2004 年 2 月 9 日 星期一 【晴】

今朝訓到6點35分醒左,7點出門口,落到去見有車追左餐,好彩上到車,追車既朝早帶出操勞既一日.. 番到學校7點35分,拎埋書番到班房冇人,好驚.7點45分先見左輪佢地番,左輪諗住落去點名跟住拎書,點知我地點完名就因為門口冇人,我地調左去睇,好無奈-__-". 今朝好多人寫錯體溫表日期,8點10分鐘聲響鄭sir即刻截人,冇左平日既緩衝時間,結果成堆人遲到. 早會校長講左好耐野,又講今朝既遲到問題,的確唔知點解咁多人遲.. 第一堂中化,晨早流流俾阿show篤左出去講藝術品,求求其敷衍了事.之後我叫左suyi出去,佢勁好笑. 第二,三堂中史,sally同小玉教書,教完課北宋初.小息同sally去左買野食,上番去等打鐘. 第四,五堂空堂,第四堂釘埋燈謎,跟住做左陣中史資料題.第五堂toto得閒,同佢出去掛燈籠,原來都幾複雜,搞到一塌糊塗..結果叫埋emily,helen,suyi,小玉佢地出黎整,整到放lunch都未完,冇晏食.就連science班都有人黎幫手掛,好墟撼. 掛好晒都12點半,個燈謎都開始,一開始都幾手忙腳亂,一切都好混亂.搞左一餐安定d,sally幫我買埋飯番黎,就急急忙去食飯.食完1點同sally過番去on duty,好快就派晒d糖,估唔到d人咁踴躍. 之後又兩堂空堂,做中史資料題,聽sally,rebecca,suyi,小玉佢地傾計,佢地好變態-__-". 最後中化oral堂,睇完d人分組討論覺得好似幾難..有d驚. 放學同莎行番去,跟住佢去左釘裝份project. 夜晚食埋飯番房做埋個中史資料題佢,11點做完就上網同打日記.

>>February 10, 2004 at 4:26:00 PM GMT+8

2004 年 2 月 8 日 星期日 【晴】

好耐冇見過太陽! 今朝訓到10點幾醒左,食過早餐上網.下晝3點零莎搵我出去.搭樓下架van仔好快脆,3點半就到尖咀.跟住同莎o係新港同海港城行左陣,又買左d野飲.之後suyi打黎講個project,就同莎撲左去商務買紙,買完紙俾suyi拎番去print,我地又行過街,行到6點零搭車去suyi度,點知佢部printer print唔到,跟住拎晒d野去莎度,駁番佢部printer,奇蹟地又郁得番,之後就係咁print,因為好多頁驚唔夠墨,同佢落左樓買,買完番上去打左陣邊爐我又繼續整,print到10點先print完,不過就釘唔切.. 10點零番到屋企就online,執書包同埋打日記.夜晚上家計會個網發現上次個辯論我地學校贏左,2月26日又要黎一次-__-"..

>>February 9, 2004 at 4:10:32 PM GMT+8

2004 年 2 月 7 日 星期六 【雨】

今日係家長日. 今朝訓到11點幾懶洋洋咁起身,起身食左早餐就玩cm,玩到就2點換衫.呢個時候阿媽都醒左,等佢換衫整好晒2點15分出門口,12A的確幾難等下,等左10零分鐘,2點半上到車,番到去落住雨凍住行,移動力減半.2點50分番到去,入雨天操場簽到跟住就上左2樓,o係個雨天操場兜左九曲十三灣,上到去d人到晒,連我後面既小玉都打我尖見左先.結果等埋toto見完,我係最後一個見家長. 基本上miss poon都好客氣,都叫幾維護我,不過阿媽唔會咁易滿足.今次再全部pass,不過未太盡力,下次要俾心機.之後俾阿媽"哦"住走,然後我就自己落九龍城買番本英文書,阿媽去將軍澳.買完書上左莎度湊細路-__-",6點零走. 番到去今晚打邊爐,屋企唔係好識食,只有幾兜丸,食到我傻.夜晚番房成晚趕中化project趕到1點收工,都算係咁啦..!

>>February 8, 2004 at 5:29:00 PM GMT+8

2004 年 2 月 6 日 星期五 【雨】

今日訓到1點先醒,起身食左d野就開機玩cm,玩到3點零沖涼,4點就出去等莎,諗住同佢去尖咀.我o係九龍城行左陣,佢5點半先番黎,果陣落緊雨.之後上左佢度,7點零落左去幫佢買monday同飯. 之後莎想出尖咀,跟住就同佢出去,送佢搭埋車我就番屋企食飯,食完飯又玩cm到夜晚訓.

