2004 年 1 月 20 日 星期二 【陰】

今日依然勁凍.. 今朝訓訓下俾阿媽鬧左餐,眼訓得滯都唔記得佢講咩,跟住又訓過-__-".12點幾醒,起身見凍賴床睇左陣書先去刷牙洗臉,跟住2點零食lunch,食完莎打黎,原來個banner又得喇.4點同佢去左太子同深水埔行,之後去旺角,5點零送佢番屋企,6點幾我都番屋企. 8點零開飯,食團年飯喎..不過論氣氛,論送菜都係唔似既..快快脆食埋就番房online.今晚俾我研究到點玩隻三國志九威力加強版,原來之前我裝左兩隻虛擬光碟,所以佢唔俾我玩..成功玩到之後就係咁玩,玩到2點幾.. 唔覺唔覺又一年..祝大家猴年快樂

>>January 21, 2004 at 5:57:51 PM GMT+8

2004 年 1 月 19 日 星期一 【雨】

尋晚好早訓,今朝好早就起身.7點起左身,好凍但係又訓唔番,結果用被圍住自己online同打下fifa 2004. 9點零沖涼就出左去,尋晚訓到迷迷糊糊記得sally打黎話過今日朝早會去搞banner d野,所以就一早過定去佢度.點知佢仲訓緊,之後12點零先知今日整唔到,下晝就o係佢度上下網同打機.夜晚同莎去買肯德基食,食完就番屋企.

>>January 21, 2004 at 5:48:05 PM GMT+8

2004 年 1 月 18 日 星期日 【雨】

尋晚又冇訓到,今朝6點刷牙洗臉沖涼,6點45分出去,今朝同莎食早餐.去到九龍城廣場麥記,食完坐陣都7點35分,跟住就走.點知一出去好大雨,今朝又勁凍..好唔易容先等到車番學,有遮都淋到濕晒.. 番到去班房好熱鬧,班房後面開住一把把未乾既遮,場面好得意.今日頭三堂本來係空堂,點知變左做對卷,派番晒d卷番黎對,d成績都ok,應該就冇唔合格,下次要再俾心機! 小息見好凍,又眼訓,縮o係班房伏o係檯訓.之後兩堂文學,對卷同講番d內容,再一次睇番阿舜過身之後果日作既果篇作文..篇作文有61分,全班第二高,阿舜..呢份係我送俾你既最後一份禮物. 跟住唔點知解突然好moody,自己都唔知自己做咩..食完lunch番黎on左陣duty,跟住番課室又訓. 之後中史堂,對卷.sally叫我俾心機,佢以為我因為成績唔開心,其實唔係..我最擔心咪d平均分唔高會影響排名而變得好蝕底,阿媽又淨係識睇名次.不過我真係有唔開心,但係就唔知咩原因..我總會有發癲既一兩日,大家唔駛擔心.. 跟住空堂去搵書做功課,搵完順手拎左本《資治通鑑》睇,睇到落堂. 放學去幫手練cheer,練到6點,跟住執番個班房,執到我傻..因為最後得番我一個執,冇人性! 之後同sally,bonnie,小玉行去又一城,送佢地搭車.去到又一城我見番屋企架van仔排長龍,於是搭地鐵去樂富再轉巴士番屋企. 番到去7點10分,好累..真係好累,前所未有咁感到心力交瘁..7點零訓到9點起身食飯,仲要無啦啦又俾人鬧左餐,好唔開心,9點半食完飯就番房訓.之後sally打黎,就上左網睇cheer個banner,但因為真係好疲累好眼訓,我又去訓過..10點一訓訓天光.

>>January 19, 2004 at 11:43:26 PM GMT+8

2004 年 1 月 17 日 星期六 【雨】

睇番原來自己呢排d日記長番d,因為呢排有好多感受,有好多寫之不盡既野想寫,奈何自己懶寫加上冇咩心情同閒情去寫,唔係出本回憶錄賺(呃)下錢都好=P. 呢排個天氣好複雜.今朝訓到12點醒左,起身食左早餐就去拖地,之後番房睇左陣書,2點零阿爸買飯番黎,食完又番房,online同上網,之後玩fifa 2004,玩玩下發現出面落雨,所以諗住今日都係唔去剪頭髮住. 5點零莎打黎話黎我呢頭買野,於是就落左街,出到去好凍,凍到講野個口會出氣,又落住雨,淋到我更加凍..佢過黎都要一陣,我先去左剪頭髮,剪完出黎6點40分,跟住逛左陣,7點半佢先度,同佢搵間鋪頭買埋野,跟住四圍行去掃街食野,食到好飽.跟住又同佢過碼頭坐左陣暖暖同傾下計,8點半送佢搭車走. 之後番到去食飯,不過好鬼飽,食左少少..然後睇左陣電視,9點半去洗碗,10點番online,夜晚執書包同玩fifa 2004.

