2003 年 11 月 25 日 星期二 【晴】

今朝訓到6點50分醒,今朝鼻水少過尋日,以為好番,點知咳得勁左..今日番到去俾人歧視,因為我呢個"源頭"懷疑感染左toto,阿稀同埋jaffen..最搞笑係圍住sandy黎病,仲差emily未病,我就話唔係sandy就會拜拜(玩緊圍棋-__-"). 今朝個早會長到傻,企到人都癲,又用晒我包雲吞d皮,好辛苦.. 第一堂文學,楊sir今日好悲,講左好多悲慘野,唉..我會俾心機讀好文學佢.跟住兩堂中化,做聆聽練習. 小息同莎落左去買野食,之後兩堂空堂同toto上yahoo玩graffiti,玩左兩堂. lunch上左7仔食,食完番到去課室睇下報紙..之後上去探sally班俾佢捉到打鐘. 最後三堂英文做作文既corrections,又作新既作..我作到放學. 放學有sing con睇,同toto去左湊熱鬧,睇到6點左右走.之後同阿正,carrie,sally,阿佬出旺角行左陣,又同sally去左潮流特區,7點左右走. 跟住去左佢度,佢今晚又整蛋糕,我上去試味,經過上次失敗之後,今次佢認真咁整左個好完美,好好食既日式芝士蛋糕..好叻~

>>November 26, 2003 at 3:45:20 PM GMT+8

2003 年 11 月 24 日 星期一 【晴】

今日起身鼻水少左,但係有幾聲咳,番到去好趕就去左當值.. 第一堂空堂,溫中化,結果係幫阿show同emily同helen對佢地篇閱讀報告捉錯字..跟住兩堂文學講作文同教書. 小息同sally落去買野食,之後兩堂中史堂玩辯論,都幾激烈下..結果我地果組贏左. lunch上又一村買飯,拎番去tuck shop食,食完番去溫中化. 跟住兩堂中化test,寫到手軟,吹左好多無厘啦間既野,不過好滿足..=) 最後空堂都唔記得做過d咩.. 放學同阿正,阿佬,sally去行又一城,行到6點零.

>>November 26, 2003 at 3:39:28 PM GMT+8

2003 年 11 月 23 日 星期日 【晴】

尋晚都搞到12點幾,食埋藥就訓..結果今朝訓到過晒籠,醒左都7點,好彩尋晚同左輪哥講左話幫我o係prefect度請假,因為尋晚驚住今朝要對住門口既人"包雲吞",我又冇本事包到一人一隻喎(包到仲驚),所以就決定唔獻醜,請假. 起身依然有鼻水,不過少左好多,但係反而由喉嚨痛演化成咳(進化論?)..今日難得唔駛番早,又撞岩莎生日,o係自己都冇預既情況下去左接佢番學,諗住俾個surprise佢.佢又係既,番學時間越推越遲,搞到差d遲到.. 第一堂中化,教書同傾番上一堂討論既野,跟住兩堂英文做past paper.小息同莎落去四圍逛,又去左買野食,跟住又搵suyi.小息之後兩堂中史,分組討論又兩堂. lunch去又一村惠康+7仔食,食完莎買左藥同喉糖俾我,番去學校就食藥.跟住文學堂派番作文,俾楊sir話我篇抒情文太過creative喇..哈哈,好彩分數都好滿意.最後兩堂空堂,上網搵左d資料就勁做唐山閱讀報告,聽日要交,做到放學. 放學好多人番黎探老師,方少啦,dora啦等等..我打左陣排球,本黎諗住同sally,阿正,方少佢地去食野,後尾等到5點sally話唔想去就走,之後去左佢度趕功課,好唔容易先做完份唐山閱讀報告..跟住陪佢整蛋糕. 夜晚番到去食埋飯洗碗溫左少少書就online打日記,聽日中化首次test..希望有個好既開始-__-".

