2004 年 2 月 28 日 星期六 【晴】

今朝9點幾起身,可能睡姿唔好,一起身唔知點樣扭親條頸,初初仲以為"訓禮頸"諗住訓多陣醒左就冇事,點知都係好痛.出廳同阿爸講,佢叫我捽藥油. 捽完我就去訓過,11點零醒,依然好痛,個頭直頭轉唔到右,郁d都痛到想死..一路攤住,咁岩莎打黎,同佢傾到12點半,最後o係餓到胃痛加頸痛既交纏下,用掌上壓既形式起左身去食brunch. 1點零食飽唔想訓,廢事起唔到身,所以online上網同打cm,跟住2點零做vocab,做做下阿媽話去將軍澳探阿公.於是擺低d功課忍住痛入左將軍澳,cheap cheap阿妹懶出街就看門口. 去到3點半,見到阿公好瘦..就連講野都冇氣力,個鼻酸左酸..之後睇左陣電視,阿爸阿媽佢地班大人傾計,坐到6點零走.阿婆叫我落樓下睇跌打,去到見到好多人排,冇耐性等就走左.搭車番到屋企果頭,見到又有間跌打鋪開緊,就同阿爸阿媽落車去睇. 入到去好快有得睇,俾人o係背脊o係頸位拔罐,阿媽好搞笑以為條友想搵火燒我-__-".整完敷埋藥條頸俾人包到好嚴重咁,不過吸完真係冇咁痛喎. 番到去就online同埋同莎傾電話,跟住上網搵midi轉vos. 7點零食飯,之後又番房做下功課同online打定日記.條頸仲好痛,聽日唔駛番就好lu..

>>February 29, 2004 at 12:29:02 PM GMT+8

2004 年 2 月 27 日 星期五 【晴】

今朝11點幾醒,沖埋涼換衫,12點45分過莎度.o係佢度上左陣網,之後幫手整洗衣機,搞掂晒2點半出去. 同莎去旺角行,睇書同睇衫,去過潮流,瓊華,最後去聯合,又一路掃下街,食到好飽,行到6點零去旺角街市買送番去煮黎食,d送同上個禮拜一模一樣,又係海鮮餐,莎真係專一-__-". 食完睇左陣電視我去上網,之後冇耐就走,番到去玩cm玩到1點幾先訓.

>>February 29, 2004 at 4:14:43 AM GMT+8

2004 年 2 月 26 日 星期四 【晴】

今朝搭車撞到miss so同suyi,suyi仲好好笑唔知道兜左前望一眼,隨之而黎係一陣既驚嚇,笑死. 今朝同莎番到去7點50分,跟住上到去拎埋書食左輪整俾謝sir既蛋糕,幾好食,食左幾舊.之後落去早會有d肚痛,哈哈..早會宣佈謝sir要離職,全場掌聲持續好耐,場面幾令人感動,證明佢都受到同學既歡迎,可惜一個好老師就咁(俾人迫?)走左. 第一堂中化,收到時間表下個禮拜會調堂,煩死..岩岩先記熟原有個時間表又要轉一個禮拜,之後教書教到落堂,左輪又畫左幅畫,我同佢同阿禧都分別題左首詩.. 第二,三堂英文,首詩傳黎傳去-__-"..miss tang叫我地做practical skill,好煩既一part,全班都冇咩心機做,兩堂英文就o係一片熱鬧中完結. 小息落去on duty,依然有好多人打羽毛球,行行下唔覺唔覺打鐘,跟住同rebecca入library拎明報,小玉完全唔做野! 上到去見到黑板畫晒野,因為跟住兩堂係由謝sir教既business study既最後兩堂,佢地話教半堂書就搞farewell.我就去上中史堂,兩堂中史教書同傾資料題,呢排d中史幾好討論氣氛. 落堂番到課室見人簽咭俾謝sir,我雖然未俾佢教過,不過知佢好人都寫左d野俾佢.lunch又去食河粉,最後一日可以出到咁遠食,下個禮拜我要on lunch既duty.食完carrie同suyi有野做行番去先,我地就慢慢行,番到去睇sally同toto捉棋. 跟住文學堂,派番默書同測驗,默書創新低既分數,跟住勁問suyi點改正,哈哈!講埋測驗就落堂,最後兩堂空堂做下功課,同莎有d爭執. 放學番去換衫同上左陣網,5點零出去,去到九龍城莎等緊我,跟住上佢度坐陣,本來諗住去食buffet,之後打電話問過見冇位同個優惠延期所以決定遲d去.跟住睇陣報紙又陪佢睇佢尋晚錄既《陀槍師姐4》.睇完同佢去土瓜灣食飯,食完送佢番去. 去到9點50分,陪佢睇今晚既《陀槍師姐4》跟住先走.

