2004 年 4 月 27 日 星期二 【雨】

今日頭果堂空堂,落左去溫中化.第二,三堂文學,勁好笑,先有人o係P1出面撞牆撞跌左黑板底條橫片,嚇親楊sir.跟住又無啦啦有隻麻雀飛入黎,嚇到emily兩聲尖叫,俾佢d尖叫嚇死..-__-". 小息繼續溫中化,lunch後測.第四,五堂中史,俾心機聽書之餘攝左張中化notes溫,見sally唔開心又tum下佢玩. lunch同sally上又一村7仔,試左新飯,幾好食不過好難搣開.之後番到去諗住同左輪邊on duty邊溫書,點知掛住傾計,仲要傾到冇晒記憶,結果.. 結果到中化堂,第六七堂都係,一開始就測驗,唔識..之後測完對作文,最後一堂空堂落左去做謄文. 放學留左o係度傾debate傾到5點半,其間我做左英文功課=P.之後同莎走.

>>April 29, 2004 at 3:17:03 PM GMT+8

2004 年 4 月 26 日 星期一 【晴】

一朝就落大雨,以為唔駛番學,點知都係得黃色暴雨警告. 第一堂空堂,落去print左book report,跟住helen話我整壞佢隻floppy-__-".第二,三堂英文,做下d classwork就小息. 小息做中史essay,仲有2篇..欏命.. 第四堂中史,第五堂中化,都係冇咩特別,半遊魂半聽書. lunch上又一村買飯,下晝突然好熱,個人都興d.食埋飯同toto落去,又係我地推展板啦,可能成個禮拜都係我地推. 跟住on duty,去睇左陣coral練波,到打鐘前又去同toto推番d展板入去陰雨操場. 第六堂文學,聽下楊sir吹水同教書.第七,八堂空堂,落到去做功課,發現print左book report未交,即刻衝上去搵miss tang,行到一半撞到佢. 放學會埋prefect會就睇coral對amber既社際籃球,打得幾好架喇,輸都唔緊要丫其實,籃球根本冇期望過要d咩. 我諗同大家最多做到年半既同學,我都想班裡面平平靜靜,唔和氣唔團結都起碼識得尊重互不侵擾丫.. 唔該唔好再做咁多呢d無聊同煩人既小動作,人不犯你你就收手啦. 先撩者賤,總之邊個再搞到莎我一定唔會再忍,同佢死過!

>>April 27, 2004 at 3:20:50 PM GMT+8

2004 年 4 月 25 日 星期日 【晴】

尋晚玩得太夜,今朝破財-__-",個cheap司機仲要兜路. 番到去岩岩打鐘,早會check校服.第一堂中化,教份notes,第二,三堂中史,派卷同講書,肥左,要補測..不過全班得兩個冇事,大把人陪都冇咁驚. 小息做中史功課,第四,五堂空堂落左去做左一堂中史,第二堂改文史週d問答比賽既問題. lunch同sally上又一村7仔食飯,走果陣見到驚心既野,默哀..番到黎就on duty,又on操場,同左輪行行下走左去蛇王,睇emerald d人練波,之後toto搵我就上課室俾番隻問題碟miss嚴. 之後又兩堂空堂,第一堂做完中史閱讀報告,第二堂做完英文book report,鬆晒~ 最後一堂中化oral,又唔到我..下次十成有我,等死lu.. 放學同莎急急去九龍城圖書館搵文史週debate既資料,點知俾圖書館位哥哥呃左我地,又話屋企電腦連到上個我地要去果個網,之後5點零去莎度,但原來都係唔得既!後尾又幫佢屋企換左個水喉開關.

>>April 26, 2004 at 11:16:51 PM GMT+8

2004 年 4 月 24 日 星期六 【晴】

今朝訓到9點幾醒,之後去食早餐.食完番房做下功課,跟住打左陣機. 1點幾出左去旺角搵莎,我去左剪頭髮先,剪到好短.之後四圍搵野食,食到好鬼飽,食左吉野家,石磨坊,串串香,之後又去旺電同波鞋街逛陣先走. 7點幾番到屋企,夜晚執房執到10點幾,跟住打份會議記錄,12點幾同梓為玩cm.