>>November 24, 2003 at 3:13:57 PM GMT+8

2003 年 11 月 22 日 星期六 【晴】

今朝訓到10點幾,睇黎d幸褔傷風素冇咩用,似安眠藥多d,係幫我快d訓..醒左食埋早餐就出去同阿媽買送,好凍好凍,d送又好重好重.. 番到去俾阿媽叫住我唔好出去,打亂晒我今日既大計..下晝上下網同打番d日記,之後2點幾出門口,今日去阿婆度,去幫表妹慶祝生日. 搭車入到去都3點,帶左本《唐山大地震》都冇心機睇,反而同表弟打機,之後佢地落晒公園玩我就無無聊聊睇下書,又send sms,跟住又同莎傾下電話,由突分鐘傾到爆分鐘咁滯.. 6點零online上下網,7點有飯食,原來又係打邊爐..我細個好恨日日打邊爐,因為覺得好好食,但係淨係呢個月就打到我有d驚..仲要連續兩日.. 打完邊爐又番房煲粥,同睇表弟妹打機,跟住9點零搭車走,番到去順便去左盡公民既責任,去左投票.初初入到票站唔知做咩好,好彩果度好招呼,好順利3分鐘內搞掂走得人. 出番黎等埋阿媽就番屋企,番到去online打日記同搵唐山資料做功課.. 好病呀..夜晚打完邊爐喉嚨痛得要死,又勁流鼻水..搞到聽日唔想番學,但係又..

>>November 23, 2003 at 3:37:57 PM GMT+8

2003 年 11 月 21 日 星期五 【陰】

今朝起身個病嚴重左,勁流鼻水..跟住去沖個涼,之後on左陣line就出去同莎食晏. 下晝食左藥,最後訓左1點鐘左右..直到4點零同莎去吉之島逛下,行到6點.番到去又去左街巿買料,今晚阿甄約話去佢度打邊爐幫sally慶祝生日. 7點零同sally搭車去阿甄度,去到8點都未到,o係lift度撞到阿正.上到去過多陣開始食得,我去睇左阿佬同大勝打左陣winning,之後又玩多round先食野.食野影下影同玩電腦,9點幾佢地送禮物俾sally,仲有suyi整既蛋糕,睇得出sally好開心. 之後食多陣野同影下相,都11點幾,就執野走..送左sally番去,差d兩個都訓到唔記得落車..跟住番到去食埋藥就訓.

>>November 23, 2003 at 4:58:21 AM GMT+8

2003 年 11 月 20 日 星期四 【晴】

今日係學校旅行既日子. 今朝6點半起身,起身feel到病病地,執好晒野7點15分出去,跟住過去同sally去荷李活廣場.去到見到小玉,跟住上去搵埋suyi,之後rebecca都黎埋,行左陣百佳咩都冇買就走,落到去8點25分.點埋名等到人齊,8點半就過去搭車,搭92號入西貢. 上到車好多人,之後有d婆婆上左車冇位坐,我同toto諗住讓位俾佢地,不過miss poon同鄭sir讓左位先,我地諗住讓番俾佢地坐又俾佢地婉拒左.搭左半個鐘車入到去,落車去左間百佳買炭同叉同埋水. 之後搭船仔過去今日既目的地三星灣,搭左5分鐘左右就到,我好鍾意搭船,好涼爽..落左船果陣水清沙幼,亦都人跡罕至.我地過左烤燒場擺低野就開始燒烤,燒左陣有d人話想買野飲,我地5個男仔就行去搵士多,點知執行越唔對路,攀山過澗,前面都仲係一大堆石頭,結果行到好遠都見好似冇,四圍都仲係一片石,就放棄左..既然一場黎到,就咁走我地又覺得唔抵,結果就o係果度玩左陣先番去. 番到去食左少少野,跟住落左沙灘玩.落左去擲下石仔同影相,最後玩killer,一路玩到2點幾,跟住就執野,大約3點搭番船出去,出到西貢又去百佳買左d野飲,然後搭番92號出去鑽石山. 跟住解散之後同莎去左行旺角,去左旺角中心同esprit,最後去左先達,跟住送佢走同食飯. 夜晚見個人病病地食左藥就去訓.

