彩左輪夠堅持.8點零sally番,拎左舊好creamy既朱古力俾我,佢自己整,都唔難食. 今朝因為有惜別早會,搞到開OT,on duty到9點10分,不過好得行下好過原地企一堂既的確.. 上到去有半堂第二堂淨,miss潘用黎處理班務.第三堂英文堂,做埋個listening佢. 小息o係班房,sally準備緊佢既"大戰"..佢一眾既好友o係小息打鐘之後幫佢"開路"-__-". 跟住兩堂中史,今日由emily同阿show教北宋既變法,講真有d悶..不過都唔要求得咁多,因為佢地都教得幾清楚. lunch上左又一村7仔食野,食到12點45分走,sally同suyi要番去on duty.陪佢地行左陣番班房,同阿柴,左輪講番我上次新世紀既慘痛回憶,之後又落番去搵sally同佢行左陣. 跟住文學堂,派番同講番上次文學堂作既短文仔.最後兩堂空堂,一邊做中史essay一邊聽sally,rebecca,suyi同小玉佢地講既變態野. 放學sally本來話同suyi,angues,jody,rebecca佢地落去尖咀玩占卜,不過行到太子sally覺得唔舒服,就同佢地講話我唔舒服.之後陪sally行落旺角搭van仔,佢一路話頭暈,番到去佢訓左陣.訓到夜晚7點零佢起身又痾又嘔,結果等佢換埋衫就同佢去富山村睇醫生.佢都幾奄尖,唔識既醫生會睇唔好..結果搭的去睇,睇完8點半,搭番的士番去,原來佢腸胃炎,送埋佢番上去我就番屋企. 番到去9點,食埋飯送碗就番房online同打日記,聽日文學默書我都未背..弊.

>>February 11, 2004 at 3:40:47 PM GMT+8