>>April 26, 2004 at 4:19:37 PM GMT+8

2004 年 4 月 23 日 星期五 【陰】

今朝10點被莎嘈醒,佢話個天咁陰驚落雨,唔去bbq去歷史博物館睇清朝野,之後一起身就開搬晒d野走,搬個機箱出黎裝部新cdrw,整左好耐,o係莎幫助下插晒d線,之後開機都仲未同用到.睇番張說明再整過終於搞掂左,原來我冇set jumper,搞到撞左drive. 整完都1點幾2點,跟住順便執埋d碟,執到4點幾去沖涼,5點同莎出左去尖沙咀個歷史博物館睇野,睇承德避暑山莊文物展,大開眼界,d八旗衫幾型.睇完去左睇下場外d展板,講孫中山,有張孫中山少年時代既相好似古巨基-__-".之後又入左手信店睇下,好多野賣,不過就貴左d. 完左去行左陣尖咀,食左好好食既鮮奶芝士撻同埋椒鹽牛丸,墨魚丸. 8點左右番到莎度,之後佢玩我今日搵番黎玩果隻夢幻西餐廳.玩到10點先落去食晚飯,食完就番屋企,之後就訓.

>>April 25, 2004 at 2:58:30 AM GMT+8

2004 年 4 月 22 日 星期四 【陰】

今朝番到去做功課,仲趕緊d假期功課-__-". 跟住頭兩堂英文,睇debate,sandy,casper,同阿禧對6s,結果贏237:225.第三堂中史,教書為主,不過我又眼訓發作. 小息on duty,最後一日on小息,下個禮拜on lunch,慘死了-__-". 之後文學堂,終於交晒文學功課..楊sir今堂都係教下書同吹下水.第5堂又係中史堂,教到明既制度. lunch上左又一村惠康買野番課室食,食完等左陣就去N房開中文學會.交待晒d野,不過似乎好混亂,唔知下個禮拜既文史週會點呢? 第6,7堂空堂,本來想做功課,不過用晒黎改文史週d問答比賽既問題. 第8堂中化,教到"情與中國文化",呢個題目似乎幾吸引人.放學之後有第9堂,miss beckerling同我地做番會考oral practise,感覺好怪,好懷念兩年既中五生活,之後諗番可以因為f.6有人重考英文所以教番. 放學同sally,suyi,阿正去新世紀食麥記,6點幾番屋企.之後換衫出左去同莎出旺角行,夜晚同佢食埋飯先走.

>>April 25, 2004 at 2:56:35 AM GMT+8

2004 年 4 月 21 日 星期三 【晴】

今朝同莎番學,番到去做左陣功課落左去幫手,中文學會同中史學會將會有大野搞.正如miss潘話齋,我今日做左歡樂先生,上台幫手舉下d茶具,見到自己班d人猛笑,太差喇你地..支持下我嘛~ 頭三堂空堂,做文學既讀書報告,又上網print左d資料參考. 小息去on duty,跟住第四,五堂文學,勁眼訓..要做文學賞析,集中唔到做,今次一定好低分-__-". lunch同佢地去tuck shop買野食,之前見佢地"掩掩養養",跟住小玉一句"拎叉",大致都估到佢地做咩. 之後番上去做左陣功課,同sally出走廊傾下計.入番去課室熄晒燈,佢地成班同我唱生日歌,有咁多人都幾意外..好難為情同埋好開心.. 核核突咁吹蠟燭,切左切蛋糕,跟住收到d好鍾意既禮物,感激大家.食埋蛋糕之後全班冷清晒,因為修geog果d人出trip,冇左14個人. 跟住我繼續好勤力咁做功課,下晝果3堂都變相係空堂.終於做完文學既閱讀報告,英文pastpaper既section E.跟住好累就訓到放學. 放學去左補中史,補到5點半. 走果陣打俾sally,佢都岩岩去完番緊黎,我行去九龍塘地鐵站等佢,去到岩岩好見到.跟住去左佢度,上到去收左佢份禮物. 夜晚同佢食飯,之後傾下計,10點幾先走,好開心既一日! 今日真係好開心,多謝各位幫我慶祝既好友(排名不分先後):阿正,小玉,左輪,主席,阿甄,suyi,rebecca,angues,jody,carrie,emily,show,helen,bonnie同toto. 另外仲有二佬,梓為,snoce,fiona,肥超,傑傑,阿寶,阿末,阿柴,大勝,hety同jocelyn(應該冇漏掛..漏左唔好黎打我XD). p.s.莎,今日委屈同辛苦你喇,好感激你為我默默付出.

