2004 年 5 月 7 日 星期五 【雨】

今朝6點幾就醒左,聽到好嘈既落雨聲,開903聽,原來掛左紅色暴雨警告. 到左7點越落越大雨,7點20分更加掛黑雨,本來今日會考英文listening要改期.點知到8點幾就冇咩雨,睇黎天文台一定會俾人鬧. 之後起身開機打機玩cm,玩到11點幾去沖涼,1點零過左莎度,食左個麵.本來諗住教佢數,不過佢又話去冒險樂園,之後又去左樂富吉之島睇野同買野食. 結果4點幾先拎住一抽兩抽番到去,之後玩tarot. 6點幾先開始肯俾我幫佢溫書,莎星期一重考maths,結果今晚溫到9點,之後食d完見佢都眼訓我就番屋企.

>>May 8, 2004 at 7:25:53 PM GMT+8

2004 年 5 月 6 日 星期四 【晴】

今日番學都番得幾無謂,一黎番半日,二黎冇咩人番. 因為好多人重考會考英文既關係,今日全班得11得人番學,其他去晒考試. 早會得番8個人排隊,見到d F.4不停望過黎.我望番過6S都係得寥寥幾個人. 第一堂空堂,不過geog班上唔到堂,所以留o係課室hae,睇下文學書. 第二,三堂文學,得5個人上,留左o係班房用電腦教學.一開始楊sir上網同俾powerpoint我地睇,又俾左d文章我地睇,不過之後第二堂文學果陣上唔到網,楊sir就拎番上次作d作文黎講,我期望都幾大,因為果日好多靈感,結果有66分,雖然有期望但就超額完成,所以都有d意外.落堂前又上得番網,楊sir俾左d金黎句我地睇,其實今堂都幾似哲學堂.. 小息之後得我同sally上兩堂中史堂,miss yim同我地講番晒d資料題點做,跟住俾紙我地做功課,做到12點10分放學. 放學等莎換衫之後去左土瓜灣食麵,suyi之後都黎左.食完我番埋屋企換衫就同莎出去旺角行,行到7點零去佢度打邊爐,9點幾睇明珠台,rebecca loos好不知廉恥咁講佢同beckham d野,之後就走.

>>May 8, 2004 at 7:13:15 PM GMT+8

2004 年 5 月 5 日 星期三 【晴】

今日起身好累..訓到7點05分先起身. 今朝同莎番去就打鐘,拎埋書落去睇下今朝中文+中史學會文史週個頒獎禮搞成點,點知未搵得獎者出黎!我拿拿聲去搵,好彩有miss Lam既幫助,結果順便搵晒d人上台.不過個程序好似幾亂下. 頭兩堂中化,聽兩堂書,臨尾派番份測驗,都ok既.跟住空堂同toto落去睇powerpoint,一陣要做主題班會,仲搵埋bobo幫手改,點知改完個file大得滯save唔番,仲要delete左原本果個,搞左好耐,最後被迫zip左佢.. 跟住好趕出去影校刊d學會相,影左中文同中史學會既相.上番去,打鐘之後就開始會做主題班會,個題目係兒時最愛既卡通片,個個都做得唔錯,輪到我地果組,做足球小將,左輪同阿禧都幾勁,唔駛稿爆肚又爆笑.之後準時12點10分完,結果emily果組做唔晒,下星期二要做過. 今日本來放左學,但係lunch之後要番去補課,emily,show,toto,小玉,sally同我去左又一城食KFC,食完番到去1點半,拎埋notes但搵唔到空房上堂,最後夾硬屈左間賴死唔走,補到3點幾走得. sally開頭又話番屋企,但佢諗諗下最後話想去旺角行.去行新世紀,行到5點零走.之後番九龍城又同佢去左行百佳同三聯. 今日又唔見野,呢排成日唔見野,好沮喪..