>>February 27, 2004 at 4:47:06 PM GMT+8

2004 年 2 月 25 日 星期三 【晴】

今朝醒左o係電話聽到莎把聲,有種好得意既感覺. 溫住中史去等佢,番到去7點45分.跟住我繼續溫中史,溫到打鐘落去早會,早會有反校園暴力既白絲帶動運,d人上到去幾好笑. 第一堂中化,教書,好快又一堂.跟住兩堂中史,第一堂測驗,出安史之亂,但溫得唔熟,吹得好痛苦.第二堂教書,教到要分組討論果陣打鐘,慳番. 小息同rebecca on duty,好優閒咁四圍行,我地都發現今日操場有好多人打羽毛球,比起平時多好多倍,廢事俾人打中既關係,我地冇行埋去.打鐘見校長好落力四圍走,我地都唔敢偷懶. 跟住空堂,同toto捉波子棋,佢唔服輸,好搞笑.之後幫emily睇辯論d稿,睇到打鐘. lunch去太子食河粉,食完去左超群,見唔到suyi想買既包就走.番到去睇辯論d稿睇到打鐘. 跟住又兩堂空堂,落左去library冇耐,miss ho唔教書,之後叫番sally上去傾辯論,我都上埋去幫手,傾晒兩堂.最後中化oral,果然有我..其實分組討論都冇個人短講咁驚,驚係驚有dead air. 班主任堂有特別活動,就係今朝早會宣傳左既白絲帶運動,請埋明報記者黎影相,我就唔知發咩神經望左鏡頭俾人影左張..-__-" 放學留o係度等去睇emily佢地辯論,我同左輪,toto捉棋,之後又同阿柴捉象棋,5點零同toto拆board釘番d新紙上去,做左一邊,聽朝早d番去整,因為聽日要交貨. 跟住成班人5點25分o係學校出發,有miss ho,emily,左輪,阿禧,sally,jody,angues,rebecca,阿柴同我去.我地行去九龍塘地鐵站,搭地鐵過灣仔.我張八達通好神奇咁o係九龍塘入到閘但o係灣仔出唔到閘,要去客戶服務中心搞一輪先出到去. 跟住過隔離上去等辯論比賽開始,我地上左間會議室等,之後校長突然出現打氣. 6點半個辯論開始,正反雙方都幾激烈,不過似乎友方個形勢好d,emily又一路做錯題目,漏左"制度"兩個字,都幾大鑊..結果又係下個禮拜先有,吹脹..不過我地都覺得會好大機會輸.. 之後同莎去左佐敦行同食米線,食飽送佢番去同上去坐陣就番屋企. 番到去阿爸話澳門個堂姐岩岩走左,聽到話佢黎左都幾意外!之後番房打日記.

