2003 年 12 月 25 日 星期四 【晴】

今日訓到11點幾,終於訓得番假期應有既起身時間.下晝同梓為玩cm玩到5點幾,跟住同佢出左黃埔陪佢去剪頭髮,之後莎同佢媽咪飲完茶行完街黎左搵我,同佢行左陣黃埔,不過梓為個頭好襟剪,莎趕住走就番左屋企,我都等到7點零佢先剪完出黎. 之後同梓為去九龍城食飯,叫埋莎黎食,期間傾下梓為d煩惱野,之後又去三聯睇左陣,9點零先走.

>>December 27, 2003 at 4:55:23 PM GMT+8

2003 年 12 月 24 日 星期三 【晴】

Merry Christmas! 今朝11點幾先醒,仲係好累,喉嚨痛又嚴重左..起身屋企一個人都冇,跟住online同打番d日記.下畫1點幾去沖涼,沖完個涼個人醒番唔少,喉嚨都好似好番好多. 跟住2點出去去莎度,去到陪佢玩三國立志傳,邊玩邊講d三國故仔佢聽,佢好似聽到好有興趣咁,之後我病病地訓左陣,醒左見佢上緊網搵左三國演義黎睇,我就揀左幾篇情節緊張既講佢聽. 之後玩worms 3D,比起worms難玩,3D好難瞄敵人,玩左幾round..跟住成晚又俾佢捉住講故講到12點幾先走-__-". 番到去屋企我以為我係最後番屋企所以鎖左鐵閘,點知訓訓下聽到門鐘響,原來阿媽同阿妹去深圳岩岩先番到,搞到要起身開門,睇下個鐘都1點幾2點..之後on左陣line再去訓過.

>>December 26, 2003 at 4:45:35 AM GMT+8

2003 年 12 月 23 日 星期二 【晴】

今朝好唔開心,係呢個幾月黎最down既一日,好彩一路有莎陪我傾住電話同俾我癲下..多謝你. 一起身就俾心情唔好既阿媽鬧,轉頭又鬧阿妹,搞到我都勁憫,阿媽又用佢自己覺得冇錯既理論黎鬧人,唔同佢嘈,因為冇用..結果我成朝執房,下晝食埋晏繼續執,跟住1點幾表弟搬左佢部腦上黎俾我整,搞到我勁忙..分身整下機同執房,3點幾搞掂部機,跟住執房執到4點幾,清左一大堆notes,跟住拖埋地沖完涼就6點就出左去.去莎度等埋佢7點出去佐敦,等齊人(阿正,sally,suyi,carrie,阿甄,stella同我)7點45分去食米線,好好食.食完行落尖咀,等埋阿甄個好朋友,就行去海傍,果度勁迫,迫左勁耐先入到去買飲野,d人勁無良,擺明坐地起價..買2罐野飲就冇左$15,不過見聖誕大家開心就算啦~之後過海運影相,等到12點倒數埋行番出去,途中撞到波子同津少,津少個髮型勁型,同佢地傾左陣,跟住見到阿寶同阿siu,同佢地去新港,因為sally想..-__-" 今晚個喉嚨勁乾勁辛苦,成晚都講唔到野,一講幾個字就走音,好似太監咁-__-"..去到新港見到阿梅,dora,方少同司徒,佢地傾左陣之後就番屋企,行番去佐敦搭van仔,送埋sally番去,o係車度好好訓.. 之後搭的士番屋企跟住好累就去訓. 祝各位睇我日記既人聖誕快樂~ 唔睇唔祝! =P~呵呵~

>>December 25, 2003 at 4:59:28 AM GMT+8

2003 年 12 月 22 日 星期一 【晴】

今日8點零先起身,8點50分去同莎一齊番去補課.以為遲到去番去,點知番到去一個人都冇..之後先知原來9點半先開始補課,補到12點走.跟住飛番屋企.部電腦個cd-rom壞左,1點半同sally拎左部機去高登整,勁混亂..去到有個人點我地去黃金地庫,首先我地搵唔到間鋪,跟住我又趕到跌到張單,好彩後尾叻叻既sally搵番,跟住個cd-rom又俾人屈左$150,對於已經好窮既我黎講簡直係雪上加霜..整到3點幾拎得,跟住搭9個字巴士番屋企,番到去裝番d driver,6點幾就同sally走,夜晚去左莎屋企打邊爐,食到好飽,11點左右走,番到屋企裝番d driver 搞到4點幾先有得訓-__-".

