2004 年 1 月 3 日 星期六 【晴】

今日全日留o係屋企,下晝同二佬玩worms 3d,玩到4點零俾人鬧就去左沖涼.沖完涼出黎上下網,玩下富甲3,7點零食埋飯夜晚斷斷續續溫書,又on下line,搞到3點幾4點先訓,咩都未溫,聽日都唔知點死.

>>January 5, 2004 at 2:38:43 PM GMT+8

2004 年 1 月 3 日 星期六 【晴】

自從叱o宅聽完基仔唱呢首歌,呢首歌既旋律呢幾日都o係我腦海盤旋,睇到d歌詞寫得好好,令我再次對於歌詞有所感受. 必殺技,亦即係絕招. 戀愛難免會受傷,而最傷莫過於分手之後,放唔低已經係前度既佢,而佢仍然對你好好,令你唔捨得放手,咁你就俾佢既必殺技打敗,繼而好易俾對方影響到自己,自己亦容易變到好低賤去哀求.. 其實做乜要咁卑躬屈膝?只怪失戀容易令人失去理智.. 必殺技 曲：林健華 詞：林夕 編曲：ROBERT LAY(ON YOUR MARK) 監製：雷頌德 你近來又 再有空 我在防備 別發功 能勉強戒絕心痛 但喉嚨還在痛 你在懷舊 我也懂 還稱讚我夠上進 但可惜那時你都不相信 分手之後,大家仍然係朋友,前度既佢又黎搵自己,自己只能夠拼命抑壓自己仲鍾意佢既情感,雖然可以扮到個心唔痛,但係喉嚨都會不自覺咁痛,令我講唔到自己想同佢講既野. 見番當然會講以前,而家既我俾你所稱讚,但係我一路都係咁架姐,可惜你果陣唔知道. 我道行都低估了你 我以為 撐得起 一句為甚麼不找找你 我練到再倔強 再絕也 也永沒法比 只怪我低估左見一見你既後果,我以為我撐得住,問左自己句"點解唔搵下你",見過你先發現..我練到幾倔強幾絕都好,我永遠都比唔起你可以做到咁絕. 求你別要 如從前 純熟地碰我 而我問我 為何還 能夠碰傷我 不要讓我 一敗塗地 輸得更多 見番你既時候,求下你唔好好似以前咁好親密既觸碰我.而我都問自己,點解仲會俾你掂一掂就受傷,可能我真係仲好愛你..但係唔好要我一敗塗地,分完手仲要傷過. 求你別說 錯過我 其實亦愛我 何以技癢 放過我 你已彷彿有神助 一關心我已經 等於 再殺死我 求你唔好同我講,錯過左我,其實仲好愛我..講呢d話已經於事無補,不但安慰唔到我,仲只會更加傷害我,令我更加放唔低.希望你放過我,但你一再關心我,我只會更加唔捨得放低你,你只會再次殺死我. 你未提及 我也知 既是前度 沒法子 如這聖伯納得意 分予你當玩意 數十年後 我也知 如果見你我願意 像一關過完 再單打一次 你未提到既野,我都知你想講咩,我依然了解你..但既然係前度,都冇辦法,我都仲好想同你分享快樂. 數十年之後,我知道我仍然願意再可以見到你,就好似打機過完關之後,依然可以自己去玩多次. 我道行都低估了你 我以為 撐得起 一句為甚麼不找找你 我練到再倔強 再絕也 也永沒法比 求你別要 如從前 純熟地碰我 而我問我 為何還 能夠碰傷我 不要讓我 一敗塗地 輸得更多 求你別說 錯過我 其實亦愛我 何以技癢 放過我 你已彷彿有神助 一關心我已經 等於 再殺死我 求你別說　仍能如　良朋地對我 而我問我　為何還　能對得起我 不要讓我 一敗塗地 輸得更多 求你唔好同我講,你仍然可以好似朋友咁對我.而我都問自己,我仲點對得住自己..唔好要我一敗塗地,分完手仲要承受只係同你做朋友既痛苦. 求你別說 錯過我 其實亦愛我 何以技癢 放過我 你已彷彿有神助 一講起你已經 等於 再殺死我 求你唔好同我講,錯過左我,其實仲好愛我..講呢d話已經於事無補,不但安慰唔到我,仲只會更加傷害我,令我更加放唔低.希望你放過我,但一講起你,就已經等於再次殺死我.