>>February 26, 2004 at 4:11:06 PM GMT+8

2004 年 2 月 24 日 星期二 【陰】

如果大家多手click左去 http://www.jokeworld.biz/index.html 而中左毒, 可以去呢個網址睇隻病毒既資料: http://www.hkcert.org/valert/chi_vinfo/w32.bizex_worm.html 亦都可以到trendmicro網站去清病毒: http://housecall.trendmicro.com/housecall/start_corp.asp

>>February 26, 2004 at 4:32:49 PM GMT+8

2004 年 2 月 24 日 星期二 【陰】

今朝6點起身,沖埋涼換校服就出門口番學,落到去岩岩好有車. 同莎番到去7點45分,跟住溫文學,溫到打鐘.早會之後有校服檢查,出左去幫手. 跟住兩堂英文堂,今日第一堂聯埋6S o係雨天操場搞debate,經過一堂既激烈辯論,6S贏左.sabrina好勁,好有氣勢,英文又講得勁.jeffery d英文好笑,引黎全場矚目.第二堂番課室上堂,講番上次個group discussion,zita同阿稀,左輪佢地不斷攻擊反方,哈哈. 第三堂空堂落左去溫文學,小息同rebecca on duty,行到打鐘番上去.跟住文學堂,測驗.11點測到12點,做到11點40分左右,突然見到檯面有滴血,舉手同楊sir講完又繼續做測驗.做到12點收卷,跟住楊sir見少時間冇教書同我地傾下計吹下水. lunch去新世紀大家樂食飯,終於脫離河粉.食完番到去5個人捉左round波子棋,跟住左輪同我講幫我報左名參加波子棋比賽-__-". 跟住空堂同sally,suyi捉波子棋.之後中史堂聽書,有一場都幾激烈既爭辯,我發現中六係訓練我地同人鬧交既一年-__-".最後中化堂教書. 第九堂唔知去邊度上,結果四圍搵,miss tang又話english corner,去到佢又話係6S課室,但係去6S課室又唔岩,6S d人o係晒度,結果用左好耐先搵到課室,遲左好多先入去,入到去都寫唔切,好彩dr. beckering補番時間俾我,等埋最後一個(我-__-")present完就放學. 跟住上番班房幫emily佢地一齊諗聽日場辯論點打,傾到6點半先走.之後同莎行落新世紀睇野,睇完同佢搭車走,走果陣有d雨水喎.. 夜晚番到去食埋飯洗埋碗睇左陣電視就番房online同打日記.

>>February 25, 2004 at 3:59:03 PM GMT+8

2004 年 2 月 23 日 星期一 【晴】

今日頭三堂空堂,同sally上網搵debate d資料,第三堂上左去搵miss lee幫手,之後番library.過左陣miss lee好好人咁拎左d notes黎俾我地參考. 小息同自己落去on住duty先,行行下見到rebecca就同佢行,打鐘清埋場就走. 跟住文學堂,楊sir以為今日測驗,拎晒紙同試題上黎,最後先知擺烏龍..好搞笑,結果上堂教書,好彩佢有備課,得閒fun下幾開心就過左兩堂. lunch又去太子食河粉,今日冇食酸辣米線,食牛腩麵,之後走又入左間餅店買芒果班戟食.sally同suyi都買左奶皇包. 跟住中史堂,miss yim教明既中央集權,好快又一堂. 最後兩堂空堂,同toto捉波子棋,本黎同佢互有輸贏,玩到第八堂我同jaffen去搵楊sir問番課文教左d咩.教完番到去3點15分,同toto再捉,跟住呢幾盤都係我贏. 放學俾toto捉住1 on 1對戰,之後左輪,阿禧,jaffen,casper同toto玩多round.玩完去睇番debate d野,跟住俾emily捉左我玩催眠,催唔到,因為我聽到d人偷笑..勁賤. 跟住又同左輪,阿禧捉象棋,留到6點零走.同莎去左新世紀大眾,行到7點零送莎番去,上左莎度一陣先走. 夜晚番到去食埋飯洗埋碗睇左陣電視就番房online同打日記,之後又同莎上sina打牌.

