2004 年 4 月 18 日 星期日 【晴】

終於放完兩個禮拜復活節假,放到個人都懶晒.. 今朝好唔想起身番學,不過都6點45分起左身,之後去接莎番學. 番到去熱到傻,但係唔夠26度冇得開冷氣,跟住都係做下功課,果然大部份同學都未做完功課,不過似乎大家都真係有做d,搞到我驚驚地.. 第一堂空堂,做功課,第二,三堂英文,好眼訓咁做listening. 小息落去on duty,原來守tuck shop都幾好賺,d人跌錢都好型咁唔執番走左,有2蚊,有5毫,就連送貨位TCBY阿叔都嘩然. 第四堂中史,教左陣書對功課,份功課好高分,破晒紀錄.第五堂中化,講實用文,sally俾miss潘用黎舉例,呵呵.. lunch去太子食,食完番到黎又做功課. 第6堂文學,終於有冷氣開,真係等到過左26度先有冷氣-__-"..今堂聽楊sir教書..不過飯氣攻心,好眼訓.第七,八堂空堂,落去傾住計做功課,終於搞掂多一樣,不過仲有好多樣未做,好彩好多deadline都係星期五或者月尾. 放學同莎走.

>>April 19, 2004 at 4:41:17 PM GMT+8

2004 年 4 月 17 日 星期六 【陰】

今朝訓到12點半先起身,跟住下晝猛做功課,不過4點幾開左903聽,之後聽饑饉營個閉幕音樂會,一路聽到8點去食飯,食完飯應酬班表弟表妹,10點幾發現部腦虧左,邊趕功課邊搞部腦,搞到11點幾,結果電腦暫時冇事,功課就做唔切.. 算啦,我諗班入面好多同學仔都未完成功課..一齊死啦,哈哈~

>>April 18, 2004 at 4:55:59 PM GMT+8

2004 年 4 月 16 日 星期五 【雨】

今日又係一年一度饑饉三十既日子. 年年都好想玩,因為年年o係收音機度都聽到個營d氣氛好好,同時又近我生日既日子,當過一個難忘既生日都好,不過好多原因令我去唔成. 年年饑饉都多災多難,上年遇到SARS,前幾年試過打風,今年都唔例外,今年饑饉又同對上幾年一樣遇到落大雨,都咪話唔邪..可能個天想磨練下班人啦,又或者唔想佢地熱掛? 話分兩頭,今日下晝4點零同莎去旺角行,越行越大雨,佢想去果間o係chic之堡既鋪頭終於開左,不過原來d野好貴. 之後去左兆萬行,落到B2間叫"the sweetland"既鋪頭發現好多寶物,睇到莎好開心,之後佢買左幾樣野好心滿意足咁番走,不過佢仲見到盞tinker bell燈好想買 出到去仲大雨,見都濕晒,跟住去行埋瓊華同izzue,最後去埋先達先走. 夜晚同莎又去左海司食飯,之後去佢度陪多佢陣就番屋企. 饑饉個網:http://30.worldvision.org.hk

>>April 18, 2004 at 4:56:53 PM GMT+8

2004 年 4 月 15 日 星期四 【陰】

尋日掛住玩隻winning 7冇打日記,玩到3點幾4點先訓. 今日醒左之後冇耐過左莎度,佢都岩岩醒.中午同莎去海司食lunch,間野好好食,服務又一流. 下晝同佢做功課,之後4點零行下九龍城廣場,買下野食,又去左百佳買料,佢諗住整酥皮蘋果批,d餡唔難整,不過個酥皮就難度幾高,因為莎買果包酥皮已經放左幾個月-__-",本來係一片片宜家變左一舊野,結果我地磋得好辛苦.整埋焗埋8點左右先有得食,食落都ok,係賣相差d,第一次算係咁啦~ 之後同佢食埋飯去地茂食糖水,食完番屋企.

>>April 17, 2004 at 3:53:01 AM GMT+8

2004 年 4 月 15 日 星期四 【晴】

forward email既得意野.. Google大玩野: 1) Go to www.Google.com 2) Type in -- weapons of mass destruction-- (DON'T hit return) 3) Hit the "I'm feeling lucky!" button, NOT the "Google search" an error message will appear.......don't hit 'back'.......... 4) Read the "error message" carefully - the WHOLE page. Someone at Google really has a sense of humor. 如果成功應該會去到呢個網址:http://www.coxar.pwp.blueyonder.co.uk

>>April 16, 2004 at 4:46:15 AM GMT+8

2004 年 4 月 14 日 星期三 【晴】

今日下晝去左旺角一日遊-__-",同莎行左好多地方,商場..我都唔記得邊度打邊度,由1點行到6點幾,腳都軟,不過幾開心,因為去旺電我買左隻pc版既winning eleven 7 international,又有新game玩lu~

>>April 17, 2004 at 3:52:48 AM GMT+8

2004 年 4 月 14 日 星期三 【晴】

o係阿寶日記見到,跟住無聊玩左: Green You are a very calm and contemplative person. Others are drawn to your peaceful, nurturing nature. Find out your color at Quiz Me! Your score was 90/180. 1,349,218 people have taken this quiz. And 471,372 got Green like you.

