2004 年 3 月 18 日 星期四 【陰】

今朝遲左出去,番到去7點50分,不過今朝請左假唔on duty,因為準備個中史debate,阿智冇番到學,搞到好亂,flora頂上. 早會去番on duty,第一堂空堂,落去同toto勁寫個稿,打鐘岩岩好寫晒.第二,三堂文學,教左陣書,之後果堂講份文學賞析. 小息留o係課室做最後衝刺,整下d資料,阿柴都搞掂佢個稿. 第四,五堂中文,一開始就辯論,miss yim請左miss陳,鍾副校同牡丹姐姐,又話校長會黎,呃人既-__-",不過校長冇黎定番d. 經過一堂一面倒既辯論比賽,emily同阿柴都做得幾好,我就非常不濟,miss yim最後話和氣收場,佢話想我地了解雅片戰爭多d,所以唔計輸贏. lunch冇出去食飯,sally話肚痛,跟住落左tuck shop食左少少野,之後上番去就同佢同班長左輪落去校務處搞早退手續,等左一陣佢先出黎,跟住送佢去門口,之後番上去課室"聯誼".. 跟住兩堂中化,第一堂分組討論,之後我果組我俾人推左出黎講,但係我地又咩都冇討論過,結果我俾miss潘發惡鬧,好慘-__-".第二堂講番上次做篇演講辭,然後改正.結果最後果堂空堂做改正同同埋toto做左少少速讀. 放學拎左功課,之後拎埋疊notes俾阿正就走.

>>March 20, 2004 at 10:52:58 PM GMT+8

2004 年 3 月 17 日 星期三 【陰】

尋晚做中史搵資料搵到1點半抄到好眼訓先去訓. 今朝o係對面馬路目送住兩架12A一齊連住走,吹脹,亦都見證左我悲哀既一日. 等左5分鐘有車,點知番到足足比平日遲左10分鐘先番到去,搞到遲左on duty. 仆過去on到打鐘同on埋早會,今日sally主持早會,做得好好呀,好叻. 第一堂空堂,上網搵中史debate d資料,跟住兩堂英文,做下group discussion又過左. 小息之後中史,教左一堂書,跟住中化堂,又係教書,都冇咩特別. lunch果陣sally唔舒服,所以我同toto同佢出學校門口買飯就算,番到去食埋同左輪,阿禧,toto佢地玩啤牌,之後阿禧去做功課,angues接力玩. 玩到打鐘,跟住文學堂,教左大半堂書,之後派上次做既文學賞析.最後兩堂空堂,撩晒中史debate d資料同影印俾佢地,跟住寫自己份稿,越寫越冇心機..唉. 放學去左中史補課,補到5點半左右,俾sally問到d重要既point,當場頹晒-__-".. 之後sally病病地,又去左富山村睇醫生,睇完送番佢番去就番屋企.番到去冇心情做debate d野,基本上冇得拗.. 夜晚阿柴打黎問番中史debate d野,講左陣講番俾佢聽就收線,唉,我地不約而同覺得唔好輸得核突就得..

>>March 18, 2004 at 5:01:40 PM GMT+8

2004 年 3 月 17 日 星期三 【陰】

心力交瘁的一天,很忙碌亦很沮喪. 想把時間停止三五七天,我很想無憂的抱頭大睡一場,就算有三五七小時也好.. 告天七大恨 一恨不能團結如散沙 二恨沒有責任放飛機 三恨士氣低落各自忙 四恨獨力難支無人幫 五恨通宵達旦尋資料 六恨心力交瘁無力回 七恨自己不爭氣 沮喪 盧巧音 心知道有路尚要趕 身體卻拒絕彈起床 事後我討厭自己 不會反抗 讓我很沮喪 當天氣那樣地晴朗 當工作照樣十分忙 事後我討厭自己經濟狀況 每次我也知道什麼錯 每次我也知錯不改過 怎麼偏偏知道難過 怎麼不可安心出錯 急於到處賣弄眼光 小把戲過份露鋒芒 事後我討厭自己 不會收放讓我很沮喪 只知道有話就要講 不懂去漂亮地隱藏 事後我討厭自己 不按狀況 每次我也知道什麼錯 每次我也知錯不改過 怎麼偏偏知道難過 怎麼不可安心出錯 當失控憤怒沒法擋 將好友當做練靶房 事後我討厭自己 粗魯兇悍 讓我很沮喪 小波折放入大染缸 騷擾各界受盡驚惶 事後我討厭自己 不夠硬朗 好多個晚上睡在床 想想怎可不沮喪 一想到 馬上很沮喪

>>March 18, 2004 at 5:01:04 PM GMT+8

2004 年 3 月 16 日 星期二 【雨】

今朝番到去又係on duty. 第一堂中化,教書,開始聽得似有d唔知講緊咩,藝術真係難明..第二,三堂中史,教書,佢好有系統將清分開幾部份,所以好清晰好易記. 小息去試咖喱燒賣,真係幾好食,不過買$5似乎唔抵. 跟住空堂,落左去做英文功課,做完晒睇報紙睇到落堂. lunch上到又一村買飯,之後番去食,sally,rebecca佢地幫阿show慶祝生日,幾得意.之後食完飯同左輪,阿禧,阿show玩啤牌,之後又加入sandy,casper,rebecca齊齊玩cum綿胎同七級豬,好刺激. 跟住兩堂空堂用左黎睇書同訓,好眼訓.最後中化oral,我地成班遲左上去俾miss潘話-__-".今次又唔到我,下次十成有我份.. 放學同toto去搵miss yim問debate d野,反方果然好有難度,問左冇耐唔知點問就走.. 又落雨喇,好開心,好想淋雨!