>>January 4, 2004 at 7:28:18 AM GMT+8

2004 年 1 月 2 日 星期五 【晴】

尋晚莎喉嚨痛,痛到佢訓唔著,結果我hold住電話陪佢,間唔中傾下計,傾到朝早6點我頂唔順訓著左.9點零俾阿媽叫醒左,因為佢見我hold住電話訓,俾佢鬧左餐-__-". 之後再訓,訓到1點半先醒,起身打左陣富甲,之後上網打番日記.3點幾去左沖涼,之後又上左陣網,4點零sally打黎我就出左去旺角搵佢,佢同阿miu去買cheer用既野.我o係樓下搭van仔去,本來都幾快,但係去到火車站天橋底就到先達果度勁塞車,等左5-10分鐘都有,落左車就打俾莎睇下佢o係邊,佢話過黎搵我.一見到佢佢個樣好病,尋晚又唔夠訓,就陪佢番屋企.番到去佢訓左陣,我就上網搵d手機鈴聲同圖案,一路直到8點幾佢醒左,跟住9點佢話想食野就同佢落樓下買粥食.番到去食埋粥同見佢食埋藥我就番屋企.番到去自己打左陣富甲,3點先訓.

>>January 4, 2004 at 5:49:22 AM GMT+8

2004 年 1 月 1 日 星期四 【晴】

今朝9點10分醒左,沖完涼9點40分出去,今朝諗住10點半去叫醒莎去同佢飲茶,結果佢眼訓唔肯起身而冇左件事,等佢訓到1點幾醒跟住同佢食lunch. 下晝阿媽打黎話部電視送左黎叫我番去較台,o係莎度打左陣富甲天下3幫佢過左關就同佢去我度,去到4點半.買左d野食,我就較番d台,點知發現冇條天線,迫住要用番舊果條天線,較晒d台番房用部腦幫莎部手機入歌,但係佢部手機勁新既關係,個software唔支援,新版既software都係trial或許demo,結果upload唔到d midi. 之後6點去番佢度,去百佳幫佢買米,跟住上到去用電腦search下有冇d可以upload midi落手機既software既最新版full version,結果真係俾我搵到..之後成功入到d midi,搞掂留多陣就番屋企食飯,食完飯同梓為玩左陣cm,之後俾阿媽催熄左,跟住打番日記.