>>February 7, 2004 at 5:19:31 PM GMT+8

2004 年 2 月 5 日 星期四 【雨】

今朝又係7點40分番到去,不過冇落雨,但都陰陰地天. 今朝個早會勁長,簡直補番尋日冇早會既時間,我同左輪行到傻.今日阿禧同jaffen又遲到啦,呢個禮拜既第二次. 頭兩堂英文,做listening,好眼訓既關係做得好辛苦.跟住空堂,落去做晒速讀佢,因為今日交. 小息o係課室吽,跟住兩堂文學,好開心又上完兩堂.臨落堂作左篇短文. 因為聽日有中二同學既專題研習既報告展覽,今日下晝其他人可以早走.但係sally係girl guide聽日要on duty,今日要參加採排.我就留o係課室趕中史功課,趕到3點半做完,4點零sally採排完就同阿正,carrie佢地一齊走. 跟住我番屋企換衫再出去,買左d野俾sally食. 今晚sally去食晚飯,去尖咀北京樓,我地先去尖咀行左陣,去到碼頭果邊見到維海激光show,有埋煙花,都幾靚,睇到d人嘩嘩聲.食到9點零走,送埋佢番去10點零,之後我都番屋企.

>>February 7, 2004 at 6:24:14 AM GMT+8

2004 年 2 月 4 日 星期三 【雨】

今朝7點40分番到去,落住雨,又凍,拎埋書就去on duty.同左輪行到打鐘,好彩今朝落雨冇早會,可以on少一日. 今日頭三堂空堂,做文學功課,睇書,之後又去整coral個borad,小息o係課室,出面凍到傻. 小息之後兩堂文學,教書,好快就兩堂. lunch上去左新世紀食大快活,食完番到去坐左陣就打鐘.跟住上中史,sally同小玉出黎教書,幾蝦碌又一堂. 最後兩堂空堂,諗住做功課,做下篇速讀俾miss so叫左出去整coral個board,但係冇封board既膠,o徙氣.隔左幾分鐘佢又黎過,原來搵到喇,我就同suyi,toto出去整,凍到想死,整到放學. 放學之後留o係度做文學功課,左輪,阿禧,emily佢地今晚有個辯論比賽,我諗住去睇.做完文學功課都5點,佢地都就佢出去,5點45分出去,不過miss ho timimg好差,去到就6點半,差d遲到,校長都有黎睇. 入左間細房仔,個辯論幾激烈,對方個主辯勁惡又勁誇勁極端,講d野嚇死人.阿禧緊張左d,左輪表現得幾好,emily就有大將之風.之後sally,jody同angues台下發問,人地又答錯野,益晒我地.原來emily打定輸數,不過有機會贏,置諸死地然後生,勁!最搞笑係結果要「下星期初瀏灠家計會網頁」. 完左辯論7點半,同sally搭111番去,同佢食埋飯就番屋企. 歌莉生日快樂~

>>February 7, 2004 at 6:07:57 AM GMT+8

2004 年 2 月 3 日 星期二 【雨】

今朝起身食埋藥就番學,去搵莎拎埋中文學會要用既紅色畫紙.今朝好鬼凍,又落落地雨,番到去8點零,凍到我震騰騰..上locker拎埋書番課室就打鐘. 第一堂文學,原來尋日我冇番果兩堂已經完左課書-__-",教左d課後同開新書.第二,三堂中化,miss poon先叫我地出去講一件藝術品,跟住果堂講oral分組討論d野. 小息同莎傾計同食藥.小息之後兩堂空堂落左去,幫emily睇下佢辯論d稿,都唔識搞..盡力啦聽日!知其不可為而為之.之後做左少少文學,跟住猛搵書諗住今晚做. lunch去左新世紀食,天氣好似凍過朝早..-__-",食完行番去果陣想死. lunch之後三堂英文,去左mmlc,呢排d英文堂易過左好多,唔覺唔覺就落堂. 放學..留o係度整中文學會d野,因為toto徵召晒d人幫中史學會,搞到我要開OT,好彩佢都叫好人一個,幫手寫左唔少.寫完見sally未走得做埋文學個閱讀報告,做到6點零搞掂一齊走人. 8點幾食飯,食完飯食埋藥,跟住番房online,打日記.