>>December 25, 2003 at 4:24:36 AM GMT+8

2003 年 12 月 21 日 星期日 【晴】

今日有英文補課要番.今朝7點45分醒左,搞掂晒一切8點50分到左sally樓下等佢,附近有位警察叔叔o係度,我企左陣佢就埋黎問我做緊咩,我答左句搭緊人就俾人查身份證啦.. 勁無奈,我個樣都唔古惑啦!係咪先各位?咁大個仔第一次俾人查身份證,都係sally唔好,咁遲落黎要我等到俾人查..仲要岩岩查緊果陣sally佢就出現,俾佢見到,果下勁瘀.. 位差人叔叔見sally黎知我係等緊人同埋要番學校就即刻話好快,吹脹..果然抄一抄低d資料就走得,不過都搞到差d遲左,飛的番去. o係車度俾d人笑,諗番可能係我個樣善良得好似小綿羊佢先抄我姐,見佢本簿都寫左好少野姐~就正如我做prefect果陣,抄唔到紅紙我都覺得自己唔掂,點都會搵隻綿羊開下刀既. 自我開解完講番今日,9點零番到去到門口俾人截,校服不整要除褸,凍個半死..之後9點40分開始做listening past paper,跟住俾左d假期功課,做到12點先走得. 之後同sally去左又一城,佢要買聖誕禮物俾人,逛左陣去page one買埋就走.跟住去左佢度,食左lunch就玩隻三國立志傳,玩到6點半走.佢出去食飯,送佢搭車我就番屋企食飯,食完番房online打日記.

>>December 22, 2003 at 12:44:23 PM GMT+8

2003 年 12 月 20 日 星期六 【晴】

今朝訓到7點零醒左醒傾左陣電話又訓過,9點半又俾電話嘈醒,跟住起身發現全屋冇人o係度,好驚..仲以為係星期六-__-".. 唔知係咪唔夠訓既關係,今日成日個人都暈暈地,暈左成朝,下晝暈住同sally,阿miu由太子去深水埔買cheer d野,點知去到咩鋪都冇開,街邊檔又因為無線拍劇清場而冇一間有開,勁冷清.. 之後好無奈咁同佢地行左去石硤尾,出九龍塘,再經太子,落旺角去睇其他野,結果都係白行一趟..跟住送莎番去,又去左百佳,星期日去親百佳就不得了,上個禮拜已經笑到肚痛,今個禮拜諗到呢個禮拜我地會好慘之後就笑到行唔到.. 之後上左佢度一陣睇佢打左陣機就番屋企食飯,夜晚玩san6.

>>December 22, 2003 at 12:26:51 PM GMT+8

2003 年 12 月 19 日 星期五 【晴】

今朝訓到8點起身,沖埋涼執埋野8點35分出去,8點50分到莎樓下,佢8點55分先落黎.今朝要番學校補課,9點鬆番到,等多陣miss yim就開始教書,教到11點半完.之後同阿正,阿佬,carrie,sally,toto去左新世紀大家樂食.食完我同阿正,sally,toto去旺角econ賣書-__-". 跟住又同阿正,sally番學校,下晝到coral練cheer,由2點練到4點走人,同阿正,sally落左旺角行,陪sally搵禮物俾人,之後去左麥記食左d野,又行左陣睇下衫,一路行到7點先番去.同sally番屋企,上左佢度坐到8點半就番屋企食飯,夜晚玩cm玩到12點打番今日篇日記.