>>April 22, 2004 at 4:52:01 PM GMT+8

2004 年 4 月 21 日 星期三 【晴】

如果冇記錯,今日應該係阿舜走左既第一百日,時間過得真係快,轉眼又3個幾月.. 都好諷刺..今日亦都係我既生日,多謝各位好友既留言,o係度送上祝福啦,希望我d朋友都身體健康~ 題外話.. 有d唔開心.. 點解有d人充滿理想,個天要帶走佢.. 有d人就成日灰同覺得自己失敗,而唔知活著既可貴.. 唔嘗試尋找令自己快樂既處方..淨係識怨天尤人.. 如果真係咁慘你仲會o係度? 有咩會比失去生命更慘?到時想慘都冇得你慘! 我當你係fd,特登用成晚同你傾,諗住開解下你.. 你就猛鑽牛角尖,鑽到我度不特止,仲要越諗越灰,諗埋一面.. 失敗一次就話唔會再成功..邊有人未失敗過?個個都好似你咁諗咪大鑊? 每個人都有成功過,你都有,你話自己失敗多只不過係你將重點放左落失敗上面,所以先覺得自己失敗多過成功,你咁諗冇人救到你.. 成熟啦,19都黎緊.. 仲為過去一兩次失敗介懷,前面仲有好大條路俾你行,做咩仲要望番轉頭? 有本未為輸囉我覺得,你好自為之啦,my friend

>>April 21, 2004 at 7:05:33 PM GMT+8

2004 年 4 月 20 日 星期二 【晴】

今日番到去冇啦啦代冇toto on duty,我都未訓醒..咩都唔知就落左門口企到打鐘,好鬼眼訓.. 跟住頭兩堂中化堂就辛苦到我傻..又唔訓得,又迷迷糊糊..好唔容易到轉堂,即刻訓左陣. 好彩第三堂係空堂,不過呢排好多野做,落左搞左成堂,分配同校對中文學會d稿. 小息好free,因為toto代番我on,之後去左籃球場睇coral班女籃練波,放學就比賽,開始有緊張既氣氛.. 跟住兩堂文學,教書同收錢,找到楊sir暈低咁滯..之後派番d文番黎講. lunch上7仔食,食完就番黎幫手練coral女籃,練到打鐘,好鬼熱! 最後三堂英文,謄左兩篇文,跟住仲有少少時間做功課. 放學落去睇佢地練住波等比賽.4點半開始,上半場輸4比2,coral d人打得唔夠放,好拘謹.. 下半場就唔同,攻勢水銀瀉地..結果由驚險到高興,反勝16比8,見到coral贏左我都好開心. 睇完5點幾送莎走,上左佢度一陣. 之後7點番到去,今日係我農曆生日,阿妹懶落樓,結果阿爸就同我落左大家樂食飯,兩父子食飯d feel好得意,有d warm..不過好快食完就走,哈哈,都開心既.

>>April 21, 2004 at 6:25:50 PM GMT+8

2004 年 4 月 19 日 星期一 【晴】

今朝番到去搏命溫中史.好人柴俾左本《歷代政治得失》我,有排睇,都唔知幾時先交到功課..不過可以慳番筆錢. 第一堂空堂,都係溫中史.第二,三堂文學,楊sir先對卷,醒起當初同阿柴打賭測驗高分請食飯,結果..佢請(倒番轉-__-",).之後教下書同講下佢既復活節假之旅d得意野,幾搞鬼.仲有佢叫我呢個掛名科長收錢,冇人俾錢我,就連我自己都冇..哈哈,激死佢.. 小息匿埋一二角on duty,為既係溫中史,跟住果兩堂就測驗喇..其間聽到賣野個阿姑同d學生講左句"你真係串咀呀!",唔知點解覺得好得意. 第四,五堂中史,個測驗題目爆大冷,死晒呀..好彩平日留心上堂都吹到d. lunch無無聊聊同sally,suyi,toto,小玉行左去太子間"真知味"食車仔麵,的確來回都趕得切,番到學校先1點15分.不過我行到扭親舊患,移動力下降-__-",俾大賤人suyi笑. 跟住兩堂中化,作文.最後堂空堂都係冇可避免落去作文-__-",跟住幫sally print野,不過學校d printer仲放緊復活假,搞到我好無奈. 放學同sally,toto,左輪留低睇左場一面倒既社際女子籃球比賽.

>>April 20, 2004 at 6:35:50 PM GMT+8