>>February 4, 2004 at 4:28:59 PM GMT+8

2004 年 2 月 2 日 星期一 【雨】

今朝訓到6點幾醒,發發地燒,所以朝早阿爸打左去學校幫我請假.跟住我繼續訓,訓到9點零醒,食左早餐順便食埋藥之後又訓過.12點零醒左,熱到流左成身汗.1點零落街買飯食,原來出面好鬼凍..食完飯食藥,但因為d藥有d係4個鐘食一次,有d係6個鐘食一次,所以下晝1點食完之後,3點同5點又要起身再食藥. 食完又訓左陣,訓到7點幾先起身.跟住去沖涼,沖完涼就食飯,食完飯番房執聽日番學既野,本來諗住用今日做功課,但係咩都做唔到-__-".

>>February 3, 2004 at 2:04:09 PM GMT+8

2004 年 2 月 1 日 星期日 【晴】

今朝訓到6點40分先醒,今日要on早既duty,所以急急忙搞掂一切出門.7點出門等車,上到車冇位坐,我就求其搵個位企,發現miss so坐o係隔離.. 落車行番去學校都未開門,等左陣先入到去.好耐未試過咁早番去,清早番去人少少既學校,有種好懶洋洋feel. 拎埋書番課室見左輪都番左黎,跟住落去on duty,本來守門口,又係門口..-__-",之後我同vice prefect講我病唔睇門口,廢事播菌..結果就同左輪上左三樓,行到打鐘落番去.今朝早會有升旗禮,由prefect升旗,不過升得怪怪地,因為音樂未完支旗就升完,但話晒都係第一次,都算咁上下啦. 第一堂中化,對卷,咳到我傻,勁辛苦..鼻水又再現.我今日比尋日更加病..中化堂之後一路聽唔到書,跟住兩堂英文,分組討論番d作文,左輪同主席兩個結果同miss tang不歡而散. 小息好累,o係課室訓左,之後交校刊既錢.小息之後中史堂,好唔舒服..結果半訓半聽之下過左兩堂,miss yim好好人咁都唔阻止我恰下恰下. lunch同阿正,carrie上左又一村買飯番學校食.番到去去左tuck shop食,食到1點15分拎番條pe褲俾阿正. lunch之後文學堂,楊sir跟緊大單野所以冇上堂,諗住有得訓下,跟住阿柴拎左d中文學會貼board既作文俾我,勁大疊..睇完差d暈低,於是我快快脆脆分配晒d文俾佢地對,咁又一堂. 最後兩堂空堂,諗住對完稿訓得,點知miss so話要搵番coral借drama club既一d化妝品.我同小玉上左去天台,吸左勁大堆塵..咳到我傻.之後落番library,對埋d文,終於有得訓下,好開心..訓到落堂放學. 放學交埋d文就去擺書落locker,跟住搭車落九龍城買紅畫紙,之後上左去探莎,佢仲係好病.跟住傾傾下我見佢檯面有張量度體溫既貼,貪得意拎左黎量,一量發現我發緊燒,38.5度..呢個事實證明學校張體溫量度表係廢既-__-",邊有人真係朝朝走去度,所以可以話完全係冇保障.. 果陣5點零,我冇咩錢o係身,於是諗住去排夜晚既街症.之後sally同我講九龍城廣場有間西醫有義診,$50左右,於是同佢落左去睇睇.去到有開,登記埋就睇,個醫生都幾盡責,我5點05分入去,5點25分先出番黎.佢勁有心機睇症,仲問得好詳細,之後開左5隻藥同醫生紙俾我. 睇完上番莎度,抖左陣食飽食埋d藥,退左燒但係仲咳得好利害.8點半番屋企休養.

>>February 2, 2004 at 2:43:24 PM GMT+8

2004 年 1 月 31 日 星期六 【晴】

今日延續陸運會既後遺症,病左.聽講好多人都病左,聽日可能大把人請假.11點醒,一起身就打噴嚏,咳過唔停..不過手手腳腳都冇尋日咁酸痛. 起身食過早餐就online,玩左陣fifa,之後俾阿爸話左幾句. 1點零阿妹話要買冷衫,阿媽叫阿妹買,我又想買過件,宜家果件又短又起粒,於是1點零鐘就換衫出左去買.莎話佢附近有間唔錯,我就去左佢附近買.買完2點零,上左佢度探下佢.莎今日又病得嚴重左,今日佢發發地燒,猛嗌唔舒服,我陪佢陪到5點半就走,本來佢今日唔知話emily約左佢出去,好彩emily冇搵佢,唔係都唔知點算.. 番到去食埋飯食左芒果同菠蘿,跟住番房攤左陣,8點半online睇下人日記同打番日記.

>>February 1, 2004 at 1:17:37 PM GMT+8