>>January 2, 2004 at 6:15:34 PM GMT+8

2003 年 12 月 31 日 星期三 【晴】

新一年訓到1點幾先醒,下晝都係開機過,俾我搵到隻三國英豪玩,玩左一日就過晒關爆機,勁無奈-__-". 夜晚食埋飯拎左部入電既收音機,捕住903聽一年一度既叱o宅頒獎禮,近呢幾個月都冇聽903,因為收音機壞左,雖然好似好脫節咁,但係聽番903有份親切感,一把把熟悉既聲音.. 由7點幾開始聽前奏聽到9點,個頒獎禮正式開始,一開始氣氛好沉重,因為悼念番上年離去既幾位巨星.之後開始頒叱o宅十大,好明顯對歌手既情緒都好有影響,許志安同盧巧音都唱到甩左.. 成晚d獎都算幾實至名歸,梁漢文都叫吐氣揚眉,而我一路都好欣賞既古巨基就憑住必殺技拎左兩個獎,對於再次重踏頒獎台,佢表現得好激動,喊得好勁..我都睇到好感動,叱o宅不愧為最賺人熱淚既一個頒獎禮..可惜今年唔可以好似上年咁親身去現場睇,仲記得上年現場d氣氛好好.. 聽到12點15分跟住去睇無線既轉播,睇到2點15分完就番房去訓. 2003年度叱吒樂壇流行榜頒獎典禮 叱吒旗艦店 騷哥利 我買你 得獎名單 叱吒樂壇至尊歌曲： 七友 梁漢文 (作曲:雷頌德 填詞:林夕 編曲:雷頌德 監製:雷頌德) 專業推介 叱吒十大第二位： 必殺技 古巨基 (作曲:林健華 填詞:林夕 ) 專業推介 叱吒十大第三位： 十面埋伏 陳奕迅 (作曲:Eric Kwok 填詞:黃偉文 ) 專業推介 叱吒十大第四位： 愛一個人 陳慧琳/李克勤 (作曲:陳輝陽 填詞:林夕 ) 專業推介 叱吒十大第五位： 獻世 陳小春 (作曲:周杰倫 填詞:林夕) 專業推介 叱吒十大第六位： 我不會唱歌 李克勤 (作曲:Edmond Tsang 填詞:黃偉文) 專業推介 叱吒十大第七位：我的驕傲 容祖兒 (作曲:陳光榮 填詞:黃偉文 ) 專業推介 叱吒十大第八位：落地開花 盧巧音 (作曲:雷頌德 填詞:黃偉文 ) 專業推介 叱吒十大第九位：下落不明 黃耀明 feat.林憶蓮 (作曲:亞里安@人山人海 填詞:黃偉文) 專業推介 叱吒十大第十位： 一步一生 許志安 (作曲:伍樂城 填詞:林夕) 叱吒樂壇新力軍組合：(金獎)Boy'z[La La世界] (銀獎)大頭佛 (銅獎)2R 叱吒樂壇新力軍女歌手：(金獎)鄭融[終生學習] (銀獎)王蓉 (銅獎)黃馨 叱吒樂壇新力軍男歌手：(金獎)林一峰[遇見] (銀獎)吳浩康 (銅獎)蔡一傑 雷霆樂壇班霸 英皇娛樂有限公司 叱吒樂壇填詞人大獎 林夕 (66隻上榜作品, 22首冠軍作品) 叱吒樂壇作曲人,編曲人,監製大獎 雷頌德 (20首上榜作品) 叱吒樂壇唱作人：(金獎)周杰倫 (銀獎)林一峰 (銅獎)鄭中基 叱吒樂壇至尊唱片大獎：10號 [披頭四] 歌手：梁漢文 監製：黃雙駿/伍樂城/陳輝陽/雷頌德/梁漢文 叱吒樂壇組合： (金獎)Twins [下一站天后](銀獎)Shine (銅獎)at 17 叱吒樂壇女歌手： (金獎)容祖兒 [出賣](銀獎)楊千嬅 (銅獎)梁詠琪 叱吒樂壇男歌手： (金獎)許志安 [活在當下](銀獎)梁漢文 (銅獎)陳奕迅 叱吒樂壇我最喜愛的組合 Twins [風箏與風] 叱吒樂壇我最喜愛的女歌手 容祖兒 [習慣失戀] 叱吒樂壇我最喜愛的男歌手 李克勤 [合久必婚] 叱吒樂壇我最喜愛的歌曲大獎 必殺技 四台聯頒音樂大獎 – 大碟獎: 10號 歌手：梁漢文 監製：黃雙駿/伍樂城/陳輝陽/雷頌德/梁漢文 司儀: 森美/芝see菇bi/Mini/林海峰/阮小儀/少爺占/Donald 特備環節: 向張國榮, 林振強, 梅艷芳致敬

>>January 2, 2004 at 5:44:45 PM GMT+8

2003 年 12 月 30 日 星期二 【晴】

今朝9點起身,沖涼食埋藥跟住一路online.下晝訓又訓,6點幾同莎出去彩虹,阿寶約去BBQ.今日有阿正,阿甄,阿寶,阿siu,司徒,dora,carrie,sally,suyi,阿甄個好朋友同我. 7點半o係彩虹地鐵站附近買埋水就搭巴士入西貢碼頭,跟住阿寶佢地先入去睇下有冇位,之後打電話番黎話要$118,勁貴..最鄙視d無良奸商坐地起價. 之後諗住買野去清水灣燒,但係又驚人多入到去有食物冇爐,盞得個吉,果陣又已經9點,結果o係carrie穿針引線下去左食泰式自助火鍋,間野都要平均$86位,不過見除夕,大家又費事掃興同煩,就豪埋2003年呢最後一次啦. 一路食一路傾,唔覺唔覺食到11點45分,食到好飽,跟住埋單去碼頭果邊行,行行下梓為打黎,原來已經夠鐘!跟住碼頭附近d餐廳突然好熱鬧,人頭湧湧,d人勁玩噴劑,阿siu阿寶佢拎左幾支黎噴,俾人噴到成身-__-"..之後又影下相,跟住陪carrie禁完錢就搭van仔走. 玩到1點零就搭亡命小巴出西貢,原來坐車頭睇住司機開車係好刺激好刺激..好快就出番到九龍城,同莎落車送埋佢番去之後我都番屋企. 5..4..3..2..1..Happy new year! 因為懶既關係,雖然我想o係日記做個2003年回顧,不過其實我成年都有寫日記,要回顧click番去睇就得,都唔駛特登抽出黎回顧啦. 同埋對於我黎講日日都過得精彩,日日都值得回顧.