>>May 6, 2004 at 3:59:44 PM GMT+8

2004 年 5 月 4 日 星期二 【雨】

今朝番到去落住雨,欏埋書落左去搵alex拎番條褲,點知係濕既..於是上番去就掠左o係後面個櫃度.今朝因為落雨冇早會. 第一堂geog,落左去做中史,不過傾計為主.跟住兩堂英文,分組玩無聊野. 小息四圍遊,唔記得做過d咩..跟住中史堂,上左一堂toto以為仲有一堂,跟住果度係中化,都係講下詩教下書. lunch好趕忙上左去又一村買飯,因為陣間有班際西瓜波比賽,我地對6S.食完飯我地幾個男仔去左換衫,落到去等多陣就開波. 好耐都冇踢過波,一踢就踢西瓜波-__-".一開波係均勢,兩邊都有攻守,我地憑住主席一球省中肥銳既入球僥倖領先上半場.下半場對面開始加壓,我地挨打,臨完場俾人追和1:1,好唔好彩..有d覺得洩氣..最後互射12碼,左輪同我都射入左,人地都入左3輪既12碼,去到主席一射..俾人救到,完場,輸左.不過其實都打得唔錯架喇,反正賽前預左輸,1:1都有交待丫,只不過見入波先有所期望先失望掛? 最後三堂都空堂,文學堂楊sir唔得閒.我地o係班房玩左陣傾下計,跟住去換番衫.最後兩堂落去hae,好累. 放學睇左場緊湊既籃球比賽,amber對emerald,結果emerald險勝兩分,amber打得好好架喇,話晒人地全部校隊,完場果刻真係贏晒全場掌聲. 之後同莎去左又一城行,行到6點幾走,送埋佢番去,同親愛既莎玩"歡樂滿東華"同"無聊估歌仔"-__-",癲完先走.

>>May 6, 2004 at 3:21:44 PM GMT+8

2004 年 5 月 3 日 星期一 【晴】

今日涼番d. 第一堂中化,教書.第二,三堂中史,由emily同show教書,撞岩人地黎錄影教學,十分抵死.. 小息代番suyi on duty,同左sally去搵miss呃章,個小息都差唔多冇晒. 第四,五堂空堂,用左黎整理番d改好左既問答比賽卷,又同埋toto睇下報紙,之後又做左少少中史. lunch上又落左搵miss交番d改好左既問答比賽卷.之後又同toto去左釘中文同中史學會既board,跟住落番去on duty.on地下既關係,順便睇左場好激烈既班際足球比賽,聽日到我地班lu,都唔知會點.. 跟住又兩堂空堂,寫左少少字就去左用電腦上網.最後一堂中化oral,今次到我,不過個題目嚇親我-__-",都幾難,一時間諗唔到寫,結果當然哈哈左啦. 放學同suyi,sally落左旺角,交左錢跟住就同sally走. 夜晚番到屋企大嚇一驚,個木門-__-"..

>>May 4, 2004 at 3:46:31 PM GMT+8

2004 年 5 月 2 日 星期日 【陰】

今日頭兩堂英文,執file執左兩堂.第三堂中史堂教書. 小息開始分d問答比賽卷俾人對,第四堂文學聽下書同答問題.第五堂中史又聽書. lunch搵左suyi代我on duty,同莎出去兩個人食飯.第一次有呢個機會,去左新世紀food court食,食到好飽.番到去派d問答比賽卷俾人. 跟住兩堂空堂,第一堂背書,之後果堂同jaffen去左搵楊sir背默.今次都ok,背完仲有時間就睇下書. 第八堂影班相,阿柴冇番冇份影,快快脆影完番去上堂.今日放學仲有第九堂,同sandy,jaffen,elaine做oral practise,4點25分準時走得人. 跟住落左去睇社際籃球比賽,coral對sapphire,sapphire贏29:6,結果都好正路,所以都冇咩失唔失望. 之後同莎走. 夜晚番到屋企大嚇一驚,個天花-__-"..