>>November 23, 2003 at 4:43:24 AM GMT+8

2003 年 11 月 19 日 星期三 【晴】

今朝7點50分先番到去on duty,第一堂中化讀書,第二,三堂中史教書同分組討論,之後對卷,全班最高分..呢個為我小息去同miss ho話drop econ打下左強心針. 小息一到,內心好掙扎,我拎住封信戰戰競競去搵miss ho去同講drop econ,佢收左封信叫我俾心機,果刻好感動,個心都好似鬆晒咁.. 之後番到課室有種失落,好彩有班同學仔既支持.跟住兩堂空堂,都唔記得點就過左.. lunch食埋野番去練排球,今日完全提唔起mood打,可能drop左econ唔放心啦.. 跟住兩堂econ,可以唔駛上,走果陣俾阿show,helen佢地叫住,唔駛讀econ個心雖然鬆左唔少,但另一方面,又覺得讀兩科會好危下..呢兩堂睇下書就過左,之後中化oral,冇諗過出去講,因為未寫完..點知俾阿show帶領既群眾壓力推左出去死..無奈-__-". 放學換左衫就去準備打社際排球,今日一路都開唔到唔波,搞到冇咩心情打..好彩最後後備出場,唔驚陀衰個社..第一場贏15:11,第二場我有得出,開頭落後成6分,不過好彩之後慢慢咁追番,最後險勝15:13,打果陣幾驚,打完贏左好開心.. 贏左執完場地食埋sally為男排整既cheese批就走..好好食!

>>November 23, 2003 at 4:11:36 AM GMT+8

2003 年 11 月 18 日 星期二 【陰】

今朝起身勁眼訓..番到去又遲遲地到先on duty,又係睇到眼花. 頭兩堂英文,做下worksheet就過左,跟住空堂,拎定文學落去傾計同玩. 小息鐘一打我地就去英語角等作文,楊sir竟然冇左件事,好彩(不幸?)我地撞到佢..跟住作文作左中間果兩堂文學,一路作到12點20分先作完,臨尾都唔知自己寫緊d咩..冇心機寫就埋尾走人. lunch我12點20分先出去,好彩sally,阿正,carrie同阿佬佢地有等我,跟住去左又一村買飯拎番去學校食.食完同sally去on duty,suyi今日冇番. lunch之後econ堂,派番test卷,個結果令我覺得唔drop都係等死..我決定左drop econ,聽日就俾信.跟住中史堂分組討論,最後中化堂教書,好抽象既一課.. 放學有第9堂,但係miss tang要開會,結果我地入左另一組,無聊一輪放學,撞岩社際男排季軍戰(am對em)就開始,諗住睇啦,點知我地成班俾人趕走,因為今日day 6唔俾留低,結果果場比賽要閉門作賽.sally好不滿馮sir既行為,我就提議企o係學校隔離巷仔睇,齊齊支持am,結果我,阿正,sally,阿稀,jeffen,左輪,bonnie同阿show就齊齊企o係度睇到完場,結果am贏左,簡直大快人心.. 之後同阿正,sally出旺角行,搵卡通公仔既cd+cassette收音機,結果都係搵唔到,行到7點零走. 夜晚寫左drop econ封信啦.. 聽日就社際排球決賽,co對sa,期待!