>>December 31, 2003 at 7:16:12 PM GMT+8

2003 年 12 月 29 日 星期一 【晴】

今朝8點幾醒,沖埋涼9點幾出去,行過去九龍城廣場食早餐,今朝行過d報紙檔睇到份份報紙都用梅姐做頭條.食完去莎度,第一時間上網睇下d新聞,竟然..好難相信. 三姑個國師都幾犀利,佢曾經講過年尾有個木字邊女藝人會離開,果然應驗左..仲要今年有好多有木字邊既藝人名人都離開左我地,例如張國榮,林振強,柯受良,仲有..梅艷芳.而林子祥都無啦啦墮台,都咪話唔邪.. 上左陣網之後睇帶去既小新,睇睇下11點食埋藥好眼訓去訓.4點零幫莎部新手機入wallpaper,但係入唔到鈴聲..一路唔服氣整到5點零迫住出去先停手. 6點40分同sally到尖沙咀地鐵站搵阿正,阿寶,阿甄,stella同suyi佢地,今晚去添馬艦個環球嘉年華.我地搭地鐵過金鐘,行多5分鐘先到,入到去都冇咩玩,因為大部分野都同上年差唔多,但係又貴過上年,結果用阿甄d coins玩,suyi同阿正玩"風車",fing到佢地傻..之後阿甄個好朋友黎左,就四圍行左陣,諗住走撞到小虎同kara都黎呢度玩,之後我地走左,行番過灣仔碼頭搭船過尖沙咀,過到去10點零,去左麥記醫肚同傾下計,10點45分就走,今晚趕住番屋企,衝左去搭5C,11點10分番到去,食埋飯就番房format機裝番windows,搞到1點零同梓為玩cm,玩到3點,跟住打番今日篇日記.

>>December 30, 2003 at 7:59:44 PM GMT+8

2003 年 12 月 28 日 星期日 【晴】

今朝11點幾俾阿媽鬧醒,一路鬧到12點幾,無奈-__-". 1點零玩左陣midtown madness 2,飛下車鬆馳下,2點零就去沖涼,3點出去,搭2號van去又一城,3點半先到,遲大到-__-".逛左陣同莎搭地鐵去左旺角行,行到4點零5點去佢度. 7點零o係佢度食飯,食完飯同佢玩富甲天下3,玩到9點零.之後番到屋企online同睇今日買既小新. 你太大情大性 誰亦覺得還不錯 大概當中包括我

>>December 29, 2003 at 7:32:32 PM GMT+8

2003 年 12 月 27 日 星期六 【晴】

尋晚照日記打番篇英文版既diary交數就算,不過都做到1點. 今朝依舊11點醒,起身食埋早餐睇黃仁逵既《放風》.睇到下晝online,無無聊聊搵番d舊game玩,心血來潮開左midtown madness 2黎玩,玩左round之後上網搵新車,dl左好多巴士,跟住開住架巴士兜風.3點零沖涼,出黎阿爸阿媽番,買左麥記,罕有..難得.. 4點零上網睇下網,睇左d關於三國既網,真係好鍾意呢個引人入勝既朝代. 夜晚食埋飯上網online同傾住電話四圍睇網頁,9點零聽到阿爸勁嘈,原來樓上有人倒飯落黎,淋到個窗勁靚,一粒粒富零亂感既飯粒,由上而下,由左向右整齊排列,又濺到屋企地下,阿爸隨即怒不可遏,之後隔離屋隔住窗傾計勁鬧,又打去管理處投訴,最後阿爸估計樓上d人唔係精神有問題,就係樓上d細路唔食飯又驚俾父母鬧而倒飯落街.. 跟住10點打埋日記.

>>December 28, 2003 at 2:14:39 PM GMT+8

2003 年 12 月 26 日 星期五 【晴】

今日訓到12點醒,仲係好眼訓..個人病病地. 食埋lunch,1點幾沖涼,2點過左去莎度,見病跟住訓到4點同佢出左去樂富吉之島,途中鼻血勁流..唔知咩事.之後買完野同佢落左旺角田園買書,見到佢好滿足咁抽住d書好開心,睇書的確係幾叫人興奮既一回事. 不過番到去佢發現佢重覆買左一本書,好抵死丫..哈哈.之後食埋飯睇佢買左既三國演義,9點半就走. 番到屋企見有幾聲咳就拎左支咳藥水飲,然後online打番日記,突然醒起..!我唔記得左英文要交功課呀!!要send e-mail俾miss tang!弊..唔打住,做功課..

>>December 27, 2003 at 4:55:39 PM GMT+8