>>January 18, 2004 at 7:40:41 PM GMT+8

2004 年 1 月 17 日 星期六 【晴】

看著妳胡鬧、恣意、任性、發脾氣、撒嬌、耍賴、頑皮、胡鬧、搞笑，卻沒有嘮叨，只有無限制的縱容以及無止盡的溺愛，最後只能搖搖頭，有些苦笑卻又無法抑制甜蜜的說：「我真是拿妳沒辦法！」。 在我來說，不只是愛，而是疼愛，以及包容。因為疼愛，所以不忍苛責；因為包容，所以不願計較。

>>January 18, 2004 at 7:09:54 PM GMT+8

2004 年 1 月 16 日 星期五 【陰】

終於考完試,呢排發生左好多野,個人真係好累,不過都仲係冇覺好訓.. 尋晚1點零訓左訓,夢見我同阿舜,阿so同小虎玩,跟住醒左..之後唔敢訓,就上網,2點零莎打黎就同佢傾電話傾到6點零先訓,呢排都係等天光先訓.今日11點起身,算係呢排訓得最足既一日.. 今日要番學幫手練cheer,考完試又到陸運會,一路未停過手..跟住d功課又排住黎,中化,中史報告.. 今朝11點起身,跟住沖完涼就閃出去,番到去12點15分,遲到..又撞到牡丹姐姐,俾佢話-__-"..今朝都幾心緒不寧.練到2點零..下晝同sally.bonnie,suyi,小玉,阿miu去太子同深水埔搵cheer d野,由於都近新年,都搞到幾煩下..好多阻滯. 行到5點零番九龍城,o係車度sally累到訓著左,都辛苦佢喇,為左個社咁賣力.跟住之後齊齊上左佢度整野,7點幾先走.之後同佢去食飯,跟住番屋企. 今晚搭van仔番去,o係街市落,行番屋企會經過阿舜屋企樓下,行過果刻諗番之前上佢度既日子,不過唔多..上過三兩次咋,果兩三次都係佢病左之後先上去.佢見到我地果陣睇得出佢係好開心好開心,可惜我呢d咁無用既fd好少去探佢,諗番都好後悔..搞到大家都有遺憾,第時我死左都冇面去見佢.. 番到去online,又訓唔著,打下機6點11分先熄機去訓. 依排見小虎,阿so個info都幾悲,希望各位朋友都開心d,撐落去..=)..

>>January 18, 2004 at 5:44:49 AM GMT+8

2004 年 1 月 15 日 星期四 【陰】

尋晚睇番自己個網同其他人d網,發現阿舜好常留言俾人,原來佢平時都真係好苦悶..我特登睇番晒我個cgi留言板,祈願板,祈願瓶,祈願風鈴同舊日記d留言. 跟住都冇訓過,6點沖涼,6點40分出門口,今朝莎約左我去九龍城廣場麥記食早餐.食埋早餐就行番學校,番到去o係門口等軒尼斯等到打鐘,夠膽遲到要成村人等你!? 之後番到課室做最後掙扎,今日last一日,考文學,考3個鐘,由8點半到11點半,寫到我隻手勁痛..做得晒,不過唔知岩唔岩.. 放左去三角公園整陸運會用既啦啦球,今日天氣好唔掂,又凍,又忽陰忽雨.. 2點零整好,佢地突然興致勃勃話去飲下午茶,跟住我就同大麻,sally,suyi,bonnie,阿miu去太子聯合果頭飲茶.大麻話去禁錢,之後就神秘失蹤,影同電話都冇埋.我地等左佢一陣先食.食埋都4點幾,好飽,就埋單,o係5個人飲計左一個茶錢之下,我地只係食左$81錢,好鬼抵..唔知係咪計錯啦佢地,之後我地落左旺角行,佢地去買啦啦隊d野. 由於我接近24個鐘冇訓過,所以行行下好鬼眼訓,行到對腳唔係自己既咁..好累.5點零就番去訓..訓到10點45分先起身. 跟住食飯,online同打日記.