>>February 24, 2004 at 5:29:19 PM GMT+8

2004 年 2 月 22 日 星期日 【晴】

今朝6點35分醒,5分鐘後莎打左黎,估唔到佢咁早醒到.之後7點零出門口,去到佢等緊我,跟住一齊番學.番到去食藥水同做埋news cut佢,做完打鐘落去早會. 第一堂文學,楊sir見家長唔駛上堂,我同阿show,jaffen,阿柴,阿智捉波子棋,玩左2 round都打鐘.跟住兩堂中文,第一堂教書,第二堂對上次做既速讀既答案. 小息食左輪個m&m's 蛋糕,跟住同rebecca on duty,o係地下行黎行去,見到謝sir都on緊duty,又見到好多人同佢傾計,呢d都係之前冇架.人往往就係o係失去之前先會去珍惜,見謝sir個笑容幾歉疚都幾心o翕. 跟住兩堂空堂,落左去幫sally同suyi斟水,之後同toto捉盲棋,呢排我地班幾好捉棋風氣,我呢個曾經既英華棋王又復活,哈哈哈. lunch又去食河粉,佢地食到中毒上癮咁,今日又係食酸辣米線,今日果碗冇之前咁酸或者咁辣,岩岩好,果然好似sally話齋漸入佳境.食完番到去同左輪捉左兩盤象棋連下兩城就打鐘. 跟住三堂英文,miss tang冇番,不過都要作文,我同左輪都用左兩堂就作完.跟住之後趁sandy去廁所我霸左佢個位同左輪玩波子棋,玩完一盤俾sandy趕走,原來佢都玩.之後同toto傾計傾到落堂. 放學同莎行去樂富,我地行浸會條路去,行番落樂富,上吉之島行.行完5點零行番落去佢度,上左佢度上網,之後食左d野同捉左陣波子棋. 夜晚番到去食埋飯洗埋碗睇左陣電視就番房online同打番日記,之後同莎上sina打牌.

>>February 24, 2004 at 12:10:42 PM GMT+8

2004 年 2 月 21 日 星期六 【晴】

今朝訓到11點零,起身食早餐,兩個菜肉包,食完睇報紙,之後番房打機.lunch食炒飯,星期日竟然有lunch食.食完玩cm,阿爸出左去同阿妹拎成績表. 玩到2點半沖涼,3點半出去,o係九龍城行左陣,o係間日本城見到幾樣得意既野,不過都幾唔等駛,所以冇買.之後莎黎左,上左佢度.同佢食野,捉波子棋. 6點半同佢落街,送佢去百佳之後我都搭車番屋企,番到去6點45分.食埋飯洗碗,夜晚做news cut同上網,上到11點零同sally去sina打牌,佢訓之後我自己玩到2點幾先訓.

>>February 23, 2004 at 3:05:07 PM GMT+8

2004 年 2 月 20 日 星期五 【晴】

今朝訓到11點俾個電話嘈醒,起左身食埋野就開機玩cm,之後莎又打黎,同佢傾到1點零,跟住又上左校網睇番中六迎新日同prefect camp d相,原來好多人都唔同左樣. 睇到就2點換衫出去,去到莎度2點20分,佢果度好多人,佢打緊牌,我一路坐o係隔離睇佢打牌,邪住佢搞到佢輸錢..哈哈=P. 打完牌都5點,同佢落左樓行個圈買d野,跟住之後又諗住同佢出去行下,最後決定去買送黎煮今晚餐飯,同佢去九龍城街市見唔到佢想食既野,就山長水遠走左去旺角街市買,買埋都6點幾就番去,番到去放低野又出左去買波子棋同象棋-__-". 番到黎都就有得食,玩左round波子棋去食飯,豁隻手出去食海鮮,食得好飽,食完繼續同莎捉多陣棋先走,教左佢開棋同點行得快,莎學得好快,好叻~

>>February 21, 2004 at 7:09:12 PM GMT+8