>>April 15, 2004 at 12:46:58 AM GMT+8

2004 年 4 月 13 日 星期二 【晴】

尋晚冇咩點訓,好多野打擾我訓,hoho..結果5點先訓. 今朝7點15分就起身,今朝要去尖沙咀賣旗.同莎搭van仔到旺角再轉地鐵去.去到岩岩好8點15分,跟住同佢上左去A出口一路行一路賣. 開頭我同莎都好驚,d人成日詐詐諦行開.不過賣到第一張之後信心都大d,成朝就一路行一路賣,都幾開心,有d人好好禮貌,有d人就好主動行過黎買,其間仲見到paco喎!不過賣到10點左右,我突然俾個阿姐捉住sell野,佢猛向我噴口水,我已經猛話"係","好呀"之類敷衍佢,佢都仲好有心機..認真敬業樂業.我又猛話我賣緊旗,佢就話好快講完,結果好耐都未講完,阻住我賣旗.好彩莎醒目,佢見到我被人纏左好耐就行過黎幫我解圍,條友又真係即刻走左,不過臨走仲要加句"下次再傾",救命-__-".. 11點左右去匯豐交旗袋,之後同莎去新港行,跟住又去the spaghetti house食lunch,食到好飽. 食完之後就同佢番去,下晝我返去訓覺,好鬼眼訓..訓到夜晚6點幾先起身,就即刻出去,莎果陣搵完媽媽o係東涌出番黎,我去巴士站等佢,點知懶醒擺左烏龍,早左好多落去等,不過出面好涼,d風吹得我好舒服. 買左蛋撻同佢食,陪佢番去留多陣就番屋企. p.s. rebecca生日快樂~

>>April 14, 2004 at 8:23:05 PM GMT+8

2004 年 4 月 12 日 星期一 【晴】

尋晚自己玩now game玩到1點幾去訓.今朝訓到10點幾起身,拎左d功課出黎攤就online.同emily icq到12點零去食lunch. 下晝過左莎度,陪佢整芝士蛋糕.跟住夜晚6點零7點就同佢搭車去阿甄度.今晚約左出黎去幫阿甄慶祝生日,有阿正,carrie,suyi,sally,stella同我. 去到8點零打邊爐,幾開心既一個晚上.suyi好激..佢同阿甄媽媽好搞笑,好激既對話..跟住suyi又嫌sally d公仔,結果d公仔就猛o係佢個袋出現,最後佢都被迫拎左隻走,哈哈~ 11點零同莎走,送完佢自己番去.番到去玩左陣now game就訓. p.s.小玉生日快樂~

>>April 14, 2004 at 8:22:08 PM GMT+8

2004 年 4 月 12 日 星期一 【晴】

人生如戲,歲月如歌. 人生如戲,每個人一生都在演他們自己的戲,一幕幕的動魄驚心,一幕幕的高低起伏. 歲月如歌,偏偏時光匆匆,不是每一個人都有歲月能讓他們盡"演"所長,譜出他們完美的故事. 歲月如歌 陳奕迅 曲：徐偉賢 詞：林夕 改編詞：劉卓輝 編曲：劉志遠 愛上了 看見你 如何不懂謙卑 去講心中理想 不會俗氣 猶如看得見晨曦 才能歡天喜地 抱著你 我每次 回來多少驚喜 也許一生太短 陪著你 情感有若行李 仍然沉重待我整理 天氣不似預期 但要走總要飛 道別不可再等你 不管有沒有機 給我體貼入微 但你手 如明日便要遠離 願你可以 留下共我曾愉快的憶記 當世事再沒完美 可遠在歲月如歌中找你 再見你 背向你 眉頭多少傷悲 也許不必再講 所有道理 何時放鬆我自己 才能花天酒地 抱著你 我說過 如何一起高飛 這天只想帶走 還是你 如重溫往日遊記 但會否疲倦了嬉戲 天氣不似預期 但要走總要飛 道別不可再等你 不管有沒有機 給我體貼入微 但你手 如明日便要遠離 願你可以 留下共我曾愉快的憶記 當世事再沒完美 可遠在歲月如歌中找你

>>April 13, 2004 at 5:53:12 AM GMT+8