>>January 16, 2004 at 6:13:34 PM GMT+8

2004 年 1 月 14 日 星期三 【陰】

今朝6點半訓,7點起身,番去考試英文writing同listening.首先考writing,考1個鐘頭15分鐘,岩岩好用盡晒d時間,寫左兩板幾既字. 10點15分考listening,11點05分考完走得,今次都算幾易..part 2就快左d. 下晝訓又訓,6點零起身,之後冇咩心機溫書,on下line同d fd傾下咁,打下字,8點零打埋日記. 希望陣間食完飯就努力溫到文學,考埋聽日就考完喇..有d唔捨得個考試.

>>January 15, 2004 at 12:54:18 PM GMT+8

2004 年 1 月 14 日 星期三 【陰】

開始有好舊時既同學知道阿舜既野,呢幾日都斷斷續續有人打黎同我傾下,好感激你地. 尋晚睇4A2個網睇到4點幾5點都未訓到,諗左好多野.阿舜走左之後我一路都冇喊過,但係尋晚諗諗下我地幾個fd之間d野,我開始有d忍唔到.我發現自從阿舜走左,小虎自我封閉左,icq搵又唔應,電話又冇聽.我地分裂晒咁,我覺得應該以大局為重啦,要唔理人都等遲d先,就好似國共遇到外敵果陣都停止內戰一致抗日啦.. 唔好咁childish,好好控制自己情緒,要面對現實..或者我地幾個同佢熟既應該幫佢做下d野,或者問候下佢屋企人都好丫,人地冇左個仔一定慘過我地冇左個fd先啦.睇下有冇咩幫到手都好,我諗阿舜既話知道都安心d..冇理由作為佢既best fd咩都唔做走去自閉,我地應該團結d,唔係唔止我失望,我相信阿舜都會好失望. 人始終都要面對現實,阿舜info話: 『要懂得在錯誤中學習， 不要讓你珍惜的東西一次又一次的失去， 不從錯誤中學習， 你的人生將充滿很多「失去」。』 所以應該珍惜,唔好再唔理唔理咁..要『悟已往之不諫，知來者之可追；實迷途其未遠，覺今是而昨非』,『亡羊補牢,未為晚也』,我相信我地應該團結幫手做下d野. 佢離開之後我都好想逃避,我都以為我一路發緊一場真實既大夢.我都唔想相信呢d係事實,奈何真係太真喇..越黎越多人知,我知我都冇得唔認命.. 下一步我應該做d咩呢?上天可唔可以俾d提示我?

>>January 15, 2004 at 12:36:36 PM GMT+8

2004 年 1 月 13 日 星期二 【陰】

今晚睇過阿so過日記,佢寫得幾好.睇得我幾感動,亦帶俾我唔少反思.. 佢自問有信心到最後一刻阿舜仲當佢係佢既摰友,而我就自問有信心到最後一刻阿舜仲會記得我,記得一個咁不濟既"朋友".. 呢兩日諗諗下,發現自己都唔係幾配做佢既摯友,我有安慰過,關心過佢,亦有陪佢玩通宵,同佢吹水逗下佢笑,但係我覺得自己做得唔夠,唔夠多同唔夠好,只係稱得上佢既好朋友,但係稱唔上佢既摯友. 跟住我搵番以前同兩個fd幫4A2整既網(come.to/4a2),睇幾睇d趣聞,發現都好掛住5A2 d同學仔,尤其係wilson同小野人..日日上堂都同佢地玩得好癲. 之後又無聊click番我個爛鬼廢網,見到自己寫過句『沒有人是完整的,朋友便能填補不足』,多謝我一路認識到既朋友,無論英華,九記,903 chatroom或者coolman forum,冇你地今日既我就會更加唔完整. 希望你地原諒我唔識點去關心朋友..但係我愛你地=)

>>January 14, 2004 at 7:12:46 PM GMT+8