>>March 17, 2004 at 5:19:00 PM GMT+8

2004 年 3 月 15 日 星期一 【晴】

今朝番到去on左成朝duty,好痛苦,睇門口真係苦差,睇到我眼都花-__-". 早會同左輪行左成朝,頭兩堂英文,做comprehension做到好眼訓.跟住中史,講書講到落堂. 小息之後文學,得一堂,所以好趕下.跟住又係中史堂,對番d測驗卷,全班都好似好高分咁. lunch去左7仔食,我兌現番我既承諾,就係食麵!番到去同左輪捉棋同玩啤牌直到打鐘. 跟住兩堂空堂,執番好中史個folder.跟住中化堂,教書,臨尾好眼訓,jody讀報果陣我恰著左..俾眼利既miss潘發現左-__-". 放學仲有第9堂,上左堂幾好笑既oral堂.之後同莎走,趕得切去銀行交錢. 之後我同莎一齊整左朱古力糯米滋,好好食.

>>March 17, 2004 at 3:40:38 PM GMT+8

2004 年 3 月 14 日 星期日 【晴】

尋晚同二佬,青口同莎玩msn玩到3點先訓.今朝我仲要早起番學,好欏命..7點已經出門口,呢兩個禮拜又on番朝早.番到去7點35分,課室一個人都冇.拎埋書就勁背文學,7點50分點名,諗住唔駛守門口可以背下書,點知我竟然四次朝早中三次門口-__-",呢兩個禮拜又食屎了. 頭三堂空堂,諗住背書不過背唔到,多得小玉同莎一人一句..小息起勢咁背. 跟住兩堂文學堂,第一堂默書,勉強還可以..第二堂就講番d作文同讀書報告. lunch去又一村7仔叮飯食,食到有d怕,聽日如果都係去7仔死都要食杯麵.番到去無無聊同左輪捉波子棋,又用波子棋玩無聊遊戲到打鐘. 跟住中史,對派番既功課.最後兩堂空堂拎左d中史落去執,執晒發現少左份,原來上次冇番果日都有份功課即堂交,之後同toto玩波子棋. 放學同莎走,去佢度上左陣網.7點零佢入將軍澳食飯,我送佢去搭車然後番屋企. 夜晚食埋飯玩cm,之後沖完涼就勁玩fifa,跟住1點先打番日記.

>>March 15, 2004 at 5:26:16 PM GMT+8

2004 年 3 月 13 日 星期六 【晴】

今日10點幾起身,食早餐食到好飽,食完做功課,跟住玩左陣cm就食lunch. 下晝過莎度,睇左午間劇場《富貴逼人》,雖然細個睇過好多次,不過睇番都覺得好好睇,好搞笑,笑到傻. 睇完同莎去油麻地買整蛋糕既用具,跟住去旺角行,食下野之後去田園睇書,跟住番去,又去百佳行左陣,裝修左既百佳幾靚仲有埋試食區,幾專業.. 之後6點幾番屋企,夜晚食埋飯背書,背左成晚都係得個桔,好無奈之下online打番d日記先.

>>March 14, 2004 at 3:35:52 PM GMT+8

2004 年 3 月 12 日 星期五 【陰】

今日訓到11點先起身,今日個頭既右邊勁痛,搞到成日都混混噩噩,都唔太記得今日做過d咩,印象中等緊二佬同青口請我行街食飯.下晝玩cm,玩左成個下晝.夜晚出去同莎食飯,陪多佢一陣就走.

>>March 14, 2004 at 3:51:34 PM GMT+8

2004 年 3 月 11 日 星期四 【晴】

今日又係聯課活動日.今朝同莎番到去拎完書我就開始做番中史,本來諗住5點半起身做,不過5點半醒左醒跟住我按熄鬧鐘又訓過.. 頭兩堂中化,今日做聆聽練習,今次都幾難,我又遊遊地魂,之後對答案,差幾題未對打鐘落堂.跟住空堂落去撩中史essay,有好大進展,專心咁勁寫,一路寫,寫埋個小息. 跟住文學堂,份中史essay做到楊sir黎岩岩好做完.文學堂先講課後練習,印象中係講過,答案都mark埋,不過由得佢啦.11點10分左做文學賞析,做到12點10分收卷,跟住都放學. 放學同阿正,carrie,suyi,sally去新世紀明將食lunch,坐坐下傾到2點15分先走. 跟住我番屋企換衫,夜晚同莎去粗菜館食飯.

>>March 12, 2004 at 4:39:16 PM GMT+8

2004 年 3 月 10 日 星期三 【晴】

今日係聯課活動日,F.6冇野做,只係要番半日,所以都幾無聊.番到去頭三堂英文,基本上今日都只係得英文堂..做完listening落去mmlc睇《衰鬼上帝》,都幾好笑,睇左兩堂,不過睇唔晒. 小息去完廁所番去訓下,打鐘之後有香港足毽會派人黎教踢毽,睇落幾好玩,等佢示範完我就拉左輪一齊出去玩,跟住阿禧,主席都出埋去,踢左陣連sally,angues都出黎玩-__-".之後話自己分組玩比賽,我地聽到即刻番位坐,不過坐低發覺好鬼熱,曬死,曬到11點50分先走得. 上到去上埋班主任堂就放學. 放學去莎度食飯,3點零同佢搭車去旺角,行左好多地方,腳都軟,之後6點幾送佢番去陪多佢陣就走. 番到去食埋飯,夜晚10點幾做做下中史訓著左,之後索性去訓.

>>March 12, 2004 at 4:29:12 PM GMT+8