>>December 20, 2003 at 4:19:08 PM GMT+8

2003 年 12 月 18 日 星期四 【陰】

好鍾意寒冷既冬天. 今朝又同莎行番學,行果陣交換左聖誕咭,拆黎睇之下行慢左,差d搞到遲到,最後要一路急急行番去.. 番到個個都著得好靚,今日係學校既聖誕聯歡會,今朝都幾凍下,不過依然有d人可以著到好薄好少衫,勁! 8點半點完名過去操場坐,坐第一排,凍到傻,d風真係撲面吹埋黎..首先頒前日同尋日既歌唱比賽既獎,除外高級組合唱個結果驚人左少少,其他都算正常..之後一連串其他環節,個搖搖表演好不可思議..之後莎同我示意有空位,我上左去同莎坐,坐o係人群中暖好多..drama個劇混亂左少少,不過都幾好反應.抽埋獎10點50分完,番班房繼續聯歡,食完野玩左陣"遊戲"就放學. 放學之後同阿正,sally,suyi,carrie去左九龍灣,約左阿寶出黎.佢地去左睇《無間道3》,sally想買野俾人冇去睇,我就同佢去德福同淘大行下街,之後去左食粥.食完阿正打黎話睇完去join番佢地,sallyo係呢到買唔到,跟住諗住去聯合睇,結果齊齊去左聯合,逛左好耐,其間我同阿寶傾下佢o係英國果面d生活,原來都幾得意,問左好多野,不過其實都幾慘..始終離開左熟悉既地方去一個陌生既地方生活喎.. 行到5點零行左去旺角,阿正o係其間"vanish"!好神秘..之後我地無聊去左星際睇game,carrie話the sims出左3級版,又真係俾佢搵到,睇到封面都幾搞鬼.之後6點半就解散,送左莎番屋企. 呢排icq有番d人氣,因為好多人由外國番黎過聖誕..唔覺唔覺,原來我有唔少d傾得既net fd都去外國讀書:haze,小離子,二汪等等,往年聖誕都係多得佢地先冇過得咁平靜,welcome back~ 話時話今年個聖誕比上年有氣氛,11月尾已經佈置晒,行商場商店都一片christmas既裝飾. 聖誕真係個幾sweet同幾warm既節日,不過都可以係個好cool既節日..其實都係睇你用咩心態去迎接佢. 我上年自己就覺得"Lonely Lonely Christmas",今年就.."Merry Merry Christmas"=P. 祝大家merry christmas!

>>December 19, 2003 at 3:56:03 PM GMT+8

2003 年 12 月 17 日 星期三 【晴】

今朝6點55分起身,同莎行番學. 今日頭兩堂英文,對番上次做past paper listening d答案,跟住果堂唔記得做過d咩,淨係記得寫左張邀請咭俾楊sir(有d老人痴呆..死喇).第三堂空堂落左去溫文學,不過通常geog空堂都過得好happy,結果溫唔到書.. 小息做最後掙扎,都冇咩溫過入腦,小息之後兩堂文學,又測驗..兩日前先測完,只怪楊sir d timing..不過唔緊要既,吹到水都得啦,臨考之前收到上次份卷,分數都好滿意,令到我今次都寫得好起勁. lunch去左新世紀大快活食,之後番到去收文學既買書錢同默書簿. 下晝係中高級組sing con既final,今年d人唱得麻麻..不過依然有吹波娛樂大家,一路去到3點20分完,番到課室收埋文學d簿同錢,放學擺完書交晒d野俾楊sir,之後就落左去太子同旺角行街,行到7點送莎番九龍城同佢再行多陣,7點半搭車番屋企.

>>December 18, 2003 at 1:42:02 PM GMT+8

2003 年 12 月 16 日 星期二 【晴】

今日番學都唔記得做過d咩,過左去就算啦~ 放學1點零果陣on duty撞到阿siu同阿寶番學校搵miss喎~仲約左得閒上阿寶度玩~

>>December 18, 2003 at 12:36:00 PM GMT+8