2003 年 12 月 15 日 星期一 【晴】

今朝凍凍地,同莎行番學. 今日頭三堂空堂,做中史同溫文學,好快就過左三堂. 小息之後文學,兩堂用黎測驗,測完就放學..個測驗唔係好掂,雖然做晒,但係寫得果少少. 之後過左去prefect個聖誕聯歡會,俾$10有咁多野食都幾抵..跟住到抽獎環節,又重演7月謝師宴既情景:記得當日抽獎果陣我同阿siu,阿寶講左句"黑箱作業",點知轉個頭中左2獎..今日又係咁,當時miss拎住份好唔掂既禮物,我開口講左句"嘩,呢份禮物俾男仔抽到實好搞笑,點敢出來影相呀",rebecca玩野嗌我個名,點知話口未完真係聽楊到sir叫我個名,出到去擾釀左好耐先影到相,真係好樣衰-__-".. 之後1點半過sac幫手練cheer練到3點半,轉場落cover playground練,今日都好滿意,6點零執晒椅先走.

>>December 17, 2003 at 3:30:26 PM GMT+8

2003 年 12 月 14 日 星期日 【晴】

今個禮拜係聯課活動週,好歎. 今朝起身去見凍,short Q左咁行番學,7點20分行,到7點40分行過莎樓下順便接佢,跟住又行,8點鬆d番到學校. 今朝早會好正,有條友上台朗誦,當佢停第一次果陣,有隻烏鴉"丫"左聲飛過,登時變到好蒼涼,笑鬼死我同左輪. 第一堂中史,教書同討論,第二,三堂空堂,無無聊聊溫文學,溫溫下同toto講起天下太平,結果同埋suyi,toto玩左round,toto開頭好勁最後俾我同suyi搞掂左,是為"開元之治到安史之亂".. 第二堂空堂阿show玩埋一份,我同toto對show同suyi,好刺激,toto d猜程尋果然勁..加上suyi d說話搞到變左淫賤版天下太平,玩到打鐘都未完,冇結果. 小息之後聽廉政公署搞既講座,我有份present,拎左支筆. 跟住放學,但係要練cheer,要留到5點45分.因為今日係第一日,所以好混亂,結果飯又差d冇得食,最後叫左suyi幫手買. 食完1點半番去開始練,練既內容高度機密(其實唔算機密,係我懶打咁多字..=P),6點執野走人.

>>December 15, 2003 at 3:43:09 PM GMT+8

2003 年 12 月 13 日 星期六 【晴】

今日朝早俾阿媽勞役,洗晒全屋d風扇,12點零食埋lunch.沖完涼1點40分出去,o係樓下用左7分鐘搭van仔就到尖咀,快到得人驚.. 今日約去唱k,都好耐冇去過,好口痕.差唔多2點先去到,見到阿甄同sally,上到去見埋suyi同阿正,果間neway有k buffet,加兩杯野飲,如果由11點唱起都幾抵,今日唱到3點20分. 之後去左行海港城,好開心,行到就6點送莎番去.夜晚佢同人食飯,去我屋企果頭,就等佢上左上樓擺低野再同佢行過去,行到去就7點,見佢電話就冇電就同佢交換手機用. 跟住番屋企食飯,今晚打邊爐,表弟妹都黎左,同佢地玩炸彈人玩到9點左右.莎食完去左我樓下,落左落樓見下佢,同佢行左陣,佢唔知做咩勁笑..番上9點半,幫佢叉埋電,跟住打陣年舊game三國志6 ex打到2點先訓.

>>December 15, 2003 at 3:28:01 PM GMT+8

2003 年 12 月 12 日 星期五 【晴】

今日訓到8點零先起身,勁趕,因為中史9點有補課.. 番到去岩岩好,拎埋notes miss都未到,大約9點10分miss yim先入課室.一路上到10點,小玉未到,miss打俾佢,原來佢唔記得左..跟住之後放左陣break,番黎一路教書同討論到就12點miss放人,教到隋末. 之後同莎去左旺電買喇叭,食埋lunch去左新世紀睇戲,睇《Love Actually》,2點半睇到4點45分,跟住行左陣就去佢度. 6點零去接hety,跟住o係九龍城廣場meet晒d人就去練cheer,練到差唔多11點先走..

>>December 13, 2003 at 5:24:08 PM GMT+8

2003 年 12 月 11 日 星期四 【晴】

今朝好凍.. 8點左右番到學校,今日day 4個英文早會好好笑. 第一堂文學,完埋d課後練習就教完課書. 第二,三堂中化,做聆聽練習,跟住之後果堂做oral,左輪以為唔駛做冇準備到,結果俾miss潘叫左出去講,好抵死..哈~ 小息好凍,凍住on duty,個好人又陪我行. 之後兩堂空堂,做左英文個ers oral,諗住去講,但係搵唔到miss tang. lunch去左大子食河粉,今日有好多人去食,阿正,阿佬,小玉,sally,suyi,rebecca,carrie,angues,jody同我,食完番到去都就打鐘. 跟住三堂英文,做past paper做足三堂. 放學去左新世紀行,跟住去左旺角,6點零打俾莎佢完girl guide諗住會合佢,點知佢話整到隻腳,我去番新世紀等佢,跟住去聯合行陣就走. 夜晚食左碗蜜瓜西米露肚痛-__-".