>>May 4, 2004 at 3:41:29 PM GMT+8

2004 年 5 月 1 日 星期六 【晴】

今朝9點幾起身,食埋早餐玩《夢幻西餐廳2》,呢排玩番隻game玩到上癮-__-". 下晝出去三聯買書同扭蛋俾莎,之後去搵莎,佢剪頭髮,俾個髮型師gel到個頭好搞笑. 上到去佢即刻去洗頭,笑死我..跟住一定食lunch,食好好食由莎親手沖既杯麵同三文魚,之後又食下餅. 7點零走,同佢走左買筆,見貴佢買住支先,跟住之後我番到樓下諗住去幫佢買平d既筆,點知間文具店冇買..我就入左另一間黑店!買支筆芯都勁貴(差唔多可以買過支..),怪唔得個老闆咁好人特登拆支筆淨係俾個筆芯我-__-",又唔敢唔要..因為又睇住佢鬧個顧客睇完又唔買整亂佢d野,其實都唔知係咪做媒既..結果都被迫買左.

>>May 2, 2004 at 4:04:45 PM GMT+8

2004 年 4 月 30 日 星期五 【晴】

今日起身以為係星期日,因為阿媽唔駛番工,原來係勞動節. 下晝沖涼去左莎度,同佢屋企飲茶.之後4點幾同莎出左旺角行,行到8點零過佐敦搵梓為食飯,去左食煲仔飯. 食完就走.

>>May 2, 2004 at 3:45:39 PM GMT+8

2004 年 4 月 29 日 星期四 【晴】

今日頭三堂空堂,落左去做中史essay,又接近做多一篇. 小息就去定作文,因為今日跟住果兩堂文學堂係作文,今次d題目都幾難.諗左陣先落筆寫大綱,但係結果寫寫下都偏離左大綱,最後作到12點25分,番到課室同sally落tuck shop買杯麵食.食完去on duty,今日on地下,之後兼職girl guidehelper-__-",慧慧(我既vice prefect+girl guide既petrol leader)叫我幫佢手禁cd機播校歌俾佢地練升旗,跟住之後我就圍住部cd機on duty直到打鐘,都好,有得偷懶. 第六堂中史,教書教到選士制度,好似易過之前既中央制度.最後兩堂空堂,落左去諗住做功課,點知俾emily叫我睇熟一陣間debate d資料,足足睇左我兩堂時間. 放學好緊張,因為即刻就開始文史週既辯論比賽.今日由6A對6S,初初諗住勢均力敵,會有一番惡鬥,點知都幾一面倒,似乎高估左佢地.我地一開始由阿柴講,佢今日頻頻食鏍絲,有d水準之下.跟住到左輪,不過不失啦,然後到sally,講得唔錯,不過唔望評判既,之後到我,angues同阿禧問對面問題,我一出去見到d人笑,唔知咩事-__-",問完番去發現emily塊牌俾我撞跌左..番到去坐低俾後面bonnie同emme狂笑我,話唔駛企出去問,果刻突然覺得好"欏",又話我開創潮流之後個個跟我企出去問..最後到emily,佢今日都只係不過不失.最後結果我地班贏左,sally拎埋最佳辯論員,好叻~ 走果陣問emily駛唔駛企出去問,原來真係要架,我沉冤得雪喇!我企出去原來係岩架,d人笑我撞跌左emily塊牌.嚇死我,仲諗住我經過今日會一"企"成名,從此俾人笑死果隻. 5點左右走得,番去換再出黎同莎食飯. 夜晚睇埋今日買既《蠟筆小新》之後就訓.

>>May 2, 2004 at 4:20:26 PM GMT+8

2004 年 4 月 28 日 星期三 【雨】

今日心情唔多好. 第一,二堂中化,做同對番聆聽練習.第三堂空堂,落去背文學,好眼訓,背極都入唔到腦. 結果到左小息之後,文學堂既默書我默錯左好多字,0硬分..之後派文學賞析又令人失望,不過預左,因為上次寫到我恰著左.之後聽書,教到最後楊sir又fun time. lunch sally番黎,佢上晝唔舒服請左假,下晝番左黎因為放學要傾debate,聽日就係喇,令人緊張..同sally,阿正上又一村,食完番到去on duty,之後又走左去茶藝工作坊睇miss嚴泡茶. 跟住三堂英文,分組討論完之後就開始作文,作到落堂都未作完,因為..玩! 放學留o係度傾debate既野留到6點幾,sally又唔開心,之後送佢番屋企同安撫下佢.

>>April 29, 2004 at 4:14:28 PM GMT+8