>>November 23, 2003 at 4:13:42 AM GMT+8

2003 年 11 月 17 日 星期一 【雨】

今朝訓到6點50分,趕到傻,番到去岩岩好撞到bonnie同左輪,齊齊遲少少到去on duty.本黎諗住今日唔駛做睇體溫表果個,左輪話代我做..點知去到我同左輪齊齊做,反而個女仔唔駛做-__-"..又成朝都眼花花. 頭三堂econ,re-test,因為全班破記錄性肥淨1個,miss ho激到傻,先用左一堂教番d basic野,跟住第二堂溫書,第三堂測.測完個re-test我好明確知道我將會同econ say bye..睇黎drop econ將會係大勢所趨,唯有中史同文學再俾心機d讀啦. 小息遊走買左蘋果汁飲,跟住番課室食左個蛋糕.之後兩堂文學,教書,完左課荊軻傳,聽日會作文.. lunch上又一村7仔食,食完急急番去代suyi當值,佢話要溫bs喎..同sally巡左個lunch,之後諗住走得點知仲要守埋廁所..-__-" 跟住一堂中史,派番d功課同對番答案.最後兩堂空堂,拎左本《唐山大地震》落去睇,點知先睇左兩頁,就訓左兩堂! 放學諗住走,但係suyi話睇波,之後打左陣排球,睇埋場社際排球,em對am,am第一場表現唔差..不過最後都係輸局數2:0,但係其實都輸得漂亮. 臨走sally俾,miss yim捉到,原來佢同suyi都報左名今晚去睇辯論比賽,佢地兩個都唔想去,suyi就搵到bonnie代佢去,sally就冇,諗住閃人算數..點知佢陪完suyi睇埋波臨走俾miss yim捉到,俾miss yim迫左佢去. 最後sally唯有局住去,好彩有個位淨,我臨時拉伕都去埋,同sally,miss yim搭的士去九龍塘火車站,sally一路都好唔開心,猛話俾suyi出賣左,最慘係我同sally都未食野. 6點零o係火車站等齊人(有11個:miss yim,sally,bonnie,kari,cherry,emily,小玉,阿柴,阿稀,左輪同我)就搭過去大學站.去到搭校巴入邵逸夫堂,都就7點,sally依然好嬲好唔開心,打左俾阿甄訴苦.. 之後入到去,坐左3個鐘,餓到我胃勁痛..雖然聽左場都幾精彩既港大對中大既辯論,不過我地坐得好後,坐尾二果排,所以都自己玩同傾計多.直到10點零聽埋結果先走,搭番校巴去火車站,然後搭番出九龍塘,再落sally搭25M到佢樓下,都11點幾,食埋個晚飯,送埋佢番上去然後先番屋企,跟住就online打日記.

>>November 23, 2003 at 2:16:05 AM GMT+8

2003 年 11 月 16 日 星期日 【雨】

今朝訓到6點40分起身,呢兩個禮拜又係on番早,真係陰公..好彩今朝起身唔凍,7點10分出門.番到去岩岩好7點40分,快脆拎完書去點名,今朝守門口,睇紙睇到眼都花.. 第一堂文學,楊sir忙到最後7分鐘先黎到上堂,跟住教書叫我同佢玩左個role play(荊軻刺秦皇)就落堂.第二,三堂中化,教書. 小息食下餅同落左去買野飲.跟住兩堂空堂,落左去玩同傾左兩堂計,帶埋去既《唐山大地震》就冇睇過..死得. lunch上左又一村買飯番學校小食部食,之後去幫手練排球. 最後三堂英文,去左mmlc睇video,今日既三堂過得好快,好開心.. 放學去左校務處拎番張畢業證書,跟住去幫coral班女排練波. 練到4點45分開波,第一場兩邊鬥開波,最後co贏15:9..第二場就打得難分難解,d分數都好近,最後險勝,直落兩盤2:0贏左季軍,贏完個個都開心到不得了,各位打瘀晒既手冇白費到. 今日呢場波d人都打得好過上場,個個都好叻.特別係sally,今日打左幾球靚波,仲有球cum番過對面,型死＞o＜! 之後6點零走,同sally,suyi去左豐澤,suyi買左個焗爐,之後搬到suyi樓下,又陪sally四圍買野食. 番到去食飯,睇電視,洗碗,就番房online同打番d積落既日記.

>>November 17, 2003 at 3:36:23 PM GMT+8