>>December 12, 2003 at 5:27:21 PM GMT+8

2003 年 12 月 10 日 星期三 【晴】

今日第一堂空堂,溫中化,因為陣間有中化test.. 跟住兩堂文學聽書,教完課《哀江南賦序》,差課後練習就教完第一本書. 小息on duty,好凍好凍,有個大好人又凍住陪我行,順便溫中化. 之後兩堂中史,教完個南北朝教到隋朝,終於去番d大d既朝代..不過講左少少,講埋功課就落堂. 同toto出左學校門口買金牌鴨店d飯,都幾好食.食完溫左陣書,都仲係好早.12點45分同toto,suyi,小玉去左SAC睇sally同rebecca玩普通話天才表演,佢地唱《人間》,好好聽.. 之後番課室又溫左陣書,跟住兩堂中化,測驗..都ok,吹到1版零既水..但係寫唔切. 最後空堂,帶左本文學落去背,成堂淨係背左一句,反而就傾計同玩得好開心. 放學同阿正留o係課室睇sally佢地練cheer,練到6點先走.

>>December 12, 2003 at 5:25:47 PM GMT+8

2003 年 12 月 9 日 星期二 【晴】

今朝個早會好有印象,因為小玉居然搶emily個位自稱中文學會主席,笑死左XD.. 第一堂中化,派番d作文黎講,之後做謄文.第二,三堂英文,執folder同對psws既answer. 小息行地下,拎住疊中史邊行邊on duty,仲要有個大好人凍住陪我行. 跟住兩堂中史,第一堂測驗,第二堂教番書同分組討論. lunch去左新世紀大快活食lunch,carrie講得冇錯,大快活的確質素平均d,樣樣都唔難食. 跟住文學堂,派番默書同散文創作,講埋d廢話,跟住都落堂..之後兩堂空堂做左幾多野下,溫中文,搵ers book,幫sally數通告,收文學既野,最後收番散文創作交俾楊sir. 放學偷偷地練cheer練到就6點先走,原來個個社都偷練緊,聽講因此校方俾每個社呢幾日可以有6個人留低練,都好過冇丫. 夜晚勁胃痛..

>>December 10, 2003 at 4:10:10 PM GMT+8

2003 年 12 月 8 日 星期一 【晴】

今日第一堂中文堂,執folder執左成堂.跟住兩堂中史,聽下書好快就過.小息去on duty,同左輪掃樓,行到好鬼凍,今日係last一日評分啦,聽日又要企定定on duty lu. 之後兩堂空堂拎左書去溫,lunch o係學校食杯麵.食完12點45分同toto去sac睇普通話天才表演,sally,suyi,rebecca同小玉去左玩唱歌.點知去到果度d人全部都係中一,二..仲要個個都朗誦,佢地顯得好搞笑. 下晝又兩堂空堂,溫下中史,最後中化oral,唔駛出去講就放學. 放學去左又一城行,同莎行過順便去拜佢公公,第一次入呢d地方好唔慣,突然好慶幸自己d屋企人同近親都健健康康.. 之後去又一城行到7點先走.

>>December 10, 2003 at 4:08:31 PM GMT+8

2003 年 12 月 7 日 星期日 【晴】

尋晚都唔記得幾點訓..今朝好早俾阿媽叫醒左,6點35分,原來有早餐食,食完都只不過係6點55分.番都去都好早,拎埋書仲有時間訓下覺. 今朝早會果陣突然胃痛,跟住一路痛下好下直到我打緊日記呢一刻都仲痛緊.. 頭兩堂英文堂,做oral,輪左兩堂都未到我..我又胃痛之下潛左兩堂水.第三堂空堂,落左去library痛住溫文學,一陣默書. 小息請左假冇on duty,跟住食左少少野,好番少少..之後兩堂文學,第一堂默書,應該ok既,第二堂教書同講番買書d垃雜野..最後落堂派番測驗卷,今次好有進步(+20分),好滿足. lunch去食河粉,之後果堂空堂,去左library用下電腦同執folder交.跟住中史堂派測驗卷黎對,最後中化又係派卷同對答案-__-",不過整體今日派番黎d卷d成績自己都好滿意.今日有第9堂,個oral超左10幾分鐘時,無奈. 放學同sally,阿正,阿佬,carrie去旺角行左陣先走,跟住同sally去買校服裙,今日佢俾人捉. p.s.多謝正既留言支持,放心啦,我當然唔會去死..

>>December 8, 2003 at 4:45:07 PM GMT+8

2003 年 12 月 6 日 星期六 【陰】

今朝起身睇報紙同電視,之後食左d野,1點零就沖涼出去,2點半到旺角,同莎行街. 今日佢想去剪頭髮,我地食埋lunch先,行左陣再去剪頭髮,3點半去,等到成5點15分先剪完..我尋晚因為夜訓,同梓為玩cm玩到5點..結果o係等莎剪頭髮果陣等到我訓著左-__-". 之後去行下街睇下褲,又去星際買game,賣果個人叫我地40分鐘之後番黎拎.之後又逛陣,行到7點,去拎game發現4隻得1隻,最後決定唔要,好彩果個人肯退番錢..不過都好無奈.. 之後就搭車番屋企食飯,食埋飯同表弟妹打機,之後背文學. 夜晚發生左樣野令我好唔開心..覺得真係自己好抵死,真係好想開窗就咁跳落去.. 之後冇晒mood背書,又訓唔著..聽日文學默書都唔知點死,唉..

>>December 7, 2003 at 3:50